川亭 (聯發街)

营业中

休息中

擔擔麵微辣唔係好辣 下次可以叫辣啲 外賣湯同面係分開的 不過啲面都係會結埋少少 要撈一撈 沙薑雞的份量好似俾以前少左啲 對比個招牌餐 其實最好食都係口水雞👍🏻👍🏻👍🏻

成日抽起條根想食辣野 而家真係易咗好多 因為開到成行成市 唔使怕揾唔到🌶灣仔嘅川亭係我非常推介嘅 因為好正宗嘅四川味 而且價錢超值 🥢舖面係有啲細 適合一人獨食或兩人同行🧍‍♀️👫成日怕人少食唔到酸菜魚 呢度可以叫一人份跟薯粉🍜朋友就點咗口水雞酸辣粉 辣度揀咗中小辣 呢個辣度譚仔食開中辣嘅朋友係輕鬆應付到🌶🌶🌶貪心嘅我見小食好便 又叫咗三款 結果飽到上腦🤯💰川亭口水雞重慶酸辣粉送豆漿 $60追加手拍青瓜 $10酸菜魚片薯粉送罐裝忌廉 $50追加酸辣雲耳 $10#青椒皮蛋 $28👉🏻川亭灣仔聯發街13號地舖.__________#灣仔 #灣仔美食 #酸辣米線 #麻辣米線 #米線關注組 #重慶酸辣粉 #酸菜魚 #拍青瓜 #美食 #好吃 #吃 #出去玩#wanchai #wanchaigoodfood #ricenoodles #hotandnumbing #spicyandsour #Eeeeeats #igers #yum foodporn #instafood #tflers #omnomnom #辣湯 #麻湯 #酸湯 #麻辣 #酸辣 #米線専門店 __________

今天收工後去了天地圖書看一看最近有沒有什麼有趣的新書📖打完一陣書釘後肚子開始餓了，發現附近就有一家四川麵店，在寒風凜冽的冬天吃一碗熱辣辣的湯麵是一大享受☺ 店子是長方形格局，位子不算很多，用具都是以木系為主，清潔方面也算用心，不太看到油光😚餐牌套餐十分吸引，主料是川味雞配川式粉麵，有口水雞、鹽水雞和沙薑雞，配上擔擔麵、酸辣粉、麻辣小麵和酸辣麵🤤 🍗沙薑雞 配 四川擔擔麵 | $58 | 8/10沙薑雞很惹味，雞肉夠嫩滑，不過有些許碎骨🍜擔擔麵的麵條細滑，有辣油、肉末、碎花和蒜蓉等，入口味道刺激，不過極少麻醬味感到失望。

擔擔麵普通 無乜麻醬味湯底少稠 所以會有啲濟嘅感覺重慶酸辣薯粉叫咗小辣 一啲辣味都無ps.譚仔我食開小辣又係普通一個酸辣麵口水雞口水雞反而有辣味雞都係嫩口沙薑雞沙薑味好正但係啲雞就入唔到沙薑味不過兩款雞相比傷心xxx係好食啲雞至少係有肉

經網上外賣平台 叫lunch，就順便點多左兩份小食，諗住收工拎番屋企當晚餐既菜，見出價一份$43，心諗應該都有番一定份量，點知黎到，得薄薄一層，特別係份豬耳，一打開心諗人地食剩嫁？定食車仔麵加$8/$10多一個餸啊？成件事呃秤呃得好離譜！😡😡😡上番Openrice 睇餐廳價錢，要$40一份，就算係哩個價錢都冇理由咁少，施捨咁款，打開見到果下，真係哇出黎，無良商店！🤬🤬🤬

試過3次堂食同2次openrice 外賣，今次終於忍唔住要留言。每次堂食係門口攞飛排隊，樓面個女staff都好似專登唔望我咁唔俾飛我，到我今次入去堂食，隔離個人食完走，樓面個女staff去執枱，將人哋食完嘅骨好大力撥過黎我條裙度，整污糟曬我條裙同對鞋，我望住佢，佢仲要怒bear我，一啲歉意都無，又無拎紙巾俾我抹乾淨，服務態度惡劣。樓面個女staff同我落單問我食咩，我叫佢走酸菜，佢話無酸菜，點知碗麵黎到勁多酸菜係面。個樓面女staff咩事？唔想撈？做樣樣野都想得罪個客同撩交嗌咁。至於外賣，佢外賣嘅雞係俾骨位，好少肉，同堂食有分別。經過今次，我唔會再去食，因為服務態度太差。

返工Lunch一個人唔知食咩好 就打開OpenRice睇下有冇咩外賣自取既抵野食 順便可以睇下有冇咩優惠code可以用 搵下搵下就比我發現左呢一間餐廳😝OpenRice特別優惠36蚊就有個沙薑雞飯 佢正價要成50蚊架😀 感覺好像好抵食外賣返到黎都幾大盒 飯量夠足 同埋沙薑汁都浸住啲雞比左好多汁 就咁撈汁食飯都唔錯 雞件都算滑 但奇怪唔知係咪浸煮得太耐 見雞唔見雞皮 全部都好似光脫脫咁 再加沙薑再加蔥好惹味 不過略嫌薑蓉汁真係太咸 一定要送飯食先食得落雖然平 但係太咸落得太多鹽感到唔太健康咁 但36蚊灣仔外賣價算係好抵😀

麻辣口水雞配麻辣重慶小麵 $60最近有少少無辣不歡 成間野啲餸都有得叫辣咁濟就岩哂 辣度有得揀 由微辣到大辣 我揀果個本身已經係麻辣所以我叫小辣算 不過其實都唔係好辣雖然見佢咁紅 但麻嘅後勁都幾西利 麻到食哂都仲有呢種感覺 好過癮 而口水雞嘅份量都Ok 鋪左兩層鋪頭都細 放飯時間去要等下位

我的灣仔日常外賣自取飯堂openrice可以叫定去到有得拎好方便 而且味道同溫度都保持得好好平時最鍾意叫酸菜魚配白飯（$43)d 魚大舊唔鞋 大約都有6-7舊魚配埋酸菜 菇 泡蘿蔔 食落好開胃~不過我自己就唔太鍾意食泡薑配白飯可以變湯飯 亦都好飽肚另外口水雞配酸辣粉套餐（$61)都好正口水雞真係好惹味 而且份量黎講唔姑寒酸辣粉煙煙unun 加埋d 配菜 有榨菜 芽菜 黃金豆等等口感好豐富不過唔食得辣嘅記得叫小小辣!!不過堂食位置好少所以外賣自取會比較方便

平時都已經食開川亭 覺得佢嘅辣調配得好啱我口味。由於餐廳內位置唔多，通常都會外賣自取翻office食，最近openrice推出嘅28蚊重慶酸辣粉真係好抵食。加多一餸同菜仲可以額外減10蚊平時外賣都好多人排隊 一定要提早落定order先

嘟嘟妹最中意食辣野～​呢間小店就係用勁親民嘅價錢食辣野‼️​如果你係無辣不歡嘅🐷🐷們就要繼續睇​***​✨推薦食物：$60口水雞酸辣粉套餐🐔​👉🏻推薦指數：🌟🌟🌟🌟🌟​👉🏻食評：呢間嘅麻辣野用嘅辣椒真係好香🌶重點係個口水雞真係勁多雞～份量勁大‼️酸辣粉方面🍜用嘅紅薯仔係勁易咬斷😚個湯底麻香酸都係適中～重有埋肉碎同埋脆豆🐷想坐低食麻辣野嘅🐷🐷們就可以一試‼️​​✨每個餐都包一個紙包野飲～個日嘟嘟妹加$2就換左支津路解油～​✨呢間都有酸菜魚🐟但嘟嘟妹就覺得真係唔需要試了～因為個人黎講唔辣嘅酸菜魚真係唔吸引～​✨如果你唔中意食酸辣粉～都重有麻辣小麵食‼️​​***​🎏店鋪：川亭 (聯發街) (灣仔)​🏚地址：灣仔聯發街13號地舖​

依間野 鐘意食辣野or四川野既朋友真係力推呀🌶🌶🌶依間四川小店 係lunch hour真係長期爆滿 又可能係佢d位太過小入面大約得10個位左右如果lunch想食 就要早小小黎啦講返野食依到d lunch set真心抵食同大件頭D佢set 係可以選擇一個餸 加一個麵我今次就選擇左口水雞加四川辣麵1 口水雞睇圖都知 佢d雞真係超級多 味道亦都好正唔係死辣2 米線米線方面 分量多唔在講辣味我就選擇左中辣自問都食得幾辣下佢既辣度又幾勁下鐘意既朋友可以挑戰一下總體黎講 個set大約60$到大大碟餸加大大碟麵 仲要連埋野飲抵！正！好味！

第一次係灣仔搵到間隱世川式小店最岩中意食酸辣粉嘅朋友入到黎當然食佢嘅招牌菜：重慶酸辣粉(微辣)+口水雞！一開始上菜見到成盤野都係紅檔檔，以為會好辣但原來事實並非如此，只係俾佢嘅外觀影響左！食落去只係好輕微嘅辣，佢啲雞的確好嫩，完全唔覺得「鞋恰恰」，加上啲薯粉真係超滑差啲忍唔住問個老闆係邊到訂貨因為本人都想訂啲返屋企煮而我嘅女朋友就叫左重慶酸辣粉(微辣)+沙薑雞！哇！一食落去仲有驚喜因為沙薑味極濃完全岩晒中意食沙薑嘅朋友！不過我覺得沙薑配白飯先一流！！（不過唔怕肥嘅朋友可以咁樣試，因係撈汁送飯的確幾肥）而本人覺得唔夠喉，仲加左小食$20要碟沙薑雞腳+手拍青瓜（每碟$10）！總括然而，好難得係灣仔搵到間隱世川式小店，平時灣仔食嘅野大部分都可能係西餐，價錢屬於中上，中意食酸辣粉同埋沙薑雞嘅朋友可以試吓呢間餐廳因為絕對可以encore，而且食完咁多辣野都唔覺得口渴

之前係灣仔做野 食過一次就已經番唔到轉頭🤤🤤🤤之後都食過好幾次 好值得為佢寫個食評由於我係個無辣不歡既人🙈🙈可能有啲人會覺得太辣 但對於我黎講好爽😂😂😂同行既朋友唔食得講就叫左個唔辣既酸菜魚米線 魚好滑 冇骨 但偏清淡 我都係鍾意有點辣多啲 哈哈🤪🤪🤪我就食左個酸辣粉 QQ彈彈既紅薯粉 正啊🤤🤤🤤🤤仲有加10蚊就有一個小菜🤩🤩我地就叫左青瓜配蒜蓉👍🏻👍🏻不錯不錯!!!期待下次再過海時食多次😋😋😋

👍🏻口水雞 配 重慶酸辣粉 (包嘢飲) $60口水雞醬汁好濃郁，超多辣椒渣但唔算好辣麻辣味好突出好香濃，調味亦唔會過咸肉質好嫩滑，好厚肉！雞皮唔會太肥😛雞既份量超多，完全唔似係配菜，直頭係一碟例牌既份量🤣🤣勁惹味，果然係招牌菜🤪👍🏻酸辣粉嗌左中辣，唔算超級油👍🏻同口水雞一樣，麻辣味好香，唔係死辣個種😛薯粉煙韌彈牙，又掛湯👹平時酸辣粉通常細細碗，呢個係米線碗size，超大碗😳😳鋪頭好細，得12個位，坐得逼啲Lunch堂食排左成半個鐘先入得🙈好在出菜夠快👍🏻好食又大份，性價比高😌味道：9/10 性價比：9/10-📍#川亭灣仔聯發街13號地舖#hkfoodie #foodiehk #hkfood #foodhk #hkeat #hkrestaurant #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #灣仔 #灣仔美食 #灣仔好去處 #灣仔美食地圖 #天后 #天后美食 #天后好去處