巴蜀軒豬扒酸辣米線

营业中

休息中

平時搭電車經過超級香，比佢吸引左，係咁抽時間想去食。但入到去睇到個menu超級貴，有點不值價，結果叫左兩碗粉麵加一個小食-麻辣雜菌！！！粉麵都算可以，但係食完碗麵個菌仲未到，以為整咁耐一定係正野，結果期望太高，落差太大，所謂麻辣雜菌，就係白灼雜菌加上一pat麻而不辣既醬，唔幫我地撈埋不但止，仲要唔隔水可一不可再！

朋友們個個畢業投身社會後變得越來越健康，IG不斷充斥著周末行山的相片，而我都漸漸被影響得多個星期都相約不同朋友去行山，呼吸下新鮮空氣，而且可以把握機會傾訴下近期的壓力和鬱悶。今次行的是中環行到山頂，再由盧吉道行到香港大學。整個行程完全傾得有點得意忘形，一點都不感到餓，可是行完後飢餓感馬上湧現。西環上環一帶是友人昔日工作地區，她這個地頭蟲便帶我到這間酸辣粉試試。不得不大讚店內姐姐好好人，常常笑容十足，服務熱心又貼心！❤️❤️餐廳6點就沒有下午茶優惠，我們5點55分入座，姐姐一看錶便說：「只淨餘幾分鐘就過下午茶時間，你們快點點餐吧！過了優惠時段就不好了！」十分體恤我們學生小妹的經濟能力☺️☺️又在我們吃到最後，怕碗碟阻礙著我們聊天，手腳快快的幫我們收集好😊 感謝姐姐喔～～招牌豬扒酸辣粉回到正題，豬扒肉質厚實腍身，香茅味突出，炸漿薄薄，炸得香口，肉汁鎖緊，讚！其實我覺得肉質還可以更嫩滑點，便更佳。麵線爽口彈牙，勻拌了蔥花、肉碎和花生碎，加上小辣湯底，辣香味較小，酸菜味反而更出，整體不錯。而且茶餐廳好的是可以點樽裝可樂，更難得有330ml大支裝，一飲好夠氣，又Gor又透心涼！爽啊古法手撕雞涼拌四川粉因

呢到既米缐吾係麻辣就係酸辣，自己吾食得辣，所以就叫左個招牌豬扒酸辣米線走辣～一食入口，d豬扒既味比較奇特，有一種鹹鹹地，痺痺地既感覺，好似成條舌都被呢種味包圍著，可能呢個係巴蜀味總之感覺比較奇怪。其他配料就幾好食，米線都正正常常。不過服務就麻麻了。

本身好鍾意食米線既關係我會經常性去食譚仔既雞絲/墨丸/炸醬酸辣米線所以今次西環覓食當然唔少得米線見到門口貼滿報導據說呢度有特大辣(麻辣)喜歡辣既朋友可以挑戰下唔洗諗 我即刻入去試下點左其中招牌菜豬扒酸辣米線豬扒份量多 係厚切既軟硬適中味道印象唔深刻米線係偏軟身既份量唔太多食到尾口腔會有種淡淡麻既感覺唔知係味精定係咩另外點左凍檸茶味道怪怪的同事話似係涼茶味但$36有米線加大大塊豬扒係不錯吃的只係有其他選擇我唔會簡佢禁囉

住了西營盤十多年，今天才是第一次光顧。主要是不特別愛辣，由於今午實在想不到吃甚麼，所以孤且一試吧！沒有深究它與雲南酸辣米線的分別，反正我覺得兩家的湯底是酸和辣吧！看了看菜牌，大個圖文並茂是招牌撈麵，看來都吸引便點了豬扒撈麵(巡例小辣，免頂唔順)加凍奶茶(跟餐半價)。不一會上檯，，豬扒一塊切5小件賣相像上海酥炸排骨，麵有點像即食麵加麻辣醬/炸蒜蓉/青瓜片。朱扒鬆軟入味，混了醬汁的麵亦可口，稍嫌份量偏少(以大約$40一碟撈麵計)。應會再幫趁！

這是第二次去巴蜀軒吃麻辣第一次認識巴蜀軒這個名字，是因為有次經過它灣仔的舖頭時，被它濃濃的麻辣香味吸引住今次在西環這間分店，麻辣的香味沒有灣仔那一間濃郁。第一次吃的時候沒有留意，原來這裏有四種麵可供選擇，分別是米線、紅薯粉、烏冬及四川今次點了巴蜀麻脆雞扒四川粉稍一會兒，侍應就把面遞上我雖然點的是小辣，但聞起來就有重重的麻味果然不是小兒科試一口湯底，強烈的麻辣立即湧滿整個口腔，口唇立即就麻了起來！！再試一口四川粉，它比普通米線更加彈牙爽口，又沒有紅薯粉那麼難消化而它的雞扒炸得很熱很脆，每一塊又不會太厚整個麵加起來都十分出色，不過自己不是頗吃得辣，所以吃得很慢，還邊吃邊流鼻水，但又十分過癮！！這種不吃辣又要吃的矛盾心情，相信就是吃四川麻辣的樂趣！如果食得譚仔多嫌悶的話，不妨試試這一間！

試過幾次，次次都叫單併！個魚蛋係長洲個隻大大魚蛋，今次試埋佢隻獨家紫菜蟹柳卷我本來叫既魚蛋麻辣四川粉，盛惠$37我叫左雙併，加$8，蟹柳卷得兩小塊， 加$8得兩塊野 味道方面，夠麻！唔會得個辣字！所以呢點不錯下辣叫左小辣！湯裡面既配菜都係芽菜為主料唔夠，唔係好抵食，寧願食番譚仔

今日約咗朋友係香港大學探老師，之後就一齊去食飯，天氣開始凍啦，就諗起電車路一間食辣既米線！可惜我朋友唔食得辣，不過佢地全部食物都可以選唔辣既好耐無食啦，點知去到，要為入錯地方，原來佢地岩岩裝修好，一行入去好香好勁既麻辣味。黎到我當然食最愛的豬扒手撕雞米線我同朋友既米線還有單點的細份單骨雞翼，上到枱熱辣辣好香，雞翼和豬扒都很嫩口，一咬好易“骨肉分離”，好食，小麻不太辣，但很香口！ 豬扒跟以往讀書時期食的特別不同，口感味道的確叫人上引啊，特別他們的湯底比過往更濃郁…讚！買單既時候,我問個姐姐系唔系轉左手呀?裝修完好闊落,坐得無之前咁逼,味道又好食左同以前唔同左既,原來佢地轉左師傅,不過系由老闆親自操刀每次吃巴蜀軒的大愛 麻辣米線 麻香味真係好正！鐘意食辣一定要試下

招牌豬扒酸辣米線（$36）建議食得辣葛點中辣，比較爽，少辣唔夠辣！豬扒有五六塊，幾入味，肉質夠嫩。鍾意食酸葛可能就要加酸啦，本身個米線無乜酸味。中午跟野飲仲可以半價～

首次作食評,就找這間小店小試牛刀吧今天跟2位同事到了西環辨完公事,都已快22:00了我們沿著電車路走,已經非常的餓了,當走過新釗記後,聞到一陣陣辣香味道,對於我這個好辣之人真的禁不住走進去。可惜我們在猶豫,因為同行的女友人吃不了辣的,店舖有位男服務員見我們一直站在門外傾談,他很好介紹我們招牌豬扒很出名,如果想食飯我地都有肉燥飯等...如果唔食得辣,都可以完全唔辣嫁,就這樣我們光顧了....顧及不同喜好的食客，他們能有不同程度的辣求和提供很多配料的選擇，如手撕雞,芝士丸,墨魚丸,雞排,單骨雞翼等...我點選的湯底非常濃郁，麻辣味亦非常之香,再配一枝不是每間食求都有既大枝可樂就最合適不過了!!!另外，在小食方面，麻辣手撕雞的醬料跟別的店舖不同,非常特別，甜甜的，但帶點麻香味,也很值得推介。而他們的招牌豬扒真的很招牌呢,味道很特別，肉質很鬆嫩,帶點麻香味,卻不感辣連我那位不愛辣不愛吃肉的女友人都吃得非常滋味!!!如果中環有分店就真好了...因為在香港真的很難找到正宗的四川麻辣...唯獨座位有點狹窄，坐得有點辛苦，這要注意...如果要在西環吃到美味，而抵食的四川麵線，我推介這個巴蜀軒=)

上次朋友介紹完過黎食叫左雞排麻辣中辣米線，雞排分開上，俾左米線後3分鐘先上。一食，嘩！啲味咁既？醃到冇雞味喎！然後睇下啲米線，中辣去左邊呢？落單時態度又差「你講啦」然後一個轉身走下不為例

今日同朋友到巴蜀軒食酸辣米線，我一向都食得辣，但友人就唔食得辣既，出面好多時唔辣既米線都冇乜味。我地都點了招牌豬扒酸辣米線，友人點了不辣，啲豬扒煎得好香好夠味，而且不辣的米線亦不會淡而無味。再者，豬扒唔會因為被湯浸到冇味。真係值得一試！😊

今日同媽咪去屋企附近既一間酸辣米線店食米線，自己同媽咪一直好鍾意食酸辣米線，不過呢間就覺得麻麻，因為唔夠酸！！但係值得推介既係佢既黃金芝心蝦丸真係好食。1) 酸辣豬扒米線 (小辣)2) 黃金芝心蝦丸酸辣米線 (小小辣)3) close up既流心芝心蝦丸 呢度既米線有辣度選擇，岩哂唔係好食得辣但係又鍾意食辣既我！

今天與三位友人到西環逛街，路過看見這餐廳。門外餐牌和照片也不錯便在這吃午餐。我們叫了麻辣手撕雞、 豬扒酸辣米線、 鮮蝦雲吞酸辣米線和炸醬酸辣米線。全是少少辣。酸辣米線不酸，湯底味道很淡。好↓豬扒酸辣米線：豬扒不錯，肉厚，有香草味～可以一試～(豬扒only，不是米線)劣↓鮮蝦雲吞酸辣米線：鮮蝦雲吞沒有蝦味，也不夠爽，有腥味炸醬酸辣米線：清水般的湯底…麻辣手撕雞：有麻醬、青瓜和雞胸肉。入口有麻油味，但太多油… 雞肉口感很“霉”…而且不辣，應叫「麻醬手撕雞」。我們最後並沒有吃完手撕雞，因為太油太難入口。

叫咗外賣，出奇地唔係等咗好耐！最鐘意佢地個酸辣單骨雞翼米線！因為食完唔會覺得口渴，加上個酸辣好香，唔會辣到冇晒雞翼味！而個單骨雞翼食上嚟就方便得多！因為我鐘意食雞翼又怕麻煩！😁佢地個凍檸茶好夠茶味！very good ~