居食屋「和民」 (黃埔天地時尚坊)

营业中

休息中

中秋前夕也是派下月餅的日子，而且又可以與朋友聚下餐，其後我們去了黃埔逛下街，時候也是不早， 我們相約去了居食屋「和民」食壽司作晚飯。 打開個餐牌，食物款式真是不少，有拉麵、刺身、燒餅、揚物、壽司......餐牌上印有彩色的圖畫，更容易了解食物的賣相。其後當然不少得點番個刺身食，之後其他的食物都由我朋友選擇。   特上壽司盛合(鮭魚、星鰻魚、金槍魚)$68----賣相看來都晤差，看來好似晤差，壽司飯也是一夾就散而且飯好爤!!三文魚魚味晤算好濃，星鰻魚及金槍魚魚味較淡，最慘整體的餡料切得真是太薄。  6式刺身(附加鮑魚刺身)$138-----整體刺身都好新鮮，唯獨鮑魚刺身好韌又硬，三文魚都幾肥美甘香，甜蝦都幾鮮甜爽口，北奇貝都幾爽口，金槍魚都是入口即溶，可是魚味淡肉質厚實，個人口味不是太喜歡。  薯仔年糕餅$28----塊薯仔年糕餅食落煙煙韌韌，搽上牛油及糖漿真是味道一流。 沙白蕃茄拉麵$53-----蜆肉份量足，蕃茄湯底的蕃茄味好淡，麵雖是不是好腍，但是好重鹼水味 關西章魚燒餅$48---夾個燒餅已經跌番落隻碟，易散，章魚粒份量切得都幾細粒，燒餅醬汁加上木魚也是會帶出濃

次次想唔到食乜之時, 就梗係去和民, 連鎖店有好處, 就係品質穩定, 就好似麥當當咁, 次次都係同一樣的質素, 當然唔係好既質素啦, 但勝在次次都可以做到一樣咁上下差既質素, 都唔易喏.坐低, 例牌叫杯餐酒, 全期買一送一, 紅白各一杯, Jacob’s Creek, 呢隻牌子既細樽仔175CL, 最平都要廿幾蚊, 依家$38可以有一紅一白, 算抵啦.芥末辣鱆魚, $26, 份量足, 鱆魚口感彈牙, 但味道淡不夠濃, 伴碟的紫蘇葉唔新鮮, 見到葉邊有暗色現象, 本來用作包住鱆魚入口一流, 但唔新鮮, 唔敢食了.和民特製蔥油汁炸雞, $38, 生意佬又嚟嚇人了, “特製蔥油汁”?? 其實只係豉油加醋, 再洒些少蔥花. 味道酸酸, 確實幾醒胃, 但雞件炸起, 放置太耐, 到來時, 入口已經唔夠熱, 炸粉亦開始變得軟身, 有汁部分更加濕濕淋淋.特濃蕃茄火鍋, $63, 材料有, 蝦兩隻, 有驚喜, 唔係一般街市既蝦品種, 而係類似IKEA出售既北極蝦種, 有大量蝦子, 可惜蝦肉極差, 鞋口兼唔彈牙. 牛肉一般, 肥多過瘦, 不過份量不多, 肥都照食晒了, 算合格貨色. 四隻小蜆, 肥美肉厚.

朋友兩公婆請我食個飯。3人行叫左一個和民2人優惠SET，加PIZZA，加燒西冷扒，都足夠食。沒有拍照，D食物質素OK，不過不太差。不過人手不足，好來先有WAITER照顧D台。內裡裝修，比較複雜同有情調，比較難找出口， 而且上台的食物有兩三款不是熱，係暖。除了這個，燒西冷扒，肉比較嫩口，同有牛肉鮮，重點係自己可以控制， 牛肉內裡的生熟度，有油邊比較香口，自己調鹽味，份量不是很多。評： 8／10記得CHECK單，佢地忘記了俾另叫的和民卡DISCOUNT。

抱歉遲到的食評, 主要最近想起那晚也覺得幸福滿滿，所以一定要補上那晚的食評撒~好吧，那就開始好了：那日放工之後，想了很久要吃些什麽， 於是順路走到了和民，之前從未在紅磡的和民食過，所以決定一試撒~~那日好多人在排隊，大約等了半個鐘左右，期間看了宣傳，好似有些信用卡可以100減50撒，可惜我都沒有哦~~因為和男友都不想吃太多，所以只點了 芝士年糕， 芝士味道剛剛好， 年糕有點黏牙的說，這個要趁熱吃，凉了就會變硬呢 帶子， 這個男友很喜歡，因為入味，加上中間有類似蒜蓉的調味，很是剛剛好的感覺 雞軟骨, 這個不是很滿意，油位很濃，不夠入味之後點佐一杯好似草莓味道的酒，不記得具體名字，見圖吧，不過酒味未重過草莓味道，很適合女士飲用的酒精飲料

同baba去左和民食晚飯,佢地既花魚燒真係好好食呀花魚(唔知係唔係真係叫花魚),啲肉好滑,燒得好香,骨唔算多,因為最怕係食細骨,大骨唔驚!啲肉既表面有層啡色既膜,應該係燒出嚟既效果,好好食!另外仲叫左牛油焗帶子,比較多油,食左兩件覺得漏,普通!章魚刺身,刺身表面濕濕地,啱啱解完凍,啲綠色周紫色既紫菜幾好食,wasabi就唔夠辣!甜品我食左個紅豆雪糕,味道都ok啦!

THE QUEUE WAS UNBELIEVABLY LONG! I can only remember waiting and waiting with a number that was like 70+ away from the number they were calling at the time I took the number card -.-" The location of this restaurant is kind of easily accessible though as we just hopped over for dinner after shopping at Jusco Whampoa Was another dinner with mummy and after the long queue, we were just not that bothered anymore with what we should eat. Just ordered a starter and main meals, hoping to get our food

22.2.2012朋友有免費戲票去看戲, 地點是黃埔的戲院. 黃埔, 對我來說, 一向也是一個遙遠的地方, 行街不會去, 返工也不用去, 所以我去過黃埔的次數只有五次之多. 去黃埔之前我已經問清楚怎樣去, 無錯, 在紅磡火車站有小巴去黃埔, 可是那架小巴班次很少, 人卻很多. 我等了15分鐘也上不到車, 於是我就決定步行去黃埔. 豈料, 我只懂行到黃埔, 但不知道怎樣去新天地, 於是要打電話給友人求救問路. 最後, 我終於到達這間我們預先訂了位的和民.行了這麼久, 真的好肚餓了. 於是我們一口氣點了六種東西. 首先當然是吃帶子刺身.已有多個月沒有吃了. 這一碟有八塊, 每一塊都很細, 亦不是厚切, 所以我們都有點失望. 尤幸帶子也算鮮味. 7色刺身的外表看來好像不錯, 色彩繽紛, 碟大大, 刺身底部又有鋪了冰. 七款刺身包括三文魚, 北寄貝, 吞拿魚, 墨魚, 八爪魚, 生蝦和帶子. 另外也有海帶以作伴碟. 刺身都算是厚切, 雖然並不是變壞了, 只不過略微鮮味不足, 又是一失望之作. 燒魷魚就真的燒得好好味. 魷魚大大隻, 燒完後仍然肉質彈牙, 有口感, 但加多點燒汁會更好. 天婦羅

好多年没有见到的朋友专门来这里聚会，但餐馆水准实在是在水平以下。比原来大埔的和民差很多。卖相差，味道差，上菜次序完全颠倒，热菜先上，生鱼片后上，最后我们点咖啡亦没有。服务生人很好。

一家四口，在附近住，因為細佬唔想食THAI FOOD，於是去和民我們去到見到有套餐，於是我地ORDER左兩人餐，再散叫左一個拉麵，一個石頭飯，一口豆腐，心太軟。 味道一般， 明明內有台，無人執，出前面好多人等台， 叫人落ORDER又無人。個心太軟，十個差，直情係好似石頭，一點朱古力不沒有留出，勁ANGRY，食左一口之後埋單走。我地張單獨$569，好在我媽媽簽單俾我望一望， 竟然打左$596！！！無LA LA 多左$30 ， 都唔知真係唔小心家係點，不過佢立刻去改單。﹣﹣﹣下次唔想再去。

因為我唔中意食日式拉麵，平日都算係幾少幫襯日式餐館。不過呢間就有好多其他野食，最啱我喇！午市套餐沙律：兩片生菜+幾粒粟米+味道奇怪嘅沙律醬。。。牛肉火鍋：贊！ 湯底味道好特別，有D似燒鰻魚...不過好味！主角牛肉頗多，另外有幾種野菜/菌菇/豆腐+1粒蛋，算係豐富！加埋附送嘅白飯，呢餐都夠份量～隨餐一杯熱蜂蜜梅子蜜，甜度適中，雖然同火鍋就唔係好夾，但係本身幾好飲～朋友叫嘅批薩同黑椒XX飯就麻麻地～。。。

中秋節做節同屋企人去飯堂開餐~~今次試左新野~~(其實都出左一排, 成家人都試個~~係我未)叫左壽司、火鍋、枝豆、雞軟骨同買我最期待的西班牙釜飯同芝士年糕廣島燒~~~西班牙釜飯都幾好玩~~因為你係睇住佢由生米煮成熟飯~~個飯煮好就自己加汁~~食落唔乾好多汁~~正~~真係要比十個like~~芝士年糕廣島燒~~佢將我最鐘意既野食全部放買一齊~~一上台熱辣辣~~食落去軟綿綿~~好香芝士味~~廣島燒又香~~食完一個又再order 多一個, 呢個要比一百個like~做節所以今一晚一早去拎位~~人好多~~食物上台時間有小小耐~~不過可以接受~~因為食物上台時熱辣辣~~就算等耐小小都ok!!

是日午餐，和民weekday lunch set。選擇頗多，星期一至五每日再有一款當日set。包沙律前菜，自選主菜和飲品。主菜我點了泡菜石鍋飯。沙律是很基本的西生菜，部分菜變黃了，加少量玉米，配日式麻醬。還好是跟餐的，勉強受收。飯和一碗miso soup。湯調味剛好，不會過鹹或過淡。飯好吃，泡菜，牛肉，辣醬和飯的比例和調味都很好，鍋底也有我愛吃的飯焦，好吃！咖啡有咖啡香，不能說很好喝但以此套餐的價格及所包的食物來說絕對合格（要比較也要公平點嘛）。不過，人客要熱咖啡卻配以冷飲的長羹，這樣的服務要扣分！整體來說，$47一份這樣的午餐是算美味豐富的。

星期一既下晝 悶悶地又見有少少餓見到商場入面既柱賣哂廣告咁有大大隻字寫住和民一於去食下午茶 反正我從來都未試過下午茶時段去幫襯和民/和亭$32 星鰻魚天婦羅卷有6件 仲有碗麵豉湯同細沙律 都幾抵食沙律既芝麻醬好醒胃 所以連最後一粒粟米都唔放過食得乾乾淨淨星鰻炸得脆脆的 味道ok$29 朱古力芭菲可能係天氣熱 曬到個人好興 特別想食雪糕降溫見到杯雪糕一黎到 賣相絕對做到同張相似模似樣細心既服務員專登一次過拎左2隻甜品羹俾我同darling一人一隻 哩點絕對抵讚1球雲尼拿 1球朱古力 仲有1粒mini size內藏雪糕既puff 2條朱古力味威化卷雪糕面仲有左少少杏仁片同朱古力醬 講起上黎都好耐冇見過餐廳d雪糕上面有杏仁片中間有好幾粒咖啡凍 底層有粟米片一路食一路覺得好驚喜 不過同時感覺自己好似大鄉里出城咁 總括黎講呢下午茶既質素幾好 做到價錢同質素成正比最抵食就係下午茶餐包埋野飲 唔係得汽水揀架 飲奶茶咖啡烏龍茶都唔駛加錢如果唔係今日特別想食雪糕 應該會揀新出既Cream Brulee 試下只係$15咋 仲包野飲喎 咁當然我冇試過就唔知個size啦 不過睇相起碼

今日係白色情人節, 大概七點多去到, 好彩唔駛等位, 雖然呢到有推出情侶套餐, 但2個女仔食唔晒, 因為個餐有小食, 牛肉火鍋, 麵或飯, 仲有餐飲同甜品, 結果我地散叫, 海鮮炒烏冬, 豬軟骨拉麵, 墨魚餅, 巨峰提子梳打, 朱古力芭菲海鮮炒烏冬 - 份量都算多, 海鮮料唔算少, 烏冬彈牙, 味道唔錯豬軟骨拉麵 - 湯底濃, 豬軟骨好軟熟, 拉麵爽口墨魚餅 - 賣相好, 食落味道唔錯, 墨魚餅軟身彈口, 好食巨峰提子梳打 - 即係有汽提子汁咁, 味道ok朱古力芭菲 - 賣相唔差, 但上枱時朱古力,雲妮拿雪糕己開始溶, 份量都唔少家, 一個人食都好漏下, share一齊食會好啲, 底層有啲粟米片加朱古力布甸粒

叫左5樣野,,,bb叫左拉面,我覺得普通,,但佢鍾意食菜覺得ok...我就叫左冷面,上面三文魚開頭食落去唔知係咩..要之後拎出來望先知,o個幾小塊真係好辣,,冷面個感覺又彈牙,不過其實剌身唔新鮮串燒我覺得幾好食,特別係雞脾肉同雞軟骨,雞翼都ok,但牛肉包住蔥呢串就份量少同油左d....最後另叫三文魚刺身...都算ok,,,成餐都不過不失咁啦...不過可能位ge問題,冇咩人理咁,,要等好耐or出去搵先有侍應..