小豆島日本料理 (已結業)

閒唔中都會同同事嚟食午餐嘅魚生飯同烏冬都食過 今日就試下佢啲飯啦✨滑蛋豬扒飯 $50滑蛋同豬扒嘅份量都比較少好少食滑蛋飯 啲蛋係遮唔晒個面嘅不過味道可以豬扒亦都只得4嚿 同埋餣得有啲鹹總括嚟講個飯麻麻地 下次都係食返烏冬好啲

近來彩園商場開左多間食肆，上水居民又多左更多選擇啦。而為左避開人群，今次選擇左較少人排隊既小豆島上水分店。對上一次黎依間餐廳係佢剛開業既時候，果時非常混亂是日好在早於6：30pm就去到餐廳拎8位，可以唔駛等就直接入去。價錢略貴d, 不過原來因為佢份量係大d既因為食生野既人唔多，同埋有小朋友，所以我地都係點左各類型既熟食。點左卷物，沙律，炒飯，拉麵同限定冷烏冬份量係多既，夠5 -6個大人share食。點左個多人推薦既陶板芝士豬軟骨飯，原來係辣既。個烏冬係放係冰度上其他美食都中規中矩！價錢唔係話好平，因為我地點熟食多，有機會可以再去！

上水其實都有啲好嘢食，今日就入咗上水探朋友，係商場裡面嘅小豆島餐廳一齊享用午餐，每人叫咗一個浦燒鰻魚飯定食，鳗魚飯都好有份量，又有三文魚刺身3件，加一個前菜同一杯凍零茶，食埋飯同朋友吹多一陣水就走。

我好鐘意去小豆島食早餐或下午茶，因為比較抵食又多選擇，多款美食都好岩我口味，今次又同朋友黎食個下午茶喇～～餐牌有多款丼物，款款都影到好吸引，實物都係咁架，今次就揀左火炙松葉蟹棒三文魚丼，除左大大條既蟹棒同幾鮮味既三文魚，仲有好多蟹籽可以撈飯食，簡簡單單都可以好滋味！另外叉燒拉面，朋友都大讚不錯，叉燒肥瘦適中，湯底香濃～再有叫左個蟹籽沙律，好大份，撈沙律醬，好fresh!下午茶餐有啲輕食丼，呢個鰻魚飯雖然個碗細細地，但裝到滿晒，味道都okay架，鰻魚厚肉燒得夠入味～

星期六入左去上水搵個朋友食下午茶吹下水，佢帶左我去食日本嘢。大漁船盛$88三文魚刺身3片 - 都算大件，亦好新鮮！三文魚壽司1件、帆立貝壽司1件、北寄貝壽司1件、油甘魚1件 - 整體ok, 油甘魚比較鮮味！稻荷蟹籽沙律 - 唔錯，沙律爽口！稻荷吞拿魚沙律 - 我本人唔太喜歡吞拿魚，比左個朋友食，佢話ok!加州卷3件 - 正常，冇驚喜。小食有中華沙律、螺肉 - 螺肉比較好味，少辣又爽口。中華沙律比較淋。迷你牛肉湯烏冬 - 勁咸，唔好味，冇食哂！凍檸茶 - 正常好飲！冇乜特別，自己唔會再來！

周六晚上8點左右 , 我同朋友黎到上水廣場, 行下行下 黎到呢間 小豆島日本料理. 門面好舒服. 見到好多客人 好想試 !一入到餐廳, 左手邊 有長型壽司檯,  2-3位司父 努力製作菜式. 壽司檯前放左一行烈酒 (果味Vodka), 橙酒, 日本米酒..有九成檯坐滿, 大部份 檯面上都係 好精美 火鍋, 拉麵, 刺身拼盤 及壽司飯.由於肚子餓, 我們叫左好多野食: 泰式虎蝦刺身, 芝麻八爪魚, 玉子, 芝士焗蠔, 火灸三文魚腩, 火灸左口魚壽司壽司 (好香滑). , 火灸三文魚腩壽司, 火灸左口魚壽司值得推薦仲有: 雞軟骨串燒,七味雞翼串燒 (好香及夠脆口)(呢兩款小食送酒一流), 豬軟骨拉麵 (味道好香, 肉身好軟)及雜錦牛肉鍋.樓面服務都好快手及有禮貌.  會再黎食野架 !感謝有豐富及快樂一餐!  Thx! Thx! Thx! 

相約老虎媽食個早餐,出奇地老虎媽唔話飲茶,同我講去食平﹑靚﹑正早餐,是但啦無咩所謂。早餐黎講$30-$34有一大碗麵加一杯野飲,又的確係幾唔錯。賣相同口味都唔差,當然啦又唔會話好食到飛天,對得住個價錢又大大份咁囉。果然係兩母子,大家都係叫牛肉,都係肉食世界。牛肉份量以早餐黎講真係唔小家,成碗食晒,埋單都係$64小豆島係食日本料理,係呢方面我唔係好評到分,因為我只係光顧佢既早餐,只係覺得呢間野開係屋邨附近,價錢又幾親民。小豆島日本料理 整體評分 6.5 /10推介: N/A(五分滿)老虎回頭率：🐯🐯🐯

今日有忙，所以就求其搵野食，快D食完快D走，係商場見到小豆島唔洗等位就入左去食我地叫左兩碗拉麵，一個卷物，食完超飽豬軟骨拉麵香濃湯底，配上偏軟身的麵豬軟骨有3-4大舊，肉比軟骨多，肉入味唔韌，軟骨剛好，偏軟身但仍有少少口感配料有木耳絲，粟米粒，蛋，蔥份量一般，同出面差唔多石鍋叉燒讚歧烏冬 熱辣辣的一鍋，烏冬份量比拉麵少，但都食得飽，煙煙韌韌的口感好好，煮淋左少少都唔緊要叉燒燒得都幾香，半肥瘦，有4薄片配料有粟米粒，蛋，海帶，番茄淡淡的湯底，但因為材料較多，所以烏冬都唔會冇味火炙芝士加州卷 8件中size，有蟹柳，青瓜，雞蛋；青瓜好爽口，食落索索聲面頭的芝士味濃，但唔膩；芝士好香燒的味，又燒至半溶，同沙律醬好夾

><豬軟骨拉麵($53)配兩小件加洲卷豬軟骨係幾腍 但就有豬騷味拉麵就係普通港式個種食完唔口渴 味精成份唔重但加洲卷未免太少蟹籽 只見白雪雪嘅飯團 飯都偏軟好掛住City AC2個豬軟骨拉麵又可以瘋狂落蔥花炸蒜韓燒牛仔骨飯($62)配中華沙律 麵豉湯有驚喜!! 牛仔骨幾好食 肉嫩易咬開 冇咩肥膏個燒汁加埋沙律醬撈飯一流><><><><><><><><><><><><小豆島日本料理上水彩園路8號彩園廣場3樓22-23號舖

一個豐富的早餐係假期開始必需的，今日就來到上水的小豆島日本料理。早餐以西式和麵食為主，當然都有三文治飯團可以選擇。選擇都頗多，價錢又經濟，比起隔離快餐店更吸引。吉列魚柳配迷你蕃茄湯螺絲粉+ 炒滑蛋+ 腸仔 + 牛角酥 長方形的吉列魚柳炸得香脆，魚柳較薄，質感較鬆。滑蛋保持著濕潤的蛋汁，美味。蕃茄湯螺絲粉味道酸酸甜甜，味道自然，分量十足。牛角酥好香牛油味，十分酥脆。香煎豬扒+火腿+烚蛋+厚多士豬扒的份量十足。厚多士搽上牛油再烘，脆卜卜。

小豆島係我係香港食魚生飯嘅首選，因為就算比多一倍價錢，往往只係同等貨色 😂.今次除左食開嘅魚生飯，再試左刺身，同埋燒帶子刺身分量比較少，感覺一般般，都係魚生飯吸引

原來9點後有宵夜，見冇咩人，所以入左去食入去冇人理，自己拎位e個係三文魚頭湯，做緊優惠，原價$70幾，e+$28only，幾多料，一大個魚頭，下面有菜有菇有豆腐有薯份三文魚頭湯聞落好腥，但食落又ok湯底偏鹹刺身切角飯，份量超多，有d刺身唔係幾新鮮，墨魚味道比較淡飯好似唔係全珍珠米，因為有d飯粒唔同樣 火焰芝士加州卷，一長條有8件，size都幾大，芝士幾香濃，只係飯有少少硬其實食物方面都唔錯，係服務要改善下，店員冇咩禮貌唔太友善，又唔serve客

有去過其他分店，但這一間鋪面比較大，座位擺設寬敞舒適，天花掛著醬桶款式的吊燈，很有特色。雖然不算抵食，但各款菜式擺盤精美，味道不錯，算是價錢合理。什錦牛肉火鍋的牛肉比我想像多，但牛肉肉質一般而且切得比較厚，湯底調味適中，好味！軟殼蟹卷的軟殼蟹存在感太低，而且飯比較鬆散，一夾就散開，但總括來說味道不錯。炸魷魚圈味道不錯擺盤靚，炸得剛剛好，外面鬆脆裡面煙韌。大阪燒的餅底粉太多菜太少，不過上面的醬汁很好味。

食物太差了（超級差！）不建議大家來吃服務態度又不好，店不是很多客人明明都看到我們了都不主動帶我們去坐，坐下了還撞到我幾次明明就有很多空間又不主動拿碗碟給我們我不會再來這家店的了

Personally, i like japanese food. This restaurant really suit my taste. The sushi here is very tasty. The staff here are very nice too. I really like the decoration here. It is very modern and japanese. The drinks here are very good too. I would recommendy friends to come here.