屋子生活 (已結業)

-清酒香梨窩夫 ᴾᵒᵃᶜʰᵉᵈ ᴾᵉᵃʳ ᴸʸᶜʰᵉᵉ ᵂᵃᶠᶠˡᵉ $50擁有圓碌碌冬甩外型嘅窩夫，望落已經覺得好靚，窩夫本身好鬆軟同幾香，搭配酒漬香梨粒同荔枝，好清新，適合夏天呢～-饅魚茶漬丼 ᴱᵉˡ ᴼᶜʰᵃᶻᵘᵏᵉ ᴰᵒⁿ ᴸᵘⁿᶜʰ ˢᵉᵗ$82-咖哩豚扒湯烏冬 ᶜᵘʳʳʸ ᵁᵈᵒⁿ ᵂⁱᵗʰ ᴰᵉᵉᵖ ᶠʳⁱᵉᵈ ᴾᵒʳᵏ ᶜᵘᵗˡᵉᵗ ᴸᵘⁿᶜʰ ˢᵉᵗ $85主餐叫咗茶漬飯同湯烏冬，女仔食哂成個set都幾飽。茶漬飯帶微微炭烤香，幾特別；湯烏冬係完全冇辣味嘅日式咖哩，味道不錯，烏冬都幾彈牙，唯一可惜係塊炸豬扒有小小乾-日本芝士年糕 ᴶᵃᵖᵃⁿᵉˢᵉ ᴿⁱᶜᵉ ᶜᵃᵏᵉ (+$25)Lunch set 加$25可以加購一款小食，我哋揀咗日本芝士年糕，嚟到係一件年糕一分為二，感覺唔太抵，小失望😅

烏溪沙搵野食根本就係荒謬因為烏溪沙基本上係一個沙漠想食cafe就唯有落黎呢間主打日式風格嘅屋子生活環境又真係簡潔舒適落地玻璃令整體空間感覺更大又冇充足光線，嘆杯咖啡閑聊一下都係唔錯嘅選擇兩個人叫左兩個set一個吉烈豚便當、另一個係牛肉便當食飯上枱一睇賣相吸引唔花巧但色澤好靚，見到都會好有食慾不過兩個便當都唔夠熱吉烈豬嘅汁好難食，又酸又鹹完全搶哂味又唔好食牛肉便當好普通兩份嘅份量都好細，食完係完全唔飽咁樣就要62蚊，認真唔抵跟餐飲品選擇極少而我又好熱受咖啡於是加20蚊叫左呢杯拿鐵其實加20蚊轉野飲真係好貴不過想飲就算啦🤦🏻‍♀️好彩咖啡表現良好我通常飲無糖嘅因為加左糖通常會令咖啡冇咁香飲落唔太好飲今次呢杯嘅桂花味係我鐘意嘅叫左少甜，飲到啡味又隱隱回返陣桂花味出黎香甜特別49蚊食一件窩夫咁人把好鬼貴不過味道係好食嘅窩夫都唔會死實實不過不失由於價錢同食物量唔成正比嘅關係如果你係帶另一半或都同姊妹想有個地方輕鬆傾計食兩啖野嘅絕對可以考慮黎呢度但如果係想食得飽嘅....去其他地方啦下

屋子生活係行日式cafe路線，落地大玻璃再加上超高樓底令到自然光可以射入cafe入面，感覺休閒舒適，特別啱偽文青係到睇吓書、吹吓水。——————————🍽 Tea Set 吉列豚扒便當+戚風蛋糕+桂花烏龍冰茶 ($86)吉列豚扒炸得香脆，而且層炸皮偏薄，食落口唔會好油膩。但係fatc9覺得份量略少，對於大食嘅朋友來講就唔係好夠喉嚕。✅ 評分: 6.5/10戚風蛋糕雖然好鬆軟，但係fatc9同友人我食唔出係咩味，佢雖然係黑色但係又冇竹炭味，唔係好建議叫呢個甜品。✅ 評分: 5/10桂花烏龍冰茶茶味香濃，但桂花味略嫌淡咗啲啲，不過整體唔算好甜啱哂fatc9。✅ 評分: 6/10-🍽明太子釜玉冷烏冬麵 ($85)烏冬口感煙銀有咬口，明太子份量都唔少，再加上溫泉蛋、蟹柳同埋青瓜絲，成碗面個顏色好吸引而且入口凍冰冰又fresh，啱晒夏天食！✅ 評分: 7.5/10-🍽 Tea Set 清酒香梨窩夫+抹綠奶茶 ($50)Waffle中規中矩，不過梨肉好香酒味，而且窩夫入面有酒釀荔枝，入口唔會太甜好清新，整體唔錯！✅ 評分: 7.5/10抹綠奶茶一般般，入口太甜，而且冇乜茶味。✅ 評分: 5/10—

呢間餐廳想來好耐，因雑誌介紹過，覺得好有日本風格，但路途遙遠。今日行完山剛好經過，終於可試吓。餐廳內最特色的位置是在窗邊那榻榻米的座位，可惜己滿座，唯有坐普通位置。點了午市套餐中華冷麵。天氣太炎熱，食啲冷麵比較開胃，餸料是素菜。食冷麵最重要係醬汁，可惜淡而無味，難食。加$20餐飲可升級其他咖啡款式，於是乎選了一杯屋子生活咖啡，底層是咖啡，中層是抹茶，上層是芝士奶蓋，另一小碟紅豆蓉。咖啡味夠突出，沒有被奶蓋和抹茶味蓋過，甜度也適中，好飲。焙茶梳乎厘等了十五分鐘左右。有輕輕的焙茶味，入口即溶，不錯的甜品。

在馬鞍山開完會已是午飯時間，諗起烏溪沙屋子座位較寬，樓底高，空氣較流通。疫情下，食肆的整潔和衛生變得很很很重要。午市有套餐，如下面餐牌，也有單點。我挑了七味雞唐揚飯（$75）。套餐上枱，可見其擺放專業。雞球因被我唔小心撥開了，才堆在一旁。先試食小菜，日本海蜇很爽，甜甜地，令人胃口大增。沙律菜以日本沙律汁調味，蔬菜新鮮，味道唔錯。麵豉湯是大路貨色，有很多海帶，不過咸。整個餐我最喜歡其炸雞，皮炸得香脆，加埋七味粉，又香又有少少辣，已好味。而鷄肉滑溜，仍然很Juicy，食到唔想停口。它的飯同樣香滑軟熟，上枱時加埋日式芝麻什碎，變得更加香及有層次，一流！😋😋😋桂花烏龍冰茶味道唔錯，有烏龍香，不過桂花味略淡。但如果對糖控來說，這杯茶則會嫌淡，我卻啱啱好。👍🏻👍🏻👍🏻

去完烏溪沙梗係要揾下野食啦呢間cafe幾年前去過，今日再去仲坐到窗邊位，好正，好光猛，影相特別靚☺️☺️·今次好有目標要食甜品，其實明明次次都係🙈•Matcha Coffee。雖然寫到明係咖啡嗰欄，但都心存僥倖咁諗住唔係咖啡😂又幾好飲wor，雖然咖啡味偏重，不過都飲到少少抹茶味，唔錯😌•Avocado Pear Milkshake。牛油果同梨味比較淡，2樣都唔突出，有d失望🙈•香蕉巧克力奶油窩夫。記得以前食過d窩夫覺得一般，今次再挑戰真心覺得有進步，好好味，加埋d肥仔cream同朱古力醬一齊食🤤•七味雞唐揚。邪惡既炸物真係好味，個皮脆，d肉夠滑👍🏼•大阪燒醬薯條。有人唔夠喉，所以叫多左個薯條，大阪燒醬配薯條係幾特別，味道都ok，不果我比較鐘意食幼身既薯條多d😝

對上一次黎屋子已經係三年前既事，不知不覺間都開埋第三間分店，香港小店既發展真係好值得大家期待。不得不說，個人覺得屋子既熟食出色過甜點，價錢同份量都成正比，就算同男性朋友黎都唔驚食唔飽。今次叫左和風漢堡丼定食配木謹野莓果茶。要讚下漢堡肉質好柔軟同juicy，日式醬汁配飯食一流。果茶唔落糖飲都有天然既酸甜味，好岩夏天飲，夠晒清涼。甜點叫左日式紫薯焦糖布丁同竹炭黑芝麻戚風蛋糕。紫薯焦糖布丁雞蛋味重，入口幼滑，但同紫薯好似唔太夾，兩者味道溝唔埋，分開食可能好d。竹炭黑芝麻戚風蛋糕有驚喜，甜度岩岩好，食落有陣陣既黑芝麻香味係口中，加上有少少黑芝麻碎，口感一流。蘸埋輕身既cream食意外地唔膩，平時唔食cream既我都忍唔住蘸蛋糕食。店內風格簡約，到處都係打卡位，而且座位同座位之間都唔算貼近，可以同朋友係度輕鬆地食下野傾下計慢活一下。題外話，走個陣先見到依件鹽烤抹茶富士山蛋糕好可愛^_^

住喺港島區嘅我特登嚟到烏溪沙就係為咗呢一間cafe 這間餐廳出名裝修好靚好適合打卡而且坐得好舒服環境闊落可以同朋友一齊慢慢傾計餐廳嘅食物店和風為主強烈推介佢哋嘅芝士炒年糕新鮮就係嘅年糕熱辣辣咬落軟綿綿中間有流心芝士帶微酸我仲叫咗佢哋嘅明太子茶漬飯茶漬飯即係日本人嘅茶泡飯明太子令到成個飯香左雖然鹹咗少少但係味道都唔錯份量好大食完已經食唔落甜品啦等我下次特登出去再試下佢啲甜品先聽講都好好食㗎不過呢間餐廳唔知book位如果要去上可能要早少少去排隊

第一次黎呢個餐廳，我地坐既係近落地玻璃既他他me🤤吹水食野傾計既勁有feel，加上外面天氣好好👍🏻我地係去食午餐，叫左兩樣野，分別係中華冷面同咖哩丼配吉烈豚扒。我朋友個對中華冷面配左個Set，所以會有埋味噌湯加沙拉！飲品我地分別叫左美式咖啡同拿鐵咖啡💕我覺得值得推介既係佢地個中華冷面，麵質啱啱好，夏天食真係好爽又開胃佢地d咖啡都沖得幾好最開心既就係係呢度可以坐得同朋友慢慢傾計或都帶laptop黎做自己野，環境好好！

星期日到烏溪沙行一行，下午茶時間見到依間餐廳，未試過所以試一下唔係拎飛我叫number,而係門口排緊入內，等左一陣就有位，餐廳內有一個area 坐位需要除鞋再入座講番食物 我地叫左2個甜品同一杯咖啡咖啡 ： 桂花拿鐵咖啡，個人覺得只係普通咖啡味，唔覺有桂花味，普通椰子千層蛋糕 ： 食落有香濃椰子味，個人覺得唔會太甜，味精岩岩好，蛋糕上粉紅色既cream我覺得似玫瑰味，二樣一齊食又係另一種味道，而且賣相唔錯焙茶窩夫？吾太記得咩名，個人覺得底果舊窩夫好味，內脆外軟食落好香，中間既焙茶雪糕，有淡淡既茶味，香而不甜，夾埋一齊食好好味總括而言我個人覺得甜品好味有機會會再黎食

烏溪沙站轉左邊迎海入面有好多唔同既食肆 因為本身就住係附近打算間間都試下 但係行過屋子生活真係俾佢吸引左入去一個簡單日式嘅門面 裏面有唔同既座位 加上有一個大玻璃可以望住外面既環境 令人感覺好寫意由於而家疫情關係 每一台客人都會派發一支消毒噴霧 感到很貼心餐牌上面有好多唔同既選擇 我就簡咗日式咖喱豬扒飯 雖然非常脆口但係可惜豬扒皮較厚 叫多咗一個小食 日式章魚小丸子🍡味道好食但係比較細粒 不過每一粒入面都有一粒章魚🐙好爽口 但建議多啲沙律醬

去唔到日本旅行 不妨試下呢間日系cafe🌿最特別之處係呢到有塌塌米既座位 且樓頂極高 加埋落地玻璃既設計 空間感大增 感覺真係好舒服 難怪全日都咁多人排隊👀七味雞唐揚丼 $69雞件炸得唔算酥脆 不過雞肉嫩滑多汁 面頭灑左少少七味粉增添香氣 點沙律醬食都好味 加$25有埋麵豉湯、沙律、桂花烏龍茶/抹茶奶綠🍵/美式咖啡☕️ 麵豉湯唔會死鹹 沙律菜乾淨新鮮 抹茶奶綠甜度適中 仲有少少回甘 凍熱都好好飲😻吉列豬扒丼 $68吉列豬扒炸得較乾 而且炸粉略厚 要靠沙律醬先無咁乾 另外有芥末醬同酸梅醬 但個人認為都係同沙律醬夾啲🤭幾鍾意呢到啲飯 好有黏性 加上有啲飯素 不知不覺食哂成碗 食完成個set都幾飽抹茶淋醬卷蛋 $50呢到既窩夫同蛋糕款式頗多 身為抹茶控揀左呢款抹茶卷蛋 黎到見到即刻心心眼 普通一件卷蛋都擺得咁吸引😍最吸引一定係pat又濃又滑既抹茶醬 面頭加左啲開心果碎 卷蛋本身既抹茶味反而唔算好出 而中間既cream同紅豆亦係加分位 唔膩之餘仲令成件cake既味道好有層次💚

之前見過介紹，依度裝修好靚，今日經開烏溪沙就嚟試吓去到門口，員工見到我但係冇出嚟問我幾位，好啦以為係就咁walk in ok ，入到去就比人截住話量體溫（心諗你又唔出嚟🙄）食飯時間冇咩位揀，是但坐咗個位，個位啲cushion訓底哂又冇員工執，個枱面仲有幾條紫菜又冇人抹枱（我係咪去咗大快活😅）叫咗兩個套餐 - 咖哩湯烏龍麵雞唐揚同埋明太子釜玉冷烏龍麵，味道一般；反而係個餐飲真係唔講唔得！原本諗住吾飲佢set定個三款飲品同埋唔想要佢個麵豉湯同沙律，點知原來叫其他飲品係點都要加咗$25套餐價先，再加$20先可以叫其他嘢飲😳咁唯有淨係加$25算，要咗桂花烏龍同抹茶奶綠，點知兩杯野伏到！杯桂花烏龍茶淡到好似飲緊水咁！杯抹茶奶綠係開粉都算，大佬你啲粉溶晒先加冰水啦！飲到卡喉嚨🤦🏻‍♀️食食下見到個男職員拎嘢食比前面枱客人，但係喺客人個背脊都上菜，左手就拎住另一份餐，如果一個唔覺意就倒咗落客人個背脊到就大鑊🤦🏻‍♀️呢間舖嘅員工訓練真係有待改善總括嚟講，如果你係特登嚟依度食裝修嘅話係ok嘅！

六月梅雨季節，假日不想呆待在家跟男朋友去了烏溪沙這間日式Cafe待了半天知道人會多，特地三點多才到，打算避過下午茶時間怎知人還是很多，前面有五組食客👫👭👬👩‍👧‍👦👨‍👧‍👦幸而談談天，打打手機，也蠻快入座餐廳🍴樓底非常高，所以空間嘅十足就算滿座也沒有很焗促的感覺裝潢設計都是木系日式，牆壁塗繪了圖畫既精緻又休閑，有慢活的感覺🥰餐牌選擇不多不少，拉麵、日式丼飯、比較少有的茶泡飯都有另外特飲、甜品🍮選擇也不少我們叫了兩個主食，每個+$25轉成套餐套餐有味噌湯：味道清清淡淡的滿不錯，配料滿滿的有豆腐、海帶、本菇，豐富👍🏻沙律🥗：生菜、粟米🌽、小蕃茄、青瓜混以甜甜酸酸的醋，用料新鮮，醋汁酸度剛好，配以甜甜的粟米不錯👍🏻前菜：中華沙律正常炭燒雞扒飯味道偏甜，燒汁很入味肉質非常軟腍，配我最喜歡的蛋黃醬椰菜絲配蛋黃醬非常夾，再一口混了飯素我飯味道豐富👍🏻👍🏻抹綠奶菜味道滿甜的，奶味較重，再後淡淡綠茶香醬油豚肉拉麵醬油湯微甜，咸甜咸甜不錯湯質偏稀，但味道不錯麵質過度軟，影響口感豚肉油脂分布不錯，滿肥的，口感滿好油香感十足，份量不錯溏心蛋味道不錯，溏心軟滑，不錯👍🏻只是價錢偏貴，兩個套餐要$23x不過環

屋子生活份量一直都係偏輕盈（特別外賣），個份量，細吃既女仔會適合，雖然我係正常食量，不過某d野幾好味所以有吃開。呢次因為前面已經吃左野，唔多想吃飯所以叫左個同個飯一樣價錢既公園沙律（有豬肉片同醋），但送到來，見到個d沙律份量仲少過個飯既份量就唔多接受到，好彩有d豬肉安慰下自己可能係高級野。（抱怨mode：80幾元個沙律仲少過平時超市賣既沙律/出面d韓式燒烤（eg炑八）送既個碗沙律，到底係d豬特別高級定d菜特別矜貴，個外賣個盒係正常size，但d菜裝得個盒既3分1），咁不如整個迷你盒算啦。）結論：呢間野叫某d飯（推薦漢堡飯）/甜品類都會推薦，但沙律就絕對不了