川酒舍 (嘉威大廈) (已結業)

經過呢間舖成日都想試，但去親都爆場，今日終於比我食到啦。我好中意食串燒，但有時真系好怕等得耐又成身味，今次呢間舖簡直系令我出乎意料之外，抽風做得好好，重點系食完吾口渴。掛住食影得幾張相，太好味啦墨魚咀：爽口又太粒，大過5蛇銀燒蠔：好鮮味，精髓系d蒜蓉同汁牛舌：一串有四塊超大塊炒烏冬：烏冬好爽口，好正以上我覺得都系必食下次希望再試多d款式

同朋友慶祝生日，去飲酒之前想食少少野打底先，行去諾士佛台📍嘅途中俾呢間餐廳嘅環境吸引，於是無意中發現呢間寶！不得不講嘅係佢嘅裝修，係日式居酒屋風🏮，真係好有特色！米色嘅主調令人感覺好放鬆～店入面有卡位亦有「吧位」，我嗰日同朋友係坐卡位，位置都好鬆動，三五知己一齊去都唔會坐得迫，一路食住好味嘅串燒、小食，一路同朋友傾計，時間一下就過，真係好chill！💟下次我打算一個人再去，坐喺「吧位」，享受吓自己嘅日光！

尼間新開嘅日本餐廳真係值得推薦！菜式選擇多之餘，好多菜式嘅烹調方法都好創新好有創意🥹💓真係睇得又食得🤣👍🏻好開心！好耐冇試到間咁特別嘅日本菜💕💕原來壽司整到卜卜脆再加埋特製嘅醬汁係可以咁正🥹😋仲有蕃茄都好有口感，外脆內軟🫠，啲焦糖啱啱好中和到蕃茄嘅少少酸味💕仲有燒鵝肝都超級正！！真係要try try佢！

Not every yakitori place in HK serve nankotsu - cartilage from the breast bone. Found this little gem right smack in TST. It’s a decent joint for friends to catch-up over a glass of beer or sake. I would definitely recommend the grilled rib eye, fried onigiri, grill zucchini and my favorite,nankotsu.

早幾個星期同朋友路過尖沙咀搵串燒食，搵到呢間新開無耐嘅餐廳，鋪入面環境舒服都幾適合三五知己去食嘢飲酒 happy hour。啲串燒幾好食，尤其係有雞胸骨串，雞皮同埋羊架。呢間餐廳可以推薦俾朋友食👍🏿

同fd經過見到有間新開嘅日式串燒店, 今次就去試食一下, 味道質素方便相當唔錯要特別推介大家食白膳、牛肋條、乳鴿同七里香(但牛肋條同乳鴿後期先上碟, 我掛住食唔記得影相😂) 平時食開白膳串, 都係比較薄身但呢到可以話係啖啖肉又唔會燒到冇晒水份, 同埋我比較喜歡窿少少, 食落去有D脆口牛肋條就聽職員講用水果汁醃製, 食落口又唔覺有水果汁味但好開胃乳鴿平時都係去酒樓先會食, 今次係串燒舖見到有就當然試吓, 口感ok但味道差少少不過都值得一試七里香以我所知唔係間間都有, 又啖啖肉又燒到夠晒入味總括嚟講值得再嚟食多次不過下次要再嚟試食炸飯糰, 聽在場客人講呢個都幾特別, 可惜今次食得太飽, 要等下次先得😂

今日同朋友食飯去咗一間新開串燒店👍裝修得非常有品味，日式格調，燈光柔和😌海鮮非常新鮮好好味😽😽泰國生蝦刺身配合自家製醬汁😵奄仔蟹好多膏🫣鵝肝多士超正👍外脆內軟嘅鹽燒雞翼一流👏$32有三隻勁祗呢度既燒菠蘿分有誠意，真係唔試唔得！自家製蒜蓉茄子🤗🍆日本清酒好多款式，個日挑選了一支三粒米，店員說現在好流行這日本清酒，她沒有騙我真的好好飲，店員服務態度好好🤘下次一定會再去👍👍👍

今日睇尖沙咀加連威老道打算搵一間餐廳充飢，行過見到呢一間貌似🇯🇵串燒居酒屋，但係午市Menu非常親民的日本餐廳，於是我和朋友便去探個究竟🤣餐廳是走和風日居酒屋風格，彷彿去左日本🇯🇵咁我們分別點了汁燒雞扒配足料鮮魚湯烏冬， 和京蔥豚肉串拼糖心蛋配鮮魚湯烏冬。 京蔥豚肉串好有驚喜，首先佢呢一個價錢有2大串豬肉串，已經抵，然後仲有酸甜蕃茄前菜，食落開胃！賣相非常得！講返食物質素，口感外脆來軟，肉味濃郁，極度推介另外汁燒雞扒，肉質嫩滑，唔會太乾至於佢哋嘅烏冬，有啲似上海麵質地，但係個魚湯好有驚喜埋單160$有找，免收加一，真係感動蒼生的價錢！

啱啱同個friend知道尖沙咀開咗間新餐廳特登今晚就去試食💜⭐️感覺幾好，兩姊妹傾偈愉快嘅一晚🫶🏻一嚟到嗌咗兩支花茶飲先🍀好正啊出邊咁熱有兩支凍冰冰嘅冷泡花茶超解渴🥤（臨走都嗌多兩支，兩姊妹一人一支拎走😆）首先嚟嘅係前菜，天時暑熱食個凍凍地既前菜一流，味道好味特別唔係周圍都食到果種😋個糖心蛋整到啱啱好😋蟹柳涼拌粉皮（唔知係咪呢個名😅）落咗啲胡麻醬好味道，一嚟到就俾我食晒之後就到我最喜歡食嘅牛、同期待軟殼蟹卷😁軟殼蟹卷卜卜脆，只要任何一間餐廳有得食軟殼蟹卷我都一定會試😃因為真係超鍾意食🤣唔係間間都整軟殼蟹卷整得好食，呢間真係整得正😃會因為個軟殼蟹卷再次返嚟食。最後我個friend想飲啤酒，我哋又嗌咗一個炸飯團🍙之前喺出邊都食過炸飯團都好味，應該唔會中伏掛🤣 真係冇中伏好彩有嗌到咋！勁正喎！熱辣辣脆卜卜，呢個炸飯團必點👍🏻總結係我下次會帶我男朋友同其他friend再嚟💜

尋晚係尖沙咀做完嘢, 經過加連威老道, 見到有間新開日式串燒舖, 竟然發現有我最愛嘅串燒雞胸軟骨, 即刻衝入去!!!2個人Order 咗4串燒雞胸軟骨, 1串厚燒牛脷蕊, 奶白魚湯花甲, 燒牛板腱, 炸蝦丸同炸飯團.燒雞胸軟骨 - 係香港一般食開嘅雞軟骨都係關節位, 好少用雞胸軟骨, 食落爽口, 配埋秘製醬汁燒, 十分滋味重唔會好乾身.厚燒牛脷蕊 - 火候控制得好好, 十分Juicy.奶白魚湯花甲 - 花甲大大隻又鲜味, 魚湯好甜但冇腥味, 配埋薯粉, 絕對一流.燒牛板腱 - 牛肉味濃又吾會好韌.炸蝦丸 - 彈口, 食到有蝦肉, 吾係得啖粉炸飯團 - 驚喜之作!! 燒飯團食得多, 第一次食炸飯團. 表面炸到金黃脆口, 但裡面軟淋淋, 配埋個醬汁, 十分開胃.