小豆島日本料理 (已結業)

上水，感覺上係美食沙漠，因為而家都變左水貨客既基地，周圍都係藥房，連local都唔想出街，又點會有好味又有特色既餐廳？咁岩黎到呢頭又要食野，仲想食日本野，選擇又唔多，雖然都係連鎖野但都唯有揀佢。老實講第一次黎到彩園廣場，唔行過黎呢邊都唔知有個商場。好講番正題。兩個人但唔係好peak hour所以霸左一張四人枱。叫左呢三樣野加兩粒帶子壽司，唔夠位擺，但侍應都好有耐心幫我地執好個枱面放好D野食，服務抵讚。野食正常，唔算話特別好食或難食，價錢都合理，兩個人夾埋$280左右。埋單個陣簽卡，因為部機未得所以等左一陣，收銀都俾左幾粒糖我地食，消費夠$200仲可以扭蛋抽優惠，抽到張$50 coupon可以下次用。無錯，我講既驚喜就係扭蛋，純粹有得玩覺得幾得意咁哈哈～～～

平日我很少到上水，今日剛巧路過看到一間叫小豆島的日本料理，便隻身進去叫一個刺身set($78)以回應舌頭對刺身的渴求。等了半小時（不追也不會來的感覺），刺身set終於來了。一看到刺身set跟menu上圖片差很遠便有感失望，menu上的刺身是用冰底墊著，但現實是沒有冰底。刺身有三文魚x2、八爪魚x2、劍魚腩x2、蝦x1、魚子一堆。話明係set仲有跟湯、中華沙律、飯及飲品一杯。開始吃暖的刺身三文魚沒有光澤，咬落去感覺唔新鮮，無鮮味。八爪魚好韌（唔係平時果種口感🙁）劍魚腩夠肥美，還好。蝦無鮮味，唔新鮮。魚子還好。最令我失望係飯，d飯係熱辣辣既，試諗下，刺身配熱飯，感覺差到爆！🤧仲有wasabi都無咩味🤧唔想寫到咁差，但為免大家中伏，我寫低左人生第一篇食評。可能其他食物ok掛(我見好多人食）🙆🏼‍♀️

每次探完婆婆都會落樓下商場小豆島嘆下日本拉麵，貪佢價錢平，選擇亦都好多。一碗拉麵嘅份量真係一個人未必食得晒！ 份量好足夠而且每次去都會叫蟹子沙律，青瓜非常新鮮咬落好翠口而且好鍾意佢嘅沙律醬其實要求唔高的話拉麵真係好夠飽好滿足

話說理琴日等人無野做又未食野，入去前見到佢個豬柳三文治幾特別，就入左去食了。原本餐牌就影兩舊出黎迷利好可愛的一上枱٩(๑^o^๑)۶都好驚喜好大舊，一大個都好好有提供手套之後食落就出事了個口擘大都唔夠咬個三文治愈食啲食就係禁跌出嚟超唔方便(。•́︿•̀。)如果佢分番開二舊或者四舊應該食得無禁辛苦

因要上學的關係，我第一次來到上水這地方。人很多、行李箱也如新聞報導般來回飛馳飛馳路上，唯一較少的，是餐廳選擇。包括連鎖快餐在內，我們經過見到的餐廳可用單手數盡走進商場，看見小島前有條長長的人龍，於是與同學放心地去取票等位。小豆島有午市套餐，價錢非常合理，選擇亦算多，令餓腸轆轆的我們好不期待。終於上菜，食物賣相也不差，但味道真的不敢恭維...... 雞肉非常粗糙，烏冬煮得過腍，毫無口感，蕃茄湯底味道正常（雖然我不清楚怎才可連蕃茄湯底也不正常）。總括來說，如有其他選擇的話，我不會再來。

記得呢間壽司鋪岩岩開果陣、我一星期總會去一兩次、最鍾意就去食午飯同下午茶、貪佢價錢平質素都算ok慢慢隨著餐牌改變、價錢調整、已經係早兩三年開始吾係街坊價喇.......隔左一段時間、我又再次黎呢間壽司鋪食下午茶、點知...發生咩事勁難食！軍艦d紫菜淋左、裡面d芝士蟹子跌左出黎、魚生有少少霉、舊飯就太黏火灸三文魚飯都係強差人意。餐牌裡既果碗既賣相差太遠、照騙呀！我諗我短期內都吾會有信心再去、希望你地追返以前個質素啦

今天一行三人到上水一行，同行人提議去彩園商場的小豆島進晚餐。這家日式餐廳我之前也來過，以上水區的日式餐廳來說，價錢不算太便宜， 但是食品種類算是比較多的一家。上水區有不少日本料理店，大多是港式口味的，這一家也不例外，是在香港比較容易找到的典型港式平價日式料理。當然, 這一類型的餐廳，我不會要求她可以提供很正宗日本口味，我以提供日式種類食物品種的茶餐廳的準則來說，只要食品選擇多樣，味道不差，已經算是不錯了。本人非常喜歡吃鰻魚飯，我們點了這個燒鰻魚盛丼，以一般在香港可以吃得到的"平價"鰻魚飯來說，這個鰻魚算是合格的，魚質軟軟，也吃得到魚肉的油脂，只是她有一般在香港吃到的平價鰻魚飯的通病，淋在飯面的醬汁不足，也不好，没有鰻魚香味，只是普普通通的一個白米飯。雖然這個飯配上一隻半熟蛋，加上蛋汁的飯， 仍然是乾乾的白飯。我對這個火灸芝士軟殼蟹巻有點失望，雖然她仍然保留到炸軟殼蟹的香脆，可是芝士外層真的做得異常乾硬，口感很差， 使得整個巻物實實的，不太吸引。自家製叉燒拉麵, 這個"自家製"，一般我們聽到總是趨之若鶩，因為"自家製"很容易聯想到"秘製"...我是真的想多了，這個只是一個非常普通的叉燒拉

熊妹其實今日病病地，但一早約好左野口同學同永澤去小玉同學屋企玩，咁難得咁齊人，熊妹病住都要去!夜晚就話出去食喇，小玉同學就帶住鴨仔團去到佢樓下商場的一間日本餐廳小豆島，小玉話幾好味喎。因為掛住吹水吹到唔肯郁，來到餐廳都晚上9點9，餐廳都已經無乜人喇。原來last order係10點，好彩趕得切，咁我地都9秒9叫齊所有野食。先上壽司。火炙明太子沙律三文魚親子卷，一客有8件，三文魚親子係指三文魚釨同火炙三文魚，大大粒三文魚釨勁爆汁，飯卷入面有青瓜蟹柳，三文魚表面啲芝士醬連埋飯卷食，係一般卷物的食法，味道正常。 野口同學，小玉同學同永澤見9蚊一件壽司幾抵一人叫左件帶子壽司，熊妹唔食帶子的，所以唔知咩名。聽佢地講都幾新鮮的。熊妹又spot到有牛油果食物，即刻拍板點了芝士海蝦牛油果卷同埋牛油果熟吞拿魚沙律。芝士海蝦牛油果卷上面有饅魚，然後鋪一片薄薄的牛油果，飯卷入面有海蝦，好多材料好豐富，熊妹喜歡呢個卷物多啲，因為岩中熊妹口味，熊妹喜歡饅魚，又喜歡牛油果，而海蝦都好彈牙。牛油果熟吞拿魚沙律係熊妹堅持要點，雖然野口同學強烈反對，好彩有小玉同學支持。牛油果份量好少好少，得一兩片薄片，不過個沙律配合得

假日系上水shopping 路經小豆島天氣好凍 見到呢度有石頭鍋烏冬食 好吸引😍下午茶價錢好吸引😍😍😍1️⃣蕃茄湯牛肉石頭鍋讚歧烏冬 $45同晚市嘅石頭鍋系一樣咁大 咁都ok wo蕃茄唔新鮮 好青好硬牛肉有三塊烏冬有蕃茄湯 不過不失追加 炸生蠔兩隻 $15珍珠蠔嘅大細 唔系炸得黑 ok粉唔算多追加 黑椒三文魚兩件 $13Well okay lah 不過不失 👌🏻👌🏻👌🏻跟餐有兩件加州卷 👌🏻👌🏻👌🏻仲有餐飲

平日八點幾 入面仲有好多位其實我都驚伏唔伏嫁well 叫d安全少少嘅先呢!!!!!石煱蕃茄湯牛肉讚企烏冬$68個湯唔似落左茄膏 唔酸 好正烏冬 食完呢d 你唔會想再食$3 $4 包裝個d好入味壽司 正正常常 無驚喜

今次嚟食晚餐，都係貪佢平靚正，又多選擇！今晚嗌咗咖哩吉列芝士豬扒飯，佢哋嘅豬扒係包咗芝士再炸，切開係起絲嘅！超好味！個咖哩汁係日式款，所以小朋友都可以食到！另外嗌咗個沖繩豬柳胡麻島冬，呢個係冷島冬嚟，撈咗胡麻醬，味道幾特別唔錯！壽司就嗌咗個火焰明太子親子卷，再配其他不同款式嘅壽司，最驚喜我覺得係件特大牡丹蝦壽司，超大隻又夠厚肉，又夠鮮甜！另外再加多個泰式生蝦，佢哋係唔同平時泰國舖頭食到嘅味道，佢哋自己調較一個特別嘅醬汁，酸酸甜甜又有少少薄荷葉味道咁，好特別好清新最重要係價錢完全唔貴，加埋一都只係三百五

一向都有幫襯呢間餐廳，早餐午餐下午茶晚餐都有幫襯，今次嚟食下午茶，新推出咗款日式醬汁燒腩肉烏冬，起初諗住似薄片日式叉燒款式，但原來係一條條嘅腩肉款，爽口夠入味，絕對有驚喜

今日過去上水探朋友, 中午諗唔到食咩,一個又想食日本野, 但天氣有點涼, 所以大家就建議去食日本野但食 D 熱辣辣既菜於是就選左呢間小豆島去試, 呢間午餐唔算貴的, 四十零蚊上落啦, 但午餐時段朋友都趕住食完要返工, 不過佢出菜都出得慢, 要多次催促先出齊晒三個,至於味道就........呢個價錢都唔會話要求太大, 合格既中午快餐吧不過都係有一個問題, 唔夠熱, 希望店方可以留意返, 可能店方定位係日式快餐吧, 所以只屬於"一般般"而唔會特別食完會下次再想去食

下午茶四十四蚊火灸三文魚飯個餐牌上的圖片好吸引，有七八件大大件的三文魚...但來到時只有五粒迷你三文魚!其實配菜如海帶同蟹籽好多，夠餸飯。杯熱好立克都夠濃又大杯主角令我好失望，平心而論夠食飽

每次行經彩園廣場都會經過呢間日式餐廳，見經常都好多人，今日返工前決定黎試下。下午茶有多款選擇，除左日式食品外，亦可以揀三文治及多士，價錢都係四十蚊左右，尚算公道，最後決定食松葉蟹柳蕃茄湯拉麵。拉麵或烏冬附送加州卷兩件，加州卷份量比較細，一啖一舊剛剛好，味道不過不失。拉麵隨後就上檯，一望湯既色水就覺得好唔吸引，先試啖湯，暖的...再食舊蕃茄，凍的...好明顯係將新鮮蕃茄切完直接放落碗，煮都無煮過，拉麵麵質正常，蟹柳我食既時候已經散散地，整體黎講相當唔掂。呢度價錢雖則親民，唔知係我揀錯食物定普遍係咁，但如無意外應該唔會再黎了。