川聚緣

营业中

休息中

環境一般，衛生一般，味道都麻麻哋，侍應勁無禮貌，態度勁差，個肥腸干鍋食到一半就已經無火，同個侍應講，個侍應竟然話“都無餸了仲加火”講完反個白眼就走咗，我想講，我唔會再幫親咯…

好耐未去過油麻地食飯啦，其實油麻地呢都係一個幾多美食嘅地方嚟㗎， 尖沙咀旺角等地方，當然就會比較多商場，比較多連鎖店，至於油麻地就會比較多 感覺民生一點嘅小舖 ，好多都唔係連鎖店，所以食店各有特色，有時得閒都值得嚟行下搵下食。今次上嚟咗間四川菜，試下比較話同其他食開嘅有咩分別先，首先帶咗一個烤魚，呢個烤魚係蒜香烤鯇魚，平時食開嘅四川菜好少會用鯇魚，嚟到做烤魚都試下味道點樣，出嚟嘅效果係大條啲，同埋肉質係幾爽呀滑，還可以嘅，不過骨就多咗少少，另外叫咗個泡椒田雞，煮法同其他食開嘅都有啲唔同，加咗啲雲耳係中間，味道都有一定水準，另外當然亦都要叫個清炒萵笋，川菜必食，整體來說這間川菜多了一點港庣風味，各有所好。

做野做夜左，商場D餐廳又收哂，朋友提議不如出油麻地搵野食啦～經過呢條街見到好多食店仲未收，聞到呢間川菜烤魚好似幾香喎😀價錢唔貴，入去試吓先😋清炒萵笋絲 $68 ⭐️⭐️⭐️⭐️每次食川菜都會點萵笋絲，顏色十分翠綠，見到都特別開胃，呢度比我平時食既粗身一點，不過都炒得幾夠鑊氣泡椒田雞 $128 ⭐️⭐️⭐️⭐️田雞都係我最鍾意食既川菜之一，泡椒煮有個好處就係唔會將D田雞炸過，可以食到田雞既原汁原味，食落肉質比較滑蒜香烤鯇魚 BB 辣 （半邊) $168 ⭐️⭐️⭐️兩個人食一條烤魚怕太飽，食半邊就啱啱好，蒜香真係幾香既，鯇魚會比較多骨但肉質都爽滑其實呢度仲有燒烤食，可惜因為太夜，好多海鮮，例如扇貝、聖子都賣晒，下次早D來再試啦😊

抵食酸菜魚午餐😍 $60金湯湯底做得好好🤤🤤，雖然都偏油，但酸 辣 鹹 三大元素齊曬👍🏻👍🏻叫咗BB辣都算係偏辣🌶，我要不斷飲水，但好好味，忍唔住飲咗幾啖湯🤪用咗生魚🐟，魚ge份量都算多，夠我食晒啲飯，不過有骨，size M骨，食唔慣魚骨嘅朋友都要留意吓，但未至於係細碎骨🦴、所以都可以放心食配菜方面🥬，有大豆芽同鹹酸菜，好適合送飯食🍚，但由於太多嘅關係，我最後都食唔晒，同埋由於佢係配客飯🍚，所以冇任何嘅薯粉寬粉…呢個位有少少可惜🥲，因為個人認為酸菜魚嘅精髓係呢啲澱粉質🥺

地方一般， 食物一般 ，衛生都是一般， 價格尚可 。收錢嗰位是老闆娘非常之無禮貌。其實當天客人只有3、4枱 ，但是 安排入座要等 ，落單要等， 埋單要等， 找錢又要等 ，提完佢找錢， 佢先會慢慢找錢俾你。

食物尚可，但兩個女性侍應都十分沒有禮貌，態度囂張粗魯，客人入到門口幾分鐘都冇招呼，而且會安排客人到比較擠迫的座位。當我們詢問為什麼價錢和菜單上標明的不符時，侍應報以嘲諷的態度。真係唔明都係想食餐飯姐，點解佢哋呢啲態度可以咁差，成間餐廳都因為呢兩個侍應做衰晒。白白浪費大廚嘅心機。建議佢哋想做好啲生意首先要改好啲態度。強烈建議大家，如果唔想受無謂的氣，不必去呢間餐廳，油尖旺有好多其他好嘅川菜餐廳選擇！

呢間餐廳去食飯要睇店鋪職員嘅面色，短頭髮瘦瘦哋對待客人極唔耐煩，覺得我哋幫襯係打攪左佢食飯，仲要用發脾氣嘅態度叫我等佢食完先，我出嚟食野仲要受氣，老闆娘返左嚟佢態度即刻變返好，真係犀利呀。你打開門做生意，有客到係咪要做呀？如果唔做生意大可以掛牌休息中。D餸冇辣椒，冇辣味，想叫佢加D辣椒同我嗨面，明明係川菜館，食完仲以為自己食緊粵菜，我住樓上食左好多年N多次喇，次次嚟都換左廚師，唔好食都算了 ，為咗飽肚，問題係我仲要睇佢面色食飯，以後都唔會再嚟幫襯。

砵蘭街這間川菜第一次到來用午膳。👏同事吹雞一行五人去食酸菜魚，初入去時感覺像去了大陸一些農家飯店，招待阿姐們都充滿著一口流利鄉音，有如身在國內似的幾有趣。🥢酸菜魚 $58家鄉風味十足，酸菜夠酸肉皮鮮香但多骨。🥢水煮魚片 $58香辣十足湯底感覺惹味，份量算多麻辣椒香正。🥢清炒土豆絲 $48口感清爽帶點微酸，屬一道開胃菜。🥢椰菜回窩肉 $48香辣惹味回窩肉有嚼勁。🥢尖椒炒牛肉 $48尖椒不算辣勝在惹味有鑊氣，牛肉入味軟稔。有風味中午飯套餐，這價錢抵食。

係油麻地睇完醫生，想提早食埋夜晚飯先返屋企，時間大約係五點幾左右啦，經過呢間川菜，見仲有午巿餐牌入到去姐姐會比盤熱水比你洗杯洗碗先，不過真係要洗，啲杯杯碟碟有一層油脂，一摸落去就感覺到，洗唒杯碟就嗌野食啦叫左個酸菜魚餐，另一個就係尖椒炒豬大腸餐，餐係包一碗飯同一罐汽水，50幾至80幾都有，個酸菜魚味道都Okay，唔係太多魚骨不過我覺得個炒豬大腸更有驚喜味道帶少少辣，大腸唔太肥但亦唔係過瘦，又香又好食仈量又多

心血來潮想食辣野, 就去左呢個店試下見到佢都幾多人食, 應該都OK掛2個人叫左3個餸, 酸菜鯇魚片, 干鍋鵝腸, 野山椒炒土豆絲先黎左個土豆絲, 一入口個下覺得唔係好辣, 點知個辣味係會慢慢咁滲出黎幾正佢D土豆絲切到好幼細所以入哂味我地明明叫左個干鍋鵝腸, 點知佢黎左個干鍋肥腸, 咁就同個企係收銀戴眼鏡既女店員講啦佢行埋黎我就同佢講我地叫鵝腸架, 佢就問我地咁係咪唔要, 我話係呀, 咁我叫鵝腸架嗎, 佢話但你地食過喎下你店員一放低我地見到係肥腸就已經即刻同你講話出錯左, 掂都無掂過呢個時候佢即刻問責制問係邊個落單, 咁落單個都話佢係落左鵝腸,係廚房出錯左之後再出番黎既干鍋鵝腸, 就好似就咁烚返D鵝腸放落去咁, 無咩味……等左成個鐘, 遲過我地黎既人都出左D魚鍋, 終於都到我地喇酸菜鯇魚片賣相係靚仔嘅，魚都好鮮味, 不過係骨多, 如果可以再多少少粉絲會更正,因為D粉絲吸哂D酸菜魚湯咪係好好食既不過員工態度真係不敢恭維，就算啲食物味道唔錯都係咁話啦…

今天同好朋友一起在油麻地區找四川菜食。在OpenRice找到這間川菜館。雖然環境好細，但看餐牌好吸引便坐下，然後點了四個餸。但上菜後完全不是一樣野，田雞有怪味，辣子雞過多油，最過分是把豬肚當牛肚，指著餐牌把豬當牛。問廚師應該是牛肚定豬肚，然後指著牛話是豬（有圖大家自己看看）。跟著還给伙記圍。完全應該收壋。大家以後小心，有食物過敏的，有特别食物不食的（如不食豬或牛的）千萬小心，這餐館是隨便做的，完全無心做好食物。無下次。

平時好鐘意去同一條街隔2個舖位個間食辣野，但係今次因為太多人要等位，而且佢安排我地個位又唔滿意，所以就轉去依間。幾滿意依隻分隔檯位置都幾合理，唔似隔離個間貼得好近，近到聽到隔離個檯講乜。而且就係有埋茶提供但唔駛俾茶錢咁正。花椒桂花魚 ($288)真係太多花椒了，有排揀走D花椒呀，下次都係叫返水煮系列比較好。魚身都滑嘅，桂花有半條左右，里面有薯仔整嘅薯片(好味~)，少量薯粉同大量芽菜。辣子田雞 $128依度炸得比較乾身，不過就好重嘅孜然粉，所以好香口，會食唔停口。唔駛加一同茶錢，比隔離個間坐得舒服d，價錢都差不多，下次都會揀返依間。

去到叫酸菜魚，仲要加錢叫咗隻靚魚。另外仲叫咗兩個小炒。遲入座既客都上曬菜，都未到我地。跟住個小炒等咗半個鐘。個酸菜魚等咗一個鐘。最嬲係個隔離𡃁仔，唔知係咪阿媽喺度做， 5分鐘就上到個水煮魚。埋單戴口罩嗰陣，先上菜。仲要話我哋唔取消張單。大佬，我等條魚等你等咗九個字呀？你啲樓面，吹水都唔理我揮手。可以點？結果屈我哋，局住要外賣條魚。等嘢食從來都唔係問題，服務態度同埋上菜次序真係唔推薦你哋食呢間。埋單仲受氣，食呢間絕對係貼錢買難受。🙂

剛剛搬屋入嚟油麻地第一日，見到附近有間川菜覺得幾吸引就入咗去，點知待遇真係令人有啲唔舒服-一、推跌餐具落枱就走人首先入去坐無人理都唔緊要，隔一陣有一個短髮女店員拎咗兩份杯碗餐具嚟，隨手一推就瀡過嚟，筷子跌晒落枱面，短髮女店員就頭也不回走咗去-二、粒聲唔出拎走餐具，問佢就俾說話你聽睇完餐牌之後想叫餐，但全店好似得剛才位短髮女店員同一個髮及肩頸嘅女店員企喺收銀位，我叫咗一聲「唔該」，喺收銀嘅女店員繼續耷低頭話：「你講啊我聽到」，然後我落咗單之後，佢粒聲唔出走過嚟收走咗剛才俾嘅碗。-我第一下呆咗一呆，就問：「咦做咩事？」，佢就好無氣咁話：「你唔係要食飯咩？你唔食我冇所謂㗎～」-我個刻真係有啲O嘴，你拎走客人枱面嘅野之前係咪都可以講一聲啊⋯⋯你唔講咁我問，你又串柒柒咁-我個餐係有白飯，但我第一次出街叫白飯係要拎走我本身個碗，而唔係直接潷一碗過嚟，都唔緊要，想問你你又串咁樣真係好難搞😅-最後公道講句，呢間川菜味道唔算好突出但其實不差，10分滿分我俾6分，價錢都算OK，但態度方面真係有啲卻步

今日到旺角缽蘭街食午餐，果間餐廳啲擺設同餐具好特別，全部以中國國藝變臉為主題，讓人耳目一新。雖然地方小小，但都唔影響我對呢間鋪頭啲好印象。每次去川菜館，我都會點份水煮魚，因為水煮魚係我嘅最愛。因為友人唔食骨，我就點左水煮桂花魚。桂花魚肉質鮮美，口感香滑。配料有青瓜土豆片豆芽等，辣味因為有花椒，所以又香又辣，好易下飯！第二道菜叫左水煮田雞，友人喜歡食田雞，覺得田雞肉質好軟，好易食乾淨，又加埋有辣椒加成，成份田雞好好味！！雖然兩份餐分量唔係好多，但係都夠食，而且價錢都唔貴，好抵食！！鐘意川菜嘅朋友可以去嘗試！！