居食屋「和民」 (已結業)

我係和民fans, 成日都約朋友去和民食飯, 因為鐘意佢地唔會趕客走, 可以慢慢傾計!以前都好鐘意去中環店, 因為一到週未銅鑼灣店一定大排長龍, 我寧願坐車到中環食, 因為唔駛排隊. 朋友通知我中環店重開! YEAH! 緊係即刻去試試先!! 呢間裝修都好舒服, 食物水準都好好!! 都係果句, 假日都唔駛排隊!!!服務都OK, 但係仲有改善空間, 事原係而家做緊東亞信用咭Discount, 另外我又有 watami 信用咭, 咁我埋單時, 我問個waitress我用邊張抵d, 佢諗都唔諗就話watami, 仲話watami有95折嘛! 我心即刻算一算, 我就話, 你幫我check過的話....我就信你用watami架喇! 之後佢先去睇單, 再返黎話東亞平d..... 其實check吓唔難者, 又唔駛咁求其答我掛!!

知道和民已經5月份係萬宜大廈開左張,原本沒有很大的興趣去試。不過同事都很想試新食肆,甘咪去一去囉!等了足足45分鐘先有位，如果唔係老闆放假,又點可以甘樣等法!打電話又話full左唔準即日訂位,可以說是有點誇張!餐廳環境幽靜，就算full house都可以好好地傾計，卡位的sofa好舒服，衛生環境不俗，比起銅鑼灣那間更加整潔光亮。很多waiter雖然掛著trainee名牌,但都很有禮貌，值得一讚!上菜都很快,石鍋飯熱呼呼很美味!前菜是沙拉及有標準面豉湯!連埋主菜及餐飲,一定夠飽!餐飲點了ginger alp，不過不失!另外同事點了柚子soda, 就嫌味道太淡,冰多了點,柚子味則小了點!點了個牛肉石頭鍋飯,都幾好味，辣醬份量適中,沒有搶去牛肉的味道!因為石鍋很熱,飯焦很香脆呀!同事就點左個燒豬扒定食,與明火gas爐同上,製作認真，保持水準!以中環地區來說,只花56元有個不錯環境的午餐也蠻不錯的!算抵食!去翠華都要呢個價錢啦!不如搵間坐得舒服d架啦!建議要吃的朋友們,一是早一個小時等位,要不就早一個星期訂位!希望過一輪熱潮減退後就唔洗等甘耐啦!

本人有個非常不愉快的經歷, 想跟大家分享.在上星期日, 我和家人六時多到達, 那時已有很多人有排隊. 有兩個外國人用英文對著接待處的員工說: I JUST WANT A CUP OF TEA. 我不知道員工是否不明白英文, 他隨隨帶他們兩位入去坐. 我初時沒有為意, 之後沒多久我也有位子了, 剛好我坐的桌子是那對外國人隔離。到差不多7時, 我看到門口愈來愈多人排隊, 而我旁邊的外國人,一直沒有叫任何東西吃, 一直只是飲著侍應送上的兩杯熱茶, 我心裡不禁替門口排列的人心急。門口的人是真心想幫襯叫東西吃, 但我旁的外國人, 就罷著一張桌子, 完全零消費, 我真的替門口的人不值。於是我叫經理來, 和他反映。怎料, 他竟然對我說: 我們會盡量滿足客人的要求!Oh My God! 他們霸著你的桌子, 不消費, 令到出面排隊的人愈等愈久, 也是滿足客人的要求? 他們霸了桌子幾個小時, 最後他們埋單了, 竟然和民沒有收他們一分一毫? 出面茶餐廳淨飲也有雙計, 或每人有最低消費, 由其在繁忙時間, 你任由客人坐在你的桌子幾個小時然後零消費, 這是什麼餐廳的管理模式?在侍應方面,他們的態度也十分不禮貌。

有一段日子冇到中環萬宜大厦了，今天 tea-time 原想到該處 Starbucks 歇歇，但已坐得滿滿的，轉眼見 2 樓新開了店，原來是離開戲院里後經已濶別中環多年的和民回歸了，決定捧場試試。和民在萬宜這個舖位可說是經歷多個「朝代」了，印象中最早是曾志偉的 Anytime，跟著是藏人，現在已變了和民，生意不易做喔！在門外看 menu，有 waiter 哥哥已有禮貌地出來打招呼，並告知中環店冇做 tea-set，只有 a-la-carte，冇關係，只是歇歇脚，叫了 UCC coffee, pizza 及星鰻寿司。和風明太子薯蓉薄餅烤得超薄皮，很 crispy，自已切，有成 8 塊，明太子、薯蓉 and ham 的 topping，好味，亦不像一般 pizza 咁 "呀" 肚。星鰻寿司有 6 件，星鰻炸得香脆，加上配菜，口感、味道都豐富。店子環境乾淨整潔，服務亦到位，location 對我十分方便，實會 encore, welcome back, watami.