川莊

营业中

休息中

昨晚宿醉，嘔吐了一大輪。早上起床的時候，胃部有點不適，但肚子十分肚餓，想吃一些酸酸的食物。朋友提議不如食酸菜魚。那便起行了。我們在中午一時左右到達食店。店內人流不多。只有兩台食客。心想會否中伏呢。我們叫了口水雞及酸菜魚。朋友點了一杯水果茶，而我就選擇了檸檬梳打。首先口水雞來到。辣汁非常惹味。而且雞肉沒有雞骨，啖啖肉之餘更方便食客。主角個酸菜魚來到了。酸菜魚份量非常多。而且魚嘅數量都俾我哋想像中多。有薯粉加底。但略嫌是粉煮得比較淋。兩杯飲品都很出色。整體來說，除了價錢比較貴一點之外。其他方面食物質素非常不錯。還有一點，侍應嘅服務態度比較差。

第一次黎食，見佢位於朗豪坊諗住應該都幾好食，冇錯啲甜品都幾好😂川菜館中呢一間算係一般偏下。入到去唸住就叫個酸菜魚，但因為小編本身五可以太辣，所以想問下個服務員個酸菜魚有幾辣，佢答我💁🏻‍♀️你睇吓隔離枱個魚，就係咁辣囉。。。。。🙄🙄🙄🙄我真係比個叻佢。最後由頭到尾都冇答到我幾辣，淨係不斷同我講，睇吓隔離枱💁🏻‍♀️首先講左佢哋既酸菜魚先，魚嘅比例都OK嘅，唔會太少，但鍾意食辣嘅朋友就失望，因為佢比較偏酸而不辣，酸菜不酸，辣又唔辣。明白辣子雞😶一般，不是優先選擇糖醋骨😋比我想像中好食，可以優先選擇土豆絲😶我估唔到土豆絲係凍食嫁😂😂應該係我未食過顏色比較淺，但食落去係爽口嘅，沒有太大突出薯仔味，五睇未必知道呢個係土豆絲小型炸饅頭，紅糖糍粑😋呢度嘅甜品算係有d希望炸饅頭好有空氣感，食幾多都五會利紅糖糍粑👍🏻👍🏻👍🏻正正正，炸得岩岩好，配紅糖絕配

今天午餐和同事去咗朗豪坊一間出名川菜館食飯，之前有同事食過話好食。今次自己嚟試下叫咗個水煮魚1辣同埋辣子雞，飲品方面叫左杯果茶，杯果茶好大杯同埋有好多生果有驚喜。個水煮魚一辣辣度剛剛好，適合香港人口味麻麻辣辣幾好食，啲魚都ok，切咗做魚片冇骨方便食。辣子雞夠曬辣香口，如果夜晚食送啤酒一流，下次會搵時間同女朋友一齊幫襯。

外賣好平！65折！本身食過幾次都食水煮 今次決定試下酸菜魚而且外賣酸菜魚都好大盤而且好好食 我仲加左豬肺同腐竹 我最欣賞佢係可以加豬肺 我好鐘意食豬肺 而且唔係度度有！ 食水煮加落去真係超正！今次加落酸菜魚都幾好食！另外叫左個雲耳 個味調校得好好👍🏻好夠辣不過個手抓餅真係差又乾又硬不太好食

一坐低，茶錢位位$15。我同女朋友叫咗個酸菜魚，加杯水果茶。杯水果茶不過不失，還可以。但盆酸菜魚真係垃圾中嘅垃圾，一啲都唔香，一味死鹹。入面啲薯粉完全淋哂，一夾就斷，好Q難食，啲魚就冇特別，好普通，唔爽口。以往食酸菜魚都係愈食愈過癮，惟獨依間我食咗幾啖我就食唔落。服務費10%，都係咁，但啲侍應個個都冇禮貌又黑口黑面。真係冇下次，請都唔黎

最近因為政府限晚市堂食，所以改為外賣六折，但係就算六折都唔使比啲咁嘅嘢俾人食姐😟大佬一個外賣折完都要成七八十蚊個飯盒，拌麵乾爭爭，黑松露拌麵連一粒黑松露都見唔到，好意思俾啲咁嘅嘢俾人食之前堂食食過幾次酸菜魚同水煮魚都覺得OK，估唔到外賣質素差成咁，以後都唔會再嚟

次次想食川菜多數都會黎川莊D野好味，環境又舒服！水果茶係每次都會叫黎解辣~夠大杯，兩個人share都得！乾煸茶樹菇係必食！唔會有菇既草腥味反而係陣陣炒肉碎既香氣本身對菇無好感平時連金針菇都興趣不大所以強烈推薦大家可以一試~手工啤~果香味😋

女朋友睇咗某youtuber嘅食評，明知話係廣告都話好想試下水煮魚😂咁就陪佢去試下啦💁🏻‍♂️可能因為疫情嚴重咗，尋日罕有地唔洗等位，直接就入咗去坐底就先自動上咗杯八寶茶，甜甜地，有啲蕎麥味，口味就唔太啱我，我飲咗一啖就無飲，最後發現原來每人茶錢係要15蚊😂🥘成都水煮桂花魚($298)嚟到梗係要試水煮魚，特登嚟試嘅我哋都叫咗貴啲嘅桂花魚🤟🏻我地唔算好食得辣，所以只係叫咗2級辣(1-5級辣，5最辣)食落又唔太辣喎，其實可以叫3辣🌶魚嘅份量唔少，魚肉麻辣得嚟仲有鮮味，我同女朋友本身好少食魚都覺得幾好食😋配料都唔錯，凍豆腐同娃娃菜索滿咗湯汁，係幾惹味嘅，水晶粉幾好咬口，雞髀菇就無乜特別～但問題係除咗辣同麻，個湯仲係好鹹，係鹹過譚仔好多嗰隻，我不停飲嘢都唔係因為辣，係鹹😂魚都食哂，但最後嘅凍豆腐同娃娃菜真係鹹到食唔到😂🍜四川擔擔麵($68)個水煮魚唔夠食，所以再叫多個擔擔麵share幾欣賞佢個麵質，似拉麵咁，幾爽口彈牙個湯就偏酸，唔太夠香，可能我食完水煮魚味覺失靈啦😂🥭芒果香桃雪冰 ($48)都幾大杯，芒果味幾重，唔會好似以前細個飯思樂冰咁飲到底變咗水😹我覺得如果唔叫超大杯嘅水果茶，叫沙冰都係一

最近朗豪坊網上商店有優惠，可以用$70的價錢買到價值$100的現金卷，所以過來朗豪坊川莊試食一下。入到門口坐低之後侍應就攞咗一壺茶黎，入面有杞子,紅棗,玄米,冰糖,茶葉，味道清新帶甜。酸辣土豆絲味道一般，比平時食到的偏酸和辣。孜然香酥羊腩，味道超正，外表香脆羊腩入口即溶充滿羊肉的油香，黎到川莊一定要食。（暫時食過最好味的香酥羊腩）黎到川莊又點少得食水煮魚，今次叫咗招牌水煮桂花魚，仲可以免費加4款配料，我加左蓮藕片,午餐肉,牛肚同木薯粉條。兩個人食份量十分足夠，唔係太食得辣嘅朋友建議叫返微辣。飲品方面選擇都多，今次我就叫咗芒果香桃雪冰，飲品夠晒大杯。

🥉好口渴珍寶水煮魚🤣🤣🤣.目標只有一個：珍寶水煮桂魚😍留意番叫桂花魚會貴啲但個人相信係少骨啲😝但老人家我同🐡🐡加埋都食到5、6支大概少於1cm 既骨🙈講真聽我呢個鯁魚骨達人講，無論佢聲稱點樣冇骨都要小心啲食魚，唔排除條魚骨骼精奇生多幾條骨🤣🤣而我哋叫左兩級辣黎講係老人家我食到既辣，但都仲係食到魚既泥味👻珍寶size 4個餸簡左薯粉、牛肚、長豆卜同窩筍，長豆卜有好多舊😝牛肚切片厚番啲就好😂.講真食呢啲重口味川菜冇可能會唔口渴😂但今次食完真係超口渴呀🤣🤣要有心理準備之後要飲番好多水都仲係口渴😆值得一提呢度有收$15一茶位，早知飲番夠本🤪

今日晚上響川莊晚膳，佢哋嘅桂花酸菜魚真心唔錯。店舖用膳時間只有90分鐘。我哋喺知嘅，我知你要返枱做生意，但喺你可唔可以禮貌少少呢？你唔洗60分鐘立即出單叫我埋單，好似想趕我走咁，仲要俾人感覺態度奇差，令我好唔舒服！做乜姐我仲有半小時用膳你唔俾我再叫嘢飲同嘢食咩？其實大部份嘅員工都好有禮貌完全無問題，只喺俾單我嗰位👀男有問題！

八寶茶餐廳免費提供 入邊有唔同嘅藥材？ 菊花杞子紅棗冰糖特色酸菜魚好大兜 湯夠酸味 但朋友話可以再辣啲 魚幾嫩滑 仲有配埋薯粉擔擔麵甜奶小饅頭味道還可以 不過唔係好特別下次可以試吓 想試下重慶黑糖糍粑 見到好多人叫

早前見到朗豪坊有優惠買餐廳飲食券有七折我就一早book mark定呢一間網上見到介紹水煮魚份量好多仲可以免費揀四種配菜講真係依啲地段嘅餐廳呢個價錢真係好抵食我兩個人食叫個例牌仲可以叫多兩個小菜餐廳仲會提供八寶茶一邊會有好多種養生嘅材料味道都幾好酸辣土豆絲 $32同平時出邊食到嘅有啲分別佢係涼拌嘅方式食落幾清爽開胃又唔會太油水煮魚$298我叫咗午餐肉、蓮藕、牛肚同薯粉佢仲可以選擇1-5級辣度我叫左3度原來都幾辣下如果唔係好食得辣嘅朋友建議叫1就夠啦因為愈食愈覺得辣味道方面香、辣、麻味都做得好足夠湯底好香濃配料同魚嘅份量超多兩個人淨係食魚都飽芒果香桃沙冰$48食魚太辣叫多咗杯沙冰好夠大杯而且好香又唔會似化學味孜然香酥羊腩$160呢個認真推介羊腩冇骨外皮炸得香脆咬落好香口又軟熟仲有羊腩嘅油香未食過咁好食嘅煮法兩個人食真係捧住個肚出餐廳門口不過好好食會再返去食

係旺角行完街，見到呢個川莊，好似好辣好過癮咁，於是入嚟試吓。我地兩個人叫左特色酸菜魚，要辣嘅。原本仲叫咗個甜奶迷你小饅頭，可惜迷你小饅頭賣曬，覺得失望。酸菜魚係夠酸，魚不但只嫩滑而且冇骨，仲有足夠既薯粉，份量係足夠兩個人食。酸菜魚唯一不足嘅地方就係唔夠辣，我地一致認為如果再大啲就會更加好食。另外，我哋都叫咗七味雞翼，有七隻味嘅雞翼，有辣有唔辣，因為係即燒，個皮係好香脆，又有平時食唔到既味，例如紫薯味同芝士味，幾特別。至於飲品方面，我地叫左兩杯特飲品有子檸檬梳打同益力多爆珠，當食完有少少油既魚再飲翻杯小清新既特飲就覺得還可以。

川菜之中最岀名之一🔥星期五夜晚食冇book位等咗個幾鐘，奉勸大家都係book咗位先去食🥺餐廳入邊好大，枱與枱之間有足夠距離，而且每張枱都好大，坐得好舒服😽同班朋友敘舊，坐得舒服呢點好重要⚠️.🌶成都水煮鮮魚片(珍寶)桂花魚要加多$100，我地都係叫返最普通果款魚算😂見到兜野咁紅，我地揀咗bb辣，結果係唔辣但係有少少麻🙈所以唔食得辣嘅朋友放心，你地都食到川菜喇🤣水煮魚有好多餸俾你揀，跟餐可以揀4款，我地揀咗牛柏葉萵筍、豬紅同埋薯粉🥳除咗豬紅冇乜味比較遜色之外，其他都好好食，入曬味🤪另外魚片都幾新鮮，不過雖然係珍寶size但份量冇想像中咁多，勉強夠三個人食😭整體嘅感覺係因為出名所以買到好貴🤭.🌶翡翠黃金蝦球所謂嘅翡翠其實係秋葵，意外地秋葵係完全冇滑潺潺嗰種感覺，炸到好脆，再襯埋鹹蛋黃隻味，超香口惹味🔥啲蝦球更加唔使講，好大隻同埋新鮮，不過都係偏貴😣.🌶桂花芒果沙冰成餐有6成嘅飽腹感應該都係黎自呢杯野，真係超大杯😂應該係for你解辣，但小編就完全吾覺得辣，所以冇咁需要😂不過真係好好飲同超解渴，唔會覺得好artificial☺️.🌶手工啤酒利申小編不嬲唔鍾意飲啤酒，但都少少地飲咗幾啖，覺得佢地嘅手