小草十八怪

营业中

休息中

獨行於彌敦道，步至油麻地，心中無他，唯求美食。行至此處，竟發現地道茶餐廳，佳餚美味，令人驚喜。🍽️**小草十八怪**，名不虛傳，蒜蓉金菇粉絲奄仔蟹荷葉飯，色香味俱全，蟹肉鮮甜，粉絲吸滿湯汁，荷葉香氣四溢，$116之價，實乃饕餮之選。🐚再品紫菜天婦羅魷魚鬚，清淡可口，$46的價位，卻是別有一番滋味，鮮美無比，讓人感受到海的氣息。🐙此外，香水檸檬薄荷梳打，清新爽口，為這一餐添上幾分風雅，消去疲憊，令人心神愉悅。🍋此行獨自，然心中卻充滿滿足與歡愉，香港的美食，真是無法抗拒。 **小草十八怪**，地處油麻地彌敦道525-543A號寧大廈地舖，值得一試。

今日出九龍見到間舖頭多人食所以一於試吓我叫咗石鍋米線因為佢係用石鍋出所以可以保持個熱度食到尾嘅時候個米線都可以keep住好熱呢樣嘢真係幾正另外佢嘅嘢飲都有得叫大大杯所以入到去係好滿足咁食嘢同飲嘢

行過見店鋪在油麻地地鐵站側，地方大，冷氣又足，二話不說，入去坐下先！青桔話梅荼大大杯都係$18, 超抵, 即刻叫番杯, 酸酸甜甜啱哂我😍餐廳都有串燒食, 小小餓就最好, 蒜蓉扇貝、蒜蓉生蠔@$28,因為即叫即燒, 等嘅時間耐少少, 上枱聞到好香蒜蓉味, 食落又幾鮮甜👍🏻👍🏻又叫燒海蝦, 同樣新鮮, $32有四隻, 都算係大隻喇雞翼最平$18有兩隻, 抵!🤣原條燒茄子$34, 正常價位, 而且D醬汁又整得幾好味喎😋食開左個胃, 越食越想食添, 都係叫番碗飽肚嘅石鍋米線至得, 我點左碗酸菜錭魚片米線, 魚片每片都好大片, 分量又多, 酸菜味濃, 好正。配料勁多:腐皮、豆卜、芫茜、雞肉、雲耳、芽菜、韮菜, 好味又飽, 滿足哂😉遲啲天氣涼就可以試烤魚、雞煲喇👏🏻

唔好意思，真係好想講粗口，未食過咁難食嘅米線!!!!!!!!!!!!!!!!!🤬先唔好講好唔好食先，個豬大腸係極度唔新鮮，又苦又臭！我懷疑自己食咗屎！一係就個食材壞咗！！！黐線㗎，比呢啲咁嘅嘢人食！個封門牛肉，要加錢的，仲要係勁柴，冇啲牙力嘅，千祈唔好去食係個豬軟骨先正常少少，但係得嗰兩小嚿，真係多謝晒同枱幾個人去都係食米線，都冇一個人話係好食唔反映 真係過唔到自己個關！為你好 為我好 為下一位食客好，請改善一下食物質素，尤其是豬大腸，真係驚咗😰

環境幾舒服 牆上有啲綠油油的裝飾食物選擇豐富 有荷葉飯·石鍋米線·烤魚·石頭飯等等🫧 臘腸冬菇蒸排骨荷葉飯 $58荷葉飯粒粒分明 吸收哂配料的精華 好香🤩令人一口接一口 天氣凍食真係一流.🫧 自選石鍋米線（六餸) $72米線由雲南直送 不易斷有彈性湯底十多款選擇 我地揀左小見的蟹黃湯蟹香比想像中香濃 上枱時湯底係沸騰狀態 食完個人即刻暖笠笠.🫧 脆炸腐皮豬肉卷 $34炸至金黃 咬落去外脆內爽口點埋甜酸醬食更滋味.🫧 麻辣藤椒脆魚皮 $42份量好多 魚皮爽口彈牙仲有大量配料 包括花生等等 相當惹味👍🏻.🫧特大手打檸檬茶 & 凍頂烏龍茶

好耐無去食十八怪啦～由樓上鋪搬到地鋪地方大左又光左都係咁掛住佢地既沙嗲湯支竹，墨魚丸 ， 肥牛 $83仲有大大杯鴨屎香檸檬茶🤤🤤🤤可惜今次去賣哂封門牛柳但一樣咁好食❤️今次叫左新小食蝦膠釀豆卜 $38估唔到香脆熱仲有啲好似咸蛋黃粉係表面食落幾特色芝麻涼拌海蜇 $42夠哂大碟 仲要冰冰涼涼好咬口小草十八怪油麻地彌敦道525-543A號寧大廈地舖#Foodie_aki #yum_yum #foodie_aki 油麻地#油麻地美食 #十八怪 #小草十八怪

🌳肉骨茶石鍋雜錦米線 $68肉骨茶唔算濃郁 但藥材味都夠香 唔會太咸 米線：米線偏軟身 唔係彈牙果隻 都好視乎個人對米線既要求 我個人幾鐘意牛肉質感偏乾身 正常發揮 冬菇入味唸身 份量適中 餸都幾足料熱辣辣香噴噴咁送上黎 湯底同米線都幾夾 不知不覺飲晒啲湯 但成晚好口渴 飲左幾杯水先解到渴 🌳瑤柱蒜蓉海鮮荷葉飯 $75見到menu 張相好吸引 食材都新鮮唔霉 落左好多蒜蓉所以好香口 啲飯都有陣陣荷葉味食到 食到底都幾油下 女仔一個飯夠晒飽🌳跟餐加錢九制陳皮炸雞3件 $12雞肉嫩滑 炸皮唔算juicy 出面有話梅粉調味 唔算特別出色 但除返先$4舊 性價比高 可一嘗

聽講依排餐廳做緊活動凡4-6點入座食烤魚或雞煲即享全單65折而6-7點入座食烤魚或雞煲即享全單75折優惠，7點後則享全單85折所以趁住優惠，我就即刻去叫咗一份雞煲嚟試吓佢哋嘅雞煲有得揀唔同嘅辣度甚至唔辣都有調味整體嚟講都唔錯，如果有少少辣嘅話會更加惹味如果雞煲唔夠嘅話，仲可以額外而家唔同嘅小菜，每款小菜都只係$9起我就加咗蟲草花同埋蟹柳，連埋雞煲一齊煮，變到好入味而每個雞煲套餐仲包咗一杯飲品，仲可以額外加錢要多一杯飲品佢嘅飲品係超級大杯，其實一杯都夠兩份飲🤣🤣🤣而檸檬茶酸酸甜甜好解渴

最近試咗一間新開的食店，佢哋的無火生滾石碢煲仔飯真係令人驚喜！呢款煲仔飯有三拼選擇，蟹皇湯底非常濃郁，味道鮮美，飯粒吸收咗蟹皇的香氣，每一口都充滿海鮮的鮮味✨臘腸切片厚薄適中，香氣四溢，炒得剛剛好，配合煲仔飯的口感，增添咗不少層次感，真係一流👍🏼帆立貝新鮮，口感滑嫩，食落去有海鮮特有的鮮甜味😍膏蟹仔肉質鮮嫩，蟹膏的香濃味道令整碗飯更加豐富，食完後感覺好滿足🥹排骨煮得軟嫩入味 蟲草花增添咗一絲清新的口感🍒🍉🍓🍑仲有一桶水果香檸茶，清涼解渴，配搭煲仔飯後，味道更加清新😘絕對值得一試，無論係味道、口感，甚至擺盤都令人滿意。下次再來嘅時候，我一定會再點呢個！

見小草出左個香港少有既黃鱔米線, 即刻試下~滇味黃鱔米線 $72個醬汁幾香幾惹味, 拌勻左成個湯底都香又唔太咸。黃鱔幾厚肉個口感好好, 如果大粒D更加好!朋友就中意食哩度既蒸飯, 土魷馬蹄香菇肉餅荷葉飯$58大大個, D飯蒸得岩岩好唔會過濕, 有荷葉既微香。小食都有新野!!蝦膠釀豆卜$36 豆卜炸到 乾身脆卜卜好香口, 再包住成舊蝦膠, 好好味~口痕又叫少少串燒, 雞翼 $18  + 雞肉串兩串$24, 加左辣粉惹味過到口癮!加多個清清地既火腿湯浸時菜 $34, 好大碟湯汁同菜都好甜。芒果檸檬茶 $36超大杯, 哩度D野全部都價錢實惠又見得人, 讚~

早排聽朋友介紹過油麻地呢間「小草十八怪」，據說餐廳主打石鍋米線，配料選擇多多，而且烹調過程更可以自己 DIY，有得食又有得玩，非常特別！趁今日行開呢頭，順便過嚟試下。舖面佈置得幾雅緻，加上一室霓虹燈裝飾，艷麗繽紛，為空間增添不少色彩。餐牌包羅萬有，選項甚豐，除咗招牌米線外，仲有無火生滾石鍋煲仔飯、明爐烤魚、奄仔蟹雞煲同中式串燒等供應。點咗兩份主食，明爐烤海鱸 配 火腿肉骨湯 同 石鍋煲仔飯各一。海鱸魚用卡式便攜爐滾住，而且跟餐還會奉送手打檸檬茶一杯。鱸魚輕輕炸過，外脆內嫩，口感絕佳。配料有豆卜、萵筍、蓮藕和芽菜等。另外仲加咗響鈴、鹹蛋黃炸魚皮 同 豬肉丸，響鈴酥香鬆化、放入湯內數 2 秒就食得；炸魚皮沾滿咸蛋黃碎，放湯淨食都咁正！至於另一客無火生滾石鍋煲仔飯亦相當有趣，煲仔飯毋須用火，見店員將米飯、極品蟹皇湯底和材料放入石鍋內，自煮 12 分鐘就搞掂，熱焫焫、香噴噴！今次揀咗臘腸、臘鴨髀同排骨，臘腸油潤甘香、臘鴨軟腍入味，而排骨亦肥瘦適中，米飯滲滿臘味嘅油脂，入口粒粒分明，唔使加甜豉油已經好夠味。臨走發現原來餐廳而家做緊大優惠，下午4點後至6點前入座，惠顧烤魚或雞煲套餐，可享全單65折

每次經過小草十八怪(油麻地)都會給客人意外驚喜，今次勁......…勁!一週年回饋食客由四時開始不同時段不同折扣，全單由六五折起、七五折、八五折，只要點雞煲🐓或烤魚🐟套餐就可以有這優惠，而且惠顧💰三佰元就一張幸運刮刮咭獎品永不落空。今次開心大發現有得食、有折扣、有得玩，下次call 齊朋友聚一聚小草十八怪見🤣🤣❣️蒜蓉金菇粉絲奄仔蟹荷葉飯蟹肉鮮甜嫰滑，粉絲、金菇吸滿蒜香，口感滑嫩爽口。荷葉包裹的飯粒香氣四溢，層次豐富。❣️石鍋生滾番茄湯海鮮米線海鮮選用新鮮食材，扇貝、海蝦爽脆和魷魚圈Q彈牙鮮美可口，湯底酸甜適中，米線滑順入味，海藻、芽菜、韭菜增添層次，每一口都充滿海洋的鮮香。❣️蝦膠釀豆卜外層金黄酥脆，内鮮甜美味的虾胶爽口彈牙和金黄酥脆帶豆香豆卜，伴入香濃蛋黃醬，味道融合恰到好處，非常惹味❣️特大桶裝凍檸檬茶茶的底味與檸檬的酸甜味融合。冰塊的加入更是提升了整體的清涼感，特別適合炎熱的夏天。

在鬧市中的森林米線店，居然能實現烤魚自由？之前試了好幾次的小草十八怪，在油麻地開了新分店，對他們家的羔蟹荷葉飯念念不忘的水晶當然要去試試啦，油麻地這邊的新分店，甫進門就以為自己去了文青餐廳，他們這分店是以港式懷舊霓虹燈，以及森林小清新的風格裝潢的😻😻😻對於常常要找打卡好看的水晶來說，也太好看了🤩🤩🤩今次就試了他們家的海鱸魚烤魚，怕不夠飽的可以加點米線，他們家最近把招牌米線換了雲南直送的手工米線，非常有彈性，不易斷的👍🏻👍🏻👍🏻今次額外加點了羔蟹、花膠仔，以及鹹蛋炸魚皮，全部都很不錯呢，海鱸魚做為烤魚的主角，會先煎至金黃香脆😋😋😋原隻羔蟹，直接拿來拌烤魚煮，肉質很鮮甜，蟹膏也是很多的🤤🤤🤤花膠仔，每一隻都很大，養顏滋寶，每食一啖都覺得自己有在變美😻😻😻鹹蛋黃魚皮，把魚皮烤到金黃，在家上水晶進愛的鹹蛋黃，單吃脆卜卜🤤🤤🤤，扔進烤魚裡浸幾秒再吃也好好吃👍🏻👍🏻👍🏻點烤魚套餐會額外贈送一杯手打檸檬茶，別以係贈送就會偷工減料，這杯手打檸檬茶可是超巨型的😱😱😱味道也很不錯，有專門店的質素👍🏻👍🏻👍🏻趁著秋風起，大家都趕緊約朋友一起試試這餐廳吧💜💜💜

位於油麻地彌敦道的「小草十八怪」，係一間主打石鍋飯及熱鍋米線的餐廳，另外仲有港式串燒及飲品的餐廳，選擇多元化，定價適中唔貴涼拌青瓜雲耳雲耳口感爽脆，青瓜新鮮翠綠，酸酸辣辣的，頗開胃蒜蓉燒生蠔（半打）生蠔都幾飽滿又大隻，頗鮮味，有驚喜👍🏻加咗蒜蓉同辣粉一齊燒，微微辣，好惹味自選石鍋米線香辣金湯呈微金黃色，帶點鹹蛋黃香，味道獨特～餐廳採用雲南直送的手工米線，不易斷，有彈性，好吸湯呢！自選配料揀咗腐皮、響鈴2件及帆立貝2隻十八怪招牌金湯過橋石鍋米線一次過可以試晒多款材料嘅過橋石鍋米線～封門牛柳、花嬰、淘蝦、溫泉蛋、蟹柳、鯛魚片、翡翠苗、腐皮、芫茜、芽菜、韭菜。每款配料都各有特色，味道同口感都好豐富，好味道鴨屎香檸檬茶勁大杯King size的鴨屎香檸檬茶，酸酸甜甜，冰凍可口，解渴又解辣，檸檬味獨特又清香

行完現時點見到對面有間小草十八怪，食物選擇多有烤魚、荷葉飯、石鍋米線、石鍋飯、小食、串燒等。明爐烤海鱸 $188有六款湯底，小編點了酸菜魚湯。大大條魚，魚肉厚實，魚骨不多，魚肉滲入酸菜味，很不錯。配料有豆卜、萵筍、酸菜等。送手打檸檬茶大大杯手打檸檬茶，兩個人飲都可以。沙嗲牛牛石鍋米線 $78配料相當豐富，有肥牛、封門柳、牛丸、牛柏葉、牛肚、金菇。小編略嫌沙嗲味不太濃，如果味道濃些少會更惹味。原條燒茄子 $34相當惹味，茄子燒得淋又綿，入口滿滿蒜茸和香料味，很吸引。