川味港威記川菜 (已結業)

睇雜誌介紹話好食, 正宗四川菜...一直等機會試下"川味港" , 點知... 好失望, 點左三個菜1. 水煮黃鱔 - 唔夠辣, 唔夠麻, 唔香, 味道同普通辣椒油差唔多, 鱔一般, 賣相普通,,2. 口水雞 - 雞"霉霉地", 好 "林", 肉好散, 唔辣, 唔麻, 無口感, 無層次, 但有蒜茸味, 無奧海金x庭咁正, 3. 陳麻婆豆腐 - 這個都ok, 豆腐好滑, 比一般的辣, 有牛肉我都唔係好食得辣, 響譚仔食只係食 "3小辣", 但川味港無料到, !!好失望, 一d 四川風味都無, 響大陸求其一間四川都好食過佢.... 我諗唔會再有下次

尋晚終於走去川味港試一試佢啲川菜，不過我都係選擇外賣...我一去到...可能早嘅關係，只有一枱客，我仲要傻等咗成個字先搵到嗰度嘅服務員...咁我叫咗四樣嘢...全部要大辣...1. 口水雞粉皮 - 一望落去，就覺得啲雞應該會幾嚡吓，果然真係...而且唔係太辣同麻，仲有啲雪味，好似白烚雞加辣椒同辣油.....份量仲要係好少，粉皮就好多，佔成三份一.......(總之口水雞都係川味居一流)2. 蒜泥白肉 - 個賣相好正，啲白肉一卷一卷好靚...頭幾件食落去都ok，不過都唔係太辣同麻，之後再食真啲....肉好似有怪味...唔知點形容...份量少(蒜泥白肉都係聯記川王最正)3. 水煮黃鱔 - 頭一兩件味都ok，不過真係唔辣同冇鱔味，再食...好咸... 鱔份量少但係好多芋絲(水煮類都係譚魚頭好食)4. 毛三旺 - (本來想叫醬爆花腰，不過冇) 牛柏業好硬，反而牛肚口感唔錯仲入晒味，豬紅ok啦...都係果句唔係太辣而且又係越食越咸，同好多芋絲..........我諗我未必會再去....因為質素麻麻....而且價錢唔係好抵....

上個禮拜,先同朋友試完泡椒豬腸同埋酸菜黃骨魚湯,已經回味無窮...今個禮拜再黎多次,今次叫左冬筍炒腩仔同鹽水鴨(新產品?),担担麵同冷麵梗係唔少得啦......冬筍炒腩仔---味少辣帶麻,冬筍爽而無渣.....正鹽水鴨---白雪雪,質感似臘鴨,不過淋過臘鴨,有鹹味而無過火........用黎過冷河最好.....下個禮拜再黎過先.......

因為住係呢頭,之前上網無聊,睇下屋企附近,有乜食啦,就見到呢間,見到大家的反應都唔錯就去食喇,老闆問我地有冇黎過,我就話冇,老闆問我係變邊度知呢間野,我就講左係"openrice".總體d野食都唔錯咖,不過對我地黎講就係細碟左d.嘻嘻,因為我地都好大食,我地點左"麻辣牛雜,擔擔麵,蒜泥白肉,干扁四季豆"我老公唔係好食得辣野咖,但都話一d都唔辣囉,不過大家推介既麻辣牛雜就真係好好味啊,辣中帶有一點麻,係最正的一點.因為我地成12點半先去,得返我地一臺客,真係有點兒唔好意思咖,不過老闆好好人啊.之後飽飽返屋企,去到屋企樓下先知我既銀包同屋企鎖匙都漏左係度,之後打電話俾老闆,老闆都等埋我地過去拎先走,真係好人啊,俾其他人已經xxxx啦~

如果是吃川菜,在大角咀鐵樹街,富多來地下的川味港,是否是全港最正宗最抵吃?我不是川菜迷,答不到你.這一夜,同朋友在City Hall看罷電影之後,兜兜轉轉來到這處,其實,路途都不算迂迴,由維多利亞城之中心去大角咀,兩個站就到.小店做到連對面舖也租下,無須再坐街邊,我倆就坐在新舖內.有冷氣有彩電陪伴著.計埋今次已四度光顧,盡可能吃一些事前未吃過的菜式.蒜泥不要白肉,要個柏葉,很爽口.水煮不是魚,而是牛什,牛肚牛膀等等在血肉池林洗禮之後,麻辣味十足.中辣是小弟之接受程度,雖然麻辣味極為快感,但牛什本身亦不失原味.鐘水餃的辣汁,更是醒胃.其小餃包到貼,皮薄餡靚.唯一一味之前吃過的,應是這個魚子煎蛋,其魚子是鯉魚子,甘香非常.兩個人再來窩酸甜且鮮的酸菜麵,飽了.記得兩年前為班夜鬼團友在此安排過一局,事後十個有八個吃到火燒"後欄".兩年過後,其中一人舊事重提幾時再黎多劑?)

蔡san 真係無介紹錯, 主要食佢介紹過既水煮魚和魚子炒蛋. 佢地既水煮黃花魚非常滑, 又不太辣, 香港人絕對食到. 魚子炒蛋就啖啖魚子, 好香. 牛雜就無什麼特別. 另外見到好多人叫醉雞, 賣相十分討好, 下次要試. 不過地點真係有點偏僻, 在旺角要行10 分鐘先到.

這晚,因幾小時暴風橫雨灑過不停,9時許還未用膳,(T_T)為免濕透衣服, 兩人便決定駕車尋吃....沒有主見的我, 忽然想起大角咀的富多來中心有間小店吃川菜.... 知道此店起因, 一年幾前到訪大角咀舊區尋幽探吃, 胡裡胡塗地闖進, 發現該小店地方狹窄, 位子座滿以及環境一般, 估計甚有來頭, 那時在外站立候等了片刻, 看見店員穿梭往來忙過不了, 相信附近隔離店鋪也是該店擁有的, 終於有機會截停店員,以下是沒有招呼禮遇的對話:我: "阿姐...唔該兩位...."姐: "無位!"我: "無? 如果要等, 大概等幾耐?"姐: (無回應之餘, 2秒都唔洗消失係我面前)我" ..........(當時心諗,好吧閉! 即閃人)基於上述原因更加想嘗試你的小店賣的是什麼胡蘆....當三號風球遇上黑色暴雨外出尋吃應該沒有等位難度, 走到富多來才知道店名為"川味港"....小店沒食客, 店員便招呼往對面店鋪光顧, 燈箱也是同樣寫上"川味港", 但招牌卻是"威記"? 原來擴充了大點兒的店舖, 進了只得一枱三位食客進膳中, 風雨果然影響食肆生意.不久看過了菜單, 除了小菜還有麻辣火鍋, 下次可以大夥兒試吃

本身好鐘意食辣嘢，一直都想試，早前終於相約一好辣朋友及其友人一去食。三個人都食咗幾多嘢，蒜蓉炒清菜、口水雞配粉皮、蒜泥白肉、紅燒茄子、炒乾扁豆、擔擔麵，口水雞配粉皮&蒜泥白肉唔錯，擔擔麵就好唔得，唔辣細碗又唔好味...最後因為滿足唔到辣0既味覺，再叫多個水煮牛肉，仲以為會係肥牛，完來係新鮮牛肉，唔un，六十幾蚊都幾大鍋，最辣係d粉絲，正~滿足晒...今餐真係好飽，有機會要再試下其他水煮...

親戚帶我去呢間食辣野~~我就黎試下啦~~我地叫左水煮牛肉超辣~~炒蟹啦~鍋巴啦~糖醋魚~~水煮牛肉真係好味~~不過唔係牛肉係豆卜呀簡直係食完爆口0甘呀~~重有粉絲好入味~~值得推介係條魚~~個汁調味非常好服務一流親自推介好食既食物~~地方唔錯呀

在雜誌讀到食評，推介的菜式頗為吸引，上次卻沒有試，於是趁著某天想吃辣，便再去光顧。椒鹽小金花即是椒鹽秀珍菇，我對炸物素來興趣不大，但這客秀珍菇不但本身肥大肉厚，而且被炸得火喉剛好，呈均勻的金黃色，咬下去先酥脆後軟熟，味道鹹鹹香香的，是少數可以令我吃過不停的炸物。野菌重慶辣雞煲內的野菌，沒搞錯的話應是茶樹菇，吃下去挺硬的，好像泡得不夠軟。除茶樹菇之外，還有大量洋蔥，雞件的肉質也頗嫩滑。跟重慶雞公煲比較，這店做的味道層次雖沒那麼豐富，那雞的質素卻較優勝。點辣雞煲的時候吩咐加辣，我也吃得到，最後再點一個粉條加進煲內，不消一會兒已把汁液吸盡。此時吃那粉條，咀唇和胃部均有少許灼熱之感，值得推薦予嗜辣者一試。

大伙兒為吃辣而去，街坊小店一家，環境一般。先來小吃, 麻辣牛舌切得很薄, 質地很腍, 跟平時常吃的不同, 伴以又香又辣的汁, 非常醒胃. 蒜泥白肉就夠薄夠凍, 蒜泥夠多, 好吃. 香辣雞軟骨沾上花椒, 極度惹味, 可惜腌得太鹹. 相對而言, 怪味雞粉皮的汁就「含蓄」得多, 雞也略嫌切得太大件. 主菜上場, 先有水煮牛肉, 一如以往, 這味的配菜永遠比主角吸引, 大家尤其對墊底的粉條讚不絕口. 毛血旺就沒水煮牛肉那麼香, 但更鹹. 辣椒炒蟹味道也不錯, 但我覺得蟹泡油過度了. 還有一味干煸四季豆, 我沒有吃, 無意見.麵點方面, 大家覺得鍾水餃的皮太厚, 我就接受得到, 不過也無甚特別. 擔擔麵味道不俗, 我們分別叫了小、中及大辣, 不過分別似乎不大. 由於大家喜歡吃麻辣牛舌的醬汁, 和水煮牛肉裡的粉條, 於是要求兩者合併, 得出一道自創菜式----麻辣粉條. 後來老闆走來閒聊, 大家嚷著不夠辣, 於是追加一個麻辣粉條「加強版」, 其實不過是多下些辣椒花椒辣油, 但絕對比原來那個更惹味.這裡的辣菜做得不錯，價錢亦算便宜，值得一試。

已經第三次到此川菜小店,今次同一班圍內朋友在此開年.很多菜式已吃過,今次也是差不多吃回上次吃過的.水煮魚,毛血旺,腰花,蒜泥白肉等等.一班人仍然吃得過癮.水煮魚依舊令大家在血肉池林之內尋開心.火爆腰花今次有點失手,爽脆依舊,但有少少異味.樟茶鴨質感鬆化,旨在用來過一過冷河,之後回氣再上,川椒田雞,辣子蟹,再一人一碗擔擔麵,個個滿頭大汗,很爽的說.我:"仲爽過去做某些事情."友人問:"咩野事情呀?"我:"唔使畫公仔畫到出腸丫嘛?"當堂大笑.高溫派對- Beyond豪情能輸出火般高溫就讓此刻充塞那一觸即發的快感!

雖然只得三女一男,我地都點咗唔少嘢食,有炒羊肉,辣牛柏葉,樟茶鴨,炸蠔,辣炒蟹,水煮魚,炒田雞,當然重有藍妹同我地一齊食啦!!!! 整體都係叫辣過四姐,而且炒得好香,但對我嚟講都係未夠辣. 唯有係最後嘅田雞,辣醬汁好惹味,最得!! 但驚喜係樟茶鴨,薰香,鬆脆. 蟹肉鮮甜,而且只叫中辣,鮮味冇被辣味蓋過. 水煮魚唔知佢用咩魚,但太硬身,又唔夠滑,又吸唔到辣味,有啲失望. 炒羊肉夠羶味,可惜幾樣小炒都係用大豆芽同唐芹炒,味道相同. 但無論如何,都算係可以再去嘅四川菜小館. 地方淺窄,不過都算清潔. 再加上同食友大談飲食,生活趣事都係一樂趣!!!

2006年3月29日臨時臨急參與好耐無見既食友之食聚,完全無詢問食什麼菜就來了,看見是吃辣時,已經心感不妙,不過既來知則安之,就坐下等吃了.牛栢葉:很爽滑,小辣,是我還可以忍受的程度.口水雞:嘩!辣度完全是爆燈呀,食物落肚時,感覺到有一團火衝上來似的,亦感覺到自己已經是面紅耳赤,咀仔亦慘變xx潤腸.麻辣雞:在口中沒什麼,不過吞下時可不得了了,一股辣度在喉嚨間爆發出來,久久也不肯離開,我好像一下子吃了十隻辣椒似的,在碟底的粉皮更加辣,但實在太滑了,我忍不住吃了一次又一次,這刻唯有狂灌啤酒來緩和火一般的燙.擔擔麵:本來貪得意,想吃最小的辣,不過怕自己吃不來,所以還是要了完全不辣的,可能是店本身做辣的有一手,要來不辣的我,只能呻笨了.吃的辣的朋友,我想是很愛這裡,我嘛,雖然吃不得辣,不過平心而論,這裡的味道真的幾好啊!

光顧了7-8次，水準越來越差。由90分降至70分辣蟹：必叫，但必要大辣先得而且要同佢講清楚一定要大辣大辣大辣大辣！佢成日唔記得，我食左7-8次辣蟹，有3次都炒錯！蒜泥白肉: Very good麻辣瀨尿蝦: 太細隻了，大隻就好食豉椒炒蜆：ok水煮魚/牛：不辣，魚很少但滑，牛好D香芹羊肉：唔好食毛血旺：越來越差，無黑派葉。豬紅同菇就ok乾萹四季豆: good!小金花: 必食! good!虎皮尖椒：不辣擔擔麵: 必食! good! 叫大辣真係好辣口水雞/怪味雞：一時時好食，問下威哥今日係咪新鮮雞先叫川椒雞軟骨: Good