小食快綫

营业中

休息中

一份辣魚蛋。一份燒賣唔辣。聰明的阿姐將辣魚蛋同燒賣擺埋一齊，再問我燒賣要辣定唔辣。o晒咀。擺埋一齊咪兩樣都辣囉。本來都算，仲要死撐，叫我咪買，咁我咪轉身走人囉。過隔離幫襯。

今日唔記得左食午餐, 所以去左SNACK EXPRESS買腸粉食, 次次食都覺得好食, 好正呀!10蚊已經有5條(好似係), 而且阿姐係唔會吝嗇既, 落好多醬! 最鐘意既麻醬阿姐落超多, 辣醬, 甜醬撈暈佢就已經好好食, 條條腸粉都好上色! 重要份量好多, 地方又乾淨企理, 好過果D旺角街邊腸粉啦!好抵食 好抵食 好抵食好重要所以講3次!

$9/8粒 燒賣ok la 租貴明白既都清楚知道會系麵粉燒賣但點解會蒸到燒賣變硬。變硬。變硬本身都唔好味唉重點系連D豉油&辣油都系溝左水點完都系冇乜味，落幾多豉油都系冇用成份燒賣都系食之無味 棄之可惜PS 要改善管理 D人排哂出去，唔知系for雞蛋仔

這裡的燒賣竟然好味到令我好想為佢寫一篇食評，真係好厲害 ! 我仲為左証明呢間好食，仲特登食多左幾間小食店，包括鄰近的鴻福堂、附近的陳記、大圍小吃等等.... 才發現這裡最好吃! 燒賣的溫度夠熱，而且$9有8粒，隔離鴻福堂要$15才10粒呢~ 辣油還有點渣~~~ 好好吃呢~~~ 

每次經過呢度，一定忍唔手買，忍唔到口食佢地既燒賣和炸魚蛋，雖然都係蒸既魚蓉燒賣，但就零舍彈牙，而炸魚蛋就有魚肉味，唔似一些小食店只得一口粉，再加埋佢地甜甜地既豉油，小小辣椒油撈埋一齊食，yummy yummy

而家真係好難揾到煎釀三寶了，就算揾到已經大部份係食炸粉，雖然snack express 唔係話好重魚味，但唔會啖啖粉，同埋最緊要新鮮，因比較d食物賣得快，所以經常食到係剛炸起的，不過碗仔翅就有d參差，有時濃味，有時淡味，不過都ok,雞蛋仔夠脆，整體上食物都好味，又唔貴

今日起身冇乜胃口，lunch又唔知食乜好上火車返工前見到呢到有腸粉食就買黎試下喇八蚊四條腸粉黎講份量都幾多，不過腸粉就唔夠香滑。阿姐落醬都落得太重手了，鹹左少少……呢間小食店比出面嘅街邊小食店衛生乾淨，提供嘅小食款式都算多，為趕時間返工嘅朋友帶黎方便，食完就可以即刻搭火車。

它, 數次在我肚餓時醫好我的肚偶然發現它的存在, 當我要轉乘巴士回屯門時, 一定會來買一份煎釀三寶。十元五件, 用一個大碗盛着, 澆上甜鼓油, 甚或可以加點辣醬, 美味的小食。比街邊檔衛生之餘, 由於人流大, 都是現炸的, 熱辣辣。雖然魚肉成份不是數一數二的多, 但已足料過很多街邊檔, 魚蛋、豆腐、矮瓜都是必食的。現在即使不順路, 有時候會故意轉乘巴士, 就是為了嘴饞

放工行出旺角火車站拎蛋撻 , 點知去到 arm arm 賣晒下一轉出爐 , 要等十分鐘 , 唯有o係附近行下啦車站範圍 , 全部都係食野o既 ,明明諗住呢左蛋撻沙翁返屋企做下什茶 ,最後都抵唔住頸 , 入 snack express 買左十蚊煎釀三寶魚旦 x 2 , 茄子 x 2 , 青椒 x 1 , 紅腸 x 1全部都仲熱o家 , 唔係好油 , 件件都有返咁上下大 , 幾抵食魚旦好煙韌 , 咬開見到半透明狀 , 似乎都落左唔少粉 ,不過無乜影響個魚味 , 香得黎唔腥 , 炸至金黃o既外皮仲有少少脆添茄子好夠淋 , 唔係切片而係就咁打直切成段 , 咁樣切法要炸耐少少要控制得好好, 如果唔係好易燶 , 佢呢度就整得唔錯 , 唔會成口油係食得到中間o個 d 係茄子本身o既水份而唔係油 , 好味 ^^青椒 , 好多時出面食都會青椒同魚肉分開左 , 甚至得片青椒呢度塊魚肉幾乎同片青椒厚度相同 , 而且仲痴得好實 ~紅腸 , 夠熱夠厚身 , 同樣有一層魚肉痴住 , 口感不俗## 呢度o既小食種類同街邊當差無幾 , 但絕得衛生得多 唔會由 d 野食o係馬路邊封塵 , 就算吉串魚旦都有個碗仔比你買三

每次經過旺角東港鐵站, 都抵抗不了小食快綫的誘惑, 除非真的很飽, 否則一定要來吃一轉煎釀三寶。十元六件, 比一些街檔還要經濟實惠, 是日選了 :四件魚蛋 (每次必選) - 彈牙, 香口, 魚味濃一件紅腸 - 紅腸香脆一件豆腐 - 豆腐脆而滑甜豉油甜味適中, 吃後沒有太口乾的感覺十個大洋便解決了一個午餐, 抵

旺角街頭小食, 第四回. 呢一次行得更遠, 直程行到上來火車站才買野食. 是次介紹的街頭小食, 擁有一個好高檔的名字, 魚翅喎. 好就足料, 多多本耳雞絲粗粉絲加蛋花的槳粉翅. 不夠好是就, 以蛋花為主, 根本吃不出有什麼料, 連粉絲都感覺唔到. 這一個碗仔翅, 就是後者, 雖然有醋同胡椒粉來加強味道, 但食食食, 我總是覺得我只是食緊一碗槳粉, 而且係一碗冇料既槳粉. 另外, 就是食到一口油, 因為上碗後, 要加重其香味, 落了勁多的麻油.....可惜的是, 麻油既質素差, 店方雖然狂落麻油, 但我感覺唔到有麻油香.....改日吃了腸粉, 也不覺好好食.....昔日火車站周邊是熟食攤檔勝地, 如今推車仔的小販不常見了, 但車站依然是人人吃小食的地方, 所以呢一間小食.....質素雖是普通, 但, 人流旺, 沒競爭....幾唔好是都有人食.....可憐的....是我們....