小食快綫

营业中

休息中

今日睇戲前經過小食店，突然間好想食啲平民小食，就買咗啲魚蛋、燒賣、腸粉同埋碗仔翅。呢度嘅魚蛋真係冇得彈！粒粒都外皮煮得金黃色，口感彈牙，雖然唔係好大粒，但味道鮮美，配埋啲特製嘅甜醬同辣醬，真係一流。燒賣就更加唔使講，豬肉同蝦肉嘅組合，外皮薄而滑，每一口都係滿滿嘅鮮味，值得一讚。腸粉真係平民小食嘅經典，呢度嘅腸粉煮得啱啱好，粉皮滑溜，非常好味，淋上少少豉油同芝麻醬，味道層次豐富，真係令人回味無窮。最後梗係唔少得碗仔翅，湯底濃郁，翅絲豐富，真係正。整個用餐過程非常愉快，真係滿足咗我對平民小食嘅渴望！😊🍢🍲📸

收工買燒賣魚蛋，唔知係咪阻住阿姐(金色頭髮)收工，態度極之惡劣，責罵顧客好煩。買個嘢食都要受氣，大家嚟呢間snack express食嘢之前要做好心理準備會俾人鬧🤡

經過好肚餓 就去食腸粉 腸粉熱辣辣 醬汁比得夠 過關！姨姨好好人 態度好好 講唔該都會回應唔洗 話要多麻醬都有比多我做嘢都好快手 完全靠其他人所講的態度唔好問題 肚餓醫肚ok！商場內4條十二蚊都差唔多啦The cheongfan is still warm and hot when served and the aunties were friendly! It’s rather inexpensive considering the fact that it’s inside a mall The portion is good enough for two to share as a snack! Definitely revisiting again if going there

我對於燒賣店工作人員的惡劣態度和不尊重的行為感到極度不滿和失望。當我作為顧客光顧該店時，遭遇到他們的粗暴和無禮態度，這完全違背了良好的服務準則和基本的禮貌。我花費寶貴的時間和金錢，期望享受一頓美味的餐點，卻遭遇了這樣的不尊重對待，這讓我感到極度受傷和沮喪。作為一位忠實的顧客，我一直以來對該店抱有高度的期望和信任。然而，這次的經歷使我對該店的形象和服務質量產生了極大的質疑。我認為作為消費者，我應該受到尊重、友好對待和良好的服務態度，這是我作為顧客的基本權益。我希望這封投訴信能引起店方的高度重視和關注。我要求店方嚴肅對待此事，進行充分的內部調查，確定涉事工作人員的行為是否符合專業標準。同時，我期待店方向我道歉並提供適當的解釋和補救措施，以彌補我所遭受的不公平對待。我希望店方能從這次事件中吸取教訓，改進他們的服務流程和培訓工作人員的態度。我希望該店成為一個友善、尊重和以顧客為中心的環境，讓每位顧客都能享受到愉快和舒適的用餐體驗。最後，我希望店方能及時回應我的投訴，並保證類似的問題不會再次發生。如果店方能夠積極處理此事並採取適當的行動，我將重新考慮是否繼續光顧該店。我期待著您能對這個問題予以足

呢間店真係越嚟越差，排隊亂咁黎，恃住店內有幾部8達通機收錢，做嘢既阿嬸有時鐘意用呢部，有時鐘意用嗰部。我同前面一位女士，係門口八達通機排緊隊，但左邊門口，有啲人直入去入面部機，啲阿嬸一於少理，照落單。 我都未話佢制造排隊混亂，到我落單時，嫌我講得慢，新冠後反應慢少少啫，要load 一下，無諗過竟然會俾人歧視，平機會有無得投訴？ 我影相，啲職員仲好巴閉咁講：影啦！阿姐唔做架啦！ 又話：有錢食飯就唔使受氣之類的說話。我真係覺得有被侮辱的感覺，乜原來幫襯佢地就要受氣？ 幫襯佢哋等如無錢食飯？ 呢啲人咁嘅態度，點解可以對客？ 真係唔做就正確，根本係錯配，而呢度負評佢的人就唔駛背脊骨落，話時話唔會再幫襯。如果將佢哋同其他同類店舖比較，我都覺得拉低左其他店。

八達通比錢，佢整錯金額 我急住走直接比左 店員係度串我話唔注意睇金額 其實係咪應該學好先返工呢 自己錯金額瀨人地 我都未講嘢 態度太優質幾個人係我面前串我 真係叻叻😅😅😅

我order左一份燒賣拎走，order 個陣阿姐執緊腸粉，可能聽漏左拎走，所以比我個陣冇用膠袋裝，咁我就同佢講話可唔可比個膠袋我裝住，佢態度勁差咁話早講啊，我就同佢講番我頭先有講，其實佢比個膠袋我咪得，佢死都同我拗話頭先冇講，仲幫我裝個陣掟份食物比我😡我出去個陣佢仲一直講，eq勁低。谷到我成肚氣，下次唔會再去。

呢間鋪既燒賣加辣醬豉油Ok既,但同其他市區小食店比例如龍津, 食物質素都差過佢地,無奈青衣城附近無乜平價小食店,由上年開始每星期都會幫襯1,2次,員工態都ok正常, 但係今日遇到態度差既店員阿姐佢好似新黎之前未見過,我點餐時巳講左外賣扲走,佢誤會左堂食無打包我重覆話'外賣扲走唔該', 個店員就發晦氣指責我'又堂食 又外賣',暫時都會再幫襯,我寧願行遠D去長發街市買野食

一早去買早餐 店內冇人 叫魚肉碗仔翅 收錢時見收少$2 知道應該比錯了碗仔翅 冇魚肉 同店員講返係唔係魚肉碗仔翅 佢完全唔理我 我再講多一次 佢就好大聲話我要魚肉碗仔翅 佢堅持話我冇講魚肉 我重申有講 只係店員聽唔到（聽唔到真係唔出奇 入面開著抽風抽气等設備好嘈）見我唔比錢 先死死氣加返魚肉落碗度 係態度好差，其實加幾舊魚肉有幾難！我臨走時 店內有另外一個員工搭嘴話係我點錯 其實佢喺廚房入邊，點聽到出邊講乜嘢 我出聲駁佢 佢竟然喺度不停嘈 但係當事個店員反而冇再講任何嘢 其實關廚房入邊個員工乜事呢其實呢間食店以前啲嘢幾好食 不過而家差左 最明顯係燒賣 冇左甘香味 只係一舊冇味面粉 所以以後唔再幫襯係冇所謂

有時放工口痕都會買吓燒賣夾餅食遇到剛剛整好嘅夾餅真係忍唔會買一份熱辣辣配埋啲奶醬香噴噴腸粉又合佢唔到咁滑同埋冇臭粉味有啲腸粉總係有陣味但呢間冇燒賣又唔會蒸到淋哂食果時仲好彈牙

晚上八點半放工返到青衣城，諗住求其食份夾餅醫肚。佢求其喺埋邊攞咗份唔知整好咗幾耐嘅俾我，我見反正佢又用個膠蓋吸住唔太污糟就算。問佢熱唔熱㗎，佢就死都話熱，點知一上手只係小小微暖。我算數，因為我真係好肚餓。點知一食落口啲沙糖係溶唔到，真係好有質感…有晒食海鮮嘅時候食到沙嘅感覺，很微妙～一句講晒…難食！其實夾餅有乜可能整好晒放響度等啲客嚟買喎？！佢本身個夾餅都已經唔夠蛋香…失敗，仲要完全唔夠熱…失敗中嘅失敗。其實諗返起佢好似啱啱玩完電話，直接將份夾餅放喺手上查醬…諗起都驚😆原來肚餓起上嚟係會失去理性嘅🤪真係好後悔，早知去唔去麥記求其買個包好過…唔會有下一次！

自己已經食左好幾年snack express, 但係今次一試，感覺都係好新鮮。snack express 同其他小食點最大嘅分別，就係在於snack express 係以客為本。食物嘅種類係典型香港小食，喚起各位食家嘅回憶。同時間，snack express 嘅價錢絕對係超抵價。魚蛋燒賣都係10蚊，但係從來都唔會用劣質食材。食物質素一流👍🏻👍🏻👍🏻，而且今次試左炒麵，份量甚至係兩大。CP值一流。🥳🥳🥳

日日收工都經過呢度，但係真係好少何入去買嘢，今日太肚餓，喺返屋企之前嗌咗個咖喱魚蛋頂下肚先，但係口感真係麻麻哋🫣佢咖喱魚蛋啲汁淨係表面，同埋魚蛋口感好實，得辣，冇乜咖喱嗰隻味🫣

我係一隻甜醬怪每次返工前都會急急腳咁過嚟呢個青衣城商場買返兜小食返工食，每次d姐姐都以9秒九速度就準備好，例牌必食: 燒賣，腸粉，碗仔翅，炒麵一星期來講每個星期都會買三次，每次都一定會千叮萬囑姐姐多甜醬多甜醬，當我買咗半個月之後，姐姐都記得我，每次比錢時對白都變咗係佢嘅，阿妹多甜醬呀嘛！一間小食店都可以記得你多甜醬係Warm嘅,姐姐祝你生意興隆呀㊗️

喺條街度肚餓想搵嘢醫肚，呢間係好選擇。環境衛生， 仲要新鮮熱辣辣。有個位俾你企喺度食然後下面有垃圾桶俾你掉野。中午都有唔少學生哥喺度食。生菜魚肉$17 好足料， 而且魚肉彈牙，唔會太多澱粉。不過淨係可以加埋有胡椒粉， 如果有得加醋同埋菜脯就更加好。