屯の大阪章魚燒

营业中

休息中

好友推介下，今次就試左每次黎到葵廣都勁多人排隊既章魚燒🐙 有6粒同8粒揀，仲有9種唔同特色醬料（加$2可雙拼）🔺食物👉🏻熔岩芝士脆脆 + 超濃香黑松露$35即叫即整，等左將近20分鐘，果然冇令人失望。。黑松露醬勁濃，章魚燒都算大大粒，外脆內軟😆熔岩芝士脆脆比較下，就較失色。。芝士味唔夠濃，醬上加左勁多脆脆，咬落質感好有趣，如果芝味再濃啲就滿分🙂本身想試鹹蛋黃金流沙，但竟然賣哂。。自私評分：🟡🟡🟡🟡⚪️自私評論：建議下次試埋明太子，好友推介勁好食👍 記得唔好去錯，間野係3/F

屯之大阪章魚燒🔍蟹膏章魚燒8粒$40🦀係3樓既湯雞對面個日星期六去岩岩開門冇耐都要等十幾分鐘翻去拎個時已經排曬長龍證明呢到章魚燒既質素係值得多多既回頭客但排隊記得跟翻地下指示 唔好排錯擋住其他舖啊呢到既章魚燒係偏軟糯煙un皮包住大粒章魚濃味蟹膏加軟糯既章魚燒 海量級木魚 入口大滿足 女仔食可以同朋友share就冇咁漏~ 另外食過明太子 蜜糖芥末口味都好惹味 基本上冇伏！如果鍾意偏脆口感個種既可以食翻下面章魚無雙~

行經葵涌廣場，必到頂樓的屯の大阪章魚燒買返一盒嘆！ 我多數買原祖章魚燒，味道保持質素，有大粒有口感的章魚粒，唔同其他店食唔到出章魚，成粒章魚燒得果浸皮。屯の大阪燒外皮脆，內熱辣辣，又無果陣麵粉味，反而粒粒章魚燒內有大大粒章魚。而且有好多木魚，配搭沙律醬非常好食。但要趁熱食，試過稍為涼先食，味道就真係爭少少。其實店員給我外賣時，都有提醒要趁熱食。人多要等時，店員都會禮貌提醒要等25分鐘。如果趕時間唔想等，唔買店員都唔會對你黑口黑面，又相當有禮貌。

宵夜時間放工返屋企前有少許肚餓，去咗葵涌廣場嘅3樓睇吓仲有咩小店開，已經夜晚10點幾，好多店都仲營業緊，食嘢嘅人都仲係咁多🙈起初諗緊個名點解叫「屯の大阪章魚燒」，原來舊時喺屯門開，而家重出江湖喺葵芳開店，難怪咁多人食呢間，真係幾受歡迎👏🏻呢度章魚燒味道多元化，有9種唔同口味，好多人話黑松露味好食，但係我試最普通嘅口味，話晒第一次食，都有啲驚系「伏」🥲呢款招牌❤️元祖大阪章魚燒🐙6粒裝。從來冇食過一間章魚燒店整既表皮咁香脆😍咬落仲有好大舊章魚，軟硬適中👍🏻👍🏻見到餐牌寫住加幾蚊可以拼兩種味道，下次有機會試吓其他口味。絕對係宵夜嘅好選擇。

葵廣掃街第二站: 屯之大阪章魚燒🐙💛呢間長期都勁多人排隊 俾佐錢都要等20分鐘後再黎拎🐙 元祖大阪($28/6粒)真心係香港無乜食到邊度既大阪燒係好好食😂呢度勝在醬汁夠多夠惹味同新鮮整起 入面章魚唔多都係粉多🙈🙈正常發揮啦🤣為食指數: 2.7/5性價比指數: 2.7/5推介指數:2.7/5

屯の大阪章魚燒🤩「葵廣必食章魚燒」🐙每次嚟葵廣掃街，都一定會嚟呢間食章魚燒🐙等咗幾分鐘就有得食，好快手！雙拼明太子章魚燒&黑松露章魚燒$35✨兩款章魚燒都有好多醬汁喺上面，絕對冇手軟，隔離都放咗木魚碎，入邊嘅章魚都幾大粒🐙明太子章魚燒對小編嚟講比較偏鹹🧂可能係因為比得太多明太子🤣對比起黑松露章魚燒，黑松露章魚燒完勝🥳一放入口，陣黑松露味就湧出嚟🤣同個章魚燒好夾！建議大家食黑松露味👍🏻✨整體：🌟🌟🌟性價比:🌟🌟🌟食物：🌟🌟🌟🌟環境：NA📍葵芳葵富路7號葵涌廣場3樓摩登世界1號舖人均消費：～35/head

今次試試在葵廣新駐小店！聽聞很好吃的章魚燒！🐙▪️超濃香黑松露 併 超正啖啖明太子🔸 $35今次一次試兩隻味道😋雙併需額外+$2 有六粒或八粒選擇🙌🏻黑松露味果然十分香濃，醬汁包覆住整粒章魚丸，鍾意食黑松露的朋友不要錯過哦❤️‍🔥另外一款超愛的明太子🧡有好多明太子鋪滿在章魚燒上，加上沙律醬&木魚，食落多重口感🙌🏻而章魚燒本身唔會太厚粉，口感軟綿綿幾特別，雖然入面嘅配料都係普通野，但勝在即叫即整，所以都係好味嘅值得推介❣️

葵廣永遠都係我最愛的地方，是一個屬於香港人的地方，以前仲年輕既時候就會拉埋閨蜜去買衫掃貨，依家葵廣演變成為一個掃美食的地方，初時唔係好接受，但香港人適應能力好強，慢慢已經接受左之餘，仲要完全融入和樂在其中了，大家同熱愛這篇土地！隔一段時間過到去葵廣都有新鮮野，每次都用唔少時間排隊同等待，不過每次都會攬住個肚好滿足地離開，期待下次又試一些未試過既美食。大阪章魚燒 – 一去到已經話太多order暫時不接單，不過好彩隔左一陣就可以再買番。Order了一個松葉蟹糕小丸子，等左差唔多40分鐘，但當然係拎左飛就周圍行住等啦。章魚燒，好好食，燒到個面有少許焦香味，入面粒章魚好大粒，加埋d醬料令人好滿足，只係稍嫌蟹糕味道唔係好夠，可能係其他醬料太搶，不過唔緊要，依然好食。仲有好多味道選擇，已鎖定目標，下次要試火炙熔岩芝士脆脆口味。本來都想叫埋炸壽司，但真係唔想食第一間已經食飽左個肚，所以唯有下次先買黎食啦。

放假經過葵涌廣場 去掃街睇下有咩食 發現真係太多年無黎 好多以前有嘅舖頭仔都唔見哂 亦都多左好多好多舖頭賣小食 見到依間章魚燒打哂蛇餅排隊買 本身都想睇定啲 行哂成個廣場Total有兩間都係食章魚燒 但人流可以差天共地 最後都係簡左依間多人嘅買 (羊群心理) 排隊買都排左十分鐘 到我店員先講要等大約三十分鐘先會有 不過見店員都勁有禮貌 所以最後都係照等 當行陣再返黎 隔左三十分鐘返到黎都直接有得拎 都算預得時間岩岩好 唔會搞到成盒凍哂 今次試左兩溝 係我暫時係香港食過最好食嘅章魚燒 外脆內軟 而且都算足材料 係唔記得叫佢比多啲沙律醬 整體上唔錯 算無白費到等

邪惡指數: 🐽🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️聽過朋友話呢間章魚燒好食，見難得去開葵芳就去埋葵廣掃街啦😆呢間野喺正3樓掃街勝地，見到menu咁多款章魚燒真係心大心細🤩 最尾揀咗一款試試佢：⭕️ 和風蜜糖芥茉 - 一拎上手熱辣辣勁興奮，見到勁多醬汁，雖然好肥好邪惡但係咁先正🤤 外脆內軟，入面嘅八爪魚算幾大粒，加埋啲甜甜地但係又有芥辣攻鼻嘅味道，同埋啲木魚，一啖一粒好幸福🥰

昨日黎葵芳經過尼檔章魚燒，排隊人龍頗多。甘多人氣，食物應該吾差，所以我都買返盒黎試試。買左松蟹章魚丸同普通章魚燒，前者蟹味好香，醬汁好足，啖啖肉。後者雖然多醬汁，不過冇咩特別，所以都係食新野抵d

今日食完快樂蜂嘅下午茶,好似有啲仲想食其他野 所以就喺附近嘅舖頭買咗章魚燒啦😎原來而家啲章魚燒有咁多唔同嘅口味🙈我就揀咗個松葉蟹膏嘅味道嚟試😏佢個章魚燒上面好多蟹膏醬都，每一粒都有八爪魚腳入邊，仲要熱辣辣嘅，真係好好食😋

​🤍屯の大阪章魚燒​​之前食開章魚無雙嘅章魚燒，但係發現佢紅咗之後水準下降，有次買甚至係室溫咁上（章魚燒要熱到焫嘴先好食！），至此之後就冇幫趁過，直至前幾日同朋友去葵廣，我又搵到間好好味嘅章魚燒！​​∞ ∞ ∞ ∞ ∞ ∞ ​​◽️火炙溶岩芝士脆脆章魚燒 7/10（HKD 36/8粒）​​章魚燒熱到冒煙，而且超超超足料，每粒章魚燒都好結實，外脆內軟，麵漿軟綿綿，好易入口，入面仲包住一隻大大粒嘅章魚。​​芝士俾得勁多，鹹鹹甜甜，而我食到嘅脆脆係熱浪pizza味薯片，估唔到薯片同章魚燒都幾match，食落好有𡁻勁，令到粒章魚燒個口感更豐富！好味！​​*:･･:*:･ﾟ･:,｡*​​◽️雙拼蟹膏明太子章魚燒 8/10 (HKD 42/8粒）​蟹膏個味好出，超級濃味，而且蟹膏份量好多，鋪滿成粒章魚燒，超級推薦！食左咁多個味，蟹膏真係my favourite!😍​​明太子都係好足料，份量足但又唔會好咸，咬落脆卜卜，都一樣好味！​​∞ ∞ ∞ ∞ ∞ ∞ ​​💭評分​​味道 8/10​​∞ ∞ ∞ ∞ ∞ ∞ ​​📍地點​​屯の大阪章魚燒 (📌葵芳)​葵芳葵富路7號葵涌廣場3樓摩登世界1號舖​​∞ ∞

💛黃店📜”屯の大阪章魚燒 (葵芳)📍地址:葵芳葵富路7號葵涌廣場3樓摩登世界1號舖🤍分店地區: 葵芳📝評價💬📢 行葵廣行到攰又想食d小食💛揀間黃店啦💛有太多了 不過要食小丸子真係得呢間好食😋😋之前係屯門開既時候都好多人排隊去食 而家葵廣方便左大家咁多😜好想係屯門都有分店呀 😎今次食明太子 真係超級多 好似個名做到每一啖都有明太子去配小丸子🤩🤩仲有好多好吸引既味道 有機會真係想每款都食曬佢😍😍🏵環境指數:⭐️⭐️⭐️⭐️🏵味道指數:👅👅👅👅🏵抵食指數：💰💰💰💰🏵回購指數:❤️❤️❤️❤️

行開葵廣見到有大阪章魚燒諗住試下勁多口味搞到選擇困難症！🤩最後揀咗明太子口味8粒，$39收據寫明 即叫即做🔥，要等返十零分鐘左右🕒喺附近買埋嘢飲返去拎就啱啱好🤣拎到手嘅章魚燒熱辣辣，每粒上面都加咗明太子醬聞到香味已經流晒口水🤤🥴食落外皮煙韌內餡軟綿綿，同喺大阪食嘅章魚燒有得fight🙊加埋鹹鹹地嘅明太子醬同鰹魚薄片好啱key好好味😋8粒份量兩個人share啱啱好期待下次經過要試埋黑松露味！😆