尚越 (已結業)

都會foodcourt有不少餐廳選擇，這間之前未曾試過，今晚就獨自試一下。 點了個越式春卷撈檬，在等待期間，可以自助式倒醬汁在小碟上。店員好心提醒我這裏的魚露比較鹹不要倒太多。 本來以為是白色包著粉絲那種越式春卷，怎料是炸春卷，有點失望。春卷很脆，可惜沒有甚麼味道。其他配料可是很充足，檬粉質感很好，撈了醬汁也不會像其他店子的檬粉般碎得可憐。 吃完之後很飽，總的來說食物質素還不賴，理大學生減三蚊，35蚊食個晚飯算是很划算了。

今日又到這裡食下午茶，今日有多時間，所以特意睇一睇這間越南餐廳，希望可以慢慢享受。我一去到，見到個下午茶餐牌，發覺款式很特別，扎肉都可以做三文治，真係越南版三文治。 我當然要試一試啦，價錢更係一個大突破，18蚊單併，24蚊雙併呀！😍我懷著滿心期待的心情，但最後我真係好失望，因為佢的份量真係⋯ 如圖，扎肉只係在中間的一小塊，火腿都只係佔三分二，好老實，我都唔期望大大份，但都希望影出黎都合理、吸晴一點，半塊扎肉就一份三文治，我下次加多幾蚊食個面算啦！ 味道方面，扎肉都還可以，方包就真是比較乾。失望😟不過我都要講佢吸引我之處的，就係這個餐轉凍飲係唔需要加錢，所以強烈建議大家唔好選擇三文治餐就應該可以。

邌開紅磡睇 concert,過旁邊商場搵食貪就腳. 行到 Food court,見有間越南嘢都幾多人,舗旁邊仲有個牌話正宗牛骨湯底應該點點點,好似好Pro咁,一於試下$40 有生熟牛河連飲品,喺依個時勢算幾經濟實惠.食越南粉最重要嘅係個湯,坐低後第一時間飲返啖. 湯底味道對辦,只是略淡,濃返少少就似我喺美國同越南食過嘅味道. 唔知關唔關當晚生意較旺事.有好開始,不過後勁不繼.生牛肉用肥牛,呢樣影響咗味道,俾我感覺似打緊邊爐. 熟牛肉係幾件牛腩,厚切好似牛什粉麵舖咁. 我估係煲完湯底既料,略un. 如果跟返正宗切薄片會好好多. 河粉太淋,唔知係來貨問題定煮得太耐.可能因貨就價,喺food court 週圍都$30-$40一個餐咁上下,budget關係用唔到D好少少質數嘅料.如果諗住求其食碗粉麵係合格嘅,始終food court貨仔. 要叫好就要轉轉D牛肉同粉,加多幾蚊都ok. 如果我邌開依邊睇concert食個快餐應該會再試.

新工第四天選擇到商場內的food court。有别於又貴又唔好食的food republic, 這裡的food courtt比較本地化, 價錢也比軟大衆化。同事介紹她們眼中food court中最好就是這家越南料理店"Viet Room"。雖然店子位於food court中最深入的位置, 佈置比較新又時尚因此門面卻是food court中最顯眼。食物選擇以麵飯為主, 種類多而且每款食物已包含1杯飲品, 更加是冷熱同價。價錢不過四十元, 真是大衆化。每次到越南餐廳必點生牛肉河, 今次也不例外。等待生牛肉河($38)期間, 發現旁邊有個大招牌介紹他們湯頭的用料, 原來用上牛骨及牛腩熬足十多個小時, 十分期待!等了不久終於完成, 一看湯頭, 顏色比較淺色而且湯面有不少油, 打了折扣。首先嚐啖湯頭, 味道是有牛味但沒有期待的濃郁, 多飲幾淡開始有些油膩及咸, 如果湯頭內多加蔬菜可增加甜度及多添湯頭的層次感。至於牛肉, 當生牛河呈上時已有點失望, 因為看不到呈粉紅色的牛肉片, 只有已熟透的牛肉片, 而且牛肉片黏在一起, 要花點時間去把它們分開。牛肉質素只屬一般, 沒有大驚喜。唯一可稱讚是其份量。

lunch time叫左一個雞絲湯河和一杯青檸蘇打先講雞絲湯河平常食ge湯底至少會有味精 冇諗過呢間連味精都唔落雞絲同湯都淡到 然後青檸蘇打冇比青檸 得罐蘇打水 完全冇味 問佢先比翻2楷青檸我 淡都是冇味 -_-個frd叫左法式牛柳粒陪紅飯(類似)就好似ok