尚香 (已結業)

✏️ 鯛魚燒店舖搖身一變 成為舌尖上的中國的小籠包湯包誘惑❤️😈 招牌蟹黃湯包肉汁豐盈 小心滾燙喔 但也要趁熱吃 不然外層變涼又硬便影響口感了 蟹黃味也是有的 但更偏愛皮薄的😳 美食展吃便宜些啊哈哈 小籠包則要留意新鮮出爐的才買！蟹黃味會比較好吃但偏貴 剛開張可能水準不穩吧 小籠包控❤️❤️

係男朋友屋企樓下見到有間新店開左, 主打係賣小籠包, 仲有少款點心如糯米燒賣。小女好喜歡吃上海菜, 小籠包是其中之一加上這店有蟹黃小籠包和蟹黃湯包, 更加想試!見到門面裝修得有頭有面, 講到話有晒訪問咁,而且價錢都唔算平諗住應該唔會太差, 結果就中晒伏了。首先, 第一次吃時我們點了蟹黃小籠包($45/5個)落完order先話要等20分鐘...因為仲蒸梗.....都唔緊要, 明白到小籠包係要即蒸先好食既, 於是我地行左一轉買左其他野食先返黎拎但係返到黎仲未得,仲要等多5分鐘..終於有得食了, 一望落同相片出入都幾大, 不過唔緊要, 食左先知好唔好味嘛。一食就...1. 皮太過厚....尖尖位d蟹黃一ddddd味都冇..2.無湯...可能食開有湯水係入面既小籠包, 加上佢個皮太厚, 所以成粒小籠包食落好乾身3.豬肉餡...還好,唔多肥肉, 不過味道唔特別, 餡又不算多。食落同平時超市買叮既急凍小籠包差唔多大家食完一致認為....難食。第二次再食,就試了蟹黃湯包 ($45/個)諗住呢樣先係主角, 雜誌又賣到咁行寫到好好食咁比多次機會再試一次其他野食!可惜...人類總是犯賤的(講我自己)...

首先大家唔好以為佢門口好多人就以為好好味，其實因為佢製作需時，所以d食客焗住喺門口度等！$45一隻蟹粉湯包落order時，收銀話等15分鐘。過咗15分鐘之後，我問得未，個收銀哥哥呆呆地話要check，過咗兩分鐘之後就話未得。咁我再問要等多幾耐，佢話唔知。我心唸蒸小籠包唔係要set時間制架咩?? 如是者再過多10多分鐘先到。最後全程等咗成30分鐘！收到個湯包之後吉開個窿，但由於太熱用飲管係好容易燙傷。湯既份量係好多，但只得好少好少既蟹粉味。飲完湯後拆開d皮，當堂嚇一跳，然後得淡笑。餡細都算，裡面居然有蟹既軟骨。食物質素完全無誠意，絕對無下次！之後上網查先知原來呢個係一個大陸品牌，全國有幾十間分店。香港既貨都係由大陸製作再運落黎。我地香港人係醒目既，唔會比佢地咁呃！

上星期日車爸爸要剪頭髮💇，那便成就了一天的拍拖日喇👫剪髮後捉了車爸爸去吃湯包，喺facebook第一次見到個心已經決定要來一嚐這個大大隻的湯包， 終於今日食到喇Yeah！這兒選擇得壹，貳 ，叁，肆，順序係蟹黃湯包，蟹黃小籠包，鮮肉小籠包和糯米燒賣，不過是日去到貳，叁已經售罄了。不過其實我係為阿一哥而來的，所以亦都沒有太大失望！這天不算太多人等候，呢一輪我們不需等三分鐘便買到蟹黃湯包$45，如果要等下一轉要5min架！店方會配合一支飲管給客人 ，用來吸啜湯包內熱辣辣的蟹黃湯，溫馨提示小心燙嘴呀！這個蟹黃湯包內裏係沒有肉的，內裏全是蟹黃同蟹肉，味道都算有蟹香味，可惜亦帶有點腥味，而且湯包頂部較硬，吃落覺得好失望呀！！😞

本身見到報道好有期待、所以晚上8點去到買、買啲時候店員同我講要等15分鐘、結果等了25分鐘、拿湯包時發覺落錯單、比左小籠包我、我同佢講我不是要這些、佢說再等兩分鐘、結果等到8點半、我見到佢出了湯包、但不停叫其他人攞、完全冇理到我、我上前理論問他、我等了半個鐘究竟得未？佢比了湯包我、然後講左句、“唔好X食啦你！！“我好嬲、明明係佢自己落錯單、卻用粗口鬧我！！！😠至於湯包、湯淡而無味、餡少、得幾粒肉、係湯多、個包食落味道與口感不外如是、價錢太貴、$45一個唔抵、已blacklist 此店！！！

呢排上網見到人人都讚呢個見到幾得意 一心諗住試下好吾好味啦所以就買左一個蟹粉湯包黎試🙋🏻湯包入口係熱既湯汁偏甜 我自己覺得味道麻麻皮就吾算超厚 但無驚喜咬開之後 材料少得可憐🙈仲要有少少腥味 個人吾太鐘意🙅🏻吾知係咪因爲有人過度吹噓 所以真心覺得吾好味呢個試一次就好因為真係吾係講咁好食《

全店只有4款食物：蟹黃湯包、蟹黃小籠包、鮮肉小籠包、糯米燒賣夜晚9點左右到 等左約10分鐘當時後兩款已經賣哂蟹黃湯包 $45用飲管飲，小心熱！但原來冇想像中熱因為要放咁大量湯汁，所以皮會少少厚，但都理解基本上全個包都係湯汁，意外地都真係有蟹味🦀其實幾好飲，特別天氣涼涼地的話。但裡面嘅餡料少得可憐一蚊銀咁大粒肉仔雖然食到蟹肉味道，但價錢有啲貴，性價比唔高如果要食餡嘅，相信要揀小籠包作為街頭吃，又冇包裝，假如價格親民點，都係可以再黎。雖然都算唔錯，可惜太貴，試一次便好

為咗避免排長龍，所以12:00點到舖頭等開門，見到12點幾都未開，只見到開咗半閘咪問吓開幾點！一位後生仔話9個字後啦，未煲好水，仲有啲員工未返。點知我1點3再返轉頭，舖頭已開，我準備落order之際，同一個人同我講，啲水仲未煲好，好快㗎啦，等多20分鐘啦！一間舖頭對時間觀念咁差嘅舖頭，我對佢食物嘅質素有所保留

之前見fb 係咁介紹呢間野，滿心期待。叫左個45蚊既湯包，其實味道無咩特別，啲料又小，碎濕濕無咩味咁不過啲皮算係薄既，真係唔係幾抵，試一次就夠！ps. 要等15分鐘

今日同朋友去過…店員指6:00先有得拎蟹黃湯包…先付後取…等到6:00鐘再番去拎…就一個年輕帶點框眼鏡店員話6:00先放入蒸籠…如果我知道要等差吾多半個鐘而我會食到咁既質素既蟹黃湯包既話…我吾會等亦都吾會再買…店外既薑絲已經被夾完…我問店員拎薑絲反被店員態度惡劣對待…佢同我講拎緊嫁喇…夾緊呀…滿心歡喜見網上咁多好評…一於去試下…點知…蟹黃湯包個皮厚到不得了…湯係有啲鹹味…但係呢一啲蟹嘅鮮味都冇…再睇返入面個湯包入邊好似蟹黃都冇…空空如也…真係好失望唔會再試第二次亦都唔會介紹比身邊嘅朋友囉…根本吾值45蚊同等咁耐

講真 如果我獨自一人 我係絕對唔會嘗試此餐廳不過 偶爾與好友相約 步行至此地友人便提議give it a try可惜 惡夢便來臨了首先 你購票後 便要開始等數十分鐘是幾十分鐘我相信 當你等幾十分鐘後 才吃幾顆小籠包就算是神仙玉露 也會蕩然無味總結 味道極普通 純粹靠人氣而吸引新顧客給的建議是 可以不要嘗試 買普通點心也能做出如此水平

最近facebook見到好多報導，推介依隻湯包。所以專程去旺角買黎試下，有幾咁好食，仲話每日賣10萬隻。一試就中伏，係就係即叫即整，但餡料真係小到喊。而味道又一般般。完全唔值45蚊。只此一次，一定唔會再買。

咁啱經過旺角.....又記起好多雜誌介紹過...就黎試吓啦.....一去到,,門口已經有約十個人等緊.......照買啦...$45湯包..等咗大約5分鐘就有...都算快......不過一黎個湯包已經穿咗..啲湯漏晒出黎....試吓用飲管吸啲熱湯...其實用管飲熱湯係唔WORK既......''辣''親條脷......都係要拎起個兜放嘴邊好似飲湯咁飲先得...講番個湯包....啲湯...無乜鮮味...淨係咸咸地,,蟹粉味都無乜....肉都係一般...仲有就係個湯包真係好薄....$45蚊真係試一次就夠...

大大個湯包真的非常吸引，第一次食在美食節，果時已經對湯包無法忘記。今次見到有人開鋪點可以吾去呢？好靚的裝潢，全部外賣，選擇只有4款，但銷量極好，當晚我只買到蟹黃湯包。小小溫馨提示，即叫即蒸，與美食節一樣。加了醋的蟹黃湯包：$45。湯汁與當時一樣，味道也很甜，可惜入面D料卻少得可憐。大大的湯包卻只有少少的手指公大小的料。

旺角潮流特區那檔韓國鯛魚燒雪糕，我之前已經介紹過，鯛魚燒雪糕後來結業了，我也沒有忘記。最重要的是，韓國雪糕鯛魚燒結業後，取而代之的店舖竟出奇地繼承了鯛魚燒雪糕最初開張時的人氣，還吸引其他人介紹。取代韓國鯛魚燒雪糕的新食店，是一間賣中式蟹粉湯包的小食店「尚香」，主力售賣的小食是蟹黃湯包和蟹粉小籠包，賣點看似是跟蟹有關，如果你去台灣有幫襯過鼎X豐或者永康街的話，湯包小籠包一定不會陌生。不過台灣賣的湯包小籠包價錢一定不便宜，回到香港賣的價錢也不見得會好得幾多。我在現場看見，除了蟹黃湯包外，其餘都售罄，有選擇困難症的朋友不用愁了。在香港落地發售的蟹黃湯包，價錢竟然要賣$45一個！賣這麼貴，還有一大班人冒名在晚上企街試食蟹黃湯包，一定有它的原因。幸好今晚天公造美，天氣轉涼又未有雨水，即使蟹黃湯包湯汁燙口也影響不大。可能蟹黃湯包預先蒸好，付錢後不用等待太久就能領取。收銀機旁邊放着很多飲管，取用飲管是眾多食客試食蟹黃湯包前必做事情之一。蟹黃湯包放在膠兜中，膠兜再放在紙盒上，明眼人心水清的話都應該知道是為了隔熱，可想而知蟹黃湯包真的很熱很燙。把飲管插入蟹黃湯包，吸吮第一口蟹黃湯汁，立即感受到很濃的蟹黃