小豆島日本料理 (已結業)

之前黎食過幾次都係早餐，因為佢既早餐大件夾抵食，今次遲左黎，等多一陣佢既午市，試下佢既日本料理先！餃子拉麵，配兩件加州卷同飲品，餃子浸得太耐...感覺係翻熱再翻熱，個皮同出面整得唔好味既餃子通病一樣，個皮好硬！豬軟骨拉麵，湯底一般，但呢個價錢黎講不過不失，唔會太大期望，所以接受到；角切雜錦魚生飯，全部都係厚切剌身，依個價錢係天水圍食到魚生飯，仲配炸雞，沙律，飲品，仲想點？真心推介呢個但講真，服務就真係麻麻地，個個都趕住收工咁，又急又惡

返左成個星期工，到左禮拜五，老婆一般都唔會煮飯，通常係屋企附近搵間餐廳試下食下。今晚收工已經好夜，加上食左下午茶，唔想咁HEAVY，就同老婆去左天瑞的小豆島，食左幾款食物，不過太累的關係﹐淨係影左烏冬。叫左大板燒，好似之前MENU 唔覺有既，份量細左D ，但都叫足料，個味好港式，唔好期望似日本真正的大板燒。個豬軟骨石鍋烏冬，味道一般，無驚喜！ 唯一值得欣賞的係佢上枱時仲滾熱辣，如果天氣凍，食佢暖胃，一流。

原本打算搭巴士前試下麥記新出Bagel早餐，誰不知途中見此餐廳有飯糰早餐，好奇心驅使下入左餐廳試試我一個人叫了吉列沖繩豬柳三文治飯糰早餐（包飲品），飯糰主要用紫菜包餡，餡料分別有一層飯、吉列豬柳、厚厚既炒蛋及配有千島及沙律醬既生菜，所以非常足料，侍應捧餐時並附上一對膠手套，方便客人進食，非常貼心，飯糰配上各餡料及醬汁味道非常夾及美味，又夠飽肚，有機會大家都可以試試

最近成日聽朋友講天瑞商場翻新左，多左好多野食，今晚一於去搵佢帶我食好野。原來佢話食好野就係黎呢間"小豆島"食日本菜(個名好得意 )，門口好多人等位，大約等左30分鐘先有枱。餐廳地方細細坐得比較迫，菜式都有好幾款揀，諗唔到食咩既話，可以考慮餐廳推薦既菜式，實冇死可能最近天氣涼了，見到好多枱都叫鍋物，我地又叫個"海鮮鍋"試下，起初以為鍋物冇烏冬，黎到發現原來係有烏冬嫁。海鮮材料好多，有魷魚、三文魚、青口、扇貝、蟹柳，加埋菇同菜，一鍋既份量都好多下，岩哂同朋友share黎食 。湯底好清好鮮甜，大大隻青口同扇貝非常爽口，厚厚既三文魚略為煮熟，口感依然嫩滑，唔錯!! 另外仲叫左碟卷物"小豆島海龍卷"，見到餐牌寫住由$88特價到$68，加上一碟有8件，感覺幾抵下，一於試試 。最頂層有芥末味既青瓜蟹柳沙律，中間有塊薄又甜既芒果，卷物就包住炸蝦及青瓜，口感層次分明，亦唔錯 。不過如果件炸蝦大少少會更好 呢到食物水準確實唔錯，唯一缺點係人手唔夠，加水都要自己黎

已經是這裏的熟客了，幾乎一星期會吃兩三次食物不錯，最值得推介的是辛辣海鮮烏冬，三文魚腩刺身， 赤蝦海鮮飯 每次來必點 恰巧今天看見一場鬧劇，隔離客人投訴海鮮飯的吞拿魚刺身有問題 這是我最愛的刺身 他們說吞拿魚下面的飯全是紅色的 肯定有問題 但我吃過這麼多日本料理都是這樣的 它本身就不是白肉魚 只能說太孤陋寡聞了 不過我以後還會繼續支持的

好耐無行過天瑞，一行發覺開左好多新鋪，呢間係其中之一。難得天水圍開日本野，我就心郁郁去試呀啦!點知伏已中我地兩個人叫左個"鰻魚飯、三文魚加州卷、赤蝦刺生同個粒粒魚飯”。個鰻魚飯，真係不得了！佢個個汁，不知係煮濃左，定係過曬期。d味勁奇怪！一入口就即刻吐左出黎。之後我退左比過職員，佢仲同我講“我地今日賣左廿幾個都無人投訴。”我心諗“你之前賣廿個無問題，吾代表你呢個無問題。”跟著個三文加州，又中伏！又係個醬既問題，個沙律醬臭既，但係佢都好過個個鰻魚飯！都吾知個廚師d野有無試過味。好彩其他個兩樣都吾洗點調味先無事我諗我短期內都吾敢再去啦！

之前午市個時經過見到門面幾靚，天花個到有D酒筒形嘅燈幾得意，就入左去試，個次都覺得麻麻地。今日就因為早起身關係，同個FD去左小豆島食早餐，點知早餐仲差...睇睇餐牌啦，20幾30蚊一個餐，都OK啦，又唔係太貴嘅。我就叫左個高菜腐皮雞扒烏冬($30幾)一黎到個時就硬係覺得小左D野，睇番餐牌先知係小左棵菜-0-，估唔到早餐連菜都省...講真，腐皮、烏冬同個湯底都OK嘅，正正常常，冇咩特別。之但係塊雞扒同面頭個幾條豆芽就真係冇得輸，好難食！雞扒細到得番皮，肉質鞋。面頭個幾條腥到爆嘅豆芽其實可以掉左佢，真係食唔落，你比番條菜我啦好冇＝＿＝我個ＦＤ就叫左個美式早餐（$30)配牛角包個牛角包見到就唔想食，凍冰冰又塌，一D都唔鬆脆，雖然只係30蚊貨仔，出品都可以好小小嘅。點知牛角包只係伏筆，吉列豬柳先係正菜，唔係睇番餐牌真係發現唔到，原來個三舊細細件炸到黑媽媽嘅就係。睇到都覺得伏，食落真係好伏，又乾又硬，食緊柴咁。午餐肉就正常嘅，因為都好難會整得難食！個蛋係咁多樣之中最好，起碼真係滑先啦。總結我用30蚊食左個烏冬同兩片腐皮，我個FD就用30蚊食左一塊滑蛋用兩片午餐肉，抵唔抵就見仁見智啦=]

食過兩次, 夾埋一齊寫吧。刺身類:試過帶子, 甜蝦同三文魚腩, 一般貨色, 唔算好鮮甜, 同埋唔太夠凍壽司類:最記得是左口魚群邊SUSHI, 好薄痴痴地咁的質感, 不過味道OK。鰻魚SUSHI 正常質素火炙SUSHI 類來到已經凍哂, 不過味道OK, 舊飯唔會一味大大舊,質飽你果D雜錦魚生飯: 好大碗!, 好多立魚, 三文/TUNA都比較少, 仲有好多蛋絲, 大胃王岩哂

約朋友喺天水圍食飯，上網知道呢度有間日式料理餐廳，於是乎就揀左佢；我哋830pm左右黎到已經大排長龍了，入座後絕對明白要排咁耐真係不無道理，因為餐廳一眼睇晒，座位好少。睇左一陣餐牌後我哋各自嗌一碗主食，再散叫少少嘢，小妹叫左個『火炙松葉蟹伴三文魚飯』，個飯一黎到見到尐蟹籽同爭鮮差唔多貨色，認真有尐失望;但見三片三文魚好似好靚仔咁，點知冇鮮味冇魚油香朋友所叫嘅石鍋烏冬話冬天食一流，食左十分鐘仲係熱到不得了，但一旦凍左味道就差左尐……朋友叫左個番薯天婦羅，上檯先知唔係食開嘅黃薯而係紫番薯但重點唔係呢樣，重點係炸得唔熟呀！咁薄嘅番薯仲可以食到爽爽聲，真係無言了……雖然除開三個人一人食左$110,但呢個價錢，我諗應該有更好的選擇

因為近屋企所以大大話都食左呢間有十幾次有少少分享想寫低第一樣想講嘅係 價錢平 尤其係早餐同午餐 四十有找絕對係荼餐快餐以外嘅好選擇第二樣想講嘅係 水準呢個價位黎講絕對係良心水準除左以下三樣慎選之外都可以放心試鰻魚飯：鰻魚好新鮮 肥美多汁 不過醃得唔夠 食唔到燒汁味 點嘅醬汁極咸 反而跟飯嘅炒蛋係亮點午舌：同樣問題 材料好 但係重調味料 叫嘅時候要有心理準備三文魚：三文魚腩好食好多 比多少少轉腩啦然後係推介三文魚腩：四個字 入口即化 ，注意壽司飯有少少散炸蝦天婦羅：蝦甜 炸料薄 醬汁咸淡適中 絕對係招牌菜總結係：平 令 正講完

今日放假，約埋友人來天瑞食下日本餐，知道呢間開業不久，可以一試令日後多個選擇。黎到12點，都未到學生放飯，已經滿座，好彩了等了一會，便可入座。看了餐牌後 知道套餐主要分幾類: 烏冬，拉麵，壽司，石頭飯，便當。熱愛白雪雪麵條嘅我，二話不說便選了烏冬，點知無哂蕃茄湯 (才一日的開始耶)，便轉了地獄海鮮。聽個名都知驚，地獄，又要我挑戰食辣。5係等左好耐，用石頭碗裝上嘅熱辣辣烏冬送上。望到碗麵嘅海鮮都幾齊備，帶子青口蠔魷魚蟹捧雞蛋，全部都係新鮮材料。至於湯底，有夠辣。5食得辣嘅都係揀其他，一路食一路飲凍檸茶，不亦樂乎烏冬煙韌有勁，5係個啲流嘅包裝烏冬，食左咁多年烏冬，我都食得出嘅。另送2件大卷，更飽肚。呢間野環境服務野食各方面都平均5錯，值得再到!

第二次到此店, 今次晚餐試套餐, 牛肉烏冬, 豬軟骨烏冬, 什錦魚生飯, 三文魚刺身, 燒雞翼,燒魚鮫 烏冬用熱窩上, 熱辣辣, 好正, 但係又會令到d烏冬好快臨曬, 所以認為在煮麵時最好不要太熟, 那就最好啦. 湯底係番茄湯底, 好濃,但係五太鐘意落左茄汁, 令到湯底有d假. 牛肉同豬軟骨一般.魚生飯- 魚生幾新鮮, 蝦同蟹子好鮮味, 如飯熱d同醋味濃d更正燒雞翼- 上次食過好味再食, 維持水準, 外脆內軟, 咸香味濃, 正燒魚鮫- 又一杰作, 外皮燒得香脆, 加埋本身有魚油香, 又夠咸香, 所以同樣超正三文魚刺身 - 今次叫半磅, 外表是新鮮的, 但食落反而鮮味不夠,油份不夠.有d失望  

呢間餐廳新裝修，甘岩又宵夜時段，價錢算平價，所以點左三文魚沙律，壽司，手卷同魚生飯，兩人每人唔使100而且三文魚壽司超新鮮，十分好食，完全冇揀錯 ，另外魚生飯消夜份量算大， 魚生十分新鮮同足料。另外三文魚沙律是用醋做醬汁，當中沙律醋比較酸，搶過三文魚味道，令沙律感覺吾吸引。不過整體上滿意，而且服務十分號落單快又有禮貌，兩人坐卡位算舒適。

食早餐第一次來呢間食，都唔算話太貴，叫咗個餐係蕃茄湯底螺絲粉配炒滑蛋同埋腸仔，加牛角包，另外仲有杯熱飲都係＄28，嚟到嘅時候見到玩螺絲粉出晒煙熱辣辣好似好好味咁，點知食落去林啤啤好似食粥咁，完全唔掂，好在，炒滑蛋補數都唔算話炒得老。

這間餐廳每逢食飯時間都有很多人排隊，所以之前幾次想去試一下，最後也被長長的人龍擊退了。今天中午特意早一點去，12點左右，等2張檯就可以進去了！點了一個蕃茄濃湯燒雞讚岐烏冬，蕃茄湯真的很濃味啊！烏冬也很滑呢！朋友點了一個辛辣海鮮讚岐烏冬，都頗辣呢！吃得辣的人就會覺得很惹味啦！