小肥牛火鍋活魚專門店 (已結業)

跟朋友去打邊爐, 先知有間咁好味的小肥牛首先上枱係個刺身拚盆, 魚生味道鮮美, 新鮮程度非常, 個螺片我特別喜歡, 好鮮甜!配料必揀的是十蚊一碟的安格斯牛背脊, 原價要七十八蚊 一碟有十八九塊, 兩個人可以叫一碟食, 四個人就兩碟 話就話入口鬆化, 不過其實無咁誇張, 只係因為切得薄, 所以入口就溶化了, 但係都幾有牛味, 而且十蚊, 抵食呢墨魚滑係另一必叫之選, 用個銀杯裝住, 自己用更界開一件件放入煲內, 熟左之後食彈牙非常! 好好味跟住推介仲有個芝心牛丸, 都係味道好好, 牛丸包住卡夫芝士喺中間, 煲完之後芝士喺入面溶左, 咬落去幾好食, 之但係牛丸有好重果皮味, 所以我又無咁喜歡其他如皇帝菜, 烏冬, 豆腐, 粟米都係愛嚟飽肚, 放在魚翅湯底食, 好好味只係"好好味"三個字, 都講左幾次, 你話好唔好味?魚翅湯底唔知係唔係因為好受歡迎, 我地叫完隔離枱想叫已經賣哂, 好彩

哇! 自從上次食完, 覺得小肥牛d野好好食, 於是再同朋友去食小什錦刺身拚係必叫之選了, 每次都係咁好食, 魚生好新鮮, 不過今次赤貝好似細塊左湯底今次轉左蕃茄湯同元西皮蛋, 因為上次食過的沙爹太甜, 一蚊既安格斯牛背脊, 當然唔會錯過啦 另外叫左牛丸, 鯪魚球同墨丸什錦, 鮮蝦滑, 骨髓, 烏冬 (用嚟醫肚)最抵讚係, 食完仲有生果盆送, 無收錢 想唔再幫襯都難lu

跟友人打邊爐, 選擇了小肥牛湯底係四川麻辣兩溝芫莤皮蛋, 太辣就過皮蛋嗰邊中和吓, 最佳配搭, 這兒的湯底味道不錯, 麻辣湯用料足, 辣得嚟香味四溢配料店員介紹安格斯牛脊肉, 只係一蚊碟, 點會唔叫, 淥熟之後食, 味道真好 脂肪同肉比例均稱, 好想叫多一碟食, 不過無特價了, 引死人墨魚滑係另一得意傑作, 自己用枝更畢, 熟左之後勁彈牙, 肉質又鮮甜, 加上蟹子, 爽上加爽, 一流!迷你刺身拚有新鮮的北寄貝等, 最好食係幾件好似黃色的魚春連住的魚肉, 得!再加上烏冬, 津白等飽肚食物, 好滿足咁食左一餐勁

而家雖然已經廿幾度, 但係都無打沉我去打邊爐既興緻一行四人去小肥牛打邊爐, 鍾意佢既活魚刺身, 真係好新鮮, 不過今次食係佢既小什錦刺身拚, 有喜靈魚, 北寄貝, 螺片同赤貝, 全部都好新鮮, 好好食湯底係蕃茄湯配馬拉沙爹, 鴛鴦底多一個選擇, 馬拉沙爹比較偏甜, 因為佢係馬拉式, 所以甜係正常, 味幾夠, 煲到乾乾地再加水都唔會淡, 證明用料夠啦配料一定要叫個一蚊既安格斯牛背脊, 雖然細碟, 但係肉質好正, 有點雪花牛既風格, 肥瘦適中, 打邊爐佳品!仲要叫係個墨魚滑, 用個雪糕杯裝住, 自己用支更筆落去淥, 好爽口, 仲有d蟹子黐住墨魚肉, 食既時候仲有bark bark聲既效果添!小肥牛係咁多間打邊爐店我最鍾意既一間, 好好食

舊同學gathering，火鍋就是最佳選擇(當然唔可以放題啦，因為時間太短，不能盡興！)同學一早book定房大家烚吓烚吓book嘅時間很早，所以差不多是晚市第一檯客人，包房有獨立洗手間。大家一坐底立即order食物，手切肥牛、手打墨魚滑、手打蝦滑、炸腐皮卷、美國桶蠔、芝心牛丸、黑栢葉、餃子等等...，所以火鍋配料都很新鮮，很有用心之作，特別係炸腐皮卷，放落湯中滾一滾，即食，很正！仲有點了兩客刺身拼盤，好新鮮，價錢亦很抵食，不錯！酒水方面，本來promote朝日大啤廿蚊3枝，勁抵飲，可惜包房客人要$12一枝不過能座得舒舒服服，大家吹吹水，比多少少$，相信大家都唔介意！服務方面，不錯，阿姐們都勤勤力力。(但我相信會其他客人受到不禮對待，受到有禮務服都係要睇彩數！因為其中一位同學在食火鍋數天前幫趁過，book九點，十點四先能入座。)

上星期同兩個老友去小肥牛打邊爐, 我第三次光顧喇! 但同第一次嚟真係好大分別!!! 我哋book咗7點準時到, 唔多人, 無人等位仲有吉枱. 其實早幾日前已經好期待, 因為小女子好鍾意打邊爐, 當日lunch都無食飽,為咗可以大刷一餐!! 點知.....為咗嚟食牛叫咗鴛鴦湯底牛頸背十蚊雞一碟(兩個人先可以叫一碟), 師傅刀功一流,切得薄如紙, 但食唔出味道手切肥牛第一輪“正”,但同第二輪賣相差好遠喎,問個侍應係咪比錯咗呀?點解個樣唔同晒?佢尷尷尬尬話無錯,我哋就知中計喇! 呢一輪一睇個樣就知佢"韌"喇!,嘩!點知食落仲"韌"呀!! 朋友們都終於証實咗第二輪一定無第一輪咁好 大家想encore,請三思呀!!白鱔片 都幾新鮮,但份量小咗D炸腐皮 好特別, 值得一試芝士牛丸 唔同咗味呀..... 無之前咁好食!蟹子墨魚滑 有得玩、有得食, 好味彈牙!皇帝菜 未食過, 味道怪怪地,好彩份量小脆脘魚腩 唔新鮮,好腥呀!!!由於無人等位,所以無人趕你走,可以慢慢食到9點半先走人.三個人食咗差唔多六佰蚊, 但呢D食物水準就真係唔抵喇!我諗我唔會再嚟架喇! 再見喇! 小肥牛! 保重喇!

和同事farwell，首次去了同事介紹的 "小肥牛"。六個人，訂左檯1930，本來想訂遲少少，但果度d姐姐又話一遲就要到9點幾，仲話出面大場無位，要book 房，不過，唔收額外費用，只是唔可以叫特價啤酒，咁無辦法啦，都要照訂。準時到達，估唔到真係咁full，vip 房設在3/f，要行樓梯上，嘩，好鬼高呢！！入到房，好有去唱K 的感覺，因房內竟然有獨立廁所，如果有埋電視咁就 perfect 啦！叫左鴛鴦湯底，剛好牛頸背做 promotion，HKD 10，兩個人可以叫一碟，雖然切得頗薄，但就好好味！炸腐皮和炸魚皮都值得一試，其他那些肉丸、餃類和牛牛其他部位都ok (已經唔記得叫左咩部位啦....) ，六個人可以有間房hehehaha，都真係幾 ok，若要叫人落 order ，按個掣就好快有人到。叫左都幾多款式，又飲左5,6枝啤酒，埋單計都係HK 850，同出面話可以任食，但最後要加茶介、加湯底、加醬料........etc......既餐廳，其實價錢都係差唔多。但呢度就可以食d特別d既野，兼有 vip room，絕對值得一試！！

噚晚同左D Friend一行3人 去左太子間小肥牛開餐啦 (我D Friend 都嗜打邊爐) 之前食過都好回味, 點知一試失望再失望 booking 左枱7:00 準時去到都唔系太多人, 記的上一次去貪booking 左枱都要等半個鍾先有位可想言之d食物水準急速下降啦無乜人等位 我哋點左2輪野食(個湯都系鴛鴦湯底ok 啦), 先講第一輪有出名芝士牛丸(d 牛又un 無牛肉味) 好失敗, 美國安格斯牛頸背細到都唔知去左邊一d都無味(唔好題), 炸枝竹ok 啦, 手切肥牛第一次ok 架(第2次 "un" 到無人有), 個善片的6~7 片好快清曬都算啦, 第一輪參不多啦都第2輪d 野食再order 左手切肥牛一d都唔的(都唔知食緊乜野肉 "un" "un" 到無人有, 無肉味我問個d 侍應佢話系咁, 最後倒入個湯做味唔食佢, 再order 善片, 脆肉腩**點知一食d肉好鯹無肉味$48 想叮叮佢**, 水餃一般啦, 皇帝菜不知幾少一個人都可以食的曬, 蟹子墨魚ok 啦不過貪到d粒粒唔知系味馬蹄好似怪怪地, 因為d野好鹹有叫氣水飲.....食食吓都無乜心基好失望下次唔會再去啦

上星期六，我與友人一行七人到太子小肥牛打邊爐。　我們由晚上７時３０分打到１０時３０分左右，開始時，整層（２樓）都是得幾枱人，Why, why, why ??????　後來，才陸續有人。我們叫嘢食多到都唔記得有幾多碟，最後，食到你推我讓啦！　由於食物太多，不能盡錄，只同大家分享以下的食物：鴛鴦湯底：沙爹湯太濃，掩蓋食物味道，所以，我們主力於清湯炸腐皮：一卷卷，好得意，腐皮吸了湯，又香口又有濃濃的湯味，好似食緊有汁的油炸鬼，好食到不得了，但請大家記得腐皮只好灼３至５秒，否則變得淋pat pat；蟹子墨魚滑：用高腳雪糕杯盛住，買相吸引，墨魚滑鮮甜彈牙；立魚刺身（是晚，沒有活石蚌刺身供應）：新鮮（上枱時，條魚仲生）、肉質甜；吃完魚肉後，條魚的頭、骨及尾，仲會用蒜容炸，又脆又香口；瑞士芝士牛丸：芝士好香，灼熱後，融了的芝士”標”出來，真係好好味！但我D friend話淨牛丸仲好味，但兩者比較，我都鍾意芝士牛丸；菜：皇帝菜、唐生菜及油麥菜，新鮮爽甜牛頸脊：有牛味，HK$10一碟，好抵四寶丸：墨丸最彈牙，其他丸不過不失

早一排天氣凍凍地, 加上師傅好約左"花姐"出黎食飯, 咁嘅天氣當然最好打邊爐啦, 而地點亦係由"花姐"發板, 於是就提議黎呢間食店啦, 師傅當然期待啦, 皆因師傅從來都未黎過!一坐底即刻睇下要咩湯底, 最後商量一陣, 就揀左蕃茄湯底, 而食物就柯打左好多唔同款式, 肥牛當然唔少得啦, 仲有韮菜餃, 魚皮餃, 玉子豆腐, 蟹籽蝦丸, 芝士腸, 枝竹, 黑柏葉, 三寶丸同菜!而淨係牛肉師傅就柯打左三款唔同, 有本地手切肥牛, 澳洲和牛同安格斯牛, 三款之中以安格斯牛最靚, 安格斯牛夠肥夠香, 一灼即食, 都算入口即溶, 不錯; 而澳洲和牛亦不賴, 切得又夠薄, 牛身嫩滑, 頗好; 係本地手切肥牛比較差, 皆因切得比較厚身, 同埋肉身比較韌, 而師傅對於牛肉比較有咬口係冇咩興趣, 所以覺得差左少少; 蟹籽蝦丸就好爽口彈牙, 加上蟹籽唔會甩晒, 真係唔錯, 必定要試! 至於其他師傅覺得亦不錯, 可以接受啦!總括黎講食物質素不錯, 環境亦算好, 服務就普普通通, 價錢又唔算好貴, 兩個人埋單每人二百幾, 不過食咁多野, 都算抵食喇; 第一次黎呢間食店, 師傅覺得不錯, 皆因佢地嘅牛肉出色, 如果

除夕夜,即係禽晚啦...同朋友去左太子分店打邊爐,之前打去訂台,佢話得返房有位,無所謂啦,仲好,佢話坐房只係唔可以飲特價啤酒,同最低消費380蚊,都ok呀...咁我地去到,間房仲有獨立廁所tim,係無電視,真係差d...本來都期望可以食d好好味o既牛肉,點知呢,我地叫左三款牛肉,都麻麻地...本地牛肉同花雕醉牛肉,都係好"韌"呀,我d朋友唔滿意啦...我地都退左一碟,跟住叫左碟安格斯牛脊肉,諗住成118蚊碟,都唔會太差...點知...都係麻麻地,有d好肥呀,同埋都唔係特別好食...我地有coupon換左個"立"魚刺身,一黎到,個魚頭仲郁架,有d驚,我就唔食魚生,佢地話好韌喎,吾...其他火鍋料都係一般,炸腐竹就ok,醉蝦都可以,墨魚滑就實左d啦,雲吞都ok,豬肉丸冇味,菜肉餃都係比疑似灣仔碼頭o個d你,所以一般,我仲以為係新鮮包o個d...叫做好食d,係芝士牛丸同個蝦丸囉,幾彈牙...之前我去開元朗分店都覺得ok,但係今次太子lei間真係令人有d失望...我諗我唔會再試了

近到咁。無理由未去過架，皆因經常大排長龍好評不絕，今晚1點心思思唔底得，同生日友人一起去試試。統一黎講真係幾好，製作較其他地方精緻！以下都是必食之選：鴛鴦湯底：可自選，沙爹不錯！由於夜好多都無..瑞士芝士牛丸：一碟約12粒size不大的牛丸內，內裡有pat芝士，味道都幾濃蟹子鵝肝墨魚丸：蟹子在墨魚丸上，一小顆鵝肝則在墨魚丸中央，彈牙爽口炸腐皮：卷卷狀的樣子，從未見過，浸淋dd食落口，又脆又吸入湯汁，正！肥牛：多塊細切，賣相好，味道也不錯粟米：共8舊，配清湯吃來很清甜營業時間6pm-3am，9pm後買三送一夜鬼夜宵佳地~!

要了一個沙爹湯底，個湯幾好，由頭食到尾都有沙爹味．要了兩份$10的牛頸脊，切得好薄，無嘜口和無牛味，雖然平都無嘜用．炸腐皮好新鮮即炸，上枱時好"翠口"，點湯食好入味，不過食多兩件就有d"流"．芝士牛肉丸真係幾好味，d芝士好香．雲吞好大粒，不過過皮比較厚．魚頭好多肉好鮮"正"．羊肉都係切得好薄，無嘜羊肉，另外一個手切肥牛，唔夠淋好實．

第一次來小肥牛竟有房坐~太好了~食物比想像中好呀豬頸肉讚呀~薄得像肥牛應該叫它做"霜降豬頸肉"會更恰當^0^叫了蕃茄牛腩薯仔湯底很足料哦~~本來以為牛腩會很硬事實卻是又多又淋好好味的但比較差的是脆腐皮不香口不脆身還是"海港"的脆腐皮最好他的本地手切肥牛是最差的order了在在枱上卻無人問津厚得像牛扒*

星期四晚同家姐走咗去打邊爐,本人未食過呢間,但見有不少食家都讚多過彈,所以一試.嘩!我哋訂咗檯七點半,去到已經見到門口企咗啲人,但幸好我哋不用等,可以直入.芝士牛丸--牛丸裡面的芝士很多,很香芝士味.蟹籽蝦丸--蝦丸很爽,很彈牙,不錯,必食.牛栢葉--很爽,味道一般.鮮冬菇--一般水準.炸魚蛋--即係炸魚片角.脆腐皮--是即炸的,食法是放一半落湯,再點少許豉油,就可以食到兩種味道,一半是脆,一半是淋身,味道幾特別,眼見隔離檯啲人都有叫,必食.刺身魚--魚本身唔夠鮮味,肉地有啲鞋,不過攞嚟火煱就很好,食完還可以將個魚頭攞去椒鹽,很脆,不錯.刺身牛--切得很簿,牛的味道不夠,有點失望.雪花肥牛--這個雪花肥牛不錯,肉身很淋,亦有牛肉的味道,亦是必食之選.整體食物不錯,但環境比較嘈,可能每一層的地方不是太大,而且檯與檯之間距離很近,所以環境只可以比3分.