小重慶

营业中

休息中

小重慶既肥牛小窩米線真系番兜左好多次，除左價錢實惠、份量多、味道都好好。🌸肥牛小窩米線｜$38肥牛同米線既份量絕不吝嗇，湯底仲有肉碎、芽菜、莞茜、酸菜等配料，辣度可以由bb辣到大辣都有得簡。湯底微酸帶辣夠晒重口味～

我唔算食得辣，所以通常第一次試嘅舖頭都會試咗bb辣先，今次都唔例外。平時bb辣我都會流鼻水，不過呢間辣嘅程度係接近冇😅點咗腩片涼麵，配菜佢寫有芫茜葱同肉絲，但打開後我只見一碗白烚腩片撈麵，食到底都唔見有肉絲，確實幾失望，唯一可取係份量都算足…

通常會叫佢嘅酸辣粉同埋土匪雞翼，酸辣粉嘅酸辣比例很好，唔會太酸，薯粉十分彈牙！土匪雞翼唔似一般連鎖店咁濃味。但係佢嘅孜然味都十足，再加埋黑芝麻脆脆地，如果再加一杯可樂就係絕配！

叫左細份重慶涼面$22 ， 原本以為包左既肉絲係雪菜肉絲果d少少肉，點知係煎雞肉，而且唔鞋，好食，真心有驚喜同抵食。面粗幼係似旺角撈面果隻，很好上汁，硬度係我鍾意既有咬口，不會太軟太硬；辣度我揀左小辣，不會太油不會太刺激，對我呢個想食辣但又食唔到譚仔中辣既我就剛剛好。 份量對得住$22蚊，很滿足，會再幫襯#老板好好人 好nice

唔係街坊都唔會特登留意到呢間小店😂主打重慶風味既辣辣小食🌶價錢唔算太貴 惹味就基本啦 但係值得一讚既係試過幾次食完都唔算特別口渴🧊不過利申我每次都係叫小辣或者BB辣😅⭐️ 招牌酸辣粉 🍜⭐️ +雞扒 🍗每次黎都叫佢因為酸辣既平衡幾好😜味道比較溫和啱香港人口味💕 配上我最鍾意既薯粉🍠口感夠煙韌 配料有酸菜 花生🥜豆卜等等 唔算突出 反而花生有點硬😅⭐️ 重慶涼麵 🍝⭐️ + 雞扒/金菇 🍄相對之下涼麵稍為失色了🌝唔夠重慶既燃感🔥辣味欠缺層次 主要食到辣油既味道😅 當小食過下癮尚算合格⭐️ 土匪雞翼 🐔雞翼偏乾 孜然粉唔夠入味😢可以不試

之前見呢間店評語唔錯，一直都想試，今日經過終於買左黎試下。買左細涼面醫肚，滿心期待食到d重慶辣野風味，成份面份量好多，有幾條雞肉絲，味道好普通，只係一碗面撈左普通既辣椒油，得個辣，無任何層次，無其他醬既味道，又無其他配料，好似基本食重慶野必有既花生都無，超寡！食完純粹飽肚咁啦。

見佢價錢唔貴望落又多人排隊食佢我就即管試試佢加錢既配料選擇亦唔多 只係價錢都算抵食叫左個重慶酸辣粉加牛丸 30幾蚊都算大碗但到食落口就真係...好小酸辣粉會冇味到咁既樣我叫小辣係啲啲辣我都食唔到 真係完全冇味好似清湯咁樣 佢碗野本身會比埋豆卜你 正常豆卜吸哂啲湯會好辣但個豆卜純粹浸完落清湯咁😟啲薯粉亦都唔係平時出面食開咁煙韌第一次食薯粉咬開係咁既質感 真係有啲失望🥲抵食就抵食 味道黎講就唔係難食但唔係好食..

之前行過聞到係吸引嘅，今日第一次買黎食。。中左大伏。。小辣嘅涼麵同酸辣粉都係無味嘅。。係無酸無辣。。以為無撈底啦，點知撈完都一樣。。。係一啲四川菜嘅感覺都無。。涼麵仲係好似凍左嘅乾雲吞麵咁。。真心唔明點解咁多人等同排。。我都好少可話啲野難食，但呢個真係期望同現實落差太大。。差到要第一次出post同打夠200字黎表達下真實感受公平啲講個抄手可接受，但整體似係普通餃子加左啲辣油咁，真係唔敢再有下次。。

呢間小店炮製嘅酸辣粉別有風味，比坊間嘅酸辣粉酸，好得我心！鋪頭搬咗之後地方闊落咗（不過都係做外賣），仲有賣小食！我最鐘意麻辣豬耳，調味唔太重但仍然會麻會辣，睇相都知有水準！

由細舖食到轉大舖 佢地都係咁街坊式熱情 而家多咗好幾個後生仔幫手佢地既價錢依舊街坊 分量都係咁多 最鍾意佢地配料好足 酸菜花生豆卜 仲有香菜酸辣粉on top加餸都係8蚊 最推介豬頸肉 肥瘦適中 分量又多 其次就係雞扒 總之加錢加餸就無錯 不過 佢既酸辣粉唔係正宗個款即係唔係又麻又酸個種 重口味比較似係 家庭版 但係好味既多料辣薯粉順帶一提 小食方面 價錢都相宜食過涼拌木耳 涼拌青瓜 同埋水煮牛肉個人建議買涼拌小食前要問吓老闆娘整咗幾耐因為之前買過啱啱整完會有啲暖 唔夠凍 對於涼拌小食 推介度一般 不過平平地加餸可以接受而水煮牛肉可以買返屋企加餸 都算幾大盒

☺️好食 好抵食尖椒皮蛋🌶味道同賣相一樣豐富，我唔叻食辣野，但呢個少少🤏同惹味，正麻辣雞腎🌶真心份量係比想像既多，芝麻都唔係係咁易撒少少，重點啲小食係抵同好食😋招牌酸辣粉🌶 大碗無攪錯，呢度應該夠兩個人食，配料好足好開心呀，有啲鋪頭比左多啲錢都未必有呢個量，呢個係多呀😝全部冷盤：手撕雞、涼拌青瓜... 都準備好係度 $2x就有一兜， 即買拎走🤤 係公司食飯可以自己加餸啦 must encore🥰🥰

重慶地道酸辣粉   22元  細碗裝  3.5/5分1. 公道來說,其實我本身不常吃酸辣粉,所以分數偏低一些,如果喜歡的人,我覺得可以有4分以上2. 自己有去過重慶,相比較之下毫不遜色3. 價錢便宜,份量超多,味道可以,絕讚4. 其實我會建議大家加配其他小食,因為不貴又大份,好值得推薦的小店看著此小店由小小店變成現在的小店,確實難得,希望香港人多多支持這種非集團式經營的店舖,延續黃圈~~~~~~~~

本身我係完全對於酸辣粉冇乜特別好感，因為覺得大概會覺得好辣，辣到食唔到但經朋友慫恿下，覺得試下呢間店鋪呢間店鋪裝修平凡，但一入去已經聞到濃濃嘅酸辣味聽朋友講唔受得辣可以叫微辣或者BB辣，我叫左微辣。因為真係怕食唔到而浪費食物，我叫左細（$22）。不過，下次我一定叫大（$28）。現時香港唔過30蚊可以食到一餐係少之有少.......湯底好夠味，唔會因為辣而搶走酸味同湯底，完全啱啱好！紅薯粉，佢哋用左比較有咬口的薯粉。所以就算外賣都唔會“淋”。我本身幾鍾意食酸菜，所以覺得佢落咁多酸菜係好正！花生應該都略略炒過？鹹度同花生嘅香味令整體酸辣粉的味道層次提升，感覺好融洽。我最後好急好急咁食，連湯都飲埋。不過唔食得太辣嘅朋友，建議試左BB辣先。食微辣嘅我，食到後面覺得辣的有啲辛苦。但好好味要keep住食咁。

柴灣高質酸辣粉🌶份量十足酸辣粉(大)$28+豬頸肉$8睇圖都見到佢哋啲配料比得好足😆個粉索啲酸辣味食落好醒胃🤩 湯底唔會死咸或者得個辣字🤭飲得出好有層次🌈不過豬頸肉真太肥 下次應該揀雞扒🐓辣度第一次食嘅話建議揀小辣先 佢哋小辣都幾有料

點左兩款麵和兩個小食（酸辣粉，拌面，紅油抄手和豬肚）全部採雷。 感覺係完全唔識重慶小食的人將各類要素堆埋一齊扮特色小食。酸辣粉：薯粉係第一失敗。靚的薯粉應該係彈牙，煙韌，但呢間店的薯粉口感林+粉粉的⋯⋯ 湯底亦唔夠酸和香，可以話係完全無重慶酸辣粉的半點精粹。紅油抄手：無論皮還是餡都失敗，唔清楚是自己包還是攞貨，但街市隨便一間賣包餃子雲吞都贏過佢。拌面：佢賣的麵失敗，醬⋯⋯⋯⋯更失敗。豬肚：可能想顯示刀工，粗過頭髮絲。