山東小城 (埃華街)

营业中

休息中

🍽山東小城 ​大角咀埃華街101號大衛樓地下A1號舖​​大角咀出名多美食，附近仲有好多黃店 ，🐽豬豬美食團今次嚟到山東小城食好出名嘅黑色餃子🥟。​⁣⁣​京蔥羊肉餡餅 $22（🧡🧡🧡🤍）​由於餡餅製作需時，因此在門外排隊的時候，店家已經很貼心地為我們先下單，一坐低就有熱辣辣嘅羊肉餡餅食。皮煎得好脆，有少少似生煎包，羊肉騷味唔算太勁，成個餡餅好多湯汁，都幾好食～​​酸辣湯墨魚荸薺餃 $59（🧡🧡🧡）​墨魚荸薺餃應該就係呢度嘅主打，所有餃子都係新鮮即製，一路食就一路有姐姐喺後面包🤣黑色嘅皮包住嘅係馬蹄同埋墨魚滑，墨魚味香濃，餃子皮唔會太厚，亦都有口感。酸辣湯入面有筍，木耳等配菜，味道略嫌清淡，如果再酸少少就好啦！​​豬排擔擔麵 $52 （🧡🧡🧡🤍)​店家非常大方，一碗麵有兩塊豬扒，豬扒炸得香脆，肥瘦適中，而且亦都醃得好入味。擔擔面湯底有好濃花生味，湯底唔係濃稠而係較稀嘅，雖然會冇咁滯，但相對而言就冇咁掛麵。​​（5分滿分，🤍=0.5分）⁣⁣​環境 ：🧡🧡🧡​價錢：🧡🧡🧡🧡​味道：🧡🧡🧡⁣⁣🤍​抵食指數：🧡🧡🧡🤍​⁣⁣​

1️⃣ ⭐️墨魚荸薺餃 $55 (8/10)⭐️ 佢地首創嘅哩款墨魚餃好有驚喜😍 墨魚好彈牙，有少少似食緊墨丸咁🤤 荸薺姐係馬蹄，增加爽口嘅口感💕 10粒餃兩個人食唔多分🤣 唯一係水餃所以無湯，寡咗少少😗2️⃣ 京蔥羊肉餡餅 $28 (7/10)見相好吸引，黎到一睇就知會好食😆 羊肉份量好多，爆晒汁好juicy 🥳 京蔥味道唔太搶👍🏻 餅皮好唔厚，餡料爆多😋 不過整體都因為太多肉汁所以食落會油膩少少🙈 3️⃣ 京蔥羊肉煎餃 $34 (7/10)其實味道同羊肉餡餅大同小異，不過比例上少啲餡料自然就無咁油膩😛煎得啱啱好🥟唔怕熱氣又唔怕太乾身😆 餃子皮唔厚，鎖住到肉汁❤️4️⃣ 鮮肉韭菜煎餃 $28 (6/10)相對其他韭菜餃表現就無咁多驚喜，正常韭菜餃🤣 不過韭菜同鮮肉份量平均，保持到肉汁😋煎得好香唔會太油膩👍🏻

午市:墨魚荸薺餃 (10隻) $55手撕雞麵 $45配豆漿/山楂茶去呢間舖頭一定要食墨魚餃子，好似冇見其他地方有。一上嚟時候覺得個墨魚餃外貌真係幾唔討好，黑色一舊咁樣😂食落真係啖啖墨魚滑同埋馬蹄🥰墨魚滑彈牙同埋有粒粒墨魚，馬蹄好爽脆，餃子皮亦都唔會太厚❤️我諗嚟到呢個餃子應該都係必食🤫手撕雞麵同我想像嗰啲有啲出入，不過啲雞都嫩滑同埋好食，麵就算放得耐左都唔會一pat，最衰唔記得加辣醬，應該會更加好食🤭成個麵正正常常，冇話特別驚艷😂——Overall: 7/10 ✨

前日睇完醫生，即刻來試試呢間店唔舒服唔想食太油，叫左個冷麵食有蘿蔔絲青瓜絲洋蔥絲，好清新既感覺食light D👍🏿👍🏿👍🏿麻醬夠多，每條麵都掛汁☺️☺️

-呢間之前睇完Kiki & May想試好耐，店入面都有Mee嘅海報，佢地首創嘅黑色墨魚汁餃子外型好特別🥟墨魚荸薺餃 $55有10隻，入面咬到有墨魚粒同荸薺（馬蹄）、墨魚滑，仲有好多湯汁，就咁食已經超好食，點醋反而冇咁好食🥟京蔥羊肉煎餃 $34有5隻，可能墨魚餃太好食，呢個餃食到微微羊嘅羶味，食落同普通煎餃味道唔大📍 山東小城大角咀埃華街101號大衛樓地下A1號舖🕑Mon to Sun 11:30~22:00

💛💛💛山東小城💛💛💛已經食第三次啦，味道一直都係咁好。今次一行三人，梗係嗌多啲嘢食啦😛。雞絲粉皮 $50好食，雞絲份量唔少，粉皮份量好大兜，每條都沾滿左麻醬😚。雖然個價錢同一碗麵差唔多，但其實非常之抵架🥰，每次黎都會嗌！京蔥羊肉餡餅 $28一份有兩塊，裏面嘅肉汁多到流出來，羊肉非常之好味。羊肉份量多得來又唔會好重羊肉膻味，實在唔錯😎。鮮肉芹菜煎餃 $28呢度嘅煎餃好出色，真係每隻餃子都煎到好香脆，絕對唔會話是但煎一邊就算👍🏻。芹菜好香，不過因為係煎餃，所以餃皮嗰個香脆蓋過咗芹菜嘅味。下次可能嗌芹菜水餃更好😆。墨魚荸薺餃 $55呢間舖頭最出名嘅就係墨魚餃，坦白講其實我唔覺得有咩特別。不過每次同唔同人黎，佢哋都會想試一試🤪。一試無妨嘅，好食就好食既，不過就唔算特別囉😌。豬扒擔擔麵 $52擔擔麵個湯底好重花生味，味道非常之好。上菜時我地見到塊豬扒浸左喺個湯到，當時心諗「今次塊豬扒一定淋晒啦😩」，點知個依然好香脆😂。雖然係咁，都好希望佢識得另上塊豬扒啦😌。埋單$213（無加一）

係一間賣山東美食嘅小店，食物性價比高，每樣食物店舖都用心烹調😋✨京蔥羊肉餡餅 $28 🐑餡餅即叫即煎，上枱個陣仲熱辣辣。外層厚度適中，用大火煎過，非常香脆惹味。羊肉份量頗多，羊肉味亦好濃，不過唔會太騷😋👍🏻。餡餅入面仲有唔少湯汁，令到入口個時肉質保持濕潤鮮甜。✨墨魚茡薺煎餃 $38 🥟係小店親手包嘅餃子，非常用心。餃子皮厚度都適中，入面有滿滿嘅墨魚粒，入口彈牙，加埋茡薺入口增加層次感🤤🤤。✨黑醋排骨飯 黑醋排骨好好味，甜甜地，肉質又軟腍，每舊肉都有軟骨，入口非常有層次。高質👍🏻👍🏻

一路聽聞呢間山東小店CP值好高👍🏻大份又抵食🤩今日特地黎試試 熱辣辣幾有風味🔥 但係可能山東菜關係 口味偏鹹偏油😅 略嫌小小重口味🌚⭐️ 豬扒擔擔麵 🍜豬扒炸到好黃金🍖 大大塊好脆口但唔油膩🤣 擔擔麵比較濃花生味🥜 可以再辣一點🌶️⭐️ 酸辣湯墨魚茡薺餃 🦑墨魚餃係呢度既招牌🏅️非常值得一試 墨魚味道淡淡的鮮而且十分彈牙😋 酸辣湯幾開胃🤪 但係好似有點搶左餃子既味道🥟可能單食餃子好D😅⭐️ 鮮肉韭菜餡餅🥙熱辣辣一咬落去就爆汁🤤 但調味偏鹹 輕手DD更能試出鮮味🤯

🤤 山東風味餃子 @sdonglittler 🤤Geo條👅評分：⭐️⭐️⭐️💫(5⭐️最高）鮮肉白菜餃 $48山東擔擔麵 $45手斯雞芝麻醬冷麵 $52豆腐 $8大角嘴搵嘢食搵到間黃店食山東嘢🤤叫外賣買上車食😛鮮肉白菜餃個皮雖然唔係特別薄，但咬落都幾多肉汁必出嚟，點埋餃子醋酸酸哋幾開胃幾正，仲有埋豆瓣醬，超正👍🏻我食手斯雞冷麵，幾香芝麻醬，手斯雞勁大舊啖啖肉，正，唯一係醬有少少杰，但都可接受，鍾意食濃味朋友仔啱晒！朋友食擔擔麵偷啲嚟食，湯底唔會辣同幾香濃花生芝麻醬，都幾好食😋豆漿一啲都唔甜，啱晒鍾意少甜嘅我👍🏻 仲有閃卡扭💛

好一陣子無黎，掛住佢嘅餃子同餡餅•『酸辣湯西洋菜餃』$52湯唔辣，我要再加豆瓣醬，但算足料：豆腐絲、雲耳絲、筍絲、蛋絲，口感豐富；有8隻餃子，餃子自家製，大大隻，漲卜卜，我鍾意佢夠菜少肉！•『京蔥羊肉餡餅』$28要等20分鐘，一上枱煎到漲卜卜，要等一陣先食，如果唔係會辣親！上枱時，見到餅下面有一灘「液體」，以為係「咁多油？」原來係餡餅嘅肉汁•『桂圓紅棗茶』$0無諗過係用紙杯上；顔色好淺，但原來都夠味•【後記】➡️平日1415到，我係唯一嘅客人。以為佢唔做堂食，喺門口猶豫咗一陣，店員見狀，叫我入去；好彩之後都有2-3個one-man 同外賣；每次去到小店都會擔心，係咪餸最後一次➡️自家製餃子➡️「山東小城」好似無IG•

一間長期要排隊黃店，店細位置少，之前黎過都要等好多張枱，今日幸運等十幾分鐘就入得去坐低等食！餃子全部都皮薄肉汁多！墨魚荸薺餃超重墨魚味！第一次食墨魚餃！墨魚同荸薺配合得天衣無縫！食到粒粒墨魚，超足料！西洋菜豬肉餃＆韮菜豬肉餃煎得剛剛好，餃子皮煎到脆卜卜但唔過火，一咬會爆肉汁！西洋菜冇草青味，明顯新鮮即日即包餃子！湯麵湯底清甜麵條好食可掛湯！蔥油餅餅底煎得剛剛好，鐘意食薄餅的朋友一定要叫！豆漿都重豆味！

大角咀附近有間上海菜，我哋見都多人等位應該都唔錯，所以今日中午就去試下。餐廳環境唔算大，但好乾淨舒服。我同朋友一齊叫了墨魚荸薺餃，手撕雞芝麻醬冷麵，黑糖黑醋排骨菜飯，一杯山楂茶。整體上食物都幾好味，份量都多，下次會再嚟。

天氣凍返 食碗實在嘅暖笠笠湯餃🥰﹣﹣﹣﹣﹣﹣﹣﹣﹣﹣﹣﹣﹣﹣﹣﹣● 砂窩雲吞雞 $88雲吞係薄皮 裡面主要係豬肉餡雞件應該預先熟咗再放落去煲滾返食落肉感似返煲 但雞味唔差而且88蚊咁大煲雞同雲吞係抵食嘅～○ 京蔥羊肉餃 $50/10隻除咗好多人食嘅墨魚餃(我今次冇食羊肉應該係第二最多人推極之濃味 愛羊人士可以一試我麻麻地我覺得有羶味🤭但個餃皮我ok 皮雖厚但唔硬唔乾食到山東餃子厚實但有咬口個精粹● 黑糖黑醋排骨擔擔麵 $52推薦擔擔麵 好濃花生味！分麵個陣聞到香味已經流晒口水黑糖黑醋排骨仲係全豬軟骨唔使點𡁻都腍到融化開肉味係酸酸地 中和擔擔麵嘅膩🤗○ 自製山渣茶 $8唔太甜！食到飽飽地先飲返杯，解一解膩，重獲新生咁，唔經唔覺好快飲晒～﹣﹣﹣﹣﹣﹣﹣﹣﹣﹣﹣﹣﹣﹣﹣﹣𓌉◯𓇋 ‎@sdonglittler﹣﹣﹣﹣﹣﹣﹣﹣﹣﹣﹣﹣﹣﹣﹣﹣山東小城大角咀埃華街101號大衛樓地下A1號舖

-{黃店💛全港首創墨魚餃子}大角咀嘅黃色地圖真係好多選擇🙆‍♀️今次唔想食飯麵就試左餃喇😙見Kiki and May介紹就po埋佢😍🤤墨魚荸薺餃🤤 ($55)一共有10隻！第一次食墨魚餡餃 墨魚滑加馬碲口感好豐富😍仲有少少汁添☺️有d芫荽味 覺得唔加醋會好味d 醋味少淡 唔太夾墨魚滑👀👖褲評: 8.6/10尚算不錯！餐廳有列埋餃子嘅功效😜但食完都唔太飽 好似食麵會抵食d 不過食左招牌菜先！下次再試🥳性價比: 8.6/10服務: 7.4/10環境: 7.6/10🔔小tips: 不設5粒5粒雙拼架！🚩山東小城🚩地址: 大角咀埃華街101號大衛樓地下A1號舖 #fuudjai #fuudjai黃店 #fuudjai中菜 #fuudjai大角咀

天氣凍最想食返啲熱辣辣嘅嘢！同樣去到附近嘅大角咀搵食，呢度真係有好多黃色小店，今次就去咗《山東小城》啦！都冇乜點食過山東嘢食，隨意點咗砂鍋雲吞雞、墨魚荸薺餃酸辣湯 、千層醬豬耳同熱豆漿！個砂鍋雲吞雞唔好睇佢細細鍋咁，但都幾足料的，入面有成六粒雲吞同大約四份一隻雞，仲有菜，個雞湯好鮮甜，雞肉又夠滑！另外個墨魚茡薺餃皮薄餡靚，食落彈牙又爽口，而個酸辣湯又夠晒開胃！亮點係個千層醬豬耳度，真係超好食，比一般豬耳好食幾倍，而且又夠薄身，感覺冇咁肥膩，仲要大大碟的！食咗咁多嘢埋單都只係HK$211蚊！即人均百鬆蚊，絕對係抵食之選！仲有有yellow card 抽！正呀！💛💛💛