川風味

营业中

休息中

平時好小食薯粉，但今日突然想試下，點知非常有驚喜😍叫左個撈中寛薯粉加腩肉同金菇唔好睇佢冇咩顏色，撈面既醬汁係恰到好處，好夠濃，面既口質好煙靭👍🏻而且花生好香口，又係另一個加分位餸方面腩肉比較瘦，但又落又唔會好鞋，小辣味道都唔錯，金菇就冇麥特別我加左杯凍檸茶，埋單先$45，覺得好抵食唯一覺得唔好既係環境，感覺唔係好乾淨，所以下次都係外賣比較好

每個星期返學都會經過這間舖，成日想試下，今日終於試左了，想像出來系美好的。叫了一碗肥牛金菇闊紅薯粉加左響鈴先講講環境，看上去都不會太差，但就唔知點解食的途中總會聞到一個味道。但碗粉確實有點失望，我叫了不辣，想著不辣只有酸都不錯，誰知來到只有湯的咸味，一點酸都極少，闊的紅薯粉比較煙韌比較難咬開，肥牛有點過。湯底的味道有點咸如果帶點酸就好了，最滿意是杯冷檸茶，因為味道就像茶餐廳開的那種。

叫佐個炸醬酸辣米線（中辣），淡而無味.. 辣又無，酸又無，煮個個人係咪失戀？未試過寫食評，呢間野勁，難食到令我覺得唔寫對唔住自己，唔會在幫襯，送比我都唔食！！！！

明明有吉檯都需要搭枱，仲要我坐對面冇隔板，啱啱開始食幾啖就有一個阿嬸過嚟執枱將隔離食剩嘅碗同杯全部擺晒喺我面前，真係好唔衛生，完全冇晒胃口，所以我只會幫襯一次。

叫左1號粉，然後+左一份$4鳳爪；一份$4雲耳；一份$5豬潤因為仲要搭個幾二個鐘車，所以分湯上結果如圖鳳爪得1隻響個兜同麵一齊放豬潤同雲耳就放左響個湯兜度浸住⋯到底係點決先有呢個量呢個分配？

唔該整野食嗰個睇下自己整左啲咩出嚟，以往經驗川味大大份，叫少米都食唔曬，今次都為唔浪費食少米，結果一個碗咁大，得三分一個粉，叫撈粉，仲要勁多湯係底，完全唔係撈啦都，下次唔會再幫襯不過食落去唔算太大問題，都係一般般嘅水準

見網上多好評，就同同同事一齊夾份叫外賣，叫幼薯粉，點知黎到變中薯粉，仲要碎到每條得2cm，一啲口感都無，份量又小到好似無食過野咁。同事叫個碗烏冬食食下有條男人頭髮，勁伏...佢話吾敢再食依間野。烏冬配蟹柳，條蟹柳劣質到飛起，同事食左幾啖就吾想再食，吾明點解米線同薯粉既份量可以差咁遠，因為同同事分時段食，諗住自己個碗難食就算，點知個個走番出黎都話要black list依間野，所以咩相都無影到，真係以後都吾會再叫！

自由配搭，揀咗餐牌右邊9號撈粉，唔揀左邊湯粉，因為配料有花生，我鐘意。嚟到嘅時候，碗粉所有配料都齊，唯獨就係無花生。醬汁係熱嘅，餸就有D暖有D唔熱。食物質素未至於難食，不過都麻麻地。

是夜在荃灣處理工程，胃口欠佳，酸辣味道最好。此店位於眾安街，多次路過不入，今天來試一下。點了肉醬米綫配豬頸肉，魚腐，大腸。配粒酸菜芽菜，小辣。先說湯底。酸甜辣味都平衡，但味道就有點淡，湯頭底味不足，還好沒放太多味精雞粉。米綫是乾粉，沒有糊口過淋。肉醬普通。豬頸肉滷熟切片再浸，入味軟淋。大腸是急凍貨無肥，也滷得太淋，但味道是可以。魚腐比較差，貨式問題，更似魚蛋，味精重，建議不點。整體而言，價廉，食物也對得起價錢，配料都是幾元一款，平民飯堂，食得舒服，某些配料踩雷，避開就好。

呢間應該係我最常食嘅米線，因為近屋企，叫外賣都幾快送到，而且味道👌🏻，特別係佢嘅腐乳通菜😊佢唔算好濃味果種過橋米線（對我黎講享和街肥仔米線、德華街成日排長龍兩間叫濃味），湯嘅酸同辣味都唔會太強烈，米線同薯粉彈牙、份量都多，有時都驚食唔哂會叫少粉。不過好唔好味仲要睇下你揀咩餸，佢供應嘅餸菜選擇幾多，除左一般果啲，仲有吉列魚柳、豬扒😀已經搞唔清楚係四川風味定係四洲風味🇯🇵而我多數揀嘅都係冬菇、蘿蔔、豆卜之類，即係好難由此食得出師傅煮得好唔好果種。我覺得如果你突然想食酸辣嘢又唔想太肥膩、又又咁啱喺附近，可以試下，反正你如果唔係荃灣人，你特登過黎荃灣都係想食我地出哂名多嘅米線嫁啦😉🤫油菜份量同樣幾多，特別推介腐乳通菜，個醬調得好味😋蠔油生菜都唔錯，啲菜唔會好乾。

因工作關係，每星總有一、兩次到荃灣午餐。由於本人喜歡吃辣的粉麵關係，又不想到連鎖餐廳進便在街上尋找心水店子。結果這間其貌不揚的店子吸引了我。這店子舖面與大陸的一般小店裝修相似，店內只有幾張枱。好處是客人不算多坐得都頗舒服。熱撈紅薯粉配大腸，辣腩肉及雞絲。果然味道很有四川風味不像一般連銷店的港式化口味。秘製醬汁又夠惹味。真的一試難忘。之後我每次到荃灣都會再到這店子回味那撈薯粉。店子都算整潔，店員友善，價錢划算。值得推介。

這間川風味，和平日經常去的川味有所不同，因為平日的川味，味道多數都大同小異，用料也差不多，但是與川味不同。貫徹始終，都是吃了個撈的，點了撈拉麵，加腩肉。撈米線本身都有點炸醬，有點豆豉的味道，碎粒也有辣味。而腩肉亦都質素不錯，半肥瘦，口感不錯。如果現場食的話就撈什麼都可以☺️，因為不會被汁醬發大了，裏面同質地有點兒韌，不會太軟太林。本身應該點了豬腩肉以及豬耳，但是店員不知道下單下錯，定還是執食物是執錯了，給了豬潤😒，但是無所謂，因為如果有豬腩肉又豬耳的話應該會更加辣🤣，因為豬耳本身都是辣味的，結果給了我豬潤，雖然瘦弱，而且薄片，但是就成為了這碗辣的撈拉麵唯一喘息的時間。友人的湯拉麵，味道就更加辣，根本喝第一口湯都已經感到非常之嗆喉。豬大腸味道入味，也不會太過肥，或者骯髒物，味道不錯。由於晚餐火鍋是應該都會喝不少汽水🥤、啤酒，因此午餐的時候就只喝豆漿算了。這店沒有黑豆漿，只有普通白豆漿，味道正常，不會太甜。荃灣區這麼多新食肆，這一間開了很久，味道不錯，亦都不用排隊，何妨一試？

食過2次，覺得紅薯粉好食，$23可以食得飽好好架啦...店小小，坐位置擠迫，服務員面色普通啦，地點算係接近商場出面，如果遠商場好多，我就真係唔會係咁炎熱的天氣行咁遠去食⋯因爲我只食薯粉，唔食米粉個d..味道不錯，我會再去

讀書時期貪怇夠平好抵食～結果一星期黎３日。次次都叫猪肚雞翼粗薯粉加口水雞望洛去好似好辣錦，但其實只係紅油浸雞，無咩辣味！。猪肚：；’老’得好入味　　８分雞翼：老’得好入味，離骨　９分粗薯粉：好有咬口，好彈　８分

接電話的人態度超級差，會cut人線。送外賣永遠俾少左啲餸，以為人地唔知，偷工減料，叫走辣就俾咗辣，餃子入邊啲肉又唔熟，學咩人開食店。叫外賣要超過一個鐘先送黎，打電話好禮貌咁問佢係咪漏咗單就俾佢cut線！正剋店！大家想受氣又嘥錢食垃圾就幫襯佢啦！雖然我明繁忙時段要送外賣一定有返咁上下時間，但態度差同成日俾漏野真係不能接受，啲野唔熟就更離譜！自己做錯野不特止仲咁嘅態度，有咁多同類型嘅食店使乜幫襯佢！！