峇峇娘惹 (彌敦道) (已結業)

男友先到線稿推介，所以經過嚟試下。 雖然唔係食家，但好老實講，呢間野比起深水埗蘇媽蘇媽真係差天共地。 叫左個香茅骨喇沙，喇沙第一口正常，越食越鹹，男友話味精好重，個香茅骨都唔好食。另外個海南雞飯，雞唔係難食，又唔算好食，畢竟我要求好唔高，當過關，但個雞油飯，好干好干，難食。仲有杯桂圓特飲都好唔似特飲，唯一係店員都好禮貌。 其他野唔試都估到質素。 其實到店門見裡面小貓三四個，就知唔方好食，真係打破唔到寫手越多就越伏嘅宿命。

好耐冇去旅行因為肺炎，在香港好耐特別掛住馬拉菜尤其係肉骨茶耐不耐都蠢蠢欲動想去食今日下午茶時間諗住去試吓地點都算就腳嘅舖頭唔算太大見到啲粉面好似好吸引咁於是我哋叫咗一碗雞翼喇沙，龍眼茶怡保芽菜追加油炸鬼 仲有一個肉骨茶我哋兩個人只係叫咗一碗細嘅等咗大概10分鐘 肉骨茶味道好淡，啲肉有啲鞋口，料唔算好多芽菜亦都冇想像中咁肥美 咁好食雞翼喇沙湯底亦唔算好出眾只屬於普通E肚的層面。。。我哋都覺得比想像中失望好在下午茶價格$130都尚可接受。。但係應該未必會再返嚟 了

晚餐時間去 疫情期間枱與枱中間都有圍板食物質素不過不失 材料十足手撕雞喇沙 湯底椰漿味不夠肉骨茶好味 足料店內姐姐介紹的西蘭花蝦粉絲雞煲味道太辣 凍拉茶好飲而且餐具都好有特式總括黎講 味試過既 可以試一次

今日來這裡食下午茶，因未試過，所以不敢叫太複雜的菜式。只叫了一個普通的茶餐。班蘭咖吔多士根本未烘透，完全唔脆。香茅骨美極麵完全是味精湯，香茅骨連半塊豬扒的份量都沒有，又乾又硬。炒蛋沒有半點鹹味。南洋咖啡只得燶味，連糖都是預加的（懷疑用3合1即溶咖啡）。由於聽到店員叫其它食客上 openrice 寫食評報導一下，勉為其難響應一下。喜歡無 heart 無厨藝無氣氛的南洋食品的人或者會接受。粗聲粗氣的阿姐為這裡增添無癮感覺。

已經再戰左好多次。好喜歡佢既喇沙湯底，椰奶味濃，微辣。湯底texture 係比較厚身，好味，但亦都好漏。面底係米粉加油面兩溝，好咬口。邪惡脆皮燒肉 🐷頂層豬皮燒得十分香口，件腩肉肥瘦分明。唯一要改善既係燒肉好油同好咸！肉骨茶有得揀星洲胡椒/馬拉藥材。我地揀左豬肋排肉骨茶（馬拉藥材味）好足料，豬肋排都有起碼6件，湯入面仲有個完整煲淋左既Garlic,好香！仲有豆卜同冬菇都好入味。不過唔好既係飲到個底多藥材喳同咸！

因為想食肉骨茶就發現左呢間油麻地新開嘅，呢度裝修都好有呢個馬來西亞風味，食物選擇都多佢仲有啲晚餐嘅選擇，但味道我就覺得唔夠地道，味道普通。豬肋骨肉骨茶 $38，呢個真心有啲失望。佢啲肉扒唔係真係一字骨嗰隻肉比較多，但係肉食起嚟又冇話好新鮮，或者入味。我哋揀咗胡椒湯，飲落好重胡椒味係會覺得有少少辣喉嚨嘅感覺，個人不太喜歡。斑斕咖央鮮油多士 $30多士係小麥麵包，但烘得唔夠脆身。油酥餅配咖哩汁薯仔 $26油酥餅份量都多，脆脆地，小小乾身但唔會套油膩，咖哩汁小小辣。

今天在油麻地附近結束工作，亦是在附近隨意覓食，看到娘惹二字，好，就選這裡。基本上今餐點的很隨意，沒有跟什麼什麼時段的餐來叫，菜式合起來比較像是一個比較豐富的早餐侍應姐姐貼心提醒我，會在下午茶時段開始後才正式打單，先在這感謝她今次點餐有（煉奶油酥餅）、（班蘭咖央多士）、（梅頭瘦肉肉骨茶）及（熱南洋咖啡），整體尚算不錯：（煉奶油酥餅）煉奶及餅分開上。煉奶不算太甜，酥餅味道不錯，不過略油膩（班蘭咖央多士）椰漿味突出但亦不太甜，多士鬆脆可口，建議不宜放置太久，否則失去脆口，變普通切片麵包（熱南洋咖啡）似拉茶加咖啡味道，不錯（梅頭瘦肉肉骨茶（胡椒湯底））從前一直不敢試，因為據聞是藥材茶不敢亂試。這間有另一選擇是胡椒湯味，我在想反正剛好來到，人一世物一世，不如就在此時品嘗一下！端上來時已聞到很重的豬騷味及胡椒味，懷疑可能肉有點不新鮮所以騷味很重，但吃起來很淋而又不算很重騷味。胡椒湯確實很重胡椒味，近乎小辣的程度，喝完後一段時間身體會感到微微發熱，特別是臉部發熱，不過亦很快退了。豆卜冬菇及分開上的油炸鬼件則沒多少特別。初嘗肉骨茶雖然還有半碗湯水不敢飲清光，不過給我的感覺是可以下次再試其他

中午，油麻地搵食，在open rice找到這間，入去試試。地方小小，但可能因為疫情關係，不擠迫。上菜快，一食個叻沙，同土瓜灣某間星洲菜一樣頂呱呱， 少少辣啱晒香港人口味，重椰汁味我最愛。賣相唔錯。跟有5大片燒肉，燒肉帶一點脂肪，入口溶化唔黐牙，唯一敗北之處係太鹹，少一半鹽，我會俾整碗叻沙100分。下次會試其他叻沙。杯咖啡就一般般，要加錢，都係喜歡某連鎖星洲店的白咖啡。加一後，有少少貴，可能近期豬肉價貴。佢有2款抵食午餐，$3X 及 $4X，糧尾再試啦。雖然加一，最後俾番張同加一費用同價值現金卷，6月底到期，應該用到

經過很多次都沒有機會來試，週末的晚上就決定來試這間想試很久的馬來西亞餐廳了。牆上的顏色鮮明，有熱帶的感覺就如馬來西亞。店員推薦我們食這個馬拉椒鹽蛋豆腐($18)，就點了一份。原來就是椒鹽炸玉子豆腐。$18有六件，熱辣辣的豆腐表面炸得香脆，有少少椒鹽，作為小食大家分享也不錯。本以為巴東牛肉飯($68)只有一點辣，結果是辣得噴火！份量是幾大的，自問食到一點辣，但這個牛肉和汁太辣了，食到嘴都麻，只知整碟飯都很辣怡保芽菜雞($68)，上菜時都驚訝了一下，這個價錢份量就如價錢的一半雞的肉質都算滑，不知是否因為部位的關係雞件都比較多骨少肉，味道正常沒特別。芽菜雞的雞應是主角，配角芽菜卻較出色。香港一般食到的芽菜都比較幼長，這裡放在底的芽菜是漲卜卜，較短身也很爽脆，不自覺食多幾條。星洲濕撈米遑($42)，就是有點醬汁撈的米粉。碗裡有大量芽菜、彈牙的魚蛋和排骨，放些青檸汁味道不錯幾清新，不食辣之選。食星馬菜當然要點碗(細)豬肋排星洲胡椒肉骨茶($34)。這裡有不同大細供應，一至兩人可叫這個細碗，多人可叫大碗的。雖然這店說自己是馬來西亞餐廳，餐牌上寫的和端出來的肉骨茶卻是新加坡式肉骨茶；是否馬來西亞式的

本人鍾情叻沙，呢間餐廳的叻沙很值得推薦。香濃的奶味，辣味也剛剛好，叻沙湯好好飲，係我食過的叻沙中數一數二。本來想叫海南雞叻沙，不過海南雞賣晒，所以我轉左雞翼叻沙。麵底係米粉溝油面，米粉吸收左叻沙的味道，啖啖都係叻沙味。雞翼都炸得幾香口，入味，我都幾鍾意。朋友叫左一個肉骨茶，顏色有d深，藥材味的感覺，甘甜甘甜，感覺幾補身。仲叫左珈央多士，唔夠脆，咖央醬的顏色偏綠，有點唔太自然。飲品偏甜，唔鍾意太甜的朋友可以叫少甜/走甜。不過叻沙真係幾好，下次我要試下海南雞叻沙

經常搭巴士路過都會被峇峇娘惹個招牌吸引，感覺非常正宗，一直都想試下。難得經過油麻地，當然要去試下啦！兩個人叫咗一碗蝦球叻沙，同埋一碗肉骨茶。叻沙湯底非常香濃，加上我喜歡將蛋黃篤爛加入湯底，零香氣更一步提升。湯入面除咗有米粉，仲有油麵，口感非常豐富。蝦球非常爽脆，但冇乜味。整體嚟講你玩叻沙都算幾好味，下次會嘗試其他配料。肉骨茶有兩種口味，胡椒同藥材，今次就試左藥材味，湯底非常鮮甜，最適合冬天飲來暖身。而今餐另一個驚喜係杯酸梅桔子茶，感覺只是酸梅湯加咸柑桔，味道出奇地夾，我就諗你個味道變成雪葩一定更好味！

琴日中午嚟到呢間少有既馬來西亞特色娘惹菜，最近推廣賀年糕點，唔知呢度同坊間嘅有咩唔同呢！？今次我叫咗一碗魚腐滲滲喇沙（$42），超鍾意呢度嘅湯底，椰香味好濃～粗麵同埋米粉，口感好豐富且非常掛汁～有四舊魚腐，每件都大大嚿，而且仲有口感彈牙嘅魚片頭添，非常足料！另外，值得一讚嘅係呢度選用嘅芽菜，係特別短小但係非常飽滿，食落零舍爽口！唯一要挑剔嘅係，青檸係跟面上，但係放喺湯上面，拎起青檸既時候好容易整污糟隻手，呢度又冇紙巾供應，服務係爭小小嘅～

油麻地睇戲前，見到間店個名咁馬來西亞🇲🇾，就入去食d野。🔻班蘭咖央多士$24一碟切好4塊，好方便食，麵包係用燕麥方包烘成多士，班蘭咖央夾心，咬落有班蘭味及椰香甜甜地，配合多士，甜脆溶合。🔻香茅雞翼滲滲叻沙$48入面有雞翼、豆卜、豆芽、雞蛋、青檸，麵就係油麵&米粉，湯底好香惹味，同有花生醬味。🔺🔻🔺🔻🔺🔻🔺🔻🔺🔻🔺🔻🔺🔻🔺🔻🔺 峇峇娘惹 (油麻地)📍油麻地彌敦道501號地舖

第一次 有喇沙早餐食 ， 仲要係好有 馬來西亞 嘅味道，係有米粉同埋油麵 剛剛好。開埋一杯南洋咖啡， 就係完美嘅一天。遇到近排天氣又濕又凍食番少少熱辣辣嘅 喇沙 早餐，簡直冇得頂

今次依間位於油麻地的星馬餐廳，我們點了一個珍寶喇沙，分量大過我塊面，我超鍾意，狂食麵 ！入面既三角形魚蛋都好好味，好彈牙！另外，還點了海南雞拼燒豬腩仔，豬腩仔比雞出色很多！由於寶寶很想試個咖央多士，所以就毫不猶豫地點左，貌相有點不太美，味道還可以啦，不過不失。其實我們還點了其他食物，但味道一般，沒有說特別好吃！例如。。。所以總結依間小店食得過😄4個人點了1個珍寶麵，2個飯，3個小食，3杯飲品，每人大概$100。真心抵食，我地飽到食唔晒啲野🤦🏻‍♀️下次唔好再眼闊肚窄🤷🏻‍♀️