峇峇娘惹 (彌敦道) (已結業)

又到左食晏時間，今日想食下喇沙，上OpenRice見到呢間餐廳，就行過去試吓喇餐廳裝修好靚，色彩繽紛，覺得食物應該都會不錯叫咗個海南雞飯，普普通通咁喇！唔食難，又唔會話好好味，覺得啲油飯有啲散同埋乾，雞都唔會話好老，還好啦另外就叫多咗個豬扒滲滲喇沙，好好味湯底好濃，兩款面撈埋一齊，雙重口感！上面嘅炸蒜好加分豬扒就不過不失啦，數量都幾多另外叫咗杯桂圓特飲，都不錯！落左好多桂圓，味道好濃！鍾意總括嚟講，呢個價錢食到呢個質素都不錯嘅！

平日放工後時不時都會去油麻地同朋友一齊做運動🏃🏽‍♀️上星期完左大概夜晚9點就去左呢間係正地鐵站出口附近既既娘惹菜餐廳諗住試一試佢既肉骨茶😏——————餐廳都唔算細，枱同枱之間距離夠寛👶🏻我哋3個人一坐低就每人叫左1個肉骨茶再加兩個小食share☺️🥘(大)豬肋排肉骨茶 - 胡椒味/藥材味 $66 per 1🥘 (7/10)佢既肉骨茶有分藥材味/胡椒味，我地就兩種味都叫左份黎試💁🏼‍♀️藥材味有驚喜🧚🏻‍♂️藥材味好濃，係正宗既肉骨茶味道👍🏻胡椒味比較之下就冇咁突出～除左豬肉之外仲有冬菇同豆卜做配料，分量唔少。不過要彈既就係食落有少許味精既感覺，食完仲有啲口乾🧐🍞斑蘭咖央多士 $26🍞(6/10)小食叫左個咖央多士，水準普通有咩特別，唔算太脆，略嫌斑蘭味冇乜🌿🧇油酥餅配咖喱薯仔 $28🧇 (6.5/10)另外仲叫左個油酥餅！🐿餅皮唔錯👍🏻脆口得黎唔會太過火，仲keep住少許煙韌感～咖哩就冇咩特別，可能因為唔係熱上，所以扣左d分🙊肉骨茶加埋小食既分量食到我地好飽xd如果咁岩去開油麻地而又想食下d娘惹菜既話，呢間都係保險既選擇💃🏻🙆🏼‍♀️———————😋味道：6.5/10🤵🏻服務：6.5/10💰抵

第一次吃咖喱雞飯的咖哩汁太咸。酸梅湯又太甜回家問屋企人原來食過她說喇沙可以但聽說水準不穩定由於食品飲品也不合口味。不會再試雞肉本身ok如減咸減甜30％還可不知是調味的人一時重手還是本身如是

海南雞飯咁啱有雞翼係何等幸福嘅事，雞肉好嫩滑，，有三款唔同醬汁俾你點旁邊有啲小配菜咁，不錯。油飯正常發揮🤣蝦球滲滲叻沙滲滲原來係油面加米粉混合體。兩款面撈埋一齊好好味，油面有咬口，米粉吸晒汁，有齊兩種麵嘅口感。叻沙重椰香味，喇沙幾正幾正宗蝦夠晒大隻爽口，冇乜蝦味，不過冰鮮蝦算係咁啦🙆🏻‍♀️：其他野食不過不失，覺得滲滲最正😍，價錢都尚算OK😝，所以之後都食咗第二次～

經家姐介紹前來一試…我同外甥仔食咗200…主要係海南雞飯比較貴要78蚊…建議要半隻海南雞先118…再嗌兩個飯會抵食好多.…我地今次嗌咗肉骨茶、小食拼盤、芽菜、海南雞飯，食物都好味丫，尤其是海南雞的雞油飯好香，好食過海南村的海南雞飯…小朋友本身唔肯試肉骨茶.點知試咗一啖後要再添.可想而知美味程度啦.其實d侍應嘅服務態度都幾好…唯一不快的事情是水吧的姐姐見到杯拉茶走冰都照加冰.…要自己整出嚟…希望改善…

呢間餐廳已回頭第三次。因為仲有好多菜式都想試，而且出面唔係好多地方有得食嘅。最重點係價錢親民之餘，份量十足。兩個主菜，加埋大大碗肉骨茶、大大碟通菜、拉茶/南洋咖啡(^ ^) 兩個人加埋都唔洗$200埋單。今次晚餐叫咗「自選二人餐」🔹地道蝦湯粉絲雜菜煲餐（配白飯，送嘢飲）$58🔹沙巴甜酸魚 $68🔹蒜茸炒通菜 $32不過我最中意都係上次同上上次食嘅檳城麥皮蝦球 $68/ 檳城麥皮雞球 $62 (⁎⁍̴̛ᴗ⁍̴̛⁎)

星期六午飯時間終於同朋友打卡呢間餐廳早有聽聞佢地既喇沙做得非常之好食我地兩個每人一個香茅雞翼喇沙賣相十分不錯 而且份量十足湯底濃郁 有香醇既椰奶味 而且唔辣 絕對係老少咸宜麵底有粗油麵同粉絲 一次過滿足曬兩個要求加埋杯馬來西亞拉茶 簡直就好似去左馬拉一樣 係香港亦可以食到地道喇沙。

一個人食飯，從尖沙咀行到油麻地，本來想去試下湖南菜發現我知道附近唯一既餐廳無我想食既剁椒炒雞蛋就轉移陣地去咗對面既峇峇娘惹（是被玻璃上有一個芋泥吸引進去的）入到去唸咗好耐最後點咗蝦球叻沙，雞翼同埋南洋咖啡。雞翼真心麻麻地，叻沙個湯好好味，最好飲竟然係杯啡！！下次要試埋個炒貴刁

是日晚餐:-娘惹二人餐(怡保芽菜,香茅骨, 脆皮燒肉,檳城麥皮蝦球, 峇峇娘惹珍寶滲滲喇沙)上菜好快, -馬來拉茶先黎一杯拉茶, 先入為主以為係印度拉茶個種, 但無咁重香料味, 拉茶好滑-怡保芽菜唔知點解芽菜好粗, 咬落去好爽口, 同出面食的幼切切比好大分別, 配埋D炸蒜真係好夾!-香茅骨就係排骨外面有裏香茅碎然後炸; 口感未算係好特別, 不過香味好出~每嚿都一啖就食晒-脆皮燒肉皮好脆, 肉算係一層肥一層瘦, 不過美中有少少不足就係燒肉切得太薄, 皮唔係幾夠食...-檳城麥皮蝦球麥皮蝦球真係好驚喜~麥皮好香口, 而且有少少甜; 蝦球好大件,咬落去好彈牙!呢個係食幾多次都唔會厭~-峇峇娘惹珍寶滲滲叻沙一上枱真係嚇親,個碗有成塊面咁大, 果然係珍寶!叻沙裡面有蛋, 魚腐, 雞翼,魚蛋; 比較特別的係叻沙用左兩種麵, 蛋面同幼面, 兩種麵有唔同質感, 溝埋食好得意!叻沙愈食愈積辣, 好彩之前既都未食晒~總結:$200+/2個人(未計加一)都叫抵食!真係每碟都好食!份量多到三人食都夠!!

第一次食呢間餐廳，同朋友叫左一份海南雞飯（雞油飯），一個豬肋排肉骨茶（馬拉藥材 細），一份手撕雞滲滲叻沙最滿意係滲滲，足料，個湯底係偏辣（個人口味比較中意甜d既叻沙）肉骨茶夠晒藥材味，我自己好中意個種苦苦地帶甘香既味道。細既一碗有兩舊肉，兩粒冬菇同兩舊豆卜。我食個舊好痴牙，比較鞋口。朋友食個舊就話唔錯，起碼冇我個嗰咁痴牙，冬菇同豆卜正正常常，如果再入味會好d海南雞飯就相對遜色，雞唔夠滑，飯既雞油味唔夠出，未必係最好既選擇。

呢個星期第三次幫襯。第一次午餐食過喇沙好惹味，想試吓餐牌上嘅其他茶式。晚餐叫香茅骨炒貴叼，又送飮品，份量夠一個女仔嘅，不過男仔就要加餸了。味道好正又抵食，次次都必食。小食燒肉、豬肉卷、串燒都好香口，不過又係細份咗dd。小菜麥皮雞球、參巴茄子豆角煲都幾特別。肉骨茶叫咗藥材味，好味😋肉骨加辣豉油都好好味。外賣自取滿$200八五折，啱啱叫咗五個小菜/小食...折後$230... 兩個人食完好飽. 多謝老闆娘推介，下次再食。

今日同同事係附近揼完骨，揼完就過咗嚟食我哋三個人嗌咗好幾款小食share怡保芽菜雞 $68 啲芽菜漲卜卜又幾cute 食落幾清爽，不過我就唔特別好啦隻雞雞肉質偏鞋同埋味道偏淡參巴醬通菜 $32 無諗過我會覺得最好食係依個炒得好有鑊氣好翠綠最正係個參巴醬好惹味!!!!!峇峇雜錦肉骨茶 (星洲胡椒) $88好足料好夠味胡椒味偏重，所以少少辣最鐘意係個豬肋排有肉味又夠鬆軟油酥餅 (配咖喱薯仔) $26 串燒(雞肉) $34 依兩樣都中規中矩，無乜特別啦整體嚟講都幾唔錯

第一次嘗試馬來西亞特色的下午茶餐, 多春魚保留肉汁有口感非常好味！師傅和服務員都是馬來西亞籍, 態度親切專業, 整體感覺良好. 價錢大眾化一個下午茶只瘦51元, 如果分量稍為多一點就完美.

而家冇得去旅行，唯有喺香港搵啲嘢食嚟彌補下心靈上嘅缺失。今日同老公一齊去咗油麻地嘅呢間馬來西亞菜，環境幾有特色，座位都OK，我哋叫左胡椒肉骨茶、馬來西亞咖喱加薄餅、香茅骨。胡椒肉骨茶係必食之選，湯飲落好有胡椒味，我最鍾意就係飲肉骨茶，我覺得同喺新加坡飲嘅差唔多，雖然我叫嘅係細碗，但係我覺得份量都唔少，入邊有兩塊排骨，仲有冬菇、豆腐卜，價錢都係$38 ，真係好抵。另外我哋嗌左一碟香茅骨，幾香脆，加埋薄餅同印度咖喱，真係下午茶嘅首選，食完夜晚都爭啲食唔落飯。

Disappointing main courses, the Hainanese chicken was too fatty while the noodles wasn't soaked with enough flavors enough. The Kayan toast was good.Thé service was disappointing too. Waiters were reluctant to help and a lady didn't even bother to grab us a cup of water.