川味港威記川菜 (已結業)

自從係大陸幫襯過四川餐館後，從此便愛上麻辣食物，可惜香港四川菜專門店不多，其實正唔正宗不是大問題，最重要是好味道。之前都試過北角「小辣椒」、銅鑼灣及老尖「滿江紅」，但本人較喜歡前者。而今次幫襯家庭式作業的「川味港」，亦非首次，今回點了夫妻肺片，尖椒黃鱔，炒時菜，辣子雞，當中以夫妻肺片最有水準，味道同手工相稱，老友就最喜歡，其他小菜就不過不失，僅合格而已，加埋兩支大啤，埋單200，抵食。其實「川味港」無論在菜式、廚藝、包裝甚至地點，都可以有好大空間進步，而老闆亦默默耕耘，衷心希望「川味港」唔好在未進步前被市場淘汰，加油呀!!下一站應該是灣仔「四姐川菜」。

一向都食開辣,見食評好像不錯, 便和男友一同去試.....口水雞-和相片相差太遠,雞沒有味,辣椒碎都變了色,好像雪了幾日的菜一樣,對呢味真的非常失望...涼伴窩筍絲-我想是切得唔夠深,有渣......小肥羊的好味好多.....雖然食法唔同...但新鮮好多......翠綠色的..水煮魚-唯一失敗的就是魚太多骨,骨在肉裡面.....要好小心食......魚亦不夠滑,記得在廣州食過一次,d魚好滑亦都好辣.香辣蟹-全晚最好食係呢樣....98蚊唔貴....真係做到香辣......老實說,環境一般,冷氣唔夠係要改善,男友食到汗係咁滴, 其次係呢間四川菜既菜唔算辣亦唔算得上係好食...相比起我响深圳食既水準同質數加上價錢,我想亦唔會有下一次lu....

(5/5)"MI(III)"及"M.P"中的Jonathan Rhys Meyers過後，不自覺與"A.I."及"closer"的Jude Law相比，樣貌有幾份似，亦正亦邪，魅力非凡，難分高下。看戲過後，還是要吃點東西，故去了附近的小店，叫了食物如下：１．蒜泥白肉２．醬瀑腰花３．麻辣瀨尿蝦４．豉椒炒蜆５．水煮魚６．樟茶鴨７．香芹羊肉蒜泥白肉，全晚第一道真的值得叫，肉質鮮嫩，配以上層的辣及蒜蓉，一碟，似乎太少。腰花，第一次上桌覺得不太熟，可能真的表面熟，內裡未夠熟，紅色一點點，翻煮再上桌，完全大打折扣。瀨尿蝦，真的值得三五知己的食物，完整離殼，不是太細隻。豉椒炒蜆反而是全晚最認為辣的一碟，味道真的醒胃，夠香夠辣，蜆肉融匯一起，再三吃也不嫌多，蜆肉是大隻的。水煮魚，魚肉嫩滑，但表面那層油太厚，越吃越出味。樟茶鴨及香芹羊肉完全比下去，鴨不是鮮嫩，味道過咸，有些還（鞋）口。香芹羊肉，羊肉，不是上等貨，兩碟還有剩，滯銷，不值得下次再叫。伴以非一般啤酒，再來半打也要喝，「酒逢知己」又再出現。

上次同眾食友在川味港刺激過後,日前再下一城,友人搞飯局,要我定地點,我大角咀川味港啦,又平,又刺激,你食得辣真係要試下.)名正言順九男女,得三,四個吃得辣,其他純屬趁墟,為左要照顧一些受唔起辣的朋友,點一些非麻辣菜式來中和一下氣氛.首先來個雞蛋煎魚子,煎得甘香,魚子唔腥很爽脆.又係少辣的炒鱔,大豆芽,荵,川椒,鱔炒埋一碟.少少辣能刺激個胃口.其後開始入正題,蒜泥爽肚,口感有別吃慣的白肉,眾人吃過也叫好.毛血旺一大窩,有豬肚豬紅同秀珍菇等,單睇外表實在恐怖.唔吃得辣見到個頭都痕.越吃越刺激,不是一味地辣,而係慢慢來料....非常過癮.大家亂步地獄之後,其他四季豆,怪味雞粉皮上次已吃過,不再詳述.水煮魚,用上桂魚,肉質嫩滑無泥味,面頭一大堆魚春,非常吸引.連同索晒日月精華的草菇,一下子吃清光.川椒雞軟骨,本身無甚味道,當比川椒洗禮之後,已成一道很有勁道的下酒佳菜.火爆腰花亦出色,豬腰爽脆無"怪"味,擔擔麵除左我之外,一人一個有大中小辣,席上有人連小辣也受不了.之前吃過少少東西打底,結果有點吃過籠.最後的川椒田雞,肉質很嫩.味道夠刺激.席上大部份人,事後滿頭大汗,鼻水長流,似足癮君子hign

早幾日約了一班幾食得辣的朋友晚飯，不二之選，當然係這裏啦！但最近天氣開始轉熱又時常下雨，未到前都幾擔心。好在老闆，原來一早已在附近站租了一個小小的鋪位，免強可以坐十個人，可惜冷氣機唔多夠凍，如不是就更加好了。當晚我們叫了幾個小菜，而比較特別出色的，可算是蒜泥白肉、麻辣瀨尿蝦和水煮魚。蒜泥白肉- 舖滿蒜蓉，薄切成一片片上碟，唔算好辣，口感爽口，真係食完都想再追加多一碟。麻辣瀨尿蝦- 之前已和老闆談過，想要大隻的瀨尿蝦，但可能老闆忘記了，只可以食到細隻的，有點失望；好在蝦肉新鮮嫩滑又有膏，加上麻辣的辣椒子，口感非常刺激，食完全身好熱又留汗。水煮魚- 用上桂花魚，魚質新鮮嫩滑又爽口，麻麻辣辣，真係不可錯過。好在我們自已帶了啤酒去，真係解辣又解熱，正！

去搵威記已經成為我每星期的"例行公事"咁，絕對係好似中左毒咁。之不過，喜愛食川菜的我地，住又唔算遠，老細又好傾，食物有水準，價錢又唔貴，又的確諗唔到點解唔番黎喎。口味既野好個人既，我喜歡並不等於你喜歡，例如有人喜歡較咸既口味咁，我感覺上會覺得咁樣似湖南菜多過川菜。唔緊要，各自會有其知音者。我還是喜歡食威哥既手勢。今期剛剛病好，兩個人『只係』要左個香辣蝦，小金花，虎皮尖椒，乾萹四季豆，最後加多個涼拌土豆絲，及隊左五支啤酒，好似有點離譜。-香辣蝦保持水準，蝦係用海中蝦，炒左濃味既辣椒後並未完全蓋過蝦既鮮味，口味不俗。-小金花外脆內軟，不嬲都係上乘之作。-虎皮尖椒今期細碟左，不過我得兩個人食無所謂啦。食依味餸好似玩俄羅斯輪盤咁睇下邊個食正辣果隻，好玩。-四季豆就較大路。不過意外既係威記既土豆絲，好爽口，加埋麻油同辣油，辣辣地，感覺好得意亦唔錯。我問威記點解唔早點介紹我地，原來威記話不嬲都做依味菜，不過因為切功需時，所以平時唔主動叫人食。如果其他人想試就請自行問威記了。

由荃灣開始就喜歡到威記食飯, 因每次我帶朋友去食, 無一不讚... 上星期五, 早了收工, 就去找他吃一餐吧, 營業時間為6點起, 到了那邊6點多, 好像還未預備好, 不過已到了, 當然去問一下可否入內。入到去, 先睇下有冇我既至愛–宮廷桂魚及家鄉燒白, 前者就一如以往, 非常好味, 而後者已沒有此菜了, 與老闆反映, 老闆話會遲d再整番, 好, 有的話, 我會專程再去食此菜。老闆推介蟹及蜆, 蟹就食到孖潤腸, 蜆就冇沙又大隻, 再叫了鹽炸小金花, 姑外層是脆的, 不錯啊!! 還有火爆腰花, 腰是不錯, 但係炒埋一邊, 我個便有大量腰, 男朋友那便就冇我咁多了, 佢仲問點解好似唔太多, 我就梗係係度陰笑啦, 我食大部份喎, haha!!冇睇錯, 兩個人叫左5碟菜, 食完我地都覺得瘋狂, 不過d都唔係飽肚野, 都可以掃清, 是日2人食了269.00, 已包1大啤及1罐汽水了!!(p.s. 佢地舖頭冇健怡飲品, 不過老闆話可以係隔離舖買來飲, 所以我自己再出去買多1罐飲了, 冇另外收費)

上星期睇到某報紙一篇飲食稿,講到好好食咁,於是尋晚約埋2個friends 去試. 之前我仲已經上左openrice.com睇人地d食評,因為有朋友話個d食評都講得幾中肯,我見有4個食評,個個都講得幾好,於是放心去試. 尋晚我地叫左4樣野,包括: 剁椒魚頭,口水雞,擔擔麵同干扁涼瓜. 4樣都係好尋常o既川菜喇. 剁椒魚頭(老細推介) - 用左新鮮辣椒,但成個魚頭只得辣味,d魚雲連一d鹹味都無!!!!口水雞(朋友至愛) - 又係只得辣味, d雞無味- 既無雞味又無鹹味,而且一d都唔麻.擔擔麵(中辣--其他食評介紹o既!) - d麵用左類似壽桃牌個種好幼o既麵,而且d麵有種"行"味,好明顯就係d麵太舊,而且煮得太"林",有d糊口. 調味就既無麻味(無花椒或唔夠),亦無花生醬或麻醬味,好在仲鹹鹹地,最多只係有d辣味.干扁涼瓜- 呢樣最似樣勒,唔係話佢似川菜,只係話佢d味道正常. 本來仲叫左個毛血旺,但伙記唔記得落單,大家都鬆一口氣,唔係就死火. 我地3條友勉勉強強食完呢餐唔知點形容好o既所謂川菜,即刻落tst食潮州野,先食得飽咋. 雖然餐川菜唔貴,每人食左$52蚊,已連一枝啤酒,但唔好食嘛

在歡送車品品之前,Foodking兄同專兄提議去威記食川菜,小弟一向唔多點受得辣,但見柴娃娃般即慶,死就死吧.地點大角咀富多來中心,郵局斜對面"川味港",一聽個名就知係四川菜.環境同大排檔差不多,我地無記錯七個麻甩,加埋素未謀面久休復出的蜜桃,統統坐晒出街.川菜辣度就係人都知,一向避之側吉.今次抱住趁墟心態,試下自己的底線去到邊.打頭陣的蒜泥白肉,不錯,一點不辣,蒜茸很香口,豬肉很爽口.干扁四季豆,很爽脆,又係唔辣.接下來的口水雞,雞肉一般,個汁香而不辣.血肉池林的水煮羊肉.羊肉不錯,其實,都唔係好辣,有少少麻.如果你無食到舊花椒的話.麻辣味,很有後勁.一步步攻佔在下的味蕾.很過癮.川椒田雞很香口,不過田雞已被斬件,在辣椒堆中找尋有如尋寶.之前水煮羊已將我的舌頭洗禮,感覺上都係唔算辣.飲杯金威清下喉嚨,麻辣味搭上冰凍啤酒,竟然似飲Ginger Ale!下味菜川味豬肚,好爽口惹味,結果呢味要encore.作為今次麻辣之debut,來個小辣擔擔麵,唔會死錯人.小辣係唔辣,下次都係叫個中辣試下.個人感覺,好過黃埔的詠藜園.再來個水煮菜式,今次係魚.條魚泥味都幾重,並唔係我杯茶.怪味口水雞粉皮

雖然遲食，但都算是開年，加上在香車街時已經想來這裡吃，結果拖到搬了舖都未成事。趁狗年伊始，就順手約幾個圍內朋友來個「川菜開年」局。 呢度唔易搵，在鐵樹街中間，加上電話是老闆的手提電話，老實講，未坐低都唔知掂唔掂。來到發現，舖位不大，一班朋友就坐在舖外路邊的三張大摺檯，環境真的是麻麻地。可幸大家也是嗜吃的人，食物好，也不在乎環境的。 小店有小店的吃法，當然不是找菜牌，而是問一問老闆有何推介，商議一論，叫了一大堆菜，分別是蒜泥白肉、巴蜀鯉魚、毛血旺、樟茶鴨、麻辣瀨尿蝦、辣子蟹、香芹羊肉、火爆腰花，單尾是少不得的擔擔麵及炒飯。 大家喝著朋友B的白酒及R的清酒，最先吃的是蒜泥白肉。豬後腿肉稍冷凍，再用刨薄切成一片片上碟，上面舖滿蒜蓉。薄切肉口感不俗，雖然廋的部份，但肥肉就幾爽口，加上香口夠味的走油蒜蓉，是不錯的冷菜；新正頭，又說是開年，吃鯉魚就最合應時。大大條鯉魚，先走油再下窩子燒過，再用氣體爐滾住上檯，「風味」指數高企。吃鯉魚只吃其鱗及魚春，因魚肉多帶泥味。是日也不用爭，吃來吃去都還有。走過油的魚鱗，爽口又夠味，魚春加上濃汁，亦甘香。吃一口魚春，呷一口啤酒，滋味非常；毛血旺是一窩子紅油，浸著

The food is good and not expensive as well!!! The only problem is the place is so small.

我最鍾意食剁椒烏頭.魚子炒蛋,野山椒田雞,宮廷桂魚.間中威哥有的特別推介. 諗起都流口水....

一向都唔多食得辣的我，見早前fatman說這店好好味，辣椒女當然立刻就想來試啦！所以便約了幾個朋友來一試。我們叫了很多食物，食到店主都要想想還有什麼可以煮給我們食，看來食物選擇都唔太多。我們叫的食物包括有蒜泥白肉、毛血旺、麻辣瀨尿蝦、香辣蟹、巴蜀鯉魚、香芹羊肉、水煮魚、火爆腰花、樟茶鴨、擔擔麵、牛肉炒飯和羊肉炒飯。蒜泥白肉- 切得好薄，帶有微微的辣味，但又唔會搶了白肉味，的確是水準之作。毛血旺- 牛柏葉加上豬紅，豬紅還有點點咬口，可惜辣味已令自已完全再食唔出其它味道了。樟茶鴨- 自已最喜歡的一味，因為唔辣；而且外皮炸得好脆，好嫩唔韌又好入味，真係送酒的美食。麻辣瀨尿蝦- 瀨尿蝦大大隻又多，新鮮又好味，價錢還平到笑，真係不可不試。香辣蟹- 蟹一向唔多喜歡，因食得比較麻煩，所以也只有食了一點點。巴蜀鯉魚- 鯉魚好新鮮，又好入味；怕太辣的我，也食了唔少，真少見。香芹羊肉- 唔韌又唔羶，味道都煮得唔錯，喜歡食唔羶羊肉的人就一定會喜歡。水煮魚- 沒有想象中辣，可能因食得太多辣，所以有點麻痹了的原因吧！魚還是鯉魚，新鮮煮起，當然新鮮嫩滑，又是一味不可多得的好菜。火爆腰花- 自已唔多喜歡的一味，帶有

多得Openrice既指示，發現以前在荃灣香車街街市炒川菜出名既威記，經過多月豹隱，在月前已經搬到大角咀重出江湖。今晚特登到新地址檢查是否真的以前的威記，當到達的時候遠遠見到威記的"嘜頭"，便知道沒有搵錯地方。新威記已經搬到地舖，地方較以前細，而且多數要坐到出街邊，但大部分愛好川菜之流如我，又點會因此而影響到哩。手勢依舊，今天試了威記介紹的剁椒烏頭魚，非常唔錯，魚肉鮮甜又無泥味。香辣蝦有我久違了的"燶燶"地炒辣椒，香味四溢，辣味亦十足。還有我喜愛的鹽炸小金花，我覺得比在深圳食的更好味。今晚加餸加了蒜泥白肉加粉皮,亦有不錯水準。和威記摸杯底閒聊了數句，知道他離開荃灣後都努力找新舖，到今日搬遷到此，亦因為之前通知不切多位熟客，令到現時新舖亦不為人知。但威記已經準備農曆年後多作宣傳，希望以往喜歡他的人客知道佢新舖及可以吸引多d新客。