屯の大阪章魚燒 (已結業)

依間俾網上吹捧到好高既章魚燒，星期六日經常排長龍，有日閒日見到得8個人左右等梗，就嘗試下排，排左45分鐘，終於拎到。點了一個明太子：$22/4粒無想像中甘多明太子，其實味道偏淡，我食唔到有咩味，雖然見佢已經落左醬料。果皮燒得脆，唔會淋。但整體真的唔係令我一試難忘同驚喜。其實依個質數等半個鐘都還可以，如果要等幾個鐘，咪攪我。另外係等候梗既時候，見到有個店員切章魚切到手指。但只係用膠帶貼住就繼續切章魚，其實佢應該帶返手套切，保障佢自己之餘，都保障返佢既血有可能點到章魚，俾食客食到。

在一個星期六下午5:50，學人排隊買，排左1小時20分鐘，終於買左一盒蟹子、一盒原味。試左味道還可以，但不值得排隊買，若果不用排隊可食多次，但要排隊就奉勸大家不好喇！真心話……

早已聽聞家附近新開小丸子吸引了不少人排隊一嘗，星期天最少要排一個半小時，但是其實平日都不遑多讓。於是，決定下班之後要嘗嘗看。晚上7點，已出現人龍，但未算超長。貪吃的人們排隊的同時，都已經成為蚊子的晚餐，手腳全都被蚊子叮咬，強烈建議要排隊前要做足防蚊措施。製作時間為20分鐘，大概可以招待4至8位顧客，店主都已貼心的貼出告示，好讓客人們心中有譜。苦苦等候50分鐘，終於把小丸子買到手了，之後立馬快步回家與家人分享。全店有4款口味: 原味，激多葱味，超爆多蟹子味及明太子味。因為我一向都不太喜愛明太子味，所以沒有買這個口味。小丸子基本上係一樣味道，只是上面的配料不同而已。原味是傳統章魚小丸子的味道，醬汁很多，而且燙口，咬下去，第一口的皮都有脆脆的感覺，但第二口就已經軟掉了，章魚都十分彈牙而且內裡不會糊掉，值得一讚。超爆多蟹子味都頗有新鮮感，蟹子真是爆多的，猶如小山丘，咬下去發出卜卜的聲響，感覺有趣，蟹子和小丸子的味道都配合得很好，連麻煩的爸爸都大讚用料紮實。激多葱味真是很多葱，幸好本人是愛好葱的，聞下去陣陣葱香，實是吸引，食完這款口味，葱味一直纏繞口腔，久久不能散去。排隊50分鐘都尚算值得，亦都

尋日下午2點左右同先生，細佬，bb食完酸辣粉過黎試下長龍店，Lee 個時份我前面只有1個人排，款款都想食，但太飽，只揀左超正明太子，以前食開都係得落燒汁加木魚，lee 幾款都算創新，諗緊期間都有1，2位應該係附近街坊既大媽姨姨級黎買章魚燒，我以為章魚燒係年青一輩先鍾意食，原來都好受年長人士歡迎，鋪位細細有3個店員，帶住bb都係lee 個時段來最好，如果要排幾粒鍾，大帝肯定爆喊等左一陣就攞得，好熱辣辣，要小心食唔係辣親個咀要入醫院就麻煩醫護人員喇（今日睇左篇超爆笑超荒謬既娛樂新聞）講番章魚燒，因好熱要細細啖食，外少少脆內裡軟棉棉，Lee 個好似係為左迎合港人既口感？好香口有少少焦香味道，內部因未食到明太子比較淡，唔知之前正宗口感係點呢？好想試下正宗口感，其實正唔正宗都無所謂最緊要好食，咬左幾啖終於食到明太子，咸咸香香帶d鮮味（鍾意明太子既就覺得鮮，唔鍾意既就覺得腥），章魚唔韌都幾大粒，食完第一次得出心得係要灘涼少少再成粒食咁就成粒都有明太子味喇下次要留肚再試下其他口味既章魚燒

難得見到少左人排隊，就試下啦，雖然都排左好一陣子，我地叫左份超爆多蟹子。 蟹子無想像中咁多，章魚丸內味道不是太濃，比相像中淡味，不過就好夠新鮮好夠熱， 個皮還可以，夠實正。 不過如果要我排幾個鐘就不是太值得了。 下次可以試下其他味道。

初初開張成日排晒長龍 個個食完都話好食 搞到我都想試下係咪咁正-今日終於去左食 本身諗住試明太子但係冇貨 最終試左個蟹子 但味道麻麻 個人覺得鹹左啲-未去試嘅尼段期間 自己都有留意下鋪頭facebook嘅動態 其中有個動態提到店主應客人嘅反映 將章魚燒整脆少少 我覺得尼一點有啲令章魚燒比人個整體口感差左正宗嘅章魚燒係唔脆 而香港人嘅口味可能鍾意脆脆地 經改良後嘅章魚燒林得黎又脆 感覺有少少奇怪建議店主一係堅持正宗章魚燒口感 一係整個皮全脆嘅章魚燒

上網見倒咁多人去試，好似好正，所以特登搭車去試去到已經見到有6-8人排，我大約排左半小時，買了原味試試可能期望大，失望越大，人人都話外脆內軟的小丸子，我一口咬落去，淋的.....非常失望而餡料只有八瓜魚，無其他配菜

自這間小店在網上一炮而紅後，一直密切留意店家的網頁，苦候時機過來。如果要我為了幾顆章魚丸等幾個小時，我是拒絕的，管它有多好吃。好不容易等到熱潮漸散（了一點），便在下午兩時多非繁忙時間過來。店舖就在景峰和虹橋輕鐵站之間，在商場地下小巷子裡。店面極小，只有兩個爐和兩個店員，難以想像大排長龍時是甚麼境況。有四款章魚燒，各設四粒／八粒裝，但我最想吃的明太子味剛好沒貨，轉了期間限定的辛口明太子醬味，我決定反樸歸真吃原味！原味大阪章魚燒  $16/4粒因為是即叫即製，即使沒有人排隊亦要等十分鐘。等候期間陸續多人，又一次應驗了早買早享受！店主在網頁提過有客人覺得其章魚丸太軟太糊，所以微調了一下，燒得脆一點。印象中在大阪吃過的章魚燒口感都是偏軟的，跟港式的香脆不同。這裡的口味明顥靠近日本口味，外皮微脆，內裡軟綿綿，醬汁調味剛好。沒有驚豔的感覺，但一間只有二人主理的小店能做出這樣的水準，已經非常不錯，期待下次可以吃明太子味！

今日係平時又落大雨，見無人排隊就試下啦。叫咗原味并蟹子章魚燒，外脆內軟，但內裏章魚只得一粒，仲要好細粒，我覺得略為不夠。加上勁多蟹子的章魚燒口感好特別，感覺食緊一粒好多爆爆丸喺面嘅章魚燒。但原味就變得好普通了。有一個令我唔想再買嘅原因，就係啲醬汁勁鹹，食到最後係鹹到唔想再食🙄

點解屯の大阪章魚燒要排咁耐隊先買到佢既小丸子? 原來因為成間鋪得2個人，一個負責燒，燒既只有得2底，數量唔多。另一個負責攪拌小丸子粉漿，預備材料，粉漿唔係係咁草草了事咁攪一次就得，我見店員用左唔同既速度同力度用機攪拌，攪到佢完全平滑為止，所以小丸子食落比出面滑溜好多，呢啲真係慢工出細貨。呢盒超爆多蟹子小丸子真係足蟹子，完全cover哂小丸子上面，卜卜脆，買左最好即刻食，咁先食到最好味。最鐘意食超正明太子章魚燒，少少辣又食落粒粒卜卜聲啲明太子😋

我同男朋友暑假平日去，估唔到都多人（諗住熱潮過左會冇咁多人）等左20分鐘到終於食到啦真係勁熱辣辣，食落口外脆內軟啲醬料好好味，好夾但舊魷魚有啲"un"同硬整體黎講都好好味，我同男朋友都會再黎幫襯

屯門喱間大阪章魚燒，係被著名blogger同飲食男女介紹過之後，就紅得好緊要。呢間鋪頭既位置其實完全唔方便的，即使你搭主要鐵路去到屯門西鐵站，你都仲要再搭輕鐵幾個站去到澤豐落車，然後再行大約七分鐘左右，係一間極唔顯眼既小商場地鋪入面會見到。而你去到一定會知係邊間，因為得佢係咁多人排。小商場地鋪無論內外都係完全冇冷氣的，而由於呢間鋪其實幾講究，唔肯因為多客等就燒得快，但同一時間只會燒兩板章魚燒（我估係鋪位限制），於是就人多兼且慢，等既時間就長。我地閒人五點左右去等，都足足等左差唔多35-40分鐘先買到一盒。食落又點呢？多人排係有道理的。普通你係街邊食到既十蚊章魚燒，大概有四個特點：(1) 皮軟而無味; (2) 內裡粉漿感覺仍在; (3) 章魚極細; (4) 似食調味醬多過章魚燒。無他，同一種料理，即使係一粒小小既章魚燒，當係材料同手工上講究的話，佢係可以變成另一種完全唔同既境界。我成日都同自己講，食平野還食平野，千其唔好比佢佔領左你既靈魂，就算係平野，你都要搵好食既平野。平時生活已經慘了，呢方面一定要善待自己。講返呢粒章魚燒，佢有分四種味：原味、蔥味、明太子味同蟹子味。我地叫左明太子同蟹

早排見facebook有post話好好食，收工後去試，10個人左右排隊排咗個半鐘，排隊地方又多蚊，師傅又慢條斯理，等到成身汗，買咗原味同明太子各4粒，兩款都好普通，好失望，唔值得排隊買嚟食。

終於試到喇！多得老公去排隊，好彩排左半個鐘就有得食！因為第一次食，所以每款4粒試晒味！蟹子的確口感唔錯，蔥既口感特別，原味同明太子就普通，個人覺得唔太粉，而且粒八瓜魚真係大大粒，有咬口！不過提醒冇咩耐性同趕時間既人，就要考慮下，因為佢地係比較慢，另外記得留意fb因為有時會突然休息。下次會再試蔥同蟹子

收工後老公黎接我去食宵夜, 唔食甜品, 竟然走左去紅橋食小丸子. 話說早前見網上有介紹過呢間小店賣小丸子, 之前都去過一次. 但見條人龍實在太誇張, 嚇到不得不調頭走. 係排到街尾.... 因為上次試唔到, 今晚過去純綷博下睇下食唔食到. 去到時, 見店舖未關門, 而且大概只有數名客人等候, 相信今次終於可以食到!其實小丸子款式選擇唔多, 得果4款, 啱晒D有選擇困難症既人.落單後, 職員表示大概要等15-20分鐘, 不過附近實在冇乜野行, 所以我地都係企喺度等. 等既過程, 見到兩個男職員, 一人負責一個小丸子鐵板, 手勢keep住喺度轉轉轉D小丸子, 好有心機! 不時又會加粉漿加材料, 同大型日資公司既熟食檔真係差好遠.其實店舖真係好細間....小丸子完成後, 再交另一位職員加醬同配料, 最後再送給客人!今次我地叫左 "超正明太子小丸子" ($38)賣相真係好靚 (不過因為黑麻麻影, 所以影得唔靚), 而且每粒小丸子都好似粒乒乓波咁大, 食落口既時候入面熱辣辣, 好軟身, 唔似得D厚粉咁無黎味道, 中間又有一粒八爪魚粒, 好有O趙口, 再加埋D醬料一齊食, 真係好似在日本食到既章魚