山城小麵 (懷仁街) (已結業)

菜式種類算多 價錢好實惠 本身想散叫麵 + 小食  感覺大份D~但姐姐話叫餐 小食份量都一樣~所以就叫餐! 份量真係一樣多 正!燃惜刀削麵 (乾撈) 一人餐$56有一堆秘製拌料碗底鋪咗幾塊生菜刀削麵本身冇味醬料可以多啲 多D肉碎~撈勻成碗麵先會好食~跟餐小食 麻辣手撕雞 (另+$4 )麻辣汁好正 又麻又辣 但又唔會太辣若雞肉再多D肉位就好啦~蒜泥白肉 (朋友跟餐小食) 肥瘦都幾均勻不過我覺得肉係偏少哈哈! 如果多肉D 會開心D~不過 !! 蒜泥真係好正!!!紅油抄手(10粒) $42呢個真係唔多好食個皮唔多ok 偏厚同硬 同埋唔入味 可以話無味NONONO~仲有豆漿/ 紅糖冰粉 (跟餐)又想飲野又想食糖水 可散叫豆漿 $8 整體呢到真係抵食 一人餐份量多 好飽! 仲有好多選擇~

今日趁放假就去咗每年一次洗牙服務後，順便係附近尋找美食，估唔到係呢頭都有D特色小店係度，趁早食番個美味午餐，就去個呢間重慶風味小店開飯餐牌已有多湯麵同特色小食提供，一定可以滿足到食慾，想食得超值就點了湯麵單人餐，包括一個主食同小食連飲品或糖水，先來主食有秘製排骨刀削麵份量幾足辣度點了小辣咁食先夠風味，排骨肉質香嫩帶肥美口感十足，再食啖刀削麵吸收辣油香味食得份外滋味輪到小食有我喜歡嘅蒜泥白肉晶瑩通透五火腩肉配生蒜泥同青瓜絲連蔥粒，一啖放入口咁食夠晒辛辣又惹味想解辣就要食埋糖水紅糖冰粉一入口已經滑滑香甜冰粉夠晒冰凍，眨眼已經唔辣即刻降溫真係有效一款解辣甜品咁又品嚐一餐重慶美食。

好耐冇嚟山城小麵 , 雖然佢唔係神級美味 , 但性價比高 , 亦係區內做川菜麵食唔錯嘅食店 , 所以間唔中都會特登過黎食 ~餐牌 :山城牛肉粗麵 (微辣) ($37)個湯個人覺得幾好味 , 鹹鹹地 , 好多芫茜 😍 食開 10 小辣嘅我輕鬆完成微辣湯底 !雖然佢個麻辣油唔錯 , 不過下次都係叫番清湯 , 飲多幾啖都唔覺得肥呀嘛 ~ 😂😂牛肉份量都幾多 , 唔鞋口 , 之前試過刀削麵 , 不過唔係咁啱口味 , 所以今次揀左粗麵 ~  麵底唔錯 , 煙韌有口感 , 再配埋吸曬麻辣湯嘅生菜 ! 超邪惡但好好味 😂😂$ 37 一個麵都幾抵 , 又夠飽 ~ 😋😋五花腩肉粗麵 (微辣) ($37)個人鐘意五腩肉多過牛肉 , 有大概 6 - 7 片 , 層層分明 , 炆到好冧 , 肥膏易入口又唔膩 !! 正 !! 👍👍👍麻辣手撕雞 ($30)次次黎都想試 , 不過因為太多野想試 , 每次都放棄左手撕雞 , 今次終於試到 ! 😌😌好大份 😱😱 , 但賣相唔吸引 😅 有青瓜絲墊底 , 不過唔係用一堆青瓜絲"浪"高曬扮大碟嗰種 , 只係得 8 - 10 條用黎增加口感 😏😏手撕雞個麻辣油同湯底嘅麻辣油好似

行到邊食到邊，誤打誤撞入到大埔行街，見到有間小店，細細間在內街，看到入面食客大部分也似附近街坊。 街坊食堂我至愛，入去試試街坊口味。 選個單人餐要了渝港擔擔麵，湯底香料味道較重較香濃，麵即叫即煮不會糊口，較清爽。 可能麵份量多相比之下肉碎份量較少。 餐包一個小食要麻辣手撕雞另加$4 ，麻辣汁調製幾好，味道好平均不會過辣，可惜雞肉不夠嫩滑。 套餐也包飲品，但可選擇款式唔多。 雖然叫單人餐，但份量十足好飽肚有睇頭。

價錢好實惠，有一人餐好貼心，一個人食都考慮到。菜式種類都算多，就係飲品種類選擇比較少口水雞翼，有辣度選擇，呢個係小辣，雞翼中間斬開咗比較方便食，同一般雞翼冇太大分別，但口水汁唔錯蒜泥白肉，啲肉唔會有太多肥膏，比例剛好，再加埋辣汁同蒜泥，本身唔太中意食蒜，所以忽略咗蒜泥😝😝尖椒黃金皮蛋，皮蛋顏色好透明好靚配埋汁，賣相好吸引，食落都唔錯，蛋黃有少少流心正宗酸辣粉用紅薯粉，咬口唔錯，份量都夠兩個女仔食，除咗本身有既酸菜、花生、炸醬仲有幾條菜食，好味！整體而言係好好味，雖然鋪頭比較少位，但坐落都唔逼

屋企隻肥野突然想食川菜，係openrice搵野食就見到呢間，原來有分店@@平日經過都無咩留意佢，今次一試又特別~叫左2個單人餐，佢價錢計到同散叫一樣價，不過送飲品。一個燃情刀削面加排骨($30+8)小辣，大大碗，有生菜墊底，佢麻味好出，唔太辣，唔似其他川菜咁，得個辣字，欣賞！一字排3條，唔太濃味，鍾意清d既朋友可以加8試下~山城牛肉麵($37)粗面，佢d粗面同平時上海幼麵既粗幼差唔多，不過佢好爽！真係幾得意，侍應呀姐話呢隻叫台灣麵，不過我就未聽過~總之佢粗麵如餐牌寫，係爽既牛肉係牛腩粒，正常肉量，多d更好~蒜泥白肉($26)同出面一樣，不過麻味好勁，好好味，有青瓜絲墊底，麻辣手撕雞($30)個汁同蒜泥白肉一樣，都係麻味出，有青瓜絲墊底，懷疑同一麻辣汁整唔同小食荳漿無得揀，得一款，正常甜度，黑糖薑母茶就粒裝沖水，正常野。鍾意食麻辣既朋友唔好錯過~

大埔行開，想搵個地方解決咗個午餐佢，所以入咗一間米線店諗住快快脆脆食完個lunch ！一入到去發覺選擇唔係好多，叫咗一個五香雞翼米線，同埋一個生菜！雞翼米線嘅味道尚算可以，米線比起其他店舖嘅淋身，浸得比較透，而雞翼亦都好入味！但係令人有少少失望嘅係，生菜不單止冇搣開上，一大棵，所以食嗰陣有啲唔方便！而且呢度嘅傳統川菜可能同廣東人嘅口味有少少唔同，佢哋會加咗一啲儲落去個菜度，令到個菜酸酸地，令到個菜唔係唔夾！

黎大埔可以踩單車應該個個都知，趁住放假，我就特登過到黎做下運動。玩完一大輪，梗係要搵返啲嘢食，見到呢一間小店，毫不猶豫就衝左入嚟試吓有咩好食。店內擺設都好整齊企理，有辣椒醬等唔夠喉嘅客人可以瘋狂食辣椒醬😂睇一睇個Menu見到有黃金皮蛋，對上一次食過一次，覺得好好味，所以要再嗌😏不過原來係辣嘅，因為我唔食辣，所以我就整走晒啲辣椒，無點辣椒醬黎食。我覺得就算唔點辣椒醬黎食，都好夠味😋😋😋不過 當然仲有少少辣😖😖至於麵呢，我哋就嗌咗麻醬雞絲涼伴麵，呢度嘅麻醬比較特別，會比較重嘅花生醬味，呢個配搭好新鮮呀，我都係第一次試到🤪而且醬好多 好似唔使錢咁😂咁撈嘅時候就可以撈得好均勻，最驚就係拌麵或者撈麵嘅時候，啲醬唔夠，有啲整唔到，今次就唔使驚啊😈食菜健康👻呢度啲菜竟然有落醋，好特別吖😌最後推介 必點冰粉，加埋提子乾吊味，做飯後甜品岩哂🤘🏻🤘🏻🤘🏻真心 小店唔多，大件抵食嘅更唔多，支持小店，惠及我呢啲窮人🙌🏻😚

今日同細妹去咗食山東小館 雖然位置有啲格攝 但係仍然有唔少人嚟幫襯呢度啲嘢又平又抵食 我哋嗌咗個二人餐 叫到成枱都係嘢 都係135蚊咋 二人餐包兩個麵 兩個小食 兩個甜品 我哋叫咗個麻醬雞絲撈麵 清湯排骨刀削麵 口水雞翼 同口水皮蛋 另外仲叫多咗碟菜 同清湯炒手清湯排骨刀削麵 清個雞湯睇得出淆咗好耐 所以個刀削麵好入味 而且啲排骨燉到lum哂 所以一咬就入口即溶 整體嚟講都算唔錯 至於麻醬雞絲撈麵就一般般 味道淡咗少少 但係都算ok 而清湯炒手入面嘅雲吞都算足料 加埋佢個雞湯 好滑好順口 我既食法會將雲吞點口水雞翼嘅辣汁 咁就更加惹味口水雞翼同口水皮蛋 兩樣都係凍食 雖然睇落去好多辣油 但係食落去只係少少辣 啱曬啲 想惹味少少 但係又唔想咁熱氣嘅朋友 廚師仲好細心咁 切開咗兩邊雞翼同皮蛋 可以畀我哋一啖食曬 整體嚟講 雞翼同皮蛋都好入味 配埋兩個麵味道好清新 而且越食惹味我最欣賞嘅就係佢地既甜品 我哋叫左紅糖冰粉同養生銀耳羹 呢度嘅冰粉好出名 望落去賣相好靚 晶瑩剔透 食落去有啲似涼粉 而且味道好清甜 至於銀耳羹就更加一流 一啲都唔甜 睇得出無添加糖 而且仲有好多杞子添~ 食完所有嘢

之前聽朋友講大埔呢間四川麻辣小店好好食，今日黎開大埔，就決定黎試下雖然係小店，但地方都算闊落，坐得幾舒服。黃金皮蛋黃金皮蛋非常晶瑩剔透，配合埋麻辣汁，十分好味，麻辣汁夠哂麻但不會太辣皮蛋本身已經好香，個皮滑lud lud蒜泥白肉呢度既蒜泥白肉好食過譚X，麻辣汁好香夠麻。白肉都肥瘦適中又唔會太厚，口感一流。愈食愈想食燃情刀削麵刀削麵好爽口，有好多肉碎，麻辣味又夠但不會太辣。份量超大，非常抵食渝港擔擔麵擔擔麵都算正宗，麵係幼麵，夠哂彈牙，麻辣唔會太辣但夠香夠麻，都係一樣超足料紅油抄手紅油可以request另上因為朋友唔食辣，個皮都夠薄，肉都好足料紅油好夠香夠辣，岩哂鍾意食辣既我紅糖冰粉最後食埋紅糖冰糖解辣一流，又有透心涼既感覺甜度剛剛好，大家一定要試下最重要係，佢個2人餐超級抵食！份量好大夠2個人食有餘

人就係咁，天氣愈熱愈想食辣野，搵到呢間食四川菜嘅小店解下癮嗌左個特色二人餐 $135，個名叫「食勻山城二人餐」真係冇改錯名，因為個餐包兩個麵/抄手+兩個小食+兩杯野飲+兩個糖水，好豐富，價錢唔貴，人情味十足紅燒肥腸麵有得揀辣度，我地嗌左微辣，廢事咁博😂😂好慶幸我同男朋友都係食內臟嘅人，肥腸冇怪味，食得好安心麵底要左刀削麵（加$3）一啲都唔硬唔係成舊粉，口感qq紅油抄手呢度嘅紅油抄手有啲特別，除左辣汁之外，仲會灑啲炒香左嘅辣椒乾、花生碎同蔥花。抄手包住豬肉，雲吞皮好薄好滑，而且大細該好黃金皮蛋第一次聽黃金皮蛋，個蛋白係晶瑩剔透，味道同皮蛋係一樣，不過個蛋黃係流心嘅👍🏻手拍青瓜酸辣嘅開胃菜蒜泥白肉 $26見仲食得落野，追加左兩個小食見到肉上面嘅一座「蒜山」就知佢重口味肉薄切，肥豬肉口感唔會好油膩麻辣手撕雞 $30好足料，多數食親嘅手撕雞下面都會墊雞骨，但呢度除左少量青瓜之外，就係啖啖雞絲雞肉唔鞋口，調味亦恰到好處紅糖冰粉好傳統嘅糖水，冰粉口感似仙草，配上黃糖、山楂餅碎、乾果，好解辣豆漿

又黎大埔呢邊搵野食，今次同朋友去左呢間重慶小店，因為我哋係食下午茶時段嚟到，所以唔需要等都有位坐。我地一人叫左一個單人餐，套餐有一個麵同一個小食，比較划算。所有麵同小食都可以選擇麻辣程度，仲可以揀唔辣，唔鐘意食辣既人都可以食。我叫左一個渝港擔擔麵，呢間店比較特別，出面食慣都係肉碎，但係呢度就用左雞肉絲，食落另有一番風味。雖然我揀左微辣，但係辣度都幾強，同埋佢落既辣椒油真係好香，令人忍唔住係咁食。另外我叫左一個麻辣手撕雞(+$4)，我好鐘意食手撕雞，因為可以食到啖啖肉，雞肉再加埋辣椒油同配料，食到我地好過癮。本來我地想叫紅糖冰粉，可惜呢日已經賣哂！唯有下次再黎食啦。

點菜嗰陣同老闆傾計 原來來自重慶 店內店員交流都係用普通話 麻醬雞絲涼麵$30麵條 醬汁 同配菜份量充足 有雞絲同青瓜主要靠花生醬比味道 麵條有點乾 加點油分比較好重慶酸辣粉+牛肉$38牛肉塊重醬油味 不算特別驚喜酸辣湯好淡 酸菜花生都無薯粉過軟涼拌菜醬汁底大同小異 蔥花 麻油 辣椒油 係辣度唔一樣尖椒黃金皮蛋$30皮蛋彈牙 加麻辣醬好開胃麻辣雞翼$30麻辣雞絲$30蒜泥白肉$30值得一讚係用上新鮮蒜泥 白肉薄薄一片 沾滿醬汁紅糖冰粉$12有山楂同葡萄乾紅糖水甜而不膩 適合解辣下次我會叫中辣 小辣小難度

身為川菜fans最鍾意探索各區四川美食，今次幫襯位於大埔嘅呢間小店完全係平靚正之選呢度菜式選擇唔算好多，但款款都係經典四川小食，價錢實惠，價錢都唔使睇，一口氣嗌晒鍾意食嘅嘢都冇問題主食我地試咗酸辣粉同燃情刀削麵，碗大麵更多，份量十足都只需$30碗。酸辣粉係正宗重慶風味，比起其他鋪一味強調辣味，呢度嘅「酸」做得幾出色面頭鋪滿雞絲，湯汁酸辣兼備，紅薯粉煙韌彈牙，但又唔會韌到好難咬，索滿湯汁，滿滿一啖好滿足。而刀削麵就係乾撈，同樣鋪滿雞絲，仲有一堆秘製拌料，碗底鋪咗幾塊生菜，令碗麵唔至於太過dry。刀削麵本身冇味，將麵條同拌料撈勻，確保沾滿惹味醬料就可以大快朵頤味道一流，又麻又辣，美中不足嘅係醬料唔夠撈勻成碗麵，底下嘅麵會冇咁夠味，所以醬可以多啲就好小食方面，我地食咗麻辣手撕雞、尖椒皮蛋、同埋蒜泥白肉。三樣都係涼拌菜，三個醬汁味道都差唔多。手撕雞撕得幾碎，易掛醬汁。尖椒皮蛋估唔到仲有少少流心，點住麻辣汁食，點都唔覺膩。蒜泥白肉肥瘦均勻，鋪滿厚厚一堆蒜泥，剁得超碎，夾住白肉食口感非常好。本身仲想試多幾款小食，但碗麵實在份量不小，唯有留待下次再試最後，跟餐每人送一碗冰粉。透明嘅冰粉加入紅糖水，面

同朋友諗住去大埔踩單車，於是就順便喺大埔解決埋午餐，因為行到好熱，所以喺街見到有山城小面，感覺上又好似唔錯，就入去試一試！打開個餐牌見到選擇唔算好多，但係都有唔同嘅一人餐同埋二人餐一人餐可以揀一個煮食+1個小菜仲會有埋嘢飲送！我同朋友都分別揀咗一個一人餐，我要咗個五香雞翼配米線，仲要左一個生菜同埋一杯豆漿，個雞翼醃得好入味，米線我就比較鍾意呢度嘅質感，比較暗少少，好過譚仔三哥嘅米線！我覺得係午餐來講呢度都算幾抵食！