山東小城 (埃華街)

营业中

休息中

🥢大角咀 招牌黑色墨魚荸薺餃濃湯擔擔辣豬扒麵🥢見好耐無去大角咀搵食，小區入便好多唔同的特式小店未試過，今次特別為了過來試吓黑色的墨魚餃同大大塊豬扒麵擔擔麵🥢墨魚荸薺餃 $58荸薺呢兩個字有點深，原來係馬蹄，黑色的外皮夾雜住白色的馬蹄粒粒同墨魚粒，墨汁做的皮黑色的無咩味道，只係視覺的顏色，餃子內無咩湯汁的，馬蹄超爽口，但開始食得出墨魚開始無咁新鮮的感覺微微開始變壞少酸的feel ,對於味覺及腸胃敏感的要留意🥢豬扒擔擔麵 $54 豬扒麵大大一碗，麵底及豬扒份量都非常多，豬扒三大塊本身帶少少辣，醃得入味而且鬆脆可口，湯底帶濃厚花生香，有點似食緊日式拉麵個濃湯feel , 又唔會好溜🥢墨魚餃係有點失望，咬落無咩汁同鮮味不足，可能太晏去餃子已經唔係幾新鮮，但豬扒麵好抵食份量夠多而且炸得好味，麵條份量亦非常之足夠，可以一試📍 山東小城 (大角咀)大角咀埃華街101號大衛樓地下A1號舖

今日首試山東野見open rice最多人试～墨魚餃和豬扒担担麵。沒有套餐，只有散叫墨魚餃，即叫即煮，十分鐘左右送到 ，餃剛熟，唔淋。味不錯，但偏貴，只是蒸熟拿來出，沒有埸。你可選蒸或煎。豬扒担担麵～ 豬扒放上麵上，沒有分上。                        ～。豬扒熱                         ～麵不淋，湯唔 spicy. 湯底 ok

黑糖黑醋排骨擔擔麵湯底第一啖飲入口唔辣，吞完都唔覺辣，但再過兩三秒之後開始黎料啦，以為係少少辣，跟住個辣慢慢喺喉嚨辣出黎。哇，係都幾辣下喎！果種辣唔係舌頭覺得辣，而係由喉嚨辣湧上黎有啲想咳咁，辣得咁有層次，果然厲害。麵夠淋，岩我食，不過食食下麵又慢慢唔覺辣，真係神奇！有花生香，唔算濃，不過有花生粒食搭夠。排骨味有啲似豬腳薑醋隻味，肉質如果再淋啲會更好。鮮肉韭菜餃有10粒，好足料好大粒，比我想像中大粒，50蚊都幾抵食。食落啲料係新鮮既，食完個口冇臭韭菜味，非常好！自製豆漿有凍有熱選擇，甜度岩我，我本身鍾意飲唔太甜既，好飲。

🌸#girlsfoodies大角咀#girlsfoodies餃子#girlsfoodies中式 🌸【💛 #GF_List 】⭐評分: 8/10——————————————————之前次次去都係食餃子，原來其他嘢都唔錯！黃店好難得有呢啲嘢食嗚嗚——————————————————▪️豬扒擔擔麵 $54▪️凍柑桔露 $10擔擔麵面盆咁大兜，本身以為會係有肉碎同辣嘅版本，嚟到原來只係花生湯底，辣殺可放心食用上海麵唔太有咬口，但非常適合呢種濃郁湯底，每條麵嘅表面都吸飽吸滿醬汁！最初食嘅時候湯頭較稀，但越食就會越杰身，每啖都充滿花生香氣，但又唔會漏到想死！豬扒有兩大塊，每塊都手掌咁大！我有問店員攞碗，所以塊嘢冇喺花生海遇溺，無浸淋到ohyeah！豬扒係炸的，個脆漿好很薄，肉質算係咁，唔乾又冇cheap肉除，食完呢碗嘢勁飽，happy happy仔！✨ 山東小城 ✨​📍 大角咀埃華街101號A1 鋪​#山東小城#大角咀黃店#yellow大角咀 #大角咀美食#餃子#餃子黃店#黃店餃子#擔擔麵#中菜黃店

Bookmark左呢間小店一段時間，今日終於嚟到大角咀拜會名物墨魚荸薺餃！Order左雙拼水餃墨魚荸薺餃同京蔥羊肉餃各五隻$58。等左5分鐘餃子就ready! 一黑一白嘅擺盤認真唔話得。先食墨魚荸薺餃，真材實料，馬蹄大大粒有咬口，墨魚汁餃子皮好似墨魚汁意粉咁樣其實係有色冇味，但gimmick 玩味十足，一邊食一邊自己開心～京蔥羊肉餃有surprise！一食落去好多肉汁標出嚟，微微嘅羊肉騷味，加京蔥絕對係惹味！比超墨魚荸薺餃，我更like 京蔥羊肉餃!想食餃子嘅不妨嚟支持下呢間良心小店啦！Menu-

做左一輪嘅功課，發現十個有八個都會推介呢間餃子店，首推係少見嘅墨魚餃，熱愛餃子嘅我，當然已經心心眼!!🙊墨魚荸薺餃 $55十隻餃子上枱果陣已經聞到墨魚腥味，老實講，氣味唔討好😂，好彩食落無腥味。茡薺原來係馬蹄，所以有爽口感，亦食得到墨魚粒；餃皮係滑口感，而唔係彈牙感，我個人比較中意後者😅，加上熱度唔夠，內餡只係溫暖狀態，確實令我有點失望😐。京蔥羊肉煎餃 $34五隻呢個煎餃熱度比墨魚餃高，食得出係新鮮煎出黎。友人一咬就噴汁😯，表示驚訝，無諗過肉汁如此澎湃；內餡有羊羶味，濃度我可以接受；最中意佢真係煎出黎，而唔係炸，因為坊間好多煎餃其實係炸餃。蔥油餅 $28由於我地4個已經食過正餐，但又唔好意思只點2款野，唯有點埋呢個餅。蔥餅煎到兩面脆，味道同超市買果D分別唔大。

【必試驚喜羊肉餃💛】大角咀多嘢食應該個個都知，呢一間小店有好多款唔同味嘅餃子🥟第一次見黑色嘅餃子，就決定試試佢😚個羊肉餃子完全係驚喜🤣仲要係黃店💛.🍴墨魚荸薺餃(💰: $55）外表黑色墨魚皮已經夠特色🕶餡入邊有有馬蹄、墨魚🦑又勁多汁，食落去好爽，又有口感👍.🍴京蔥羊肉餃(💰: $50）羊肉味重🐑雖然食落去有啲羶味，但個餡好足料，連平時唔點食羊肉餃嘅我都推介呢個🤩‼️.🍴豬扒擔擔麵(💰: $50）雖然湯底睇落去好稀，但食落都幾夠味！豬扒好大塊，係煎炸㗎😬 咬落去都唔韌-🔖仲有好多款唔同餃子，又有午市套餐，夠曬抵食🈹.💡小編去嗰陣喺平日晏晝4點幾5點，所以好多位🕔-💎推介指數: 💎💎💎💎💎💡性價比:✨✨✨✨✨（JENG DIE🤩)🍴ENCORE指數: 💛💛💛💛💛 (好想試埋其他款😍)-

今次係第二次來食～疫情下，真係想搵下美食都難，街上都好冷清。今日放工突然諗起煎墨魚餃既味道，突登搭車來嗌外賣～餃子水準依然甘正，墨魚汁皮，配合埋內餡既墨魚，真係好鮮甜🤤今次試左排骨菜飯同埋豆沙餡餅，個菜飯唔會痴埋一舊，粒粒分明，食落好香，排骨都好淋，唔會好un👍飯後甜品加埋個豆沙餡餅，豆沙餡足料，甜而不膩，好滿足🥰而家經濟環境真係好差，希望大家都可能多d支持下小店，小店既質素真係絕不比大集團差💪

香港首創墨魚水餃🤤——————墨魚荸薺餃 （$59/10隻）［外賣］墨魚餃個皮係黑色，加入左新鮮墨魚汁墨魚餃入面加入馬蹄，餡料新鮮有口感同豬肉比較軟身，爽口有層次店主充滿心機，值得一嘗風味————————————山東小城地址：大角咀埃華街101號大衛樓地下A1號舖電話：92963884營業時間：星期一至日 11:30 – 22:00——————

疫情嚴峻，依家多左叫外賣吾敢堂食，行過山東見到好似幾多人等，感覺好似幾受歡迎，所以買左份韭菜煎餃，麻辣青瓜粉皮同千層豬耳。韭菜煎餃外面煎到好乾身，本以為入面都系，點知入面出奇的Juice,令人感到非常驚喜。外脆內軟，口感一絕❤️麻辣青瓜粉皮粉皮QQ彈彈，加上爽口既青瓜，京葱絲，紅蘿蔔絲同酸酸辣辣既醬汁，口感非常配合。千層豬耳豬耳同出面食既好吾同，一層層好特別，加埋啲配菜好好味😋等疫情好啲真系要試下堂食，睇下會吾會更出色🤗

第一次試大角咀間小店，山東小城買左蒜泥白肉，滿滿既蒜泥醬，好好食😋可以用黎送飯食。仲有手撕雞擔擔麵，外賣有分湯，細心位加分，雞絲既量仲好多，鐘意佢既湯底有好香濃既花生醬👍🏻雞絲粉皮個汁又係要推介，配粉皮真係食唔停口😜不過啲醬就多左少少，少番啲就perfect！希望疫情之後可以試下堂食😌應該冇得頂💯

放假幫襯吓小店，呢間都多人買，所以今日試下。擔擔麵個湯希到冇乜味，應該有嘅配料都冇發現。湯同麵有分開裝，所以麵冇發水，但一打開碗湯，以為係茶餐廳嗰筒隔出嚟嘅食物殘渣水，豬扒還可以。酸辣雞麵個酸辣湯，碗仔翅好食過佢雞髀肉好大陣雪味豆沙窩餅$16，返嚟先見到得一件圓餅，而且中間冇乜豆沙。$16冇期望過同出面街一樣，但係都唔係得一個，只怪我心急冇睇清楚餐牌啦。我明白而家d嘢貴咗，材料都加價，但係可唔可以煮得似少少上海嘢呢？今次係第一次，亦係最後一次。

因為疫情見啲食肆做唔住，都想支持下啲小店所以買個外賣，但呢間既手撕雞擔擔麵，用openrice叫平左一蚊，一共53。但得個幾條雞肉⋯⋯真係得罪講句，叫譚仔可能仲抵食。我就無乜必要唔會再回頭幫襯，但希望大家疫情加油吧。

💛山東小城·墨魚荸薺餃$55 l 鮮肉白菜餃$48 (10隻)鮮肉西洋菜煎餃$28 (5隻)呢間我哋第一次黎既時候佢個墨魚荸薺餃已經賣曬 係第二次再黎先終於食到😍😍佢個墨魚皮真係超濃墨魚味 食落超有驚喜🦑不過佢呢個個餡入面既馬蹄就無其他菜食落咁juicy 我自己鍾意白菜同西洋菜餡多啲 因為佢地食落多肉汁好多🥟🤤🤤之後佢既煎餃我自己就無咁鍾意啦 因為佢個皮煎完有啲韌同埋偏油少少 都係水餃好味🤭·鮮肉韭菜餡餅$25 l 京蔥羊肉餡餅 $28之後呢個我地兩次食都好好味🤤佢入面係多湯到不得了 差唔到有一半都係湯 超級juicy😎之後佢兩個餡都調得好出色 鮮肉個個韭菜味好濃 羊肉個個都唔會太騷😌😌·老醋海蜇頭$50我地另外仲嗌左呢個小食 佢係超大碟 海蜇頭份量都好多 而且佢個醬汁調得超惹味 配埋啲蔥絲同青瓜食落超惹味😎😎📍大角咀埃華街101號大衛樓地下A1號舖

大角咀有好多又平又抵食嘅餐廳呢間係其中之一 店舖比較少座位亦都唔多 呢度山東菜比較少接觸主要食麵同餃子味道唔算精緻但係調味好豐富 今次最出名嘅墨魚餃子賣晒所以試一試豬肉韭菜餃 一粒餃子都好大好飽滿 皮薄餡靚 韭菜味比較濃未必個個都接受 但係整體上份量好多好飽順便試埋個手撕雞擔擔麵擔擔面嘅調味調得10分好唔會太辣 湯底有香濃嘅花生味 手撕雞肉亦都好嫩滑唔會太柴太乾 整體而言 價錢公道分量夠大 值得再嚟食過 下次再試一試佢嘅招牌菜