岩盤牛扒 ミディアムレア ステーキ (寶怡花園)

营业中

休息中

今天，同事升職回歸請食飯，大伙兒決定去鋸扒，突然想起附近開了一間日式牛扒店（岩盤牛扒），便走去試試。店舖地方光猛，乾淨全自助形式。賣點是你食幾多點幾多，一般由200g起錶，望著店員將你選好嘅牛肉種類切妥，過磅 ，然後便送進廚房加工。經店員煎好牛扒表面後，放上一塊熱石上，再由客人自己去慢慢煎到自己喜歡嘅生熟度，我點了份後腰三角肉 ，有咬口，不錯，配上蒜容 ，味度更是出色。除了主食牛扒之外，還有其他食物可以追加，我點了件鵝肝 $40之後，再加錢轉為一個set，包括有溫泉蛋，日式沙律，味噌湯。其實還有很多不同食物及飲料，可加配日本飯 ，雪糕，波子汽水，啤酒，白酒，紅酒等。真是豐儉由人，如果你是位牛摩王，岩盤牛扒是你一個不錯的選擇。

人數：1日期：11月時間：5點左右天氣：涼涼地行過見到門口個牛頭燈牌勁搶眼，位置方便，好易就spot到。一入門口姨姨店員已經簡短咁介紹左，拎餐牌搵位坐低睇下先（門口有個凍櫃放晒啲牛都可以揀番自己想要邊款），之後可以去落單啦～Step 1 - 肉眼300g （$0.71/g）望住個姨姨拎舊牛係面前切，有啲驚奇原來300g好大塊！坐低等左陣，聽到叫號就可以出去拎餐啦～ 我呢塊油脂分布都幾平均，唔韌，建議可用鹽同少許胡椒配搭番，吊吊味Step 2 - 揀配料我揀左青葱，都幾新鮮，但感覺洋蔥或者蒜蓉會比較襯Step 3 - +$30配set（可以揀3款）驚太飽就揀左湯同沙律～仲有個can drink，can drink 選擇都有7款左右，仲要有幾款係日本果汁添最後想讚下，呢度嘅服務好好，由姨姨店員到經理都態度好好

平時都係係港島區做野多，今次特地走入去自己唔熟悉的地區，去食好野！講左店舖裝修先！真係好靚呀，出面有個牛形的玻璃窗加燈非常華麗全店的裝修都好有日本風格，再加上顏色好有鮮明華麗！枱與枱之間距離感好足夠，坐住食野都好舒適！見佢入面都幾多set餐可以選擇，牛類有，牛柳、封門柳、西冷等等選擇，餐內仲有沙律，湯，溫柔蛋，飲品選擇，一個餐有多三樣野食，食肉都冇甘油膩既感覺！我選擇左大塊L牛柳黎試，熟度岩岩好有6成左右👍食落一D都唔會太肥膩，仲有好豐富既肉汁，再配上特製既日式柚子秘製醬汁更加好食！食完個扒己經8成飽，再飲湯加沙律作上完美既句號，最後叫多左個檸密再比自己潤下喉嚨！

唔知有冇朋友同我一樣 好鐘意食牛每次食到好食嘅牛都好滿足最近我就試咗一間牛魔王必食餐廳🍴佢就係岩盤牛扒餐廳分店仲位於屯門 簡直係為我而設🤣首先你想揀你要食嘅部位 我就揀咗西冷按重量收費 我就揀咗300g職員會即場切牛扒 再磅下幾重先收費然後可以選擇配料：青葱/生洋蔥/蒜蓉我就揀咗蒜蓉🧄 喺佈滿整塊牛扒上面非常惹味呀😋🥰我仲加咗$30轉套餐 可以跟飲品同加錢要一個溫泉蛋丼🥚牛扒預設三成熟 再將塊牛扒放喺鐵板上上碟時滋滋聲 聽到聲都覺得正🤤仲跟咗牛扒汁 而每張枱提供海鹽、黑椒同燒汁可以俾你作牛扒調味 可以點嚟一齊食👍🏻急不及待切開牛扒 切開大約有五至七成熟中間肉質極粉嫩😍 牛扒好大塊亦都好厚身咬落去好嫩滑 有脂肪亦有好香肉味超級好食呀🥰👍🏻下次要試埋其他唔同嘅部位見到佢哋嘅牛柳、肉眼都好出色已經諗好咗下次要食咩啦 大家經過都要去試吓👍🏻📍岩盤牛扒 ミディアムレア ステーキ (寶怡花園) (屯門)屯門良德街11號寶怡花園地下15-16號舖

附近新開咗間食牛，一於去試吓。原本想堂食，見過環境都唔錯，坐得幾舒服。但係老公想返屋企食，就叫外賣，佢叫櫻花燒牛柳丼；我就叫溫泉蛋燒牛丼。我叫個款牛丼，比較乾同韌，啲汁有點鹹，一般般，食多幾塊似食牛肉乾，有點失望😮‍💨（我太肚餓，忘記拍照📷）。老公叫嗰款燒牛柳丼，肉質唔錯，尚算正常，但一樣個醬汁比較鹹，飯的份量也不多，男士可能就唔夠。以咁嘅價錢咁嘅質素，唔太抵食。原本想試吓燒牛扒，而家要諗吓先😂。

屋企附近新開左間日式牛扒店，終於等到冇咁多人，weekend即管去試下，果然冇失望🤘舖頭門口Menu寫得好清楚，可以一眼睇晒唔同嘅部位同埋價錢。肉：肉眼 300g醬料：蒜蓉配料：白飯、温泉蛋、味噌湯一上枱已經比啲吱吱聲吸引左☺️肉眼性價比超高😍肉質都算淋，好易入口，又唔會太多肥膏，蒜蓉嘅分量都好多，好香口👍見佢除咗有鐵板套餐之外，仲有牛肉丼飯、烏冬、拉麵🍜等等，都幾啱一家大細嚟食，坐得又舒服，啲座位好闊落👍🏻

岩盤牛扒宜家都開左好多分店，食過幾次質素都🆗先揀想食既部位，師傅即時切牛扒，再磅下幾重先收錢⚖️之後再揀配料青蔥、生洋蔥或者蒜蓉🧄🧅我就揀左蒜蓉，好大Pat！🤤雖然會口臭🤢但係又好鬼惹味喎🥰塊鐵板係熱到滋滋聲💥💥同埋小心會有油彈落件衫，不過餐廳都貼心既，有提供即棄圍裙👩🏻‍🍳咁就唔驚整污糟件衫啦。等塊鐵板滋完無咁熱就食得喇，切開大約有5-7成🔪中間都好粉嫩😍每張枱都有海鹽、黑椒、燒汁調味👍🏻塊扒都好厚身，我個塊師傅切左200幾gran，塊西冷邊邊位有啲脂肪😗肉味幾濃😋加30蚊變套餐，有多3樣野跟，唔貴喎👍🏻有外賣

約咗朋友去附近行公園但發現附近有間燒肉幾吸引，就嚟自私食先😆門面幾光猛，又有落地玻璃店面一眼望曬，乾淨企理門口有指示牌話搵完位再出嚟買嘢食雪櫃就係入門口位置，幾款肉都show咗出嚟，睇啱先叫店員姐姐切都幾肚餓，叫咗300g，姐姐都幾精準切到296g 😱😱環境真係要讚，尤其係冷氣冷氣機下面裝咗風車頁，唔會有當風位唔使食風10分鐘左右就可以攞餐塊板「滋Lee咋嗱」，燒到香噴噴雖然揀咗配蒜蓉，不過無乜用武之地本身跟咗嘅柚子醋已經好好味😋要襯塊板熱辣辣時加少少鹽如果唔係得輕量牛味仲加咗$30要餐：和風湯、迷你汽水、沙律沙律嘅芝麻醬落得好大方，所有椰菜絲都沾到👍🏻👍🏻和風湯即係味噌湯，唔會好鹹，好啱我口味食食吓發現隔離塊擋板有牛角包窩夫早知⋯唔食咁大件牛⋯留肚食甜品🤤吖，雖然間店係自助形式自己拎水拎餐、食完要攞餐具去返却口但有姐姐隔一陣就出嚟抹檯，感覺好乾淨

難得番入屯門，去左以前讀書附近行下，行到去建生，感覺既熟悉又陌生🙈依度開咗好多唔同種類既餐廳👍🏻😋不過今次最吸引我哋嘅係，喺門口有個好大牛頭既石燒店，加上感覺幾有日本feel，所以就入去試吓。我叫左個肉眼扒，加配套餐，我朋友就食西冷，加配套餐。個套餐可以10款選3款跟，正呀👍🏻岩晒我咩都想試既心態🤭個牛扒唔un，肉質好好，唔會咬唔到又有牛香味👍🏻跟牛扒有個黑黑地既汁，一食就知係柚子味，好有驚喜。枱上亦有調味料方便唔同人既口味，去調配番岩自己既😋依度仲有don飯食，都好想試埋，不過真係已經好滿足喇，食唔落😅下次一定要試😋😋😋

這間日式餐廳位於屯門，附近全是住宅區，相信生意不錯，餐廳面積一般，門口玻璃窗有一隻很大的牛頭輪廓。進入餐廳，在近門口的玻璃櫃擺放了牛的不同部位的肉，讓你可以考慮清楚揀吃哪部位，面向門口的一大幅牆則有一隻牛，用透視圖介紹全隻牛的不同部位。這間餐廳的特色是將你點叫的牛排用重量計算價錢，我選了西冷部位，之後便揀蔥或蒜頭配料，另外我揀了溫泉蛋，麵豉湯和雪糕，揀定後便要自己去櫃面落單，我們約等了15分鐘便去櫃面取食物。餐一上枱，鐵板的熱力使牛排發出響亮的滋滋聲，伴隨著蒜頭在空氣中散發的香氣，使人不禁垂涎三尺，我首先吃了大大的溫泉蛋，然後喝麵鼓湯，最後便是慢慢細嚐西冷牛排，牛排有三百多克，所以份量是很夠的，除了有少許粟米粒墊底便沒有其他配菜，餐廳亦提供了醬汁供醮牛排，牛排味道不錯，吃飽了牛排便輪到雪糕，是一個完美的結局。一個餐平均約250，大家喜歡吃牛的話，不妨試試。

岩盤牛扒 ミディアムレア ステーキ (寶怡花園) (屯門)屯門良德街11號寶怡花園地下15-16號舖最近朋友話想食牛扒🙈又俾我係屯門搵到呢一間🙈好多時大家想食扒會諗到西餐廳 但呢間甘多日本字又提供麵豉湯 我諗佢係一間日本餐廳 呢間餐廳係入前購買餐先😏今次我試左佢地嘅肉眼 套餐 套餐加30蚊就可以揀 A-J入面嘅3款 食物/飲品 我就揀左 木魚絲三文魚海苔溫泉蛋丼 和風湯飲品 大概等左5分鐘多D 就已經叫取餐 職員重會溫馨提示好重嫁小心d拎 同牛扒好熱小心d 蔥彈到等等埋位食重有個醬 我深信係係鐵板燒最熱嘅一刻淋落去但我無甘做🙈我係切開之後沾醬食 甘會好食D(我自己鍾意甘食）🙈不過如果學我甘食就品好食曬d飯先🙈因為一啖飯 一啖肉個口感先正而我食得太快🙈無曬飯🙈只食牛會有D膩🙈最後呢個餐食完 全日可以唔洗食野🙈🙈因為真心好飽🙈🙈🙈

Medium Rare Steak is a chain steak restaurant. The Tuen Mun shop is bright, spacious with comfy seats.Guests may pick their preferred cut and weight at the meat showcase. I ordered 300g beef tenderloin. The meat was thick, super tender and juicy. Simply awesome! I requested extra garlic. So pungent. The iron plate was not hot like stone plate which kept the meat in medium condition until my last bite. +$30 for 3 sides/soft drinks/ice cream. I picked onsen egg, miso soup and +$20 draft beer.In ad

Medium Rare ミディアムレア係一間主打自選唔同牛肉部位同重量嘅鐵板餐廳，另外仲有十種唔同嘅丼飯亦同樣有大小份量比客人選擇夠細心。 一入鋪就見到有個Showcase 入面就放咗餐廳提供新鮮唔同部位牛肉，當中包括牛柳、牛板腱、肉眼、西冷、後腰三角肉、封門柳，食豪D仲有日本和牛西冷同肉眼。 比起其他同類餐廳較特別同清晰嘅係，店員係會按照客人要求部位同重量喺客人面前切完再磅秤收費，避免有呃秤嘅情況出現，讚。 👍🏻餐廳仲有提供圍裙以免客人整污衣服，讚。 👍🏻牛柳300g  跟蒜蓉，另外加30蚊要咗溫泉、蛋、沙律同味噌湯。🥩🤤牛柳煎到外面金黃焦香入面三成熟，肉質腍容易咬，加埋蒜蓉嘅辛辣同柚子醬油一齊食簡直衝擊味蕾。😋😋😋

屋企附近開咗扒嘅岩盤牛扒ミディアムレア ステーキ啱晒食肉獸嘅小芙🤣🤣我哋點咗西冷300g，要勁多蒜🤭西冷肉質有嚼勁，肉味濃石燒板夠晒熱，可以自己控制生熟程度👍🏻最鍾意嘅係完全無調味去煎我哋可以按自己嘅口味加黑胡椒/鹽/自家製柚子燒汁😋柚子燒汁可以消除肉嘅油膩感👏🏻👏🏻另加$30升級套餐，可追加3款食品/飲品岩盤牛扒賣點係用每克去計💰即場喺你面前切㗎👍🏻另外點咗岩盤牛肉糖心蛋烏冬昆布鰹魚湯底，鹹鮮味十足☺️小芙話烏冬好彈牙好入味😋

在屯門西北游泳池游完水，行到附近寶怡花園食飯，發現開了新的岩盤牛扒餐廳!!!運動完馬上補充蛋白質(⁎⁍̴̛ᴗ⁍̴̛⁎)餐廳採光度高，座位寬敞，有多個卡位，更有八座卡位，適合一大班朋友用餐。•̀ᴗ•́點餐處職員都十分友善!!餐廳自助服務，到點單處自行下單，有不同肉類可以選擇!!可以選重量，適合細食的女生(,,•́.•̀,,)而且可以避免浪費!!~我選了200g的西冷牛扒，配料選了生洋蔥🧅 再加$30轉了Set: 選了白飯、味增湯和沙律。然後店員會從大雪櫃拿出肉即場在你面前切，並且磅重，再按重量收費!!!明碼實價!•̀ᴗ•́留意熒幕叫號去取餐，牛扒以鐵板形式上，原本已燒得約三成熟，如果喜歡食生點的就要留意了!!要即刻拿起牛扒放在一旁免得overcooked!!牛扒賣相相當唔錯(〃'▽'〃) 食落都不會很乾，有肉汁的!!! 生洋蔥煮了一會兒後都好香~隨餐附上醬汁，有點像柚子燒肉汁，味道較濃。枱面放了鹽、黑胡椒粉和燒肉汁可以自行選擇՞• •՞