小豆島日本料理 (已結業)

每次黎小豆島都總有樣野係必點既佢就係芝士鰻魚炒飯♡有別於一般既餐廳 佢既鰻魚炒飯係用陶板上所以食到最後飯既溫度仍然好足天氣凍時可以話係暖笠笠之選♡而且味道更相當唔錯!!飯粒用上鰻魚汁去炒 夠鑊氣之餘味道亦甜甜地 加上熱溶既芝士真係份外惹味食落會有少少漿住個口既感覺 但又唔會過於膩滯加上陶板有保溫既功能 唔會話食到中途芝士就凝固左 非常抵讚而且鰻魚份量幾多 又冇咩骨 真係啖啖肉架除左好多新鮮香甜既粟米粒外更難得既係飯面層仲有一隻超靚既荷包蛋係流心狀架 整碎佢撈飯食好正認真lamlamli啊~~~同埋飯量都有番咁上下 係經濟實惠既飽肚之選♡仲唔快d去試下?!

同家人來這間餐廳食，已經食咗好多次，下午茶我覺得都ok抵食，每次嚟親都會叫大漁船盛，這個套餐好多野食，今次叫左個咖哩芝士豬扒飯， 叫咗杯熱奶茶，仲有凍檸茶。食左133元。個三文魚刺身都幾新鮮，有帶子同北其貝壽司都好味道，其他的壽司，我全部都鐘意食咖哩芝士豬扒飯，個芝士豬扒唔好食，豬扒入面有芝士，但係唔好食，怪怪哋，咖哩汁就可以，個飯好林，煮時太多水，所以我覺得一般，其實可以話有失望，同埋覺得差，因為個芝士豬扒係主菜，但係唔好食，同埋個飯太林。個牛肉烏冬都入味小食都好好食。大漁船盛(88元)， 這個套餐有十件壽司，仲有一碗迷利牛肉烏冬，仲有小食螺肉同海帶， 這個餐覺得好多野食。88元個餐，係這店可以叫兩個餐。

試左石窩豬軟骨讚岐烏冬，上枱時仲滾緊，要夾出黎食先得，唔係會太熱有排食。個湯底幾好，唔太咸，烏冬好味，好幼滑，但個豬軟骨唔好食，無乜軟骨，啲肉又硬，唔夠飽再試左小小壽司，鰻魚同左口魚裙邊都好食！

服務態度①般，環境逼曬，夜晚冇包飲品，捱杯汽水都要十幾蚊，d服務員話水吧自己沖好，冇新鮮奶茶飲，全部飲隔夜加。夜晚食野，星期日要排隊，點個打邊爐，得幾條菜，想食個肥牛窩，佢地就話星期一先有得食，想食個魚頭又話賣曬，真系想食咩冇咩，差。d枱排成甘樣，肥佬都過唔到，環境逼。

星期日我們一家三口，四點鐘來這間日本餐廳食嘢，4點鐘都全場爆滿 。我們叫咗個兩個下午茶，滑蛋豬扒飯，同埋一個大漁船盛，雜錦壽司再配一個迷利牛肉烏冬 。個滑蛋豬扒飯， 啲汁都夠餸飯嘅，個豬扒就淋咗啲，唔夠脆 ，個醬汁都ok多，都ok，少少濕，都可以送到成碗飯嘅 ， 滑蛋汁都同啲飯都好夾，好容易送到飯，個豬扒就會失色啲，因為淋咗少少，唔脆， 都一般接受到。個大盛漁船什錦壽司，啲刺身種類一般啦，唔夠新鮮，唔夠凍，如果新鮮啲同埋凍啲就會好啲 ，刺身種類唔多選擇，都係得幾款再配一個迷你牛肉烏冬，個迷你牛肉烏冬都夠入味嘅，畀bb食 ，仲有小食，這個88元可以話都一般便宜，整體服務都還可以，食咗一百三十元。

已經黎過一次，壽司麻麻，諗住黎多次試下其他野食，結果… ！下次唔會再黎！侍應態度超差。坐低後發現係風口位就問一問侍應坐隔離o唔okay，個侍應態度麻麻同我地講其他都係風口位，另外那個係四人位。咁心諗快d吃完就走，但轉頭一分鐘都唔夠就有兩個人走左落個四人位到。其中一個講話：坐唔坐得？我地兩個咋喎。另一個就話：坐la!佢都話得(咩事？人地就坐得，我地就唔得！？）嬲嬲地起身唔食！臨出門口同個侍應講：人地就坐得，我地就唔坐得，唔食喇。佢就疾一疾話佢地係三個人！人地坐係到明明就話係兩個人！佢咩事見到三個人！？又要講大話又要態度差！

尋日同家人去左呢度食lunch，其實之前食過一次，不過冇寫食評，今次決定要寫返😁😁首先我地6個人，佢要有半數人先入得，入到去後，我地就叫左一個“粒粒角切魚生丼”，“赤蝦海鮮丼”，“2碗牛柳粒蕃茄湯讚岐烏冬”，“蒲燒鰻魚飯”，叫呢啲午市套餐仲可以加小小錢可以跟多樣小食我地加左一客三文魚刺身（3塊），同塊燒三文魚壽司😍😍最先嚟就係“牛柳粒蕃茄湯讚岐烏冬”：好大碗，而且蕃茄味香濃，牛柳粒好滑，不過得幾粒咋，如果多幾粒就好喇😅😅之後就到“粒粒角切魚生丼”：一嚟到都係好大碗，好多魚生粒粒，正！！跟住就係“赤蝦海鮮丼”：一上枱，即刻“嘩”左一聲😂😂，因為見到兩隻蝦好大隻！而且三文魚同吞拿魚係厚切，一啲都唔吝嗇，食落超鮮味👍👍👍💕之後就係“蒲燒鰻魚飯”：條鰻魚好長好大條，而且醬汁都好多，用啲拌飯一流❤❤👍我地仲另外叫左“6吋長壽司”同埋“劍魚腩壽司”，壽司飯細細舊，唔錯，而且用料好新鮮，由其係劍魚腩壽司，咬落好爽口🤗🤗經開天瑞會再光顧，侍應服務都好好**不過嚟呢度食飯要帶件外套，因為啲*冷氣真係真係好勁好凍*😫😫😫，**而且如果女士們叫飯最好叫小飯**，因為真係真係好大碗😅😅最後個人認為，壽司飯好似

是夜想食日本料理，便再次光顧這間平民食店。點了幾款壽司，中規中矩，沒有大驚喜，魚生算新鮮。個人較喜歡品嚐這店的讚岐烏冬，點來了石鍋豬軟骨豬骨湯讚岐烏冬。由於石鍋關係，製作需時，吃完壽司便奉來這熱滕滕烏冬，還有著剛滾起的泡泡，小心燙手啦！先嚐一口豬骨湯，唔~~湯底濃郁，讚！再來品嚐烏冬，不失水準的彈牙烏冬，每一啖都口感十足，煙韌無比，伴著濃郁的豬骨湯，未食豬軟骨已經很滿足！這店的豬軟骨品質參差，肉質尚算幼嫩，但今趟的軟骨位比較硬身，曾經在此食過超林的軟骨，林到近乎食牛筋的感覺，想要食到林軟骨，便要看運氣了！由於石鍋保温力强，食完整碗烏冬後，仍然有煙冒起，冬天吃是不二之選！但若趕時間，還是不要點石鍋好，很燙嘴呢！

一個人，想食拉麵，又唔想食板長，就諗起天瑞呢間小豆島日本料理。唔太餓，剩係叫左碗拉麵食，豬軟骨拉麵+凍檸茶。豬骨濃湯底夠洒味，唔理係咪味精，總之就好飲！主菜豬軟骨，醃得好入味，但軟骨唔夠林, 之前食過一次係林到好似牛筋既口感！可能一批批肉唔同。o個半隻半生熟蛋是一般烚蛋，不是糖心蛋。至於拉麵是爽口，軟硬度適中，口感唔錯。其他配菜有木耳條及蕃茄。杯凍檸茶估唔到幾好飲喎！本身叫少甜，但冇少甜叫的，店員話d茶係調定，點知飲落又幾好飲喎，唔太甜，檸檬亦好新鮮！簡單一餐$72(連加一), 都唔錯呀！

小豆島都食過幾次，通常都係平日唔係繁忙時段黎食先唔洗排隊，因為天瑞邨日本料理餐廳小豆島都算係獨市！所以哩間餐廳都幾受街坊歡迎！今日平日中午點幾鐘黎食岩岩剩番一張卡位檯，睇到午餐都算幾多選擇，烏冬拉麵壽司小食任君選擇！我揀左午餐石鍋...牛肉...讚岐烏冬，個名太長，午餐會跟2件加洲卷同配一杯熱飲（凍飲加3元）石鍋上黎到堅滾牛肉都算多，起碼有十塊，食落似係肥牛！個湯入面加左咖哩都幾好味，不過唔覺有芝士係度？！烏冬都算滑，整體算合格友人話哩個一般，我試過塊豬扒可能粉漿太厚，外面硬左dd！裏面冇咩豬味，普普通通試過就算

在天水圍區內日本料理店選擇並不多， 小豆島日本料理店算是一個不錯的選擇，加上店的面績不算很大，所以每逢晚飯時候都會有不少人等位。小豆島的價錢大眾化，晚餐平均每位消費大約75-95蚊 刺身飯三文魚也算新鮮，壽司飯吃起來也很美味 鹽燒三文魚頭算是最推介的， 面珠肉與魚鮫位嫩滑 石頭鍋烏冬熱辣辣，吃起來非常好味 沙律青瓜絲非常爽口 螺肉八爪魚也非常爽口小豆島店子細細，食物種類選擇繁多，在天水圍區的日本料理餐廳算是一個不錯的選擇。

一直都係國外生活，難得番到香港,，一落機第一件事就係衝去屋企附近醫肚天瑞個商場裝修之後同讀書時完全唔同，完全唔知天水圍都會有依d咁似樣既日本料理小店，外國食壽司好貴，所以就即刻入去試試！5點左右一入去坐底完全無人招呼，原來因爲係落場時間，要等到5點半先有得叫野食，唯有睇住menu 先。Menu 有埋圖片好清晰，最平十蚊多d就有2件三文魚壽司，仲有手卷同刺身，因為5點半已經算係晚餐時間無餐叫，所以同朋友一齊叫左個魚生粒飯同幾款壽司，$50幾可以有咁多魚生算叫唔錯！唔知係咪我係外國太耐無食過日本野，我覺得好好食！幾新鮮可惜壽司既款式不算多，叫了一d平平地既壽司，醫肚為主，不過比想像中好食好多！依個價錢又唔錯！聽講下午茶時間會再平，下次可以試過！對於天水圍黎講，依個價，依個level十分不錯！

去左接朋友飛機~佢住天水圍既~接佢返黎之後就衝過去食日本野..其實天水圍日本野 唔算多~呢間夠大間 食物質素唔差就拍板喇~~響輕鐵站旁邊商場 好易搵又方便我地坐抵已經俾個menu吸引~太多選擇!!!!!!!!!!!!!!!!價錢都唔太貴既~最後揀左幾款壽司同雜錦粒粒魚生飯呢個什錦粒粒魚生飯 58蚊 好足料同埋粒粒魚生都大大粒 好好味 同新鮮~壽司飯好味 蝦最彈牙 帆立貝都好大粒整體水準唔錯~~~~~~下次可以 試埋晚市

這次來到天水圍天瑞村搵食。店外算是幾搶眼小豆島是商場內唯一一間日本餐廳，設有服務時段，必須於時間來才可以食到。服務時間我來到時是3點左右，人流比較多，幸好有一個吉位。雞扒拉麵，湯底不夠濃，吃拉麵湯底真的十分十分重要。（我是會飲埋湯的人）跟餐送了2件加州卷，加州卷如果沙律醬放在最高的位置會更好看吧，味道還好。阿古豚餃子，平時吃餃子也是配餃子醬，這個醬油是七味粉開出來的，比較辣和酸，不過幾開胃，餃子還很熱，幾好。整體來說不過不失，價錢算合理。不過作為日本做主題嘅餐廳，服務可以做得更好。

I rather eating shxt would be better than eating at this trash restaurant. Service is like serving with hate, immediately regret after entering this place. I am have a afternoon tea set for a salmon sashimi with fried rice. The food is find but So disappointed in this crazy attitude. Like I am paying for being insulted. Never again. Btw it's so weird that they only serve my drink in half like some one drunk it before and I didn't taste any.