屋子生活 (已結業)

假日時間想揾間cafe坐下食個甜品輕鬆下，於是找到這間樓底又高，空間感大而舒適嘅cafe，是大型商場中的一點點寧靜！餐廳劃分成兩部分，一邊是需要脫鞋的榻榻米日本風，感覺休閒寫意；另一邊是普通木枱餐椅。今天人不多，鄰座有位可愛小男孩到處遊走，每張枱「試坐」也沒問題！由於一人來到，點了個甜品和咖啡，朱古力香蕉窩夫，另附忌廉，足料之作，香蕉唔會熟到爛，窩夫外脆內軟，不錯！另外叫左熱朱古力咖啡，飲完暖笠笠！正！

不值一次來這家店了。主要是因為它填補了馬鞍山這個飲食沙漠中台式日本料理的空白。最不喜歡它一定要排隊，不設排號，很不便民。餐廳的装飾令人感到很舒適，在香港很少有餐廳的层高這麼高，桌椅間距如此大。只是榻榻米始終不太适合國人的坐姿習慣。小朋友們倒是很受落。出品具有日式料理風味，白飯上加了飯素，套餐有味噌湯。沙律也是日式芝麻酱汁，略帶酸味，加上溫泉蛋，令沙律更易入口

休閑首選環境清幽好少見到cafe 樓底咁高 有空間感 沒有城市的侷促餐廳分為兩部份其中一邊有榻榻米榻榻米附近有落地玻璃 可以欣賞烏溪沙地鐵站我想坐榻榻米嘅我，冇得坐唯有坐木凳咖啡必叫煮食麻麻甜品必叫

依間除咗tatami之外，老實說食物好味但冇乜特色，加上太隔涉，未至於令人一試再試。值得一讚係員工又我哋未入嚟(喺門口等friend)直至我地走時態度一直都好友善☺️需說有限時但基本上6 7 點入坐唔會full, 一般不會趕走。大家要留意係，真係唔好叫熱飲。因為餐抵食好多，所以連續試咗幾杯飲品，同一個款，凍飲正常，熱飲好稀........ 係好好好稀環境舒服嘅，除咗tatami有機會腳痺之外😂有啲方面可以再做好啲，加油!

趁假日去遠少少 入到烏溪沙嘆生活入到去已經比店內裝潢迷住咗menu都好有心思 用練習簿我哋好好彩 嚟到有得坐他他米落地玻璃望岀去都好有feel㗎！叫咗個叉燒烏冬 味道中上 豬骨湯底濃郁又叫咗個牛肉飯 牛肉好軟身又唔多肥肉

#墨婆婆番工四圍走，比個驚喜佢偷偷黎接收工，順道試下呢間咁別緻既#屋子生活。餐廳後面位置係榻榻米位，排到就揀呢道坐，難得入到黎嘛。野食方面每款賣相都有落心機，加上落地大玻璃窗，心情大好胃口都大開。

屋子系列分為咖啡篇同生活篇 屋子咖啡係大圍 屋子生活就係遠離烏溪沙迎海薈入面馬鞍山店比大圍店地方大好多 樓底高 特大落地玻璃窗 空間感好高 空間感好大落地玻璃窗前榻榻米  影相一流 人變得chill 唔單止眼睛寫意 野食都唔差 少少日本定食feel和風漢堡定食-包餐飲 $89漢堡一隻手掌大 算厚身幾Juicy 裡面基本係全肉 無其他料 上面有隻煎糖心蛋配埋似懷舊薯仔沙律 就無甘膩食晒成個定食都好飽下豚角煮定食-包餐飲 $89方型既豚肉 味道似慢煮一樣 肉質算juicy 幾入味又淋 醬汁算濃 味道剛好 滿足~不過如果多將舊豚肉會較好 真文青 偽文青 都要去享受下慢活吧！

一直久聞屋子大名，落地玻璃配合文青再加甜品，有那個港女不會心動？奈何其地理位置不在我平常出沒的範圍之內，一直嘗試不到。今天因為大部分市區都逛厭了，男友逐提議來這裡很有名的心心沙灘。本人對於心心沙灘沒甚麼好奇，但一想起可以來試這間店就立刻同意了這個是一個拍照位，好多女仔都會影哈哈。它是傳統在外面排隊入座的形式。排隊的時候還可以在它的小角落參觀一下。那些碗都好文青風很吸引呢。 樓底很高，感覺開揚。開放式廚房餐牌扮作從前上學用的單行簿，很懷念呢。男友點的，一開始看錯以為是燒鯖魚，想不到是醬油煮法，比較特別。煮得都頗入味，不算太濃，淡淡的反而更吃得出魚的鮮。豚肉不會太韌也不太腍，煮得剛剛好。份量也很多，我們都吃得夠飽呢。不用一百元有一個定食，再加上舒服的環境，而且食物沒有太多味精，可以更吃得出食材本來的味道，十分好吃。地點略嫌遙遠，希望可以快點再來吃！

已經是第三次來這裡午餐🌞這裡的環境給人一種很放鬆和家的感覺☺️這次和朋友坐在窗邊的位置🍽因為要除鞋，才能坐，所以有種日式風格🇯🇵這次我就選擇了鰻魚飯團和日替飯團定食🍙🍱我個人覺得飯團不太特別，正常味道😗其他配菜都常可以👍🏻而我朋友就叫了醬汁鯖魚定食🍱🐟我沒有試味，所以不作評論🔕但賣相不錯📣這次來最重要的目的就是品嚐這個抹茶蛋糕🍵🍰因為本人是個抹茶控，所以一看到抹茶的東西就有無明的興奮😆但我對它期望太高，反正有點失望🤦🏻‍♀️口感是不錯，但抹茶的味道不夠濃，而且最下的朱古力餅乾與抹茶不太適合🤷🏻‍♀️面頭的紅豆也不夠甜只能說不值這個價錢！💲這是朋友叫的疏乎厘🍰味道濃郁，蛋香味十足🥚👍🏻但美中不足的是當我用匙羹插入去中間，竟是空心的🤦🏻‍♀️唉。。。最後還叫了個新出的芒果冰沙🍧味道不錯，是夏天消暑的良品👍🏻😎

今日同朋友專登坐車入烏溪沙迎海薈商場「屋子生活」午膳，山長水遠由大圍轉馬鐵到尾站想必定有吸引我朋友地方，陳設同環境都非常舒適加上這裡樓底高故空間感十足，年青服務員更是非常有活力有幹勁門口好別緻，有一番心思就連餐牌都什具特色店內擺設有藝術氣息秋葵鮮蔬沙拉配芝麻汁 $69清爽可口炎炎夏日最消暑午餐日式芝士年糕 $39單是賣相已非常吸睛，味道外脆內軟芝士同年糕是絕配食材和風漢堡定食和風口味，漢堡扒上蓋隻太陽蛋，旁邊係薯蓉沙律抺綠奶茶

啲人成日都話馬鞍山係美食沙漠，佢哋應該係計漏咗呢間『屋子生活』吧！首先環境以白色同木色設計，玻璃用咗落地玻璃可以感受到天然日光，第一感覺已經好舒服。Seating 方面亦有普通座位或者 tatami 位置比你揀，而 tatami 座位係靠近窗邊嘅。餐牌嘅設計亦唔普通，係用咗小學本子嘅設計，裡面仲有手繪圖案添！今次就淨係點咗午餐定食同呢度最出名嘅甜品 － 焦糖杏仁葩菲窩夫，另配一杯綠茶特飲。午餐用咗木盤上，好有和風嘅味道。窩夫厚厚嘅而且係軟綿綿，輕輕淋咗焦糖醬又唔會太甜喎，上面仲有幾粒藍莓同烤香嘅杏仁片，一次過食齊晒唔同嘅口感呀！另外仲有 5-6 款甜品，每款都咁靚，我真係驚我會忍唔住過嚟試晒佢哋呀！

這間地方環境舒服，適合帶小朋友，樓低好高，空間感一流！最好星期一至五去，星期六日多人，要排隊等位。冷氣不足，一道食，一道流汗。食物一般，分量較少，吃完無咩飽肚感覺，味道一般，沒有什麼驚喜。但甜品好好味，值得一試！

走到烏溪沙，到了「屋子生活」午飯。好一個田園風的天然小屋感覺，檯全是木製，店內環境極度寬敞，樓底極高，店內盡處是落地玻璃，天然光線充分被利用到店內，令人輕鬆起來。而最特別是有榻榻米的食桌。餐牌，竟然以單行簿印製而成，非常創新與特別，成功將餐廳生活化，與店名互相呼應！飯吃方面，「吉列豚扒定食」，豬扒很乾，豬肉味淡，飯則正常。「溫泉玉子牛肉定食」，份量十足，唯牛肉靭，牛味尚可，蛋香則欠奉，單以牛肉飯而言，「吉野家」比這個好吃。甜點方面，「芒果千層塔」中的芒果香甜，非常出色，蛋糕牛油與芒果很配合，不錯。「焦糖布蕾」，即焦糖燉蛋，沒想到不太甜，正合我意，蛋香滑，士多啤梨亦香甜，不錯吃。「抹綠奶茶」，即綠茶做奶茶，抹茶尚算香，但偏甜。尚且好吃！屋子環境一流，但服務則不濟，大部份店員，就只是站立一旁，更什是在交談，就如我們的桌子，落單後，餐牌沒有收回，好的，算了，但餐吃全上桌後，桌面已沒空間，但餐牌依面不收回，咁！想點先？食物方面，主吃確不濟，但甜品卻教人回味，兩者落差很大！只能說，閒來到此吃一下甜點，看看書，確是一件賞心樂事！

伯爵紅茶窩夫 $48伯爵紅茶雪糕非常好吃 是茶味較濃的 而且很細滑 窩夫是即叫即整的 熱辣辣與雪糕一起吃😍❤️ 推介這個 唯一的缺點就是有點少😿😭評分:9/10🌟香草梳乎厘 $55也是即叫即整的 梳乎厘很軟熟 不是空氣感十足的類型 但蛋味濃郁 很好吃 一凍一熱的口感也不錯評分:8/10🌟淋醬抹茶千層塔 $52抹茶醬較杰身 抹茶味也較淡千層塔的皮較乾身 但有紅豆搭救 一起吃也不錯 不過不失賣相方面👍🏻❤️評分:7/10🌟屋子咖啡 $40最特別同最好飯係呢個 有球雪糕俾你 鐘意食又得 攪勻又得 咖啡都好香 不錯評分:8.5/10 🌟橘橙鳳梨汁 $36冇乜特別🤦🏻‍♀️同普通橙汁一樣 可以唔洗試評分:4/10🌟芒果奶昔 $45並唔係冰感好重既 反而似果汁多啲芒果味都出 唔會好假 但冇乜好特別🤔評分:6/10🌟

平時黎都係食丼飯 今次唔太餓咪試下飯團 點知就出事啦 無味不特只 個飯好似膠咁樣 我無誇張 仲差過便利店買 ！裏面又得果幾粒三文魚 食到嬲啊大佬😡另外order左個焦糖杏仁葩菲窩夫 呢個好好多不過當日諗住飲咖啡 點知佢話咖啡停咗😓