小豆島日本料理 (已結業)

週末與老公到上水探奶奶，今次不想飲茶，由奶奶帶我們吃日本菜😂。上水彩園村人流很多，食店位於彩園商場內，去到要排隊等位，等了數分鐘便有位了。午市全場滿座，感覺似茶餐廳，午餐選擇不多，價錢一般，上餐亦很快。食物不過不失，飲品超出預期，好飲！環境就無什麼特別，一般食店裝修，要讚是服務員態度，很親切，不是機器人般，跟稿講個人評分食物：C環境：C服務：C抵食：B

仲記得第一次黎食個時勁難食，炸野個皮林曬之餘仲要林嘅今次再黎就有所不同叫左呢個炸雞柳配麻醬烏冬炸雞柳熱辣辣而且皮係脆嘅，比起以前黎好食左好多，而且雞柳明顯係有經過處理，因為係有少少咸咪而烏冬就夠彈牙，唔係痴牙嘅烏冬醬汁充足夠份量，唔會偷工減料但可惜青瓜絲唔夠爽口，否則會更好味

哩間小豆島我食過好多次，質素有時真係差好遠，之後俾我發現大時大節嗰陣食質素係最好，可能入得多貨啦，魚生大大片，人少嘅日子好多時候都會成碗頭頭尾尾，什至賣晒。今次我係平日食，所以唔係最好嘅時候，不過可能係午餐時段仲早，所以都唔算差。哩個好似係最近新餐牌嘅新菜式，大份飽肚，壽司一般，但刺生唔錯，三文魚夠肥夠厚，仲有劍魚都係啖啖油脂，正👍🏻蝦就麻麻地哩個係我最常食嘅，80幾蚊嚟講真係超高水準，呃得下人，似足百幾蚊一碗嗰啲日式料理餐廳水準，但佢只係80幾，真係好抵👍🏻👍🏻👍🏻👍🏻👍🏻真心推薦大家試下，但記得想食好野就唔好怕人多，要喺人多嘅日子嚟食😂😂

聽鄰居講彩園邨商場整得好靚，住左咁耐都未去過，今日day off要自己湊住小公主，推住BB車去彩園。彩園商場都幾大，好多餐廳，做的大多數是街坊生意，我選了日本餐。午餐價錢不太貴，大約$40-60左右，我點了豬軟骨拉麵，$50，麵餐還包了飲品和兩件加洲卷，加洲卷不錯，蟹籽特別多，師傅也包得好實，夾起來不會鬆散，加了沙律醬也很出色，增添了味道。豬軟骨拉麵湯底一般，不是很重味，豬軟骨味道還可以，汁多骨軟，還有兩件，敗筆是粟米好多，好像整碗都是粟米似的。飲品叫了熱凍水，味道較淡，檸檬唔太靚吧。我見餐牌如果要飯可以跟沙律，味噌湯和飲品，下次要試試！

$30一個有份量早餐, 如果以早餐而論價錢不貴份量足, 如果大食可選$34的早餐配雞蛋和麵包, 有足夠能量. 當日由於要去行山, 但食量又不是很大, 叫了個牛肉烏冬, 牛肉份量不會太少, 以$30價錢食到午餐份量都算抵, 當然比起午餐少了很多配菜, 但都夠食, 比起快餐店, 已經唔算, 無得挑.

3月8日中午時間，我們四個大人加一個BB輪候入座，當員工通知可入座時，發現六人枱內仍有一人在中間位置用膳，我們即時向員工反映我們的不滿，一個著粉紅色衫疑似店長對我們說：只先安排我們坐下等候，如不滿意可在門外再等候（態度惡劣），我們是顧客，我們有心理準備耐心等候入座，但該食肆未安排好便通知我們入去，我們十分氣憤，做食肆的如沒有清楚知道待客之道，我們下次不會再去！真的不知所謂。

看了看餐牌，價格還可以不算平也不算太貴就打算入去吃個午餐，但帶位的帶了我們到風口位置，我們想換位置，那個帶位的人太度十分惡劣，又説這個又説那個，十分麻煩，所以決定不吃，味道沒嘗到,受了氣出來，其實之前我們吃過東西沒什麼特別！

晚市同屋企人去呢間餐廳食晚飯，叫佐個魚生，拉麵，壽司，熟食。*當中魚生同壽司極度恐怖已經全部變色，然後叫職員自己睇睇，甘樣會5會太過份，職員同經理都死撐新鮮，又話焯過，所以甘噶顏色。（甘都up得出）你估我地第一次食魚生壽司咩。食甘多日本餐，從來未去間甘噶餐廳從來未見過甘噶食物，你比錢我都5敢放入口！

今日和家人去食飯，叫佐d sushi, 其中嘅北寄貝勁吾新鮮，魚生都幹曬水，叫經理換，個經理話呢啲吾新鮮，系因為用熱水灼過黎，先幹曬，而d 魚生都發黑，而且經理嘅態度好差，我已後不會去

今日下午路過上水見到間門面幾靚既餐廳夜晚就特登出黎上水食 搵左半個鐘先搵到黎既時候9點幾冇乜人點餐就有個後生既小姐幫手點佢點既時候扶住我男朋友張櫈係咁扭patpat我超不爽 不過諗住食野冇理佢食物既賣相都ok不過味道我覺得中左伏豬軟骨拉麵 個骨就好正 麵一啖咬落去就吐左出黎超霉超爛 反哂胃囉食到鰻魚飯就正常不過鰻汁凍左啲芝麻醬個件咪嘥錢去點 酸到壞左咁刺身都ok但上陣冰融左一半 總之衝住門面黎 帶住失望走 blacklist

上水站附近唔多選擇，見呢間多人又有學生優惠就入黎試下午餐有學生餐揀，平main menu一大截，不過落單姐姐話細份好多，同埋學生就算叫main menu上面d野都有9折，於是就叫左個睇落最好食嘅魚生飯。刺身份量...同個碗都大學生餐兩倍魚生普普通通，值得一讚嘅係d蝦超級大隻，冇腥味之餘仲幾甜，折左之後$65其實幾抵

本來只係買個外賣，去到門口叫「唔該」企正係個侍應面前都當我透明，佢仲要唔係招呼緊其他客人，然後叫左三聲佢竟然走去招呼我後面黎既客人，當我無到。雖然我買外賣但服務真係好差。到我買個陣個侍應面口好黑。我覺得黎食野好似比錢受氣咁，好唔舒服。唔明點解可以態度咁差，下次食隔離纜車仲好。起碼唔洗受氣啲野食又平過佢，味道又唔差。受完啲無謂氣之後食龍肉都無味，心情影響感受，幾好味都無心情食。

探病完畢，路過上水彩園廣場覓食，見這間星期六常大排長龍的小豆島，今日長龍消失，便膽粗粗試試其龍與鳳。牛油果熟吞拿魚沙律，份量大，开胃。略嫌牛油角比較少，大概只有蔥燒牛肉拉麵($48)，價格相宜。牛肉份量頗多，味道恰如其份，横濱咖哩吉列蝦飯($58)，有炸蝦4隻，配微辣咖哩，飽肚之選。三文魚腩刺身4片($55)，十分鮮美肉厚， 個人認為此店在上水中心地段，位置方便，以這個價錢日式餐廳來說，可以一試。

今日放假諗住同成班同學食日本野，話哂呀媽本身唔比我食生野，本身五十幾蚊魚生飯其實都無諗住會有質素，不過d魚生真係黑色，d帶子又勁(聲)，野飲又得半杯，只計野食質素已經唔會再食第二次 另外d職員又叫極都唔黎，要舉手舉足五分鐘先有人應你，仲要西面 試問咁既服務態度今時今日仲可以去邊搵！

上水區有好多餐廳，打工仔經半日辛勞，自然想搵個坐得舒服又食得好味既地方。差唔多2點唔駛點等位，地方闊落，乾淨又光猛今日發現佢轉咗身餐牌，可能係集團式經營，有人做哩D MARKETING功夫。作為食客, 都有想繼續再嚟既衝動。就試新嘢~汁煮鰈魚定食配搭很新鮮，魚入口即融，炸粉唔會太厚。2件茄子係凍盤，和風味道好入味，蒜苗有些少渣，配珍珠米，整體好舒服。但面豉湯就好差，冇乜味，好似飲緊葱+豆腐浸滾水，唯有放棄。會員卡95折，大概係凍飲免加錢, 50幾蚊, 我都認為值得推介