川霸王 (已結業)

今日喺觀塘附近拎完嘢，誤打誤撞見到一間有得打邊爐食雞煲嘅鋪頭兩個人食咗一隻雞 $268 啲醬汁都幾濃味，嗌咗小辣覺得啱啱再加埋啲香蔥芫荽，都幾滋味！食咗一大部份嘅雞之後就叫咗侍應加湯，跟住就可以打邊爐啦！雖然淨係食雞都已經好飽，但都係好想食下其他配菜我哋仲嗌咗個羊肉片 $88，羊肉味幾香，好味跟住叫左一個芋泥貢丸，真係好特別喎第一次食！兩個人食咗 六粒好飽🤣🤣加埋娃娃菜同埋啤酒覺得好滿足～呢到真係方便快捷，good

麻辣雞煲 半隻$188叫咗小辣黎試，唔算好辣，下次會大膽啲試下中辣🌶️但食落好惹味，而且真係會有啲麻麻地嘅感覺，幾過癮🫦半隻份量都唔少，兩個人分啱啱好，配飯或者烏冬應該飽哂肚🤰🏻但佢仲可以加水轉做打邊爐，我哋就試多咗幾款配料🥘芋泥包心貢丸$58一共有六粒，超級好味😋貢丸有彈性，一咬就爆哂啲芋泥出黎，啲芋泥creamy得黎又唔會太水，而且好香芋味，大推🙌🏻美國肥牛$108份量超多嘅肥牛，肥瘦比例啱啱好，而且切嘅長度都啱會太短，同埋夠牛味，Cp值好高大滿足🌟魚皮$38價錢好平，食落都脆，但同平時嘅魚皮相比唔知係唔係少咗啲調味，如果就咁食冇咁香口🙈娃娃菜$38娃娃菜用黎打邊爐真係一洗，然後浸到淋一淋，索哂湯底啲精華，冇得輸🥬冷泡四季春$12叫咗兩樽四季春，用黎減低罪惡感，味道夠價錢平💯

＊呢一站觀塘＊👉🏼👉🏼👉🏼地點非常特別，位於愛琴坊地下food court，可以同時享用不同店鋪嘅美食。另外，用QR CODE落單非常方便。服務員服務周到，隨時幫你睇住雞煲有無痴底，幫你係適當時間較火嘅大小👈🏼👈🏼👈🏼😋麻辣雞煲＊雞嘅份量足夠，肉質有咬口，食落無急凍味＊雞煲醬較平時嘅淡味少少，唔會太鹹，而辣度可以自己揀選，建議食得辣可以叫大辣火鍋配料：😋黑魚 ＊魚質嫩滑，放入湯底唔容易散＊魚片無骨，啖啖魚肉😋美國肥牛 😋烏冬

同事推薦位於愛琴坊foodcourt既川霸王，啲小炒夠鍋氣但價錢又經濟，放工後約同事又去試下。原本想點川菜，同職員傾傾下，原來哩度有火鍋食，最後無端端轉咗打邊爐，哈哈。惹味酸菜(湯底)$98見到師傳在廚房即場烹調湯底，上枱後，聞到好香，勁多酸菜，同其他餐廳啲酸菜湯底好唔同，平時啲酸菜湯底會有層厚油但哩度無，湯底好入味，唔使點任何醬汁都好足夠，推薦。美國安格斯肥牛(半份)$138啲牛都算靚，份量都多，淥兩下就食得，夠牛味。腐皮墨魚卷$626條大大條，彈牙有咬口，仲咬到有墨魚粒，幾抵食，其實每人食兩條都好足夠。韭菜豬肉餃(6粒)$58脆皮芝士腸$38有十幾粒，都抵食。魚皮$38夠簿夠脆，淥兩秒就食得，索曬湯味，正。生菜$38新鮮脆口，份量足 。

早兩個星期真係好凍🥶本來經過川霸王打算食番個酸辣粉但原來佢哋有雞煲同打邊爐㗎！🥘咁凍我就馬上入咗去打邊爐喇呢到打邊爐都算方便係觀塘工業區 一放工就可以行過嚟👍🏻而且入夜唔算多人 唔洗同人迫💯配料選擇都算多🥰佢地有一款腐皮墨魚卷好好味 要推介！腐皮包住大量嘅墨魚好長 長過隻手掌煮完之後仲大條左！非常好咬而且每一口都食到墨魚🦑另外個羊肉薄切都想講下🐑羊肉好新鮮 完全羊果種騒味因為薄切所以一落煲就好快熟食完全身暖立立🥰🥰

最近睇中醫，我身體太寒涼，中醫要我食多啲燥熱嘢 🔥🔥 行過觀塘愛琴坊呢個 foodcourt，見到【川霸王】，就揀佢～..麻辣香鍋 (全素) : $58鍋底係全素，幾好，想食肉嘅就再嗌肉嘅配料；素食人士可以有幾款菜、菇、豆卜、蓮藕額外叫咗兩款肉類配料，羊肉 & 肥牛，各 $18點咗BB辣，估唔到麻度幾高，食完半個鐘至四十五分鐘，口腔仲有少少麻嘅感覺，重口味之選..喺愛琴坊入面，有兩個入口 (巧明街嗰度門)喺呢個門口行入去，右手邊第一間就係喇

平時食川霸王既水煮系列、麻辣粉麵或者麻辣香鍋果d，好抵幾十蚊就食到😎見佢最近新出左雞煲，就試試佢麻辣雞煲(全隻) $268美國肥牛 $108墨魚腐皮卷 $62炸魚皮 $38日本讚岐烏東 $24全隻雞煲份量好多，2個人食叫半隻就好了😛雞質素唔錯，唔會有雪味果d，而且都幾滑，基本上兩個人食雞都經已7-8成飽，剩低叫多兩三個配料都已經夠晒🫡墨魚腐皮卷有6大條，裡面有粒粒墨魚肉🦑烏東係幼身烏東，煮一陣就吸哂湯底既味🍜整體配料味道、份量都正常👌🏻當然如果係大胃王既朋友，就建議食番雞煲放題啦🤣Overall呢度食雞煲有個好處係任坐唔嬲🤣想慢慢食傾計飲下野都可以，唔怕比人催交枱😛不過火鍋價錢唔算平，想抵食d既朋友就可以試佢地既水煮系列、酸菜魚等，附近番工既朋友可以試試✌🏻

呢晚咁岩觀塘附近 都成8點幾就係外賣app睇啦 咁岩見到呢間咁抵又係新開就打算叫佢外賣 好平3x 一個 酸菜羊 麻辣牛 乾鍋 唔洗諗就叫左佢係food court 一個檔口仔 又幾多外賣單本身以為係無跟飯 點知又有 三餸三飯 不得了拎果時已到聞到勁麻 勁香 食落又幾正麻辣牛 夠麻夠辣 酸菜羊 夠酸 但唔知點解d 酸菜覺得有少少甜甜地 但又幾好味乾鍋 d料全部都好入味 係午餐肉唔係好夾仲之後仲加左個炸雲吞 都煙靭 但兩個人食 叫3餸都幾飽呢間CP值勁高 會試多次 推薦俾大家

今日係牛頭角地鐵站一帶放工，突然間好想食辣野，search下無意中發現左有雞煲食，就食咗了🫶🏻前幾年office係呢附近，去坐鐵必徑呢度，門口有檔燒賣日日都好長龍，入到裡面好似美食天堂咁，宜家仲多咗好多新選擇，估唔到宜家連雞煲都有😋食咗咩？🐓雞煲（bb辣）分量分半隻雞/一隻雞，我揀咗半隻，辣度係最低嘅微辣。平時食雞煲都幾唔鍾意好多芫茜籽同香料，同好多油，成日都想撥走晒佢哋。呢間落嘅乾香料唔多，又唔多油，味道都好香好夠！雞件好食，感覺好新鮮，雞肉好滑。配菜另有洋蔥、紅椒、青椒、蒜粒。🐓腐皮墨魚卷呢款卷我未食過，實物成半枝筷子咁長，入煲後索埋啲湯都再漲少少，咬落去有粒粒墨魚粒，好咬口，有成6條，係抵食呀，但我哋兩個人食都有少少頂，如果3個人食就好好啦！🐓烏冬雞煲配烏冬係我平時嘅習慣，烏冬夠靚就能夠吸晒雞煲嘅惹味，又繼續keep住淋身滑口，呢度嘅都做到！滿足🐓美國肥牛肥牛比預期中好食好多倍，有牛味，而且同雞煲幾夾。份量都好多，兩人食係滿足的。🐓蓮藕片新鮮，爽甜，感覺平衡返雞煲嘅濃味。後記1:餐廳冷氣幾凍，大家帶定件外套🧥！2:本身唔知道有雞煲食，以為只是食酸粉，我係無意中上openrice

🌟 川霸王呢間位於工廈區 既foodcourt, 就近港鐵站既四川食店，價錢大眾化，款式選擇多，無論食得辣定唔食得辣，食肉定食齋都可以一齊嚟食，除咗粉麵，仲有火鍋餐選擇。食材新鮮又冇味精，正👍~~~~~~~~~~~~~~~~~~~~~~~~~~~~~~💫 霸王粉麵 套餐 自由配搭套餐，無論湯底，配料，粉麵 完全可以依個人口味選配，湯底有淸湯，麻辣，酸辣；配料有多款任揀三款，粉麵有烏冬，粉絲，紅薯粉，米線。我哋揀佐一碗辣，一碗唔辣，羊肉，牛肉切薄片，肉質和味道都好有地道四川風味，湯底冇味精夠健康。另外加錢可以有雞翼，及自家製的冷泡茶。~~~~~~~~~~~~~~~~~~~~~~~~~~~~~~推薦指數 👍👍👍👍（4/5）📍觀塘巧明街 94-96號鴻圖中地下5B號舖📮ig : spicymasterhk

原本星期六晚，應該開心食過晚飯。。。經過見到依間舖頭, 有酸菜魚食就好雀躍！因為本人好喜歡食酸菜魚，見到有得食梗係要試吓啦！我埋到櫃檯見到廚房個姐姐喺度洗嘢，感覺好似就嚟收工！我就問佢收工未呀？仲有冇得食啊！佢話未收！第一次黎請食有酸菜魚飯！可能佢差唔多收工！用外賣盒送上給我！我打開外賣盒，見到個酸菜魚，都笑咗出嚟🤣！因為好似廚餘！只見到幾片魚同䓤！雖然個飯$55唔算貴！但可唔可以俾啲誠意！唔好咁求其！個湯底只得麻味，酸菜魚應有嘅湯底味道都沒有😤！我食咗三四啖，就食完走咗！

迷你小店推介 - 車仔麵🍜原本係區內老店幾十年歷史👴🏻，經翻新後做番車仔麵茶餐廳，光猛乾淨左，主打港式車仔麵同茶餐廳食物。葱油🐽豬扒飯作為港式茶餐廳經典，豬扒份量夠多，即叫即做。值得一提奶茶做得相當唔錯茶味奶味夠平衡！價錢都係五六十好合理！👍🏻之後有再去試埋車仔麵，下次再同大家分享😆

  呢區多野食,呢度FOODCOURT 有間食川麻辣既小店川霸王酸辣粉麵,鮮牛肉加餐肉,自選2送麵, 酸辣粉小辣呢個辣度岩曬夏天食,夠曬開胃牛肉嫩滑,鮮牛真係唔同D,餐肉無煎過既,酸菜好開胃~仲可以加錢要小吃同雞絲粉皮, 非常抵食,一客3隻雞翼,入曬味,多汁雞夠味,雞絲好食,粉皮夠彈牙~地址觀塘巧明街94-96號鴻圖中心地下5B號舖Shop 5B, G/F, Hung To Centre, 94-96 How Ming Street, Kwun Tong

喺觀塘返工，點可以唔識黎鴻圖中心搵食，地下成個food court咁可以同同事各自買今日想食辣野，見到呢間好正宗咁，就叫左個霸王粉麵，本來$55會包3個餸，我就嗌左腩肉片、雞肉& 鴨血，湯底就揀左酸辣小辣，仲有個bb辣架不過今日想食辣d😛成個米線係偏滑同埋軟身，煮得岩岩好，超多腩片，有d仲有軟骨，所有食材都有鮮味，唔會係擺左好耐戈d，估唔到好足料勁多酸菜！！但小辣都唔係好辣，食得辣嘅朋友可以叫中辣以上😆今日售罄水煮魚，下次要黎試！！

Lunch 時間在觀塘工廈區搵食，可謂分秒必爭。今天和朋友剛巧在那區，在鴻圖工業中心發現有個名叫「愛琴坊」的地方，最初以為是小商場，進去後才發現，原來是個food court 裝修不是一般food court的格局，大緻分了兩邊，有一邊甚有希臘風情。朋友都覺得這裡很有趣，而且將近中午12時，趁「大敵將至」之前，還是快快在這個特別的food court安頓下來方為上策😎Food court的餐廳也不是一般複製店舖，有日本丼飯、西式意粉焗薯、pizza、burger、冰室，還有這一間原本吃西式食物該與希臘風情絕配，但這幾天都是吃這類食物，所以想轉轉口味吃中式😝霸王酸菜魚份量頗大碗，魚肉用了魚柳而不是魚片，很適合喜歡啖啖肉的我；青瓜小食不辣，很重蒜蓉味，我也挺喜歡😁霸王粉麵朋友點了麻辣紅薯粉，麻辣味也頗香。加了兩隻霸王孜然雞翼。孜然味頗香，雞翼醃得夠入味，不錯。飲品方面除了汽水還有冷泡茶，很適合熱辣辣的夏天，可以消消暑😎