屋子生活 (已結業)

屋子生活地方比屋子咖啡大好多, 而且有落地玻璃, 成間舖頭都好光猛, 一步進店, 會有一種一室溫馨的感覺, 喜歡坐塔塔米的, 不妨早d去排隊霸位~ 不過有點美中不足既係, 定食飲品唔可以加錢轉咖啡, 要飲咖啡一定要散叫.隊長叫左個吉列豬扒定食, 都唔錯, 豬扒不是炸到變柴皮, 但覺得朋友個吉列雞D雞肉juicy一點, 同埋果個麻醬蒟蒻都好味.馬鞍山店比大圍店多左蛋糕款, 下次有機會, 可以試埋佢既蛋糕~雖然店外不斷都有人龍排隊, 但店員都未至於不斷收野趕客, 都仲可以慢慢食, 不過唔好旨意假日可以坐足一個下午, 始終都有人龍, 你都唔好意思霸住張檯甘耐.

這次和朋友一起下午茶，很喜歡這𥚃的落地玻璃，陽光充足，響香港實在少有。 先叫了薄牛肉沙拉和一個薑茶。 這𥚃的沙律不用沙律醬，用醋令清新度大增，又不怕肥膩。薑茶味道濃，不會過甜，飲完個人暖笠笠。另外很愛這裡的餐具，很和風，很有特色。 這是我們的主菜，我點了鯖魚，鯖魚的醬汁味道十分濃郁，鯖魚肉質很嫩滑又多水份。配上熱辣辣又彈牙的珍珠米飯，飯上更有鰹魚和芝麻。令米飯香噴噴，咸咸香香，更加可口。另外，蓮藕伴菜也抵讚，清爽脆甜，整個定食完美配合。

放假最喜歡跟男友避世，元旦日便來到TRY LIST上的「屋子生活」，位置尚算方便，就在烏溪沙站A出口對面的樓盤商場內，過橋時已看到最吸睛的榻榻米。餐廳環境設計花了很多心思，不禁瘋狂拍照。坐在落地玻璃窗附近的長枱，日光透入室內令感覺更光猛開揚。餐牌用上小學年代的筆記簿，食物選擇挺多的，款式又很吸引…… 思前想後要了「溫泉玉子牛肉定食 $78」、「燕麥榛子梳乎厘配香草雪糕 $63」和 「熱朱古力咖啡」。飲品先來，朱古力味較重，味道相對地較甜，未能渴完。定食是牛肉控男友點的，牛肉飯整體份量比想像中多，只試了一口牛肉，挺滑嫩美味。甜品就由我自私吃，店員溫馨提示需時三十分鐘。隨著拍照的時間其實很快過，梳乎厘表面雖然不太平均，但質感鬆軟輕盈且富蛋香，配以灑在面層的燕麥，更有咬口。雪糕質地挺幼滑，不太甜，與梳乎厘的清淡味道很配，好味!

其實係 屋子生活 開嘅時候，我已經係雜誌見過，一直都好想嚟，可惜一直都無機會。今次機會都終於嚟啦！同我係雜誌見到嘅印象一樣，呢度好有慢活嘅感覺，仲好有文藝氣息。如果係附近踩完單車，再嚟呢度食下嘢，唞吓hea吓，都幾寫意。有機會我一定會再嚟！呢度嘅樓底非常之高，真係好少有咁高樓底嘅cafe, 亦都係因為咁，先營造到咁relax 嘅感覺。枱與枱之間又唔係好迫，啲櫈唔係張張都一樣，好特別。最特別就係佢哋個menu，係細細個用過啲功課簿，因為太特別，佢哋要係入面寫住唔准攞走。今次嚟係係晚飯之後，所以淨係食咗兩款甜品，呢度唔係淨係得蛋糕同咖啡，仲有正餐食架。黃色嘅係佢哋期間限定嘅 南瓜軟蛋糕，有淡淡嘅南瓜味，蛋糕非常之軟熟同輕，再加上南瓜忌廉，非常之好食， 呢個蛋糕仲要一啲都唔甜，正因為唔甜，所以先食到南瓜味，如果呢個蛋糕再甜少少就會搇晒啲南瓜味，所以佢哋handle呢個蛋糕，真係handle 得好好。 100分！另一個係 伯爵茶千層塔，layer cake 都算係近期大熱，出名嘅我食過，非常好食。 呢個都好食。 Well 邊個好食啲？ 我會話各有各好食，出名嘅係elegant 啲，呢度嘅就ho

想嚟屋子生活好耐，見cafe控朋友生日，終於的起心肝入嚟馬鞍山試試! 因為無得訂位，未嚟到之前好驚要等位，不過可能係平日夜晚，完全唔洗等就有得入! 一嚟到已經比雪櫃裡面嘅蛋糕吸引住! 😝 但點都要食左正餐先嘅!芝士竹輪 - 口感好似獅子狗入面包左芝士咁，芝士味甚濃，多d芝士嘅話會更好!明太子飯團加值日飯團定食 - 飯團無特別，配菜嘅豆腐反而比較特出，豆味十分濃，最啱喜愛吃豆品嘅我!公園沙拉 - 唔記得左飯團定食都有沙拉，所以點左呢個煎茶豚肉加黑醋汁嘅沙拉，其實無乜特別。海老天婦羅冷烏冬 - 新鮮炸出嘅蝦好鬆化，烏冬煙煙韌韌，唔錯!終於輪到今晚嘅主角 - 甜品喇! 試左三款甜品，樣樣都好出色! 芒果千層塔，鍾意佢唔算甜，芒果唔酸，千層蛋糕雖稱不上有好多層，但尚算皮薄唔多cream，食完唔怕肥膩，仲有種清新嘅感覺!因為手工抹茶蛋糕已經賣完，抹茶控嘅我只可只可選擇抹茶黑芝麻手工蛋糕，但亦見驚喜! 黑芝麻同抹茶味道濃厚，蛋糕軟熟，仲有餅底Tim! 即叫即焗嘅伯爵茶紅茶窩夫，上枱時仍暖，所以雪糕好快就溶，有種冰火嘅感覺! 😝 伯爵紅茶雪糕出面比較少有，味道唔錯!總括嚟講，餐廳環境舒服適合hea住

‘’屋子生活‘’ 係烏溪沙開店，專程走來試試味道如何。聽聞環境非常舒適，果然名不虛傳，裝修幾精緻，落地玻璃格局，光線充足，不過如果陽光太猛，都幾刺眼。餐牌用習作簿編製，有回到小時候感覺。蝦天婦羅泡飯〜睇相以為好大碗，原來很細，湯味道濃，也夠熱，有粟米蔥粒，味道不錯，不過蝦天婦羅就一般，蝦肉質感不算爽，也沒有蝦嘅鮮味，处層炸粉也一般。泡菜豚肉定食〜泡菜夠辣夠惹味，豚肉算幾淋，汁嘅味入晒落豚肉，用來撈飯幾好食，飯夠軟熟而且夠熱。分糧足夠。這款定食值得一試。

一直都係大圍屋子既fans~ 鐘意個度既環境氣氛, 木系為主調, 食物精緻味道唔錯, 甜品選擇夠多~雖然價錢略貴但去親都係要等位先入得去今日就特登入馬鞍山試下佢既分店 - 屋子生活外觀好吸引!! 玻璃屋望出黎就係樹同單車徑, 環境100分屋子生活係開係豪宅迎海薈既商場入面, 同大圍屋子一樣 ..好多人等位.. 要排一輪先入得不過係呢度等位係舒服過係屋子等位既 ;D 呢度始終係室內, 仲要係個靚靚商場入面 ;P等位期間都可以入去門口望下d裝修同蛋糕先.. 呢度真係大過大圍屋子好多好多成個格局都好闊落, 我自已最鐘意既係呢度充滿人同動物既牆等左大約半個鐘左右終於入得啦~食物款式多過大圍屋子好多 特別係小食但係!! 發現呢度同屋子同款既食物價錢竟然係貴d.. 甘好似就唔係好抵一樣既食物款式 (質素下面會講) 呢度要比貴d既價錢 ..  .__.仲會有d淨係寫左係店內黑版既menu, 入到去記住要四圍望下.. 哈七味雞唐揚定食 $79其實同我地想像中既唐揚雞有少少出入.. 哈哈 因為望落個樣竟然同平時係屋子食開既吉列豚扒餐差唔多樣炸物味道其實唔差... 不過兩個餐都係係我地落單後五分鐘內送到可

同細妹一家特登由西貢開車入黎馬鞍山，就係為左食「屋子生活」。沿路都好好天既，但入到馬鞍山就開始落大雨，架車泊左響附近一個爛地停車場。大雨+爛地，一落車，我對白色Converse就報銷。好不容易入到商場，成身濕晒，當時已經兩點幾，但門口仍然係長長人龍。無計，特登黎到，無理由放棄既，都要排。大約等左大半小時，終於可以入座。我們點了午市套餐，餐飲選擇已經很吸引，唔係一般既咖啡茶，而係有抹茶和果茶等，抹茶香滑，果茶感覺也清新。我叫了豚肉煮午餐，中規中矩，豬肉沒有我想像的腍，除了肥豬肉部分，瘦肉都比較嚡，不過汁料味道還是不錯，配著灑滿了紫菜味粉的日本米飯，很快就KO了。妹妹點了炸豬扒套餐，賣相也是一流的，豬扒炸得香脆，點著沙律醬來吃，都OK。廚師做獅子狗卷下了一點功夫，外層沾了炸漿，弄得香香脆脆的，中間還加入了像芝士汁的餡料，平常的一條獅子狗卷，就這樣大大增值了。之後啟動甜品胃。先來芒果千層蛋糕，芒果香甜，但我個人不太喜歡Crepe cake，因為一向都覺得海綿蛋糕較鬆軟好味，而且Crepe cake太多忌廉，吃完好像會肥100磅似的，所以這個蛋糕，我只淺嘗了一下，感覺一般般。屋子生活的梳乎厘有

馬鞍山★屋子生活上次紅日黎到排長龍白行一趟，今次醒目仔搵日平日黎嘆下星期三1點左右黎到好多空位，梗係揀對住落地玻璃既榻榻米位 hee! 除埋對鞋坐，真係好似自己屋企咁 間餐廳既環境真係好舒服，空間大樓底高夠開揚，仲有牆上面可愛既繪畫/擺設做裝飾，好鐘意搵食時間，Menu更新左好似成本小學單行簿咁好得意，食物種類都比大圍既屋子咖啡多。本身同朋友仔諗住share個定食&烏冬，不過原來得定食先包味增湯＆家常配菜＆茶品（蘋果茶/杏桃茶/抹綠奶茶/薑茶），都係嗌２個定食happy d- 關西牛肉定食（$89）*味增湯：味濃，內有少量豆腐粒/昆布/菇。*家常配菜： 黑木耳加左麻油同少量白芝麻調味，爽口。**關西牛肉：牛肉煮到好林，吸晒個汁甜甜地既味道，送飯食一流！牛肉既底下竟然有好多水晶粉，唔係彈牙果種不過好滑shu一聲就食左*白飯: 面頭加左d配料就咁食都幾好味~不過ｄ米好似唔係日本珍珠米?- 和風漢堡定食（$89）:*家常配菜：螺肉青瓜，同平時食開既差唔多。**和風漢堡：其實上枱果下有d surprised，見佢叫漢堡一直以係hamburger有包夾住果種，原來係日式漢堡扒，哈哈蠢左。好彩佢既

我呢個無聊人，平時成日瞓，有時會搵人陪我食下野閒逛一下。而weekdays最好就係喺office hour食d平時要排隊排到顛既店 (爆)。今次再訪屋子，選擇左坐窗邊位，大大塊落地玻璃，微暖既陽光照住，坐喺日式蓆面地墊，悠閒地飲杯野，睇下書下扮文青 (笑)。今次menu轉左啊！冇哂圖片，看似小學生既功課薄，都幾得意吖。叫左個日式叉燒烏冬，賣相真係好日式噃，味道就不過不失啦！最緊要個烏冬夠軟滑彈牙，不過叉燒就略嫌有d'鞋'啦！焦糖杏仁芭菸窩夫，杏仁同焦糖極之匹配，脆中帶軟既窩夫，牛油味香濃，連埋芭菲杏仁+焦糖，每一啖都令人欲罷不能，呢個份量我一個人食到2份 (大爆)。最後來一杯玫瑰奶茶，香甜既玫瑰味+淡淡奶香，不濃不澀既茶我最中意，吃著喝著，睇下出面既風景，悠閒寧靜地渡過一個下午。

山長水遠走去馬鞍山做文青。開頭見到雜誌介紹覺得呢間野超靚，因為有個落地大玻璃，透晒自然光入室 內，仲要可以坐！所以老遠都走入去hea下扮下文青🌚野食黎講有點小貴喔，主食質素一般，但野飲同甜品就好正，所以去食下tea又hea下既就岩晒。加上環境真係世界級，所以去relax下係一流💕

之前見雜誌介紹都好想黎試下 等左廿分鐘都入到 安排係tatami坐 覺得好舒服同relax! 樓底好高幾有空間感 哩度食野會有種舒服同啱啱好嘅感覺 窗外對住條單車徑 過左個悠閒下午

芒果千層塔 (季節限定) ($43)雖然說是季節限定但好像從沒換過餐牌💛千層塔每層都夾住Cream和芒果有點甜但還好而家烏溪沙落勁大雨KY一個獨佔塔塔米表示好正！Mango Layer CakeEach layer contains cream and mangoA little bit sweet but still fineAnyway Im enjoying the tatami ALONE! Thats AWESOME!屋子咖啡 (雪糕咖啡) ($40)一杯咖啡 配上雪球球苦中帶甜😈如果係朱古力雪糕就變Mocha啦！Ice-Cream CoffeeA coffee with ice creamSweetness in bitternessIf chocolate ice cream then becomes mocha!

 ($58)下雨天的彩虹出左咁耐都未試過😎而家終於有機會試到但可能因為我食唔慣酸，當個個都話Okay既時候得我話酸😂 不過Raspberry味好重👍 好有暗戀Feel唔係初戀 邊有初戀係酸嫁Raspberry Cheese CakeFinally tried this cake from Series of rainbow in the rainActually for me who seldom eat sour food, the cake is way toooo sour while others said its fine😒 raspberry taste is strong, worth trying geh

屋子叉燒湯烏冬 ($79)😋期待左好耐終於食左呢個湯烏冬但叉燒有點肥和麵條方面也不是格外出色 就只是比較入味果然不是專家哈哈期望太高也不是好事Uchi Special Pork UdonThe pork is a bit fat and the noodles are not that special. Haha not a specialist then I cant expect too much🙈 wanna try more and more udon arrrr