屯の大阪章魚燒 (已結業)

其實已經第二次黎, 不過第一次只買過一隻味道, 今次試左三款, 我決定寫了。小丸子TOTAL 有4款, 原味/蟹子/明太子/多蔥, 除左原味之外, 我地叫晒...兩個女仔每人食九粒, 一定夠飽了。本人最愛蟹子同明子太, 多蔥都幾惹味, 不過.....真係太多蔥了,你見到張相,都睇唔到D小太子。排隊買+等佢整, 大約30MINS 都值得既。呢間店一定會再返黎, 難得屯門有間值得回來既店呢, 希望遲D會越黎越多。

大家兒童節食完晚飯仲未夠喉，去咗呢度買章魚燒，呢間店係姨甥呢期嘅愛店，聽說放學時間要等1小時以上，地點認真僻，在橫巷內大廈地下一間小店，去到要排隊，好在條龍唔長！媽咪買飛後等攞，門面好細，紅色招牌搶眼，可以透過玻璃見到店員整章魚燒，好快媽媽攞咗一袋3個紙盒出來，紙盒無招牌，好簡約！打開每盒6粒！原味大阪風（$20/6粒）賣相幾靚，食咗一粒，唔知點解個皮軟身，一啲都唔挺，已經即刻食都軟趴趴，入面嘅章魚好大粒，彈牙有咬口，粉漿滑身，醬油加沙律醬味道鹹香，仲有大量木魚片（不過我唔喜歡木魚片）味道其實幾好，只係質地太淋！榻晒！超爆多蟹子（$28/6粒）同原味差不多，但呢個外皮仲淋！已經扁晒！面頭嘅蟹子真係超級多！粒粒都卜卜脆！但章魚燒本身質地唔啱！一般！店員好快手，不停手整章魚燒！小朋友一定喜歡！

話說之前黎呢頭食拉麵(食過2~3次) ，排隊嘅時候都見到有人拎住1盒盒章魚燒行過，又上網search下咩料，原來係人氣店，於是就揾機會黎試下叫左明太子章魚燒 6粒鹹鮮味 + 章魚燒 = good如果多些沙律醬會更good

久仰大名啊！小丸子我黎喇！雖然我成日去屯門，但黎虹橋真係第一次！位置都相當隱蔽，但既然咁多雜誌blogger介紹過，都心思思想黎潮聖下超爆多蟹子💰HKD$28/6粒 or $42/10粒真係超爆多蟹子，多到好難影，如果你中意食蟹子，呢個真係一個非常好嘅選擇😉但係，小丸子好細粒。入面嘅章魚雖然都幾大舊同幾好咬口，但整體上真係算幾細粒sosad另外外層並唔似一般香港章魚小丸子咁脆卜卜😞我個人中意香港式脆卜卜實淨外層嘅小丸子，多過日本式淋晒嘅小丸子，所以呢到對我黎講真係失好多分😞😞蟹子夠晒多，但醬唔夠多，呢樣都令我好失望👋🏻👋🏻👋🏻星期六大概十二點半到，唔多人，等候時間約十分鐘👌🏻要是排起碼半個鐘，我一定唔會黎食😔見好多人叫明太子小丸子。但呢到嘅小丸子不是我口味，略嫌又被大眾吹捧太大，加上位置"隔涉"，不會再黎了😔

週四約左朋友喺附近食拉麵，咁難得黎到附近都要食番次章魚燒啦。可能係平日，剛開門冇耐，並唔需要等好耐，只有幾個人等，我地買完都好快食到。依然都係四款口味：原味($20)、超爆多蟹籽($28)、超正明太子($28)、激多蔥風味($24)其實我次次都係食蟹籽同蔥，一來聽過大部分人都話明太子口味一般，二來又覺得食原味有啲單調。超爆多蟹籽 $28/6粒依然都係咁多蟹籽蟹籽配章魚燒我覺得幾好夾，口感好好。章魚燒外面熱辣辣，但食落裡面唔會話太熱，一口放得哂入口，剛好。入面有粒章魚，麵粉感唔重，皮都有少少脆~激多蔥風味 $24/6粒因為距離上次黎都有一段時間，所以唔知道佢地係轉左呢種蔥定點，我覺得冇咁好食…呢隻蔥比較粗大、而且食落會有少少辣喉，以前果隻甜甜地，更出色。都係果句，唔洗排又住得唔遠嘅咪試下，因為味道真係唔差，特別鐘意食蟹籽味~住到山長水遠，就無謂啦。

啊～ 我們還是會為了吃而跑到老遠的年輕小伙子啊～ (♡´౪`♡)♥(ˆ⌣ˆԅ)章魚燒起源於日本關西的料理，是不可不吃的平民美食之一， 一般章魚燒加入章魚腳烤成丸子，再鋪上海苔和木魚，最後沾上醬油。在屯門區的「 屯の大阪章魚燒」開業短時間已經有很多食客排隊購買，他們推岀四種小丸子口味，除了經典原味，還有蟹子、明太子、香蔥三味特色章魚燒。四款口味:原味大阪風 – $20/6粒 | $32/10粒激多葱風味 – $24/6粒 | $38/10粒超正明太子 – $28/6粒 | $42/10粒超爆多蟹子 – $28/6粒 | $42/10粒蟹子章魚燒毫不吝嗇地蓋上一抹厚厚的蟹子，內餡的章魚比一般大，份量十足，口感煙韌很好吃。原味大阪章魚燒外皮較為焦一點，由於是剛烤好熱騰騰的，所以放入口要小心燙到。雖然價錢小貴，但用料飽滿 賣相也吸引，喜歡吃章魚燒的還是願意花費金錢和時間去光顧的。地址；屯門青菱徑9號華利大廈商場11號地舖營業時間：星期一至日: 2:00pm-10:00pm評価日期：22-1-2017更多更多(╭☞•̀o•́)╭☞ 

最近看到一篇屯門美食的報導，放假緊係要去試試好西！第1站是餐前小食：章魚燒！本人一向好喜歡吃章魚燒，一直都好想黎試下不夠6點鐘黎到已經見人龍，出名野就係咁章魚燒有4款口味小店裡眼見只有2位職員2大部機燒，賣完要等下一輪起貨，所以真係要有耐心等排了大半小時終於落到單，落單都要再等一陣先有等咁耐叫一份感覺好蝕，一定要叫多d試下結果點了明太子（$28）同爆多蟹子（$28）各6粒賣相唔錯，十分足料先試明太子，頂部的明太子味偏淡，唔算惹味醬汁比起其他淡味，感覺冇咁味精，清淡之選至於章魚燒亦未見外脆內軟，整體唔錯，只係冇想像中咁好反而蟹子很多食落比較有口感期間看到店員切原條章魚，材料應該幾新鮮味道唔錯，足料，但要排成個鐘先有就太花時間了

某天回屯門探家人, 終於可以試試這個傳說中很出名的章魚小丸子大概晚上6時多去到, 都要等了大半個鐘, 現在人流應該少了, 之前好像都要等1小時.每底章魚小丸子大概做到28粒, 同時間見職員會做有4底.因為沒有限定每人可以買多少盒, 所以等候時間較長, 或者看運氣吧! 有5款章魚小丸子選擇我選擇了超正明太子, 價錢都合理, 比想像中細粒. 但入面的確很足料, 真的超正! 如果不用等太耐我會再食的!

剛好吃完午餐 ~就想到下午茶要吃章魚燒..立即從屯門市中心 步行至新墟再過虹橋方向..其實在香港一直都吃過 不同的章魚燒大部分都不合格..唯有呢間用日本製法加上用料十足 當然與別不同~~開左一段時間 依然排長龍....想唔駛排隊 緊係平日下午......大概3點去到~真係唔駛排真lucky~~~章魚燒有4款口味~~~~有2個份量揀 ....之前其實已經試過明太子同蟹子...今次特登試原味~~~果然 即整即食最好味size剛好一啖一粒章魚好味再配醬汁...推介~~~~~~~~

再次踏入屯門，今次來食人氣章魚燒！位置不難找，只是要留意一條隊是購買，一條隊是等拿食物，不要排錯呀店子只有3人，真的做到無停手。枱面的擺設，而醬料就由店員負責添加。餐牌顯示只有四款，除了激多葱風味，其他都有order。來到之時已經7點半，等了約30分鐘終於有得食，比想像中快，不過呢，可能要快，所以賣相就差了點。-原味大阪風 由於買到後即食，非常熱辣辣，醬汁夠多，外皮粉漿不多，不會厚厚的，微脆，而中間有粒章魚，幾有咬口(但不韌)。超爆多蟹子真的毫不吝嗇，蟹子滿滿的，所以每粒章魚燒都能沾滿蟹子，咬落很卜卜脆，但個人而言同章魚燒不太夾。超正明太子這款是三款之中我至愛，明太子微辣帶鹹幾惹味，會增加食慾，一入口與章魚燒融為一體，會令人著迷

是夜再來紅橋走走。上次摸門釘的章魚燒今天開門了，見人龍不太長，就排一排，試個究竟吧。 不論假期與否，逢星期一都休息。下次要多留意，別再摸門釘了。 其實人不算多，約有10個左右。但因為即叫即整的關係，要花點時間。 望著店員在埋頭苦幹翻動章魚燒，我也感覺到他們的辛苦。所以笑不笑，不是重點啊。最緊要好食，大家去澳牛其實也是這樣吧？落單後在附近走走，等了約10分鐘就回去拿小丸子，其實也不算等得很苦。 超爆多蟹子 $28/6粒 - ★★★☆☆   超爆多蟹子（飛魚子才對）的用料毫不吝嗇，果真可以用超爆多來形容。XD 粉漿熟度剛好，外脆內軟，不糊口。章魚也蠻彈牙、爽口，但略嫌份量太少，如果大舊一點，更滿足。配上脆卜卜的飛魚子，口感更豐富。 另外還點了明太子口味。明太子辣辣的、較惹味，但久缺飛魚子脆卜卜的口感。若可以在明太子中加點飛魚子，增加口感，就更perfect了。

早2日見到網上介紹，專程揸車前往一試！拍好車，經青菱徑一帶前往，發現好似越來越多野食！雖然停車嘅地方已經有兩間小食店係賣小丸子，但無影響我揸45分鐘車入黎會一會佢嘅決心！沿路行直至見到小店嘅介紹牌(正正就係好多人會食嘅拉麵店對出)按箭嘴方向望去，就會見到巷尾有個大紅燈籠點燈！之前做足功課，已經諗好想食咩，不過去到，竟然有期間限定！只做外賣，環境整潔！結果就每樣六粒，本身仲有擔心好似好多咁，怕一個人食唔晒。後來發覺12粒剛剛好！本身預定要嘅明太子，唔太辣，入口果然實在！外面嘅小丸子即時無料到！期間限定，青檸味一出，無咩出錯嘅機會！食過呢間之後，我諗外邊嘅小丸子我都係少d食啦另外可能都要follow埋小店fb啦，據知店主耐唔時會去大阪，摸門釘就無奈啦。

平日下午來到，初頭冇乜人等，但因為啱啱燒好個輪俾前要嘅人買晒，所以我哋要等佢燒新一輪，都等左差唔多20分鐘。蟹子份量好多，章魚燒個皮脆脆地，入面就有啲煙銀，口感同出面去食過既有啲唔同，蟹子多到食到最後都仲有淨。

見d人話呢間幾好食，又要勁排隊排成粒鐘先買到。。。今日路過見到無咩人排隊，所以就過去買。睇下有幾好食！前面大概有4,5個人。等左大概兩個字，終於到我落單。難得食一次，就買左3個不同味道黎試一下。整體都ok,不過如果要排成半粒鐘先買到嘅話，我就唔會買了。原味章魚燒👍🏻當然想試下原味係怎樣。可能係外賣關係，過左幾個字後先食。。。外皮已經唔脆了。。。不過味道係幾好的。咬落去唔會似咬梗一pat漿。而且有勁多木魚片蟹子章魚燒👍🏻👍🏻勁多蟹子！一d都唔孤寒！雖然只係原味章魚燒上加上一大堆蟹子。但蟹子帶出左爽脆的口感！食落都幾夾。呢個我覺得幾驚喜。不錯。值得推介。明太子章魚燒本身唔係好食明太子。不過見前面嘅人多數都叫呢個。所以都叫黎試下。明太子都算多，不過我又不覺得特別好食。覺得有點太dry。

We waited for one hour to get these octopus balls. The octopus balls were quite normal, it was soft and chewy. The octopus pieces were chewy. I was quite impress with the large amount of fish roes on them. The sauce definitely lift up the flavour. It took too long to wait for it so I guess I won't go again.