岩鹽日本料理 (MOKO新世紀廣場)

营业中

休息中

又去食好西，今次揀咗間日本料理，銅鑼灣店已經長期人氣旺盛，旺角店第一次試，食物選擇都真係有好多好多，釜飯、壽司🍣、一品料理、串燒🍡，店舖好大，好多靠窗卡位保證有空間確保衛生安全💪🏿———————————————————————————🥢岩鹽火炙壽司盛🍣🏅💬呢個壽司拼盤勁啊！一定要叫！有海鰻、海膽、鵝肝、帶子、魚背、赤蝦、三文魚、和牛，係好有口感、好新鮮、好滿足🤤.🥢蒜香雞腎🐔💬沒想到雞腎都可以咁爽咁腍，大上大量蒜片夾雜其中，實在相當好味🤣.🥢清酒🍶煮花甲💬其實每餐日本料理都必定會叫，蜆類係至愛，又可以飲埋清酒湯，甜又鮮，正😌.🥢蟹肉香芒薄餅卷🦀🥭💬幾特別，薄餅脆底包住芒果🥭同蟹肉，幾清新😌.🥢土佐豆腐💬估不到有4件，炸得好脆，抵食😄

新世紀廣場睇完戲唔知食咩好，行下行下見到呢間岩鹽日本料理，已經9點啦唔使排隊。點左一個飯set，一份卷物。海鮮都幾新鮮，好快手就上哂菜。有做promo加少少錢有6隻生蠔！

本來期望唔係太高，經過呢間餐廳諗住試吓，..............................睇咗一陣餐牌好似都OK， 跟住就入咗去， 有好多款定食，價錢合理， 望落去都幾吸引下添。試咗兩款定食，同埋一啲刺身，串燒！味道同賣相都好好！值得再去食！佢啲燒肉仲可以自己燒，，有個細細的爐仔，又方便唔會燒到全身都係味！😎2個人，食咗大約$.500,都okay la😜😜😜😜😜😜

喺大家都諗唔到食咩嘅時候 選擇咗去食日本料理🍱呢間岩鹽 以前喺銅鑼灣都食過幾次 而家喺旺角都有分店喇 不過比起之前食都係覺得爭啲◽泡菜八爪魚我地都好鐘意食泡菜 揀呢個做前菜真係無錯 勁開胃◾三文魚腩壽司/炙左口魚壽司Just normal ◽炸特大吉列廣島蠔講真實物都真係幾大🤤我好鐘意食蠔 乜蠔都鐘意食 所以呢個係超滿足◾蒲燒鰻魚釜飯呢度係釜飯出名 不過今次係失望首先講講釜飯係有幾個食法 1,就咁食 2,加紫菜 3,茶漬飯 出事嘅就係啲飯 太淋太爛 邊種食法我都覺得唔ok

大愛日本野,感覺呢間日本野好高級,呢排天氣又凍凍地,就叫左個鱈場蟹豆腐鍋,岩晒中意清淡又中意海鮮既我。鱈場蟹有好多肉,亦超新鮮,食完d蟹,豆腐都充滿海鮮味,再飲埋湯,真係一流既享受。呢個餐仲跟左好多前菜添,有八爪魚泡菜,有miso soup,仲有沙律同飯,同埋加州卷,食完真係超飽呀!d飯係日本米,每一粒飯都飽滿chewy,好好食,飲品我叫左青檸pineapple soda,酸酸甜甜,有別於平日既lime soda,好飲。不過就算唔叫野飲都有焙茶,亦係我大愛。呢度既裝修好氣派,d燈好靚,好有睇燈飾既feel,亦好match呢度既色系。感覺上好企埋好乾淨,我既一人晚餐係度完美落幕,真係唔捨得,下次會再黎的!

最近都好想食日本野，於是同朋友一齊嚟到新開嘅岩鹽日本料理。環境都幾靚，一入門口已經放咗好多海鮮選項，令人好期待佢嘅魚類。晚市menu都好多選擇，由牛排到刺身到咖哩都有，我同朋友揀咗好耐，結果大家都揀咗「精選壽司定食」，包咗中吞魚腩、三文魚腩、時令魚類等12件壽司，再加上牛肉烏冬同沙律。野飲方面，我地因為好口渴揀咗橙汁，後尾先發現有Haagen Dazs雪糕！好可惜。終於到喇！沙律嘅醋偏多所以比較酸，但整體都豐富清新。牛肉烏冬嘅肉有啲硬，似係為令人食飽而設多啲，無咩特別。壽司方面，賣相算係幾唔錯既，要讚係個set 包左大部份港人鐘意食既魚類，可惜食果日既味道唔算話好新鮮，只屬於普普通通既水平，依個價錢黎講算ok。不過個中吞魚腩都幾香口，一個set會包埋中吞都幾有良心，不過都係略為有少少惺，總體而言還可以既～

今日打算到旺角花墟買年花準備過年，買完年花之後拎住大大小小一束束嘅花，打算嗱嗱臨快啲搵到嘢食可以食個晚餐順便休息下，經過一個旺角東嘅火車站入口，可以進入新世紀廣場，在商場內嘅水牌搵咗一輪嘢食之後，就決定試吓呢間叫岩鹽嘅餐廳啦！一入店內，侍應生安排左一張二人餐枱俾我地，番開餐牌望下，有刺身，有壽司，有天婦羅，有斧飯，有拉麵等等等等蒜香雞腎，小食前菜胡麻吞拿魚牛油果，吞拿魚新鮮甜味，跟牛油果這個配搭可減少魚既油膩感穴子明太子玉子燒，蛋滑滑，明太子鹹鹹地, 好味😋雜錦天婦羅，有蝦，有蟹柳，有冬菇，有茄子，有紫蘇葉，有南瓜，炸粉皮一啲都唔厚，沒有那種油膩感燒鵝肝牛小排斧飯 ，一打開斧飯蓋，飄散著濃濃嘅鵝肝及牛排嘅味道，食到最後可以加魚湯作為茶漬飯

來到新世紀廣場，“點止兵兵”行到三樓，就咁來到“岩鹽”，見到門口裝修幾雅緻，心思思就想入，而同行朋友亦無異意，哈哈太好喇。好多唔同嘅嘢食，二人統一意見叫了“燒安格斯牛扒定食”和“精選上壽司定食』。燒安格斯牛扒好大件，而且仲跟有沙律，味噌湯及漬物，最重要仲有我中意的刺身，三文魚，蝦和带子，勁新鮮同鮮甜。而壽司定食就有中吞拿魚腩，赤身，三文魚腩，油甘魚，赤蝦，帶子，海膽軍艦另加當日時令魚二款各一，卷物有3件，加加埋埋有成10幾件咁多，視覺，味覺都好有满足感。吞拿魚腩油脂適中唔會油腻；三文魚腩够晒肥美；赤蝦鮮甜彈牙；海膽軍艦的海膽有漂亮的金黄色同埋好鮮甜，唔會有腥味。最後仲有haagen dazs雪糕吃，勁吖。

旺角新世紀廣場，好似遙遠的一個回憶，一個已遠去的故事。宜家佢有個新名稱，就係叫做MOKO新世紀廣場，但係有幾多人記得呢？感覺呢度經常性地裝修，事關每次來都係，唔知係我來得少定係佢變化多，不過今次來終於唔見裝修緊，感覺更加正，亦都好容易喺3/F扶手梯邊搵到呢間『岩鹽日本料理』來幫襯。呢度嘅晚餐定食實在有好多選擇，就咁睇都有10幾20款，唔知有冇睇漏添。晚餐定食選擇多，魚生丼定食更加五花八門，平時我一定會揀呢啲，但宜家特别時期，中醫朋友叫我吃少啲，咁聽嘅，於是乎我哋點咗以下食物，唔係魚生而係精選壽司定食，貪佢花樣多够飽肚，因為肚仔真係好餓，而另一個就係燒安格斯牛扒定食，牛扒外配有沙律，味噌湯刺身同日本米飯。牛扒本身有少少熟，同時提供的小火爐讓你可以自己來決定要吃幾成熟的扒，真係好好，自己加工過的扒够哂juice，唔會韌，本身師傳砌得好靚，似一條魚的安格斯牛扒，令我過咗一個愉快的夜晚。

今晚黎MOKO呢間岩鹽，知道銅鑼灣有一間，但一直未有機會食，今日黎當然食下特式釜飯。釜飯好似煲仔飯，但用個好似飯煲嘅碗裝住，黎到有個倒數一分鐘嘅漏斗，夠鐘就食得。今日點左鵝肝牛小排釜飯（$148），有四塊牛小排，大概7成熟，無筋，正！飯入面有蛋絲、芽菜、蝦米、菇、栗子、豆，用料記豐富。先加醬汁拌勻，跟住可以另外用湯變茶漬飯，會直接食。釜飯雖然做唔到煲仔飯嘅飯焦脆脆，但味道都幾有煲仔飯風味。飯量好多，大概兩碗飯。另外要多個前菜，黑松露雜菌玉子燒（$68），係原塊上，自己動手切，入面雞蛋好軟好滑，黑松味好香，配合雜菌味道更昇華，中間亦有蜜糖調味，甜甜地真係好正，迅速被我食曬。飲品點左熱柚子蜜（$25），暖暖身。呢度環境幾靚，裝修幾高級，好多卡位，店舖面積好大。侍應亦好有禮貌。

幾乎多次途經也有大量食客排隊輪候，朋友一定很想試這天特意提早六點半夜場一開門就進來與友好邊品嚐燒物炸物，邊開懷暢談不過餐桌擺位密度略高，聊天不太方便八爪魚意大利風沙律內里有爆汁的車厘茄、爽甜的紫洋蔥等八爪魚那份鹹中帶鮮的味道，跟清甜的菜蔬很是匹配三文魚風味卷三文魚輕微炙燒過不僅融化了油脂還帶出魚油的香氣，面上更配上三文魚籽，好吃！蒜香雞腎軟嫩亦不失咬口，不得不讚賞師傅的手藝炸軟殼蟹炸衣不厚且肉質飽滿，味道香酥的軟殼蟹可加點蘿蔔蓉同吃，減一下油膩感蒲燒鰻魚釜飯米飯軟糯煙韌，肥美的鰻魚，令飯變得更甜更可口釜飯另外一個食法 可加入熱茶 變做茶漬飯 又另有一番風味旺角太子道西192號新世紀廣場3樓367號舖

旺角區一向出名多嘢食，而呢間日本料理亦都可選話係出色之作。貴店鄰近火車站附近，非常方便，店內裝修明亮高貴，非常冠冕堂皇。溫泉蛋蟹肉胡麻豆腐沙律海帶非常爽口彈牙，再加上嫩滑豆腐，配以酸酸甜甜嘅沙律汁同埋溫泉蛋，令人非常醒胃。穴子明太子玉子燒非常創新嘅食法，玉子裏面包着鰻魚同埋明太子，食落味道非常合拍，再加上廚師並沒有將玉子煮至全熟，樓出嚟嘅淡淡蛋漿更覺吸引。蒜香雞腎雞神吸收左蒜蓉嘅味道之後，更加香口，咬落去亦都非常juicy，肉汁同蒜香完全充滿着口腔，非常惹味。雜錦天婦羅裏面包括蝦，冬菇，紫蘇葉，番薯...師傅炸天婦羅嘅時候絕對冇用大量炸醬漿，所以完全唔感覺到有油膩嘅感覺。再加上師傅伴碟到一絲不苟，非常精細。北海道海鮮釜飯海鮮虎飯配料非常多，有海膽，帶子，三文魚，蟹鉗，鰻魚等等，非常豐富，客人除咗可以就咁食之外，仲可以配上佢哋特製嘅湯汁，更為惹味。餐廳無論係店舖裝修，食品方面都經過仔細嘅配搭，地點亦都非常就腳，價錢亦都非常大眾化，下次經過一定要黎試吓！

放咗工行旺角新世紀廣場，到三樓見開左間新岩鹽，原本唔多覺眼，但廚窗玻璃有好多整齊排列嘅煲仔，煮緊名乎其實嘅煲仔飯，太吸精喇，引埋對腳入去食個飯先。一個人食飯，岩鹽嘅晚市定食真係超級啱哂有選擇困難症嘅我，日本黑豚吉列盛合定食，可以食到至愛嘅炸物，唔係一款，係三款炸物，除咗日本黑豚豬，仲有蠔及蝦，隻蠔唔係蠔豉扮大蠔，咬落有鮮蠔味，算係隻肥蠔添；除咗炸物，呢個餐仲有一人前剌生，中吞拿魚腩、赤蝦、鰝鰺、帶子各一件，中吞拿魚腩及鰝鰺切得好厚，全部都鮮味美；白飯、味噌湯、新鮮沙律菜、八爪魚泡菜、枝豆、三款漬物，配菜多種類，樣樣做得精，尤其白飯及八瓜魚泡菜嘅八瓜魚👍🏼呢個餐仲包部份飲品或指定雪糕，真係好抵食👏🏼

今天跟朋友去了旺角這家日本餐廳吃晚飯，一看餐牌，價格中上，算是挺貴的。我們叫了二人餐，大概五百左右，原以為套餐應該份量不多，但是我們猜錯了。先來了個番茄沙律，蔬菜新鮮非常，吃起來很爽口。然後來了刺身，有三文魚、甜蝦、油甘魚，還有⋯⋯鮑魚！！！賣相非常精緻，而且很·新·鮮第三道菜是豆腐魚餃鍋，湯不是太鹹，非常喜歡，而且魚餃啖啖肉安格斯牛排上桌時只有三成，如果想熟一點的客人可以再烤久一點，加點醬料一起吃，肉汁鮮味。最後有鰻魚飯，飯裡還加了栗子，最後飯焦還可以加茶吃總結來說是不錯的體驗，如果價格可以親民一些更好

今日同屋企人去旺角新世紀商場辦年貨 行到攰攰哋 一於同屋企人食埋飯先返屋企 晚上六時正式開始晚市 食客紛紛在門外等候進場溫泉蛋蟹肉胡麻豆腐沙律$58先來一個清新的沙律頭盤 蟹肉份量夠多 帶有海鮮的鮮甜味 豆腐嫩滑 配上蟹肉和蟹子 口感層次豐富 胡麻醬嘅味道香濃 充滿和式風味此沙律菜選用了日式海草 紅紅綠綠的 顏色非常漂亮 海草口感爽脆 並帶有海水鹹味穴子明太玉子燒$68外表雖然平平無奇 但係內裏有乾坤 餡料非常豐富 味道出奇地好一切開蛋汁已經流出 穴子肉質淋滑 有魚的鮮味 另外加咗明太子味道鹹鹹地 馬上帶出整個玉子燒的味道香蒜雞腎$68蒜片先炸過 香味滿溢 炸到脆卜卜 好香口 夠惹味 雞腎爽口 是我喜歡的口感 簡單的配搭 卻滋味無窮雜錦天婦羅$88包括大蝦，冬菇，蕃薯，紫蘇葉 相當豐富 這裏的天婦羅是即叫即炸的 炸至金黃色 賣相一流整體脆漿夠薄 入口非常鬆化 夠脆又不油膩 特別一提的是原來炸紫蘇葉是這麼好吃的 好似食緊薯片咁 卻多一份紫蘇葉的香味北海道海鮮釜飯$148當中配料非常豐富 包括三文魚，蟹鉗，海膽，帶子，鰻魚，三文魚子 還有蔬菜整體海鮮非常新鮮又鮮甜 三文魚子伴飯口感一流