尚泰太 (已結業)

好食嘅餐廳食100000次我都唔會厭😋📍尚泰太 (元朗)元朗大陂頭徑2-12號華盛樓地下E號舖正宗泰國菜由泰籍廚師親自處理 味道夠晒正宗有得揀室內/室外坐 室外坐嘅話可以帶埋寵物今次6:00去食已經坐滿一半如果晚餐時段去食 記得book定位！泰式無骨海南雞半隻$98雞肉好嫩滑 肉厚有雞味 仲望到中間有層啫喱配埋泰式酸辣汁同薑蔥蓉醬汁 酸酸甜甜 撈飯一流泰式炒金邊粉$88 超香！鑊氣十足！隻蝦大大隻好彈牙金邊粉份量好多 加咗蛋絲芽菜去炒食之前記得撈埋花生碎 加埋青檸汁去食！泰式奶茶$28同係泰國飲嘅味道一樣茶味好濃郁 甜度唔會死甜香芒糯米飯$78紫+白糯米飯 鹹鹹地甜甜地 係泰國嘅味道一定會encore encore再encore（已經encore咗5次）

🔹️尚泰太🔹️ 元朗呢間泰國餐廳我已多次到訪，平時主要都係外賣午餐😁未試過堂食晚餐，今一次帶朋友黎試下我覺得質素唔錯既餐廳。餐廳有戶外位置，亦係寵物friendly既，可以帶小動物一齊開心用餐🙌 餐廳由泰籍廚師主理，味道更地道，亦可尋回旅行既回憶 🥢串燒拼盤6串 ($8)串燒種類分別有雞及豬，每款各三串，本身已經醃製得好入味，再配上香濃而充滿花生香味既沙嗲醬食，味道加豐富 🥢青咖哩雞 ($82)味道夠晒正宗，雞既肉質都好嫩滑，另外有四季豆、蕃茄仔及泰國茄子，茄子特別爽口又吸汁，真好好味。咖哩汁濃郁，味道適中，拌飯食一流🤭 🥢芒果糯米飯 ($78)芒果糯米飯係經典泰式甜品，今日有機會品嚐啦，香甜既芒果配上軟糯既糯米飯一齊食，真係最夾既配搭，可再倒入椰漿增加甜道，更加滋味 🍹龍眼冰 ($28)🍹珍多椰汁冰 ($28)

食完就覺得係必定要試既泰國菜呀元朗係人都知多野食，但要搵好食既，俾我發現左呢間泰國菜館就真係超高水準！點左幾樣食物黃咖哩牛腩飯-汁好juicy，牛腩起碼有8件，足料又份量多，蔬菜都吾少，高水準，就算唔係好食得辣嘅人士都可以嘗試下，因為勁好食，撈飯一流！泰式炒金邊粉-金邊粉口感好正，吾會太淋或太韌，味道甜甜地好好食！炭燒豬頸肉-配醬料，點醬料食好正，好香口，店員拎到黎聞到好香，食完都想再黎一碟！飲品有椰汁涼粉紅豆冰-特飲都吾差，紅豆又多。新鮮椰青水-清清甜甜原隻上，連埋椰子肉一齊食，必試！lunch價錢都相當合理，係超抵食同超好食既泰菜，連埋店員服務都好好tim，而且都好近輕鐵站，交通好方便

泰式香葉肉碎炒金邊粉$72一上菜見到竹籬小碟，菜式鮮豔繽紛，賣相唔錯，配菜幾多，有生菜、三色椒、紅蘿蔔、車厘茄、豆角、洋蔥、草菇、蒜粒、香葉、肉碎，口感豐富，金邊粉掛汁，都炒得幾香，BB辣，怕辣既朋友仔都食到。串燒拼盤（6串）$88雞肉豬肉各三串，串燒啖啖肉，點埋醬汁食味道更豐富，少少酸咸咸地，仲食到椰香同沙嗲味，仲有幾舊新鮮菠蘿同車厘茄解膩，唔錯😋泰國新鮮椰青$36兩個椰青大大個，清甜多汁🤤，食泰國野飲椰青真係好夾☺️，食完濃味辣野，飲啖椰青水，清爽舒服價錢大眾化，菜式多選擇，味道唔錯。雖然店舖小小，但都算坐得幾舒服。

推介下平時鍾意去嘅泰國餐廳，我自己覺得呢間嘅食物幾正宗，疫情期間，又冇得去旅行，唯有喺香港食住先🥹🥹解下悶～～-泰式炸蝦餅🍤$78最鍾意就係食呢個，首先佢咬落去係勁脆口，同埋食到蝦肉嘅紮實感，唔會好重麵漿感，仲食到好鮮甜嘅蝦肉!!勁似泰國食嘅感覺🥹配埋酸辣醬，更加開胃同埋提升佢個層次感！ -海南雞飯+紅豆椰汁冰🥥 $58+6今次帶埋為食媽子過去，平時食嘢挑剔嘅佢都覺得啲雞肉超級嫩，同埋雞肉嘅香味勁突出～特別係佢個雞皮，超級滑捋捋！仲有少少彈嘅感覺。醬汁一定係泰式辣醬 鹹鹹辣辣的！紅豆椰汁冰成大杯，一定唔會唔夠飲👍🏻-泰式炒金邊粉+芒果沙冰 $52+33金邊粉食落去係勁有鑊氣，而且唔油膩！聞落去已經夠香，食落去簡直係正正子，食得超過癮❤️❤️芒果沙冰大杯到可以同人share，夏天必備，超級消暑～～-

小店係由泰籍廚師主理，有好多款特色泰國菜同飲品。餐廳裝潢簡約，坐户外既話仲可以帶同寵物🐶🍜冬蔭功湯金邊粉 $72冬陰功蝦湯河湯底有好多材料，配有大量蕃茄仔、蝦、草菇、洋蔥及香葉。味道夠晒正宗，酸辣味好出👍🏻🧄泰式肉碎生菜包 $78有檸檬葉，芫荽，指天椒，香茅，有生菜包住肉碎嚟食，絕對可以平衡肉類同蔬菜嘅攝取量， 食之前加點青檸汁，清新得嚟又開胃呢🤪🥬馬拉盞炒椰菜苗 $68每次食泰國菜我都好鐘意食椰菜苗，椰菜苗係少數蔬菜蘊含大量有益抗氧化營養素，好食又有益。少少辣好惹味🙌🏻🥥三色冰 $28椰汁好濃郁，好解渴❗️

有時想食泰國嘢唔一定要出九龍城 元朗呢邊都有唔少選擇 邊一間泰國嘢長期都幾多人食 今次就同屋企人嚟試下原來地點就喺豐年路附近 輕鐵站過嚟都方便 見隔離枱叫咗一個好似好豐富嘅軟殼蟹 咖哩包 就跟隊叫左一個 嚟到真係超級大個 而且個軟殼蟹係分開上 可以自己決定點幾多黃咖哩 不得不讚呢個黃咖喱整得好惹味 加埋個法包真係不得了 份量2-3人都夠我哋仲叫咗一個柚子鮮蝦沙律 個轆又係配搭咗特別調製嘅調味料 酸酸甜甜咁樣 令到你好開胃呢度最特色嘅係佢嘅沙冰 一杯沙冰好似人哋兩杯沙冰咁高 菠蘿沙冰都好有鮮果味 值得一讚

🥰朗屏隱世泰味之類🥰終於開放去旅行，準備同朋友去泰國因為真係太掛住泰國D野食🤣同朋友傾傾吓，就不如食個泰國餐頂住檔先行吓行吓，先知道原來朗屏呢個位有一間食泰國嘢🤓見到要排下隊，就是試一試!!Location : 朗屏大陂頭徑環境 : 裝潢充滿泰國嘅味道。設有兩層，空間夠大唔逼，等位時間唔會太耐之餘，啱哂一大班人黎食！服務 : 雖然個場好旺，但姐姐們都好盡力Serve我地，值得一贊！晚市 : 🍤泰式風味蝦餅🍤 $78 爽口彈牙，食得出真係用新鮮蝦整嘅蝦滑。炸粉唔會太後，啱啱好。而且真係即叫即炸，咬落口好鬆脆🙈🇹🇭泰式冬陰功炒飯🇹🇭 $68分量比其他餐廳多，一上枱非常之香，仲有幾隻大蝦🦐足料炒飯🤓🐙馬拉盞通菜爆鮮魷🐙 $78呢啲一上枱真係好驚喜，因為馬拉盞嘅香氣撲鼻，無諗過可以咁香。重點係好多鮮魷，彈牙，唔會太老唔會太嫩😆🥭芒果沙冰🥭 $33兩個字 - 震撼最記得嚇親隔籬枱🙈非常之大杯，應該無咩辦法可以飲得哂。。。📍元朗區📍元朗大陂頭徑2-12號地下E號鋪華盛樓

依間餐廳因為喺巷仔比較少路過一路無食過，反而係朋友介紹先有留意，今日下午茶時間同老公去試下。坐低先發現無下午茶餐，我哋就散點，因為老公唔好冬陰公所以今次無得試🙈🙈最後叫左：串燒拼盤、馬拉盞炒河、芒果糯米飯🥭🍚、芒果沙冰🥭🍧小食：串燒拼盤串燒基本上我哋食泰國菜都會點的，佢哋的串燒係雞肉同豬肉兩款，味道剛好入味得來唔會太濃味點埋個沙爹醬好夾好食😋😋主食：馬拉盞炒河原本都有少少擔心馬拉盞炒會唔會好咸，食落又唔會喎！！味道咸淡剛好，好好食😋推薦！洋蔥🧅好清甜；肉炒得剛好係嫰的。甜品：芒果糯米飯依個勁推薦必叫，好好食😋芒果香甜；黑白糯米飯都口感煙韌好食，點埋椰汁更香甜！！食到唔停口，如果唔係已經好飽真係想叫多份😍飲品：芒果沙冰🥭🍧一上我‘嘩‘左聲，無諗過係咁大杯，沙冰埋到好高😂😂，飲得出係咪新芒果打的，芒果味香濃，夠晒真材實料like👍🏻👍🏻結論係：足料、真材實料、味道剛好、價錢合理，絕對推薦，下次絕對會再來食，仲有好多野想試😍😍😍依間餐廳如果唔係開喺巷仔應該要排隊先有得食😂😂餐廳推出尚夢飲食集團會員app，有好多迎新優惠，下載定先😆

📍 尚泰太 (元朗)元朗大陂頭徑2-12號華盛樓地下E號舖🤭今日做左全日野，最開心就係食夜晚個餐啦😆食泰國菜，正啊喂🤩好似都好耐無食泰國菜咁🤣今日終於食😆👅串燒拼盤 ，咁就total有六條，有牛🐮啦、豬🐷啦、雞🐔啦，配搭埋個沙爹醬🤤又真係幾好食窩😆💰88-HKD👅招牌黃金磚（蒜蓉包），一遞上黎個下就已經聞到好香嘅蒜蓉味，蒜蓉包 大份同厚身，再點咖喱醬，一個字「絕」🤤💰68-HKD👅黃咖喱（牛），呢個咖喱見距有like👍所以就叫，又幾正，因為for點個包🤣個咖喱汁好食，d牛都鮮嫩🤤💰82-HKD👅三色冰 ，顧名思義真係三隻顏色🤣三隻唔同嘅粉條，配搭椰汁，有泰國🇹🇭感覺💰28-HKD👅菠蘿沙冰，本身想要椰汁沙冰，可惜無曬🤣不過菠蘿沙冰一遞上黎都驚艷到我，好大杯，仲要33蚊🤣抵👍💰33-HKD🀄️總結野食唔錯，價錢中規中矩，店員都好nice😆👀另外：餐廳將會推出尚夢飲食集團會員app，有好多迎新優惠

元朗國抵食泰國午市套餐😚@shangthaithaiHappy Friday🎶沙哇dee卡 去食泰國菜🛺餐廳樓高兩層 裝橫簡約 午市套餐$46.00 起 價錢實惠叫咗2個午餐+小食+沙津#無骨豬手飯💬啖啖肉夠入味 汁醬餸飯一流👍#泰式炒金邊粉💬 酸酸甜甜 粉炒得夠乾身唔油膩🦐夠晒大隻 肉質結實 彈牙爽口😚#泰式炸蝦餅💬外層香脆 內裏爽口彈牙 醮埋泰式甜酸汁仲加更滋味😋#柚子鮮蝦沙律柚子飽滿爆汁 配料有炸花生 炸揶絲 紫洋蔥 蝦米仔 惹味又醒胃😋#芒果沙冰💬哇~~這個係必點飲品 打咭之餘又好飲👍🥭 夠味沙冰又幼滑又咁大杯 真係飲到最後 由心果度冷度陣出嚟🥶#椰汁涼粉紅豆冰真材實料椰汁香濃 creamy 加埋凉粉和軟糯既紅豆 泰正斗😋

沒想到比我發現到一間有水準的泰國菜 就在元朗一處 但不難被發現 惹果掛住泰國的話 不妨試吓 店舖雖少 但充滿泰式風味彷如置身泰國一樣絕對泰國原味道 店內餐牌美食好多選擇不過自己都係鍾情冬蔭公 叫了海南鷄冬蔭湯河賣相十分吸引 湯底酸辣度好好 好似自己係曼谷甘 海南雞皮嫩肉滑 份量亦十足 配上河粉 簡直係絕配炸蝦餅 必叫小食 外層香脆炸得金黃色 裡面啖啖蝦肉 熱辣辣好好食泰式奶茶 係必叫的 好地道 令自己止一止癮 最後店內環境好舒服 店員服務亦十分好

今次捐窿捐罅，嚟到元朗搵食， 行過路過，見到尚泰太這間泰國菜館，忽然好想食泰國菜，於是入內。這家泰國小餐館沒有很講究的裝潢 ，只是一間普普通通的小餐館，但充滿着人情味,熱情款待。♟環境:室內牆上的掛飾有着泰國情懷，以木系為主調。雖然細細間，有幾張木桌子，但每張木桌子也闊落，不會放了幾樣餸菜就放不下了，食得舒服。♟食物:🍹士多啤梨沙冰$33淡香的士多啤梨味，好清新，好適宜在每道菜時飲一晱，可清走上一道菜的餘韻去試下一道菜。🫒令人懷念香葉包雞$88香葉做到封住肉汁的效果，加上刻意有雞皮在上面，食落不但不乾柴，而且有肉汁有雞油香，但不會太濃味，食得好舒服。🫒泰式肉碎生菜包有檸檬葉，芫荽，指天椒，香茅，D瘦肉不太肥，所以不會太油膩。此外，可能調較過適合港人味道 ，即使我不太食辣，也能食得到。D生菜也好多，葉好完整，份量跟肉碎配得好好👍 早前試過去一些餐廳食，一係菜太多而未能跟肉相配，有時肉太多亦未能跟菜相配。🍚黃咖哩雞飯$82首先是要個汁,椰香味特出，係典型東南亞咖哩味 ，有少少甜味 ，不會辣，好好味。餐廳將會推出尚夢飲食集團會員app，有好多迎新優惠， 大家密切留意， 不要錯過啊

✨馬拉盞炒雜菜雜菜即係當日有咩菜都會放落去，點菜時仲諗緊揀咩菜食好呢？炒雜菜就岩晒，至少3款菜炒埋一碟，顏色又夠豐富，馬拉盞亦夠晒惹味。✨泰式香芒蟹肉炒飯炒飯炒到好乾身，粒粒分明，用蛋炒成好香口。面層佈咗大粒芒果肉，食落又覺得幾夾，令整體感覺更清爽。✨泰式素春卷即炸送上脆卜卜，餡料好結實，有紅蘿蔔絲、白菜絲和素肉，調味跟普通春卷差不多，口感亦整得好似，唔講唔覺似素肉，唔錯！✨士多啤梨沙冰超大杯滿到瀉！沙冰口感綿滑，不會飲到大塊冰粒，士多啤梨味亦幾濃，而且沒有人工科學味。✨生薑蜜聞落充滿薑味，飲落更薑夠晒辣！

元朗小店真係特別多，今日同屋企人去完元朗公園玩， 去了呢間泰式小店， 真係有驚喜。我地點左青芒果沙律、泰式炸蝦餅、海南雞冬陰公功湯河、香葉肉碎煎蛋燴飯、珍多椰汁冰、同紅豆珍多椰汁冰。青芒果沙律諗唔到前菜份量都冇咁多， 呢碟青芒果沙律酸酸甜甜。 甜味高了原因係加入了醃製嘅小蝦乾，十分惹味。另外仲有香脆既花生， 同爽甜既洋蔥，配合青芒果係開胃既前菜。泰式炸蝦餅店員推薦既炸蝦餅，厚底多蝦肉， 面既炸粉岩岩好， 食落亦都不油膩。海南雞冬陰公湯河呢碟真係我最愛， 冬陰公湯好入味 好好飲， 真係連碗都飲埋， 配合埋滑既雞， lunch menu只係52蚊 ，真係性價比極高。香葉肉碎煎蛋燴飯十分正宗既泰國味道， 肉碎加大陽蛋撈飯，冇得輸。飲品我地加左兩杯特飲珍多椰汁冰同同紅豆珍多椰汁冰。 珍多冰配泰菜先有feel