小肥鵝火鍋料理 (已結業)

小肥鵝 Oct 21,2015 dinner紫背天葵: 店員話清熱氣，叫左一渣，味夠濃唔太甜，唔錯鵝煲香口，鴨肉夠林，惹味！鮮鵝腸：店員會首先炒碟鵝腸俾你連埋d鵝一齊食，鵝腸爽口帶甘香魚皮：即叫即炸，即食香脆！牛頸脊：味香肉林當大部份人都鐘情雞煲嘅時候，其實鴨煲真係都好出色！食完用黎打邊爐嘅配料非常新鮮，雖然身在深水埗，但食物質素非常高！一定會再去！

朋友生日去試下啦。。。 叫了一個sashimi象拔蚌及魚。好似係$300幾。整體新鮮，鮮甜味可以，象拔蚌夠爽脆。但未係最出色的sashimi 味道。只小，處理算清潔。最後，魚椒鹽處理後送酒。至於其他食品，我覺得只有鵝煲及鵝腸出色，味道好夠。鵝腸的騷味好好。牛，$88的好夠，本地$218反而覺得唔抵食，因為個牛味一般但又收呢個價。丸子可以，但唔好叫黑百葉，爽肚，黃喉等，必定會失望。攪到我都無心機影牛相。老闆（我估）當時送左幾支大啤俾我地，又嚟同我地飲酒，幾nice.

為預祝情人節，原本打算去附近食四川菜，點不知老公話見到有間食鵝煲的都幾特別，去試下咁話！好！反正未食過。當然要食佢呢度招牌肥鵝煲($148)啦，基本上同羊腩煲差不多，無論味道同裡面啲配菜都係一樣，只係變左鵝肉，鵝肉好淋，而且入味。我想食少少辣，店員好友善，另外俾左麻辣醬我加入煲內。手切安格斯牛頸脊($148細)肉質新鮮，好香牛味！！正！即炸嚮鈴($46)講真呢個麻麻地，唔夠鬆脆，唔似即炸，下次可以唔食！薯仔片($24)、娃娃菜($28)、炸枝竹($24)土豆片即係薯仔片，切得好薄，所以好快淋。呢三樣都與平時吃的差不多，唔會有太大問題。北寄蚌($80)放入煲十秒左右，就食得，好甜，爽口！另外醬料每位$10，有辣椒絲、生蒜、炸蒜、蔥粒。總結：食物質素唔錯，而且主要個煲要味道夠香。店員口材了得，主動介紹食物，又夠細心，態度熱情，讚！不過黎得呢啲地方食野，難免會有些小昆蟲，如果衛生程度再作改善會更好！下次要試下其他食材先。

和朋友慶生日聽朋友介紹說這間火鍋不錯主打是鵝煲 又不貴雞煲就成日聽成日食鵝煲就真係未試過一行六人 就決定來此食飯了一早就已訂枱雖然遲到了少少 但也不用等位地點也算方便 和地鐵出口大約5分鐘路程被安排了樓上閣樓的座位樓上環境不算太好 而且往樓上的樓梯也有D危危乎下次訂枱我會指定坐下層的一開始 先點了鵝煲 也聽取了介紹點了鵝翼 鵝腸 鵝腎粒(此篇全無圖片 全部都係自己先食 相機無份食)鵝煲好吃 主要是他的汁底惹味而且因為餓了 鵝翼上枱 都等不及放進鍋裡就直接開吃接下來 鵝腸 腎粒原來侍應阿姐 會幫我地即場係煲裡"炒"熟D鵝腸.腎粒務求係個最好食既時間 入我地既口鵝腸半帶肥膏 非常好吃惹味但一人一條已KO鵝腸就唯有番CALL腎粒 食左兩種熟度 一開始A侍應 話腎粒可以食食到類似半生熟 又軟又爽既感覺 (我本人接受而且覺得正 但朋友接受唔到半生熟)後來 就係全熟 就淨番爽口感番CALL鵝腸 鵝翼 炸支竹炸支竹同個鵝煲非常夾誠意推薦 食完又再叫多碟單係食鵝煲 都已經食到半飽但係 重有第二階段既火鍋未開始呢拼盤牛肉 四寶丸 流沙蝦丸 鱔片 水魷魚 皇帝菜 烏東拼盤牛肉超正份量比我想像中多而且質量好

又係同班朋友仔出動搵食既時間~ 雞煲, 豬骨煲, 牛腩煲食得太多, 食左都唔會推介.今次呢個鵝煲真係值得介紹比大家~ 鵝煲個味道幾濃(似柱侯醬+磨豉醬既味道)帶微甜我地5個人, 鵝煲係一個例牌既, 冇分大細, 一煲係1/4隻~ 另加一份掌奕就係大煲, 掌奕炆得好淋, 好入味叫左份肥鵝腸, 老闆仲過嚟教我地點整先好食 (另外會跟一碗鵝煲既醬, 因為加左鵝腸會有水份, 之後會淡左, 所以跟埋碗醬~ 正~手切肥牛肉, 都可以既~ 我就覺得比較細碟........菜肉餃~ 細細粒, 味道唔錯.蝦滑~ 爽口鮮味豬肺~ 整得好乾淨又夠身, 加落去都幾好食~條絲立刺身, 不覺不失, 可以最後我地嗌左, 1個烏冬, 1個公仔麵~ 吸晒D汁, 正到爆炸另外我地有飲少少啤酒~ 5個人, $230/人其實唔算食好多野, 如果真係要食, $230應該唔得~

今個星期既天氣, 真係討厭討厭又討厭 !一向討厭冬天既我, 當然要食番D好野暖下胃!咁岩聽人講呢間野既鵝同鵝腸好食!咁就上網搵相睇啦, 睇落果然肥美!跟住一行三人, 就出黎黎呢度食野啦!由於怕多人, 所以早一日BOOK左8點半!我地早左半個中去, 唔算好爆, 安排座左去樓上 !細細間鋪, 雖然唔大, 但都OK , 地方都光淨 !一座低 ! 望下個MENU先~~間錢都唔貴呀~ 職員推介海鮮~~不過我黎呢度一心係食鵝呀, 內藏, 特別D既野~所以都無乜點叫海鮮, 只係叫左個聖子~! 6隻~~一人二隻~~首先講下叫左咩先啦~叫左   。一個鵝煲   ,  OK既, 但唔會有驚喜囉, 係幾香既 !。一碟手切新鮮牛肉 , 唔錯呀, 細細塊, 肉質都OK, 係唔夠肥 。六隻聖子 ,   普普通通啦~。手打流心蝦丸 , 呢個幾好食, 入邊有咸蛋黃,本人至愛。響鈴 , 呢個有驚喜, 配埋個酸甜醬, 可以番食 !。肥美既鵝腸  , 唔洗講啦, 睇相就知正, 不過本人可以食再肥D既鵝腸。默魚滑 ,   點都好過飲食果D~哈哈。鮮蝦雲吞  ,  漲卜卜, 幾多蝦, 好新鮮, 我中意食 。娃娃娃娃娃娃娃娃菜係

在深水埗揾食選擇有很多，不過今次兩支公決定要揾D新鮮感。路經小肥鵝時，時間尚早故無需等位，我地就決定唔食雞煲丶肥牛，試肥鵝。招牌鵝煲一D都唔失禮，香軟又充滿鵝香，再加埋肥鵝腸，真的十分滿足。不過，試左推介的鵝粉腸，我們一致認為麻麻地，唔太岩囗味。味道是甘香，但有點油膩。反而豬三寶及即炸響鈴就交足功課，響鈴甚至比小肥牛好食。建議店主可增加多些去油膩飲品及多些大檯，總括來講我地都好欣賞此小店。招呼亦非常好及細心。

用鵝做煱底打邊爐？我個人覺得非常掂。「招牌鵝煲」(大煲$178半隻，細煲$118)半隻夠六人用，汁底用了花椒、八角、四川調味料等做成，鵝肉是很滑及入味。鵝用的是「獅頭鵝」，肉味特別濃，每隻六斤重，光是吃這鵝煲已飽了一半喇。。。吃完鵝肉，我們還加了豬骨湯底打邊爐啊。「獅頭鵝鵝腸」$58必看老肥嘟嘟不好看，將鵝腸淥30秒即入口，是超好吃！質感爽脆油潤，是完全不用點任何醬汁已很夠味。「法國鵝肝」$86又是淥30秒，拿起即吃。說真，這個沒有想像中好吃，我覺得問題是鵝肝太軟身，淥完後軟腍腍，沒有入口即溶的效果。「手打流沙蝦丸」$78這個也是好東西，手打蝦丸夠彈牙，餡料是鹹蛋黃加鮮忌廉，味道似奶皇包的餡，一咬爆漿，鹹香惹味，同 DaDa 飾演的「爆炸糖」有提揮。「小肥鵝」，值得大家一試。

喜歡食鵝既朋友, 真係要來試下啦!我男人介紹這間打邊爐, 佢話佢食過, 不過去到又唔覺得佢識叫哈哈, 我估佢聽人講好食咋卦!  哈哈我們五人, 叫了個大鵝煲, 煲內預設少少菜和鵝件, 一人三兩舊有肉的都好夠煲內的湯真係好惹味好滋味, 隨後加左清湯都冇損其惹味滋味度我覺得唔肥膩, 雖然我們應職員推介叫了鵝腸一齊忟左食先, 但都唔怕像豬骨煲咁油驚喜的是响聆!新鮮即炸起, 送埋甜酸醬真係好好食, 香口醒胃!手打四寶丸也是悅目又新鮮好味反而肥牛和牛柳粒就自不然相形見拙了, 但都不是次等貨色值回價的! 冇茶供應, 叫了兩jar甘庶汁, 唔會過甜又冇收加一埋單八百幾蚊覺得好抵食好飽飽!!早知多叫份細的象拔蚌刺試下師父刀功啦!哈哈哈!抱歉冇影相給大家睇睇!愛鵝朋友, 何妨一試呢? 

最開心一班好朋友一齊食好野, 環境乾淨企理, 伙計服務週到, 野食仲好好味添~一開波就食返個鱆紅刺生先, 條魚上枱介識郁架, 生猛到爆.伙計熱烈推介象拔蚌刺生, 好爽口, 勁抵食.限量發售既鵝煲, 鵝肉超淋, 超入味, 可惜冇辣煲, 如果唔係應該超野味九肚魚超肥超多肉又大條, 同鵝煲湯底超夾又一間好好味牛肉, 牛肉味濃厚, 師傅刀功超強, 厚薄適中極力推介水餃王, 入面係冇豬肉既, 唯一既餡係"蝦", 冇錯, 只有蝦 only. d 蝦仲要係超彈牙既.我唔記得左呢個餸叫咩名, 但係佢超好食, 佢d油炸鬼係淥極都唔會淋, 仲超脆添呀.

因OPEN RICE唔通過食評所以修改字眼囉!!粗體為修改字眼同女朋友係附近住諗住凍凍地打下邊爐,去到門口真係把幾火,門口聚左班"金髮男士"坐住架車,出口"認識"我女朋友,本來諗住黎食野唔理D"不斯文人士",點知原來依班人係鋪頭員工黎,講真佢似"不斯文人士"多過似打工,見佢間鋪得我地都唔好意思起身走唯有叫野食 2個人小小地叫左招牌肥鵝煲食,諗住唔夠再叫,個煲係深水既價黎講都唔平$118,可能無客既關係食物上枱都快, 但同上面會員講既一樣鵝肉數量就好少但好多 骨就,得 鵝頭2大件,重慘過食大家樂,d鵝又唔令,無鵝味重要收我118,好不幸咁一樣叫左個鯇魚皮勁腥 滾極都得陣腥味,重要一路打個時班員工大聲講細聲笑,又不停望住我女朋友,食到背脊骨落,跟住都唔敢再叫,寧願返屋企煮多個公仔麵好過貼錢買難受,食物質素唔係話勁差既,只係唔值依個價,但最重要既問題係最好換左班員工囉,成班"金髮人士"係門口,真係得我有勇氣入黎,= =我女朋友都俾佢地嚇到急急腳想走,百幾二百蚊我黎食你俾返我就差唔多= =返到黎諗住打食評,見佢全部好評,"都奇怪架啦,但發現佢d評家,全部得一個評論,咁我就唔奇怪點解咁多好評啦"

之前睇咗東方報紙嘅介紹所以走去深水埗想試吓咩……….. “鵝煲” !可能肚餓關係一去度已急不到order咗嗰鵝煲先 , 再order其他嘢…… 話咁快就有得食 , 食落去覺得D鵝肉好嫩好入味有輕微辣, 冇諗過原來鵝煲都可以咁好味 , 一個字 “正” .我同D朋友都好鬼死喂食 , 知道有魚生剌身食 , 立即order咗條鮮魚剌身食吓先 , 雖然size唔算大條 , 但D肉質好有口感 , 非常之新鮮 超鮮甜. 至於嗰魚頭就攞去椒鹽 .“ 諗番起仲回味緊條魚剌身 “其他打邊爐嘅食物都好新鮮 , 尤其D鮮鵝腸好新鮮好彈牙! 至於地方就細D但勝在夠光猛同整潔 , 感覺都OK.

做冬外出食飯，熱門的店都早已爆滿。偶然在飲食雜誌上看見這店的介妱，抱著辜且一試的心致電預訂。不料，輕鬆地訂了枱。第一個讚：我們一行五人準時到達，店主已為我們預留一張其實可以坐八人的方枱。把我們嚇了一跳。進餐其間有很多Walk-in客都不用等位。第二個讚：服務員態度熱情。這確是待客之道。第三個讚：獲推介的食物沒有令我們失望：鵝煲＋鵝腸夠惹味；象拔蚌鮮甜美味；烏冬非一般的即食烏冬，說是稻庭烏冬；生麵吸了湯的精華十分美味。

昨晚係第三次 同老友去 兩個人 成十點多d 唔洗等位 叫咗個雞蟹煲 鱔片 蝦 雞子 個d料好足 份量夠 食之前仲以為會味好燶 但ok啱啱好 d蝦上枱仲跳 食材新鮮 價錢合理 上兩次一大班老友就坐樓上 今次兩個人靜靜哋就坐樓下 下次再去真係要一大班老友去先得 可以點多d嘢食

以前朋友仔同我講深水埗有好多特色又抵既野食, 今次試完真係愛上了耶!10人聚餐, 瘋狂叫各自喜歡的, 埋單AA制, $150/位, 好抵!兩個鍋, 一邊火辣辣, 一邊食招牌鵝煲 (佢地推介的), 滿足晒我地10個朋友仔要求.老細落埋場幫手, 上菜特別快, 老細個人重好nice喔!可能係星期6, 特別旺, 想試的記得早d去~~泊車還算方便的, 好多街位.差d唔記得同各位分享下叫左咩食 (我記得幾多寫幾多吧):招牌鵝煲 - 10人食只有1人1舊, 很入味, 鵝夠淋;麻辣雞煲 - 我試左一舊雞, 食完條脷超麻超辣, 唔識欣賞痲辣牛脷粒 -我無食因怕辣;酥炸雲吞 - 好多蝦好正手切安格斯肥牛 - 老實說, 後點的本地肥牛同雪花肥牛好食d;爽脆牛白肉 - 以前未食過, 口感好好;手打流沙蝦丸 - 唔係平時街市買到果d, 呢個鎮店水餃皇 - 都係好多蝦好正, 重打包左1打返屋企放雪柜慢慢嘆鮮鵝腎粒 - 無咩特別印像, 泰式蝦刺身 - 十個like, 蝦挑得乾淨, 個汁好食過正式泰國餐館 原來佢地有做宵夜時間, 下次唔開車可以同班friend去啤啤佢