小食快綫

营业中

休息中

夜晚收完工已經好夜，唔想自己煮麵食，竟然比我見到snack express，入去食d野就快靚正我揀左堂食，雖然人多空間少，但大家已經好有默契，見有新食客都會挪過少少讓出空位。我買左一份炒麵，盛惠$13蚊。阿姐夾滿一盒比我，大份到夠我食兩餐豉油王炒麵真係好好味，每條麵都均勻炒至深啡色，軟硬度適中，唔會有乾左/變硬既情況，加左少少甜醬吊一吊個味更佳。如果一定要雞蛋挑骨頭既話，就係個炒麵都好多油下…咁heavy既宵夜只可以一個月食一次

通常黎到都係買$10燒賣，雖然都係普通嘅魚肉燒賣，但$10有8粒抵過7仔啦！魚蛋就反而麻麻，細粒又無乜魚味！食過一次唔再食～試過肚餓叫一碗碗仔翅，$16超足料又夠味！今日見雞蛋仔好靚，即買一底試下，咦～唔甜又有蛋味，仲係脆邊添！$13都抵食呀！味道同媽x雞蛋仔有得揮！

呢個小食，係我地鐵至愛但好少地方有得食，今日lunch突登過黎食叫左10元燒賣10元腸粉，腸粉4條，燒賣8粒我愛叫多醬啖啖醬加埋一流足夠我飽足全日， 但腸粉無以前滑，但都值得我食ge 回憶嘛

今日凍冰冰搭火車喺旺角東站落車， 原先諗住去買支熱維他奶，結果畀我 係A出口 見到有間小食店， 裏面人頭湧湧， 我就排隊入去買小食， 店內職員個個都好熟手，所以就算排隊都好快買到嘢食 ，因為天氣凍想食啲熱嘢，所以我叫咗個腸粉， 個腸粉熱辣辣， 撈埋甜醬、 芝麻醬及豉油， 食到個人暖笠笠， 而且腸粉好滑， 好好味。小食店有好多其他小食， 例如有辣及唔辣的魚蛋， 燒賣、魚肉湯、 碗仔翅、 即整的格仔餅、 雞蛋仔及三文治等等。下次搭火車經過要試埋啲碗仔翅或者兩溝 ，如果有即製冰鎮奶茶就perfect了！

平日經常都會經過呢度食小食, 尤其晚餐唔夠飽既時間更加會成日黎呢度補食~呢張相影得唔係幾好, 其實有腸粉+魚旦, 呢度雖然唔算好好食, 但唔會好貴又衛生, 唔似得街邊既小食販坐地起價, 腸粉質素又穩定, 一定滑而且醬料唔會太多或太少, 魚旦又唔會雪好耐先拎出黎整比你, 所以我去旺角一定唔會食街邊檔, 反而鐘意上黎港鐵站呢度叫20蚊野食, 已經好夠飽啦~~~呢度D姐姐都幾好服務, 唔會好似小販咁對你呼呼喝喝, 雖然唔會話好好食, 但間唔中食其實都幾好呀

放工肚餓，但臨近食晚飯，所以食小吃就好。但又唔想食街邊檔，感覺不太乾淨，所以寧願行遠少少去snack express.我點了一碗魚肉碗仔翅我之前未試過食，但一試，性價比都幾高，姐姐加了大大舊嘅魚肉，熱辣辣，碗 仔翅配料非常足，每一口都有大大片嘅冬菇，亦不算咸，亦不杰，剛剛好，給一個讚

今日餓左成日，但屋企又有飯食，想喺旺角東附近簡單食。但附近全部大型食肆，於是特登來幫襯。服務態度就真係麻麻了，不過$20有燒賣腸粉，而且味道ok wor !! 鐘聲佢腸粉個皮夠簿！最怕食厚皮腸粉。

同朋友行街、行行下好肚餓，但又未到食飯時間，先5點幾點算？ 因為係旺角東附近，即時就諗到呢間開左好多年，係港鐵站外，成日排哂長龍既港式小食店於是就去左試啦！叫左個燒賣，同生菜魚肉正常合理價！唔似旺角某d呃人小店我有次無問價 就禁話要燒賣魚蛋 佢就話$50香港人都呃香港人講番野食，燒賣好食！ 以前成日覺得鴻福堂燒賣無得輸，但佢個口感其實唔好，係豉油補救，同埋愈黎愈貴而snack express 佢個燒賣口感好正！ 彈牙！豉油無特別 但夾埋都好食！ 而生菜魚肉 就好足料！ 大大碗不過食完真係好口渴唔多唔少都有d味精啦不過好食 醫下肚 禁既價錢 差不多啦

旺角東火車站分店店員服務態度極级差。不可理喻.極级沒有禮貌。絕對會搵途徑投訴到底。😡食物也不見得有什麼好吃。為何貴公司可容納這種員工在店內影響貴公司。完全係不知所謂。 就算食物是好吃的話也沒有用。更何況是完全不好吃，垃圾食物。食物質素差差差，店員質素差差差。仲要食到我一肚氣😠😠😠旺角東火車站分店。以後也不會再到任何這家店購買。請貴公司重新提高服務員服務態度與質素。這樣只會令本公司質素越黎越下降。

其實都唔係第一日知服務態度差。唯獨今日真係令我覺得好嬲。喂，我可以了解6點幾多人好忙，但係唔係咁鬧個客插隊wo。話說小妹生得比較矮，得156，排隊排係一個比較高嘅西裝佬前面。前面個位靚女已經落完order又唔行前，咁我咪行前少少落order lor。點知後面條西裝佬同阿姐講話要燒賣魚蛋先。咁我行前同阿姐講話要燒賣lor。點知俾錢個陣阿姐話阿妹唔好插隊？！？！大佬我排隊俾個男人插隊買左都算啦，你話我插隊？我排曬隊俾錢食嘢仲要俾人屈插隊。今餐燒賣食極冇味。之後點餓都唔會再去買嘢食。

好幾年前已經開始光顧這家小吃店，在還未光顧前，以為這種位於地鐵站內的連鎖小吃店不會做出什麼好東西，不過是方便匆匆趕路的人群，吃過方知大錯特錯！雖然店子不在街頭，但它有幾種街頭小吃做得比不少街頭小店都要出色。賣燒賣的地方一街都是，然而這裡的燒賣卻是一吃立見高下，也是因為燒賣覺得必須為這店子寫一篇。它的取勝之處在於質感，那種綿彈的口感實屬少見，可以感受到牙齒咬下去微微反彈的感覺，舌頭碰上去是綿的，完全蒸透的燒賣並沒有煮過頭，而是熱哄哄且濕潤度剛好。燒賣加入豉油、甜醬、辣油便成為令人牽掛的小吃，一份平凡的燒賣從果腹之用提升至牙舌與味蕾的享受！以前最愛通達的辣魚蛋，可是現在已經不怎麼吃，嫌它腥氣越來越重。這裡的魚蛋質感跟通達沒差，也是"實心品種"，咬起來感覺很實在，韌性好，沒腥氣，辣度輕易駕馭，稍為能吃辣的人吃完不喝水也沒問題。價錢跟燒賣一樣$9八粒，但魚蛋體積比燒賣小，吃起來不及燒賣飽肚。咬開可以清楚看到魚蛋密度很高，這種魚蛋口感特別好，但還未能成為魚蛋榜首，因為魚蛋汁味道平凡，辣味讓人不深刻，不過暫時沒找到比它好的。腸粉則不算做得很好，但達到平均水準，大多店子賣的跟這裡差不多。皮有點厚，不

曾經，我對這間集團式的小店寫了一則食評《慳妹飲食記事【卌卌】— 釀魚肉食品很像泥膠！》。曾經，因為我接受不了該店的魚肉，所以路過也過門不入。也曾經…我對自己說：「不如給它多一次機會，試試吧！」就是這樣，我再到這品牌位於旺角東站的分店，再買了煎釀食物…真是含著淚的心想：我已經給過一次機會喇，仍然是這樣！就是不知為何，其出品的魚肉總是很黏口，又沒有味道，我接受不了。總希望他們改進一下魚膠肉的質感，希望有機會…我說有機會才…嘗試到彈牙的釀魚肉好吧！

Snack Express 有多間分店，曾到粉嶺名都，但印象較深刻的就是旺角東鐵站，雖然是連鎖店，但食物質素還是有點差別的。粉嶺名都分店，炸三寶必食，旺角分店是沒有炸物的。每次到旺角分店，我都會點生菜魚肉湯，因為味道較其他店的好，魚肉彈牙，不會霉，生菜放底份量非常多，阿姐每次都問要唔要麻油胡椒粉，我都會話要多D，因為放左呢兩款調味料，味道真係非常配合，$16，份量非常足，都有飽肚感。是日除了生菜魚肉，還點了燒賣，味道一般，還算新鮮，熱度十足，不妨一試。店內沒有座位，有一張長桌子，大概可以6-7人立食。

其實snack express 作為一間連鎖店，它的食物水準當然係會保證唔會太差啦，不過味道其實就真係一般啦，唔會話有驚喜，買碗魚蛋腸粉食總係覺得只為飽肚感。因為都係提供唔平唔貴既常見小食。不過值得一提既係呢間分店既店員服務態度係幾好既。

$18 蘋果雪梨汁第一杯： 有怪味換第二杯： 雪櫃味服務態度度如下：一早返工想買杯果汁清腸胃阿姐強調係鮮榨買左一杯一路行一路飲飲左兩啖confirm 到杯果汁有怪味返轉頭問我： 阿姐， 杯野有怪味！ 完全飲唔到蘋果雪梨味～ 係咪部機未洗乾淨？姐： 啲果汁係鮮榨架！我： 我知， 但真係有怪味～姐： 咩怪味？ 薑味？我（恍然大悟）： 係！姐： 啲果汁加左薑汁！ 對你有益！我（一言驚醒夢中人）： 啊！ 原來是咁！ 咁下次係咪要預先講走薑汁呢？姐2 （恥笑中）：唔駛！姐： 頭先我地榨完薑汁飲麻！我： 咁你介唔介意清洗下部機先榨呢？之後阿姐換過杯比我杯果汁無左薑味但好勁雪櫃味囉！