屋子生活 (已結業)

一直覺得在這間餐廳食野是很寫意的，可能是來自它的超大落地玻璃窗滲入的柔和陽光？終於，今天可以和朋友仔坐在這裡享受一下慢活餐廳空間感非常好，樓底高，和供應免費的陽光。屋子的餐牌，飯友們在網上已經分享了很多，但見到還是覺得很可愛。Lunch set 有4種，60幾至七十幾蚊，大餐牌也有很多丼、烏冬、飯團、沙律、小吃十分多野揀，所以我們諗左好耐先落得單。但，我咪又係食蛋蛋吉列豬扒飯定食！set 跟芝麻醬沙律，餐飲揀左煎茶。個豬扒飯十分普通，蛋蛋唔夠濕，吉列又係乾，咁即係唔係幾得囉。朋友食七味炸雞丼，跟味噌湯，飲薑蜜。仲以為炸雞係千頌伊果款，但原來係長扁形一塊切開，飯面有D七味粉，味道ok la，都幾鬆化。甜品選擇都唔少，當然唔會放過啦，好多都想食，最後叫左個芒果千層塔share。是好多層pancake 皮和cream 那種（又唔記得影相😬) 由於我對甜品的偏愛，我多數覺得好食的😁😁，咁事實係幾好食嘅⋯⋯這是一間食得舒服的餐廳（因為今天是閑日？）繼續慢活，會繼續來😆😆

lunch set: 吉列豚扒定食lunch同menu叫的定食的價錢差五多，只係差十元八塊。先講塊吉列豚扒，好大塊，炸得好香好脆，又五會油lum lum，口感都好好，碗飯既份量都好夠，個lunch set有配沙律，份量都比我想像中多，仲有飲品配，整體係幾好既。關西牛肉定食＄89，其實好似成個set咁，有前菜，有湯，一碗和風牛肉配粉絲，仲有一碗飯，全部都大大碗，分量好多。牛肉有好多，下面既粉絲仲多，一個人應該會食五晒。個汁都好香，夠濃。不過我覺得價錢貴左少少.環境很好，可以慢慢hea下

呢幅壁畫圖案，可能正是想帶出呢道可以帶俾大家一餐怎樣的用餐寬敞而陽光充足的空間，光滑清潔的木地板，像去了人家屋企一樣要除鞋進入。有些小矮枱，可席地而坐七味雞唐揚定食@主打的雞扒好新鮮，炸皮跟肉緊緊貼埋一齊，沒有雞皮之下走去了肥膩感覺。雞扒上的汁醬夠濃味，中和到炸物既油膩椰菜絲又夠凍又夠Fresh海老天婦羅冷烏冬@冷烏冬質地煙韌，咬落去係斷同唔斷之間，再加上淡淡既小麥香味金黃色的天婦羅炸出來不油，食落脆口+沒有炸粉味道

住馬鞍山一段時間，平時食黎食去都係新港城 d 餐廳，今次就搭多一個站，去烏溪沙站果邊食呢間 屋子生活！星期六 lunch time，大家都要排隊，大約等左30分鐘到。入到去已經好多人，坐到好迫。 menu 好似以前細個讀書既書簿咁，有d 特別！ 呢個三文魚泡飯賣相係吸引，不過食落好失望。 個湯太咸，超無奈，完全唔想飲多啖，驚腎虧！而食材方面， d 三文魚太少 ，或者應該咁講，d 飯太多，所以當我食哂 d 三文魚，仲有好多飯剩低，但已經冇哂餸配飯= = 至於朋友叫個左牛肉飯餐，其實等到好嬲！明明我地比左邊張枱早 10 分鐘入黎坐低落單，點知隔離個牛肉飯竟然比我地早到。等到人地食到一大半，我地先到！牛肉份量係多既，味道都濃郁，唔會有食剩飯既情況出現。 呢杯綠茶跟牛肉飯送既，冰多，令到杯野飲淡到無味咁滯。 另外，朋友 insist 要叫個甜品，香蕉朱古力 waffle，d cream 太heavy，香蕉份量多，不過waffle就平平無奇，下次唔會再食！

馬鞍山算是很少去的地方，這次為了去「屋子生活」cafe，特地到了馬鞍山。「屋子生活」很近地鐵站，雖然當天下大雨，但有天橋連接地鐵站不會淋濕。Cafe在商場地下，店裏樓底甚高，空間感很好。進了店裏會看到蛋糕櫃，裏面有多款不同的蛋糕甜點，還有啤酒～店中間有很大的開放式廚房。牆壁上畫了可愛的圖畫，細心看看會覺得很有趣。 最裏面是榻榻米座位，超大的落地玻璃，如果天晴氣朗應該會好舒服。這天下大雨，也頗有詩意。榻榻米位置的前方有一張很大的木檯，上面有個有趣的吊燈，裏面有三個達摩公仔。冷稻庭烏冬佐野菜天婦羅 $79 - 冷烏冬很韌，近乎太硬。野菜天婦羅味道ok。宮城明太子飯團＋值日飯糰Set $89 － 有兩個飯糰、中華沙律、日式沙律、冷豆腐、麵豉湯，頗豐富。值日飯糰是三文魚飯團，味道不錯。明太子飯團就麻麻地，只有上面的一團明太子，下面飯的部分味道很淡。其他沙律前菜就幾好吃。飯團餐附送的冷抹茶 － 甜度適中，抹茶味可以更濃。櫻花拿鐵 $42 － 比較清淡的味道，櫻花味也不特出。花漾鮮果窩夫 $62 － 窩夫是很小的一個donut形狀，味道還好。鮮果優橙和香蕉，配吉士和忌廉，另附櫻花雪糕，櫻花味也要

堆積如山的工作令我忙得不可開交，即使在星期六日，都要待在公司裡埋頭苦幹，好似好一陣子沒有到戶外走走。Project終於在今個星期kick start，時間可以鬆動一點了，就趁weekend到烏溪沙踩單車，再順道到這間位於迎海薈的台式小café – 屋子生活。其實屋子本身在大圍有一間主店，但長時間都門庭若市，所以試屋子café，又不想等太久，最好還是坐幾個站馬鐵到烏溪沙。星期日，大約5點來到迎海薈，商場人流開始減少，變相café都少人等位，太約等3-4檯就可以入座，好開心，店員安排了我們坐在牆邊的位置，比較自成一角店內環境令人感覺舒適,有大片落地玻璃：Café以淺色木及白色為主調，加上不同的小裝飾，很home feel：餐牌封面，好似小學雞時代用的格仔簿：雖然還未吃午餐，但天氣太熱，基本上沒多胃口吃熱食，反而對甜品滿滿的期待，因為在這間cafe有櫻花甜品，沒錯，是櫻花！此時已經心心眼。兩個女生，看了餐牌良久，揀了三款甜品，其中兩款是櫻花的，另外一款揀抹茶的。花漾鮮果窩夫配櫻花雪糕：窩夫餅夠鬆軟，上面有幾款生果作陪襯，另再塗上一層厚厚的橘子味忌廉：而濃香的櫻花雪糕內有片片花瓣，口感豐富又很

想試這間Cafe好耐啦! 趁復活節有空檔，兩口子就計劃來馬鞍山吃喝玩樂啦!第一站先來吃個TEA吧!MENU的設計用上小學用的作業薄，好令人懷念小時候呢！我們不算太肚餓，就Order了窩夫來吃啦！因為近日爆谷癮發作，特別選擇了這個Popcorn Waffle。不過看見真身有點失望呢！雖然望落幾靚，幾可愛，但是SIZE實在太小呢!底層窩夫望落好實正，食落尚算有鬆軟感，但也是偏海綿感。爆谷是甜爆谷，應該是焦糖口味，食落其實有點過甜。上面還有大大個云尼拿雪糕，加上一棵小草作點綴，尚算可中和一下甜味。在這裡用餐，不得不提這裡的日式定食，必吃之物！吉列豚扒一定也不油膩，還配上沙律細，芝麻細及吉列豬扒專用的甜醬汁，可隨意選擇口味，食落不會太沉悶。珍珠飯上還有撈飯配料，芝麻，糖，紫菜，足夠令你吃下整碗飯呢！定食還跟麵鼓湯及前菜-中華沙律，非常豐富！大滿足嘍！

同朋友想係馬鞍山搵個地方聚會，覺得呢間cafe 都吾錯，因為之前試過大圍個間嘅嘢食覺得幾好味，除咗個環境好細同嘢食份量好少之外，所有對呢間cafe 都系抱住一個想再食但又一般好感嘅餐廳。去到個邊地鐵站好快就可以見到大大個玻璃同埋個招牌，所以好容易就搵到，而且採用玻璃更加突顯間餐廳嘅靚。入咗去之後，依然比佢個落地玻璃吸引住，因為自然光從外面透入黎加上樓底高有種特別舒服嘅感覺。而呢間餐廳最好嘅地方就系大，同大圍真系差天共地。 嘢食方面，我就覺得份量比大圍大小小，只係少少炸，所以大食嘅朋友就未必夠啦，可能要叫多啲嘢食，而味道方面，首先係秋葵沙律，芝麻醬夠多，蔬菜食落都幾新鮮，系如果秋葵多啲就好啦，呢個系我最鐘意嘅一道菜。 另外我地叫咗幾個飯，包括細木魚飯，細三文魚飯，吉列豬扒同牛肉便當，我自己就無食吉列豬扒，而其他三個飯，最鍾意係木魚嘅調味同牛肉個汁，因為呢兩樣嘢係最香同最嘢味，而如果鍾意食煙煙韌韌嘅飯嘅朋友，就一定要叫木魚飯啦，因為個飯真係好有咬口。 嘢飲方面，覺得熱飲份量幾足，而凍飲方面，朋友叫個沙冰，用個碗仔裝覺得好得意，因為出面叫沙冰嘢飲通常都系一個普通杯，我飲咗一杯薑茶，系個便當跟

黎過都有好幾次，每次都有相同感覺就係野食係ok的..但出菜真係超級慢。當晚我地八點三到入座，都唔算好full, 但我地同隔離枱都等左超過半粒鐘都無野食，望住出菜位，差唔多平均10分鐘先出到一個餐，到我地開始燥左再三催四請先有一個餐黎。我明白佢想走台灣種休閒路線，但係客人等野食等大半個鐘都已經成肚氣啦，又如可以心情悠閒咁食呢，仲話要限時90分鐘...難得咁靚咁大間舖，但開業咁耐都改善唔到呢個問題，好失望。

朕聽聞馬鞍山係一個美食沙漠，要揾好野食就好似喺沙漠度揾水源一樣，要花啲時間同埋運氣！但係朕今日就出巡馬鞍山，睇察下民情，睇下有幾沙漠！出巡前隨從己經幫朕Check過，有一間可能啱朕既胃口！黎到馬鞍山站，入左商場好快就睇到！呢度簡約既裝修，加埋啲簡單既陳設，最適合慢活既朕，同埋A貨偽文青既隨從黎Hea！呢度既Menu係朕細個都用過既單行薄，一見到就想喺上面提番幾行字，不過朕有啲肚餓，都係叫左野食先！朕就叫左吉列豚扒定食同埋抺綠奶茶，杯抺綠奶茶飲落香滑清新，但係綠茶味就淡左少少。到吉列豚扒，塊吉列豬扒即叫即炸，肉身都幾厚，炸粉又薄又脆，仲要熱辣辣，咬落啲肉汁唧哂出黎，加埋個上面有紫菜又有芝蔴既飯一齊食，仲有味噌湯，呢個定食真好食！－－－－－完－－－－－

🏠屋子生活有兩間分店，但相比之下馬𩣑山店環境👍🏻大獲全勝，店鋪門口有日系既影相位！店內牆上有🎨手繪畫，🌤太陽光直照入店內，令人有放鬆及渡假嘅感覺🏖假日嚟必定要等位，今次等左15分鐘左右Menu設計特別，用學生功課簿嘅概念嚟設計叫左兩個套餐，關西牛肉定食每次必叫，另外七味雞扒定食就一般，可以唔叫另加小食，釀手羽，味就不過不失必食甜品‼️‼️小倉手工抹茶蛋糕🍵🍰抺茶mousse香滑，蛋糕有層次加埋唔太甜嘅紅豆！最底仲有朱古力脆脆，好味😋如果唔怕等得耐，不防等窗口位🌳同埋記得☀️天氣好去就更好喇！

「迎海」是我近來喜歡前往的商場，內裏開業最久的屋子生活卻是筆者首次到訪* * * * * * * * *今天約了我尊敬的uncle William與舅母共進晚餐，uncle細心，建議我可先到餐廳門前看看格局，喜歡與否再作決定。樓底極高與落地大玻璃引入自然光，都是吸引我進內的其中條件每個擺設都有細心位，看得出花了許多心思，好讚當我望見門口位置甜品凍櫃內的精美甜點，可愛手作杯碟擺設，清新小盆栽，簡約的掛飾， 超高樓底加上色彩繽紛的牆油畫和掛畫，已經讓我有即時飛奔進內的念頭，更何況這裏設有榻榻米的座位? 夢寐以求的榻榻米座位藉著時間尚早，沒有太多人"爭位"，即時急步雀躍前往我心水的榻榻米區域，脫掉鞋子，走到木板上，好舒服呀! 在軟墊上屈膝而坐，超級輕鬆，再透過偌大玻璃欣賞黃昏美景，好幸福啊~充滿台日風情與氛圍的環境，不拘一格的座椅種類，給予人們無限放空的空間除了年青人，更多媽媽或家庭都喜歡與小朋友到榻榻米區域進餐，絕對是大家的自由時間望見顏色鮮艷的牆畫，我已咧開咀兒笑了* * * * * * * * *餐牌製作成小學習作簿模樣，有否勾起你點點童年回憶? ^^食店推介的季節限定料理餐廳內設有守

是日到馬鞍山探朋友，順路看一下「海之心」，因有親戚住在馬鞍山，所以都吃過附近的食肆，不如就到烏溪沙，走到屋子去，讓我扮一下文青先。樓底的確很高，落地玻璃配榻榻米，可惜外面的風景為單車路。 我們點了一個定食，一個沙律及甜品 吉列豬扒定食，賣相是不錯的，但份量較少，男孩子吃的話應該不夠飽。飲品選了杏桃茶，味道不太突出，其實喝不出是水果茶，感覺只是甜甜的茶。吉列豬扒外皮香脆，肉質頗滑，麵豉湯一般，有少量配料在內。 另外點的是炸雞秋葵沙律，炸雞有數件，和暖的，跟沙律菜一起吃可以中和油膩感。但秋葵切成星星形，還要只得很少(感覺可能只得一或兩條小秋葵)，似點綴多一點。 吃畢上述的東西後仍未飽，於是多點一個甜品---朱古力梳乎厘。梳乎厘面灑了少許糖霜，顏色不錯，質感尚可，綿綿的，朱古力味道淡淡滲出，但吃到底，旁邊有少許像是未弄勻的深色朱古力，朱古力味更濃。 整體食品的賣相也不錯，但真的份量太少，味道ok。

生日要吃甜，朋友提議到烏溪沙的屋子咖啡。之前有去過大圍的屋子生活，這間屋子咖啡也來過一次，印象中不錯的。因為未吃午餐，所以甜品之前也點了少量非甜品類的食物。公園沙律，賣相已經一般，沙律菜不夠新鮮，就連豬肉片也一樣不太新鮮。櫻花冷稻庭烏冬佐野菜餅，因為沒有櫻花稻庭烏冬，換中綠茶冷麵，但煮得太軟，完全沒有吃冷麵的感覺，口感也不太好。野菜餅算是炸得剛好，味道也不過不失。栗子窩夫，這是朋友的，我沒吃，不過賣相真的很好，栗子蓉擠到這個模樣感覺很認真。伯爵紅茶窩夫，鋪面的水果夠新鮮也夠甜，另外我非常喜歡那個伯爵紅茶雪糕，入口啖啖茶香。小巧的窩夫，外面微脆，內裡也算鬆軟。綜合鮮果窩夫，小雞造型可愛到不行，上面的水果一樣鮮甜，柚子雪芭甜中帶微酸，味道清新。芒果鮮奶，相信是有用新鮮芒果，甜味不太假也恰到好處，奶味香濃。這裡的環境真的很不錯，而且有足夠天然光讓人感覺舒服，不過主食真的有點讓人失望，還是甜品像樣一點。

早前已聽過朋友介紹這裡的裝潢佈置不錯, 而且餐牌還滿特別 決定和幾個朋友一起試一試~~ 我們以甜品為主😎😎岩漿巧克力蛋糕朱古力味好濃，感覺係心太軟😄燕麥榛子梳乎里口感十分滑溜，搭配雪糕一起甜入心😚伯爵紅茶窩夫第一次吃到圓形的窩夫！感覺十分煙韌彈牙，而伯爵紅茶味雪糕是整個甜品之精髓😋焦糖杏仁芭菲杏仁味很重 入口配合焦糖 甜而不膩少蒼紅豆綠茶千層蛋糕緑茶漿完全係整個甜品之重點！ 有了緑茶漿就完美！綠茶奶茶喜歡甜的你 合你口味😄外邊原來還有單車徑, 假日可以一家大細踩單車後進來休息一下感覺實在不錯~!IMG:9]