巴西燒烤餐廳 (已結業)

第一次去食呢個巴西燒烤, 維園呢個場唔錯喎, 無論indoor或outdoor的檯都可以接受, 一入場就有二個賓佬係度彈結他搞氣氛,有d人重叫佢唱生日歌, 都幾好玩喎.坐低都未夠5分鐘, 就有個姐姐好快手送上一客羊脾, 嘩!原來除左燒烤之外, 重有熱盤(炒飯,意粉,牛仔骨,炸魚柳個d啦, 我無食到) salad, 三文魚同生蠔(有冰涷住, ok啦, $98唔好有咁高期望), 唉.....真係應接不暇, 你講得出都有得你食, 羊脾鞋左d, 燒菠蘿味道咸咸地有d怪, 西冷好正, 唔鞋又有口感, 燒魷魚好好味,very good, 燒芝華力腸可能平日食得多, 無咩特別, 舵鳥扒燒得唔夠熟有血, 但調味不錯. 中式豬頸肉麻麻, 但係thai式頸肉好正, 肉唔肥又爽口, good. 雞翼一般但雞扒啖啖肉, 好正!!但最多人去食竟然係個counter, 個度有個即製pancake同pasta, pancake就ok啦但係可以自己加sauce, 好受小朋友歡迎, pasta我試了墨魚麵, 可以自選材料, 火腿,煙肉磨菇,洋蔥個d啦, 但係煮得好好味! 甜品係有生果, 可以解下食肉的油膩, 另有je

第二次來巴西燒烤，不過上一次去的尖東那間，這次來維園這間試試，訂位訂了六點半，六點三竟然打電話來問我是否在途中。說回食物吧，燒菠蘿和蕃薯都比上次在尖東吃的遜色，菠蘿不夠甜，蕃薯燒得不夠，最好吃的有茄子、雞脾菇和羊脾。但我覺得這裡的甜品比尖東的出色，tiramisu和cheese cake都不錯，上次在尖東好像沒有見過，叫人驚喜的是那滑滑的豆腐花。

Fresh BBQ food is pretty good. 8 out of 10. Gotta try the mini pork leg and the turkey kidney. But food inside the buffet area (like sushi, raw oyster and other hot entree) is below average. I'll give it a 5 out of 10.Bad waiter and waitress. Beer is cheap if you can drink alot.And wait a minute.... you have to beg the waiter or waitress in order to get a new clean plate. They seldom come and pick up your used ones.

接待員在接聽電話時的態度差到已經不想幫襯!!!!!!

你們去食就緊話好啦, 但在一個侍應的立場, 就十分不滿. (1) 我當年19歲去做侍應, 第一天上班, 比人指去做野, 分明玩野, 那馮經理(男人婆)惡到死, 主任又惡, 做錯野, 如倒寫野就罵, 其他比我早入行的侍應, 扮作'師姐', 一見我這新人入行, 就把所有她做開的野交給我, 你知嗎, 我第一天又要招呼客人, 又要拾檯, 由早上十一時到零晨直落十二粒鐘, 都未收得工. 那些主任見我人又細粒, 又見我做到零晨已經就死的樣, 還要我一人掃地及拖地, 是全個場一腳踢, D人都神經病. (2) 有時要招呼學生味, 因為我樣子較細小, 故有時好心見到她們沒有水, 問她們要不要我添凍水, 又扮不理我, 在玩我, 她們都痴線. (3) 餐廳一直開到零晨, 因為人手太少, 故人人都要由早上開工至零晨, 回家都不知坐咩車, 有些變態客人, 明知夜, 又要扮作慢慢吃, 我們告訴他們要收工, 她們還慢慢吃, 不舍得走, 令我們遲遲不得收工, 他們都發神經的. (4) 地方十分不清潔, 因為這裏沒有聘請清潔員工, 故侍應除招呼客人外, 還要做清潔, 但做多又如何, 人工得$5000, 做到死, 老實講

琴晚特登去試下, 不過就冇乜驚喜因為落雨, 所以坐入面一坐底就直刻有人來問要唔要野食我地乜都未放底, 好似太快la , 呢樣唔太好之後慢慢搵野食, 佢又送d 野來, 都幾好gei食物方面, 其實都冇乜特別來來去去都係燒雞牛豬羊不過燒菠蘿真係幾正, 另外火雞腎都唔錯我地早d 去, 所以98 蚊位9:30 之後就58 蚊位, 平好多不過我地發現早個時會有生蠔之後到左9:30 佢就會搵塊布遮住佢不過下次都係9:30 之後先去好因為佢d 蠔唔係好得, 比多40 蚊為佢唔抵~

星期日夜晚同班fd一齊去食~一行九人~要上一條樓梯先去到餐廳,上左樓梯就會有人帶位~我地坐係室內,幾靚幾舒服~坐低冇耐就有個廚師拎左一串野過黎問我地要唔要...我好記得一個廚師,叫做阿LO,佢好得意o家,人人都戴廚師帽,得佢一個包頭巾~講野又好笑~肥肥地,幾靚仔o家,有D似混血兒,笑果陣好似陳冠希o家~唔只佢呀~佢地成班廚師都好玩得o家~搞到成日周圍都有人o既笑聲~搞到勁好氣氛~食都食得開心D~有一次佢拎左串茄子黎...我地話要晒成串,跟住佢叫埋其他廚師黎,四個廚師,一人一串茄子係我地面前...佢問:係唔係要晒呀?~笑到我地死呀~除左D廚師會同我地玩之外,D侍應都會同我地講笑o家~D野食都幾好味~D人都REFILL得幾快,D熱盤一空左就會有人出黎換~甜品幾好味~又有雪糕食~幾好~埋單都係每人七十幾蚊~抵食~一定要去試下~

兩個人去食lunch, 1:30 左右﹐唔多人﹐坐出面D檯﹐微風吹來﹐都幾舒服。叫左兩個$28午餐﹐有湯(一般)﹐煎豬扒薯菜﹐咖啡或茶。個兩塊豬扒﹐我個friend 就一塊熟一塊唔熟﹐我就第一塊已經唔熟... 連骨的地方仲係粉紅色的!! 立刻叫個waiter 黎﹐佢望兩望﹐問我地想點﹐我個friend 話煮熟佢算啦。五分鐘後個waiter 捧個兩碟新0既過黎﹐今次就真係熟喇﹐不過﹐咩胃口都無啦。講番D味道﹐其實同燒烤的"yip" 肉無分別﹐個汁好杰﹐我情願點“李派林”﹐薯係薯寶﹐菜係小唐菜。其實唔叫set﹐可以食buffet﹐$58+10%﹐不過行過D食物﹐唔吸引﹐所以食set 算。我同個friend 都話唔會再去

前幾日我地４個人去食，慶祝其中一個既生日．我係第一次去，覺得ｄ裝修都幾好．一坐低就有個ｗａｉｔｒｅｓｓ行埋黎問我地使唔使加１６蚊任飲，我地話唔使，佢即刻樣都變埋，仲要黑面喎！有ｄ過分．！我覺得ｄ野食唔係好夠，食黎食去都係ｏ個ｄ，有ｄ悶．．不過ｃａｋｅ就幾好食，又夠多．．唔錯．．

$58位.930開始.有露天雅座環境正.食物質素不錯.意粉即煮的...好味.有一個非香港人的侍應都好熱情服務.沒有食甜品.熱盤有些比較難食.但整體都ok.我覺得綠茶雪糕幾正.總之不錯不錯啦...

情人節個日我地有7個大人及1位小朋友到呢度食野，我地坐底後問侍應個小朋友要唔要收錢(因為佢只得2歲)，跟住佢地話個小朋友係BB唔計佢，跟住我地叫野飲，問個紫色衫既男侍應(我諗佢幾高級)，問佢個小朋友有冇野飲送既，佢冇即時回答，跟住我地又問另一個男仔侍應，個男仔侍應去左問頭先個高級侍應，高級侍應好大聲講：個BB都唔收錢架？仲邊度有野飲架！！都算啦，食完埋單時，個高級侍應羅張單黎個時，話我地D飲品係任飲個種(但我地都唔係任飲喎！因為個晚轉任飲要加錢嘛)，佢好服氣返去轉單，但行過見到頭先幫我落單個男仔，佢好大聲又講：人地話唔係任飲喎，你做咩比任飲D杯比人呀，你係咪請人地飲野先，人地依家唔應數呀，跟住都係死死地轉返單比我地羅，基本上佢D態度真係好有問題，其實個間餐入面仲有幾個都係服務麻麻，只有幾個服務好好！D野食其實真係幾好食，因為我都係第二次去tim！熱食同甜品都幾好架！一大班人氣份一流！值得再一去架，不過記住比多D野個紫衫高級侍應做都好架！做死佢為止！！

去過一次...o的服務就麻麻地...o的野食未拎到黎我地張檯已經無晒...但係o的人又唔會轉頭補番...要我地叫左好多次先拎一次...我覺得呢下唔係咁得...環境都幾好...不過好似樂道o個間好o的...o的野好似集中o的...但係地方無咁大...睇下你要求o既係咩啦~

有日同一班好耐冇見o既小學同學一齊去食晚飯, 環境都唔錯, 係一班朋友聚舊o既好地方, 食物方面都幾好, 有啲人會叉住啲食物問你要唔要, 都好好味呢, 不過熱盤就唔係大好喇! 冇咩興趣去食囉~ 本來我對甜品都好大興趣o架, 不過食到太約9:30pm 到咗宵夜時段, 好好味o既甜品就冇晒lu~ 只有普通o既款式, 味道都唔係太好, 不過總括嚟講都直得一試o既!!!!

我去過維園個間，d人好nice，可能我有叫野飲gwa，態度好好之餘，又會定時定候幫你斟野飲，收碟整野都會唔該前唔該後，都幾好呀......野食呢...buffet個邊普通啦(不過都唔係太差)，廚師拎黎既會好食d，尤其是個又脆芝士又夠溶既芝士腸，不過燒菠蘿味道太淡，個人不是太喜歡。甜品呢...d生果都ok啦，同埋實在太飽了，我試埋個tiramisu就投降，雖然普通，但都唔係太難食既。講真$98任食仲有咁多種類俾你揀，算係咁啦。環境初初都幾好(我坐室外)，但跟住一到peak hr個陣，人一多就覺得d位好逼，anyway d侍應既態度始終如一無發"蚊憎"，值得一讚!再加埋由室內走出黎既兩位結他友唱生日歌(隔離檯)搞氣氛，都叫做補番數啦!不過對某d顧客唔係咁滿意，我記得有一檯10個人的，次次d廚師拎野食過佢地都要左好大抽，有一次仲成串bbq肉要晒，搞到其他人無得夾，仲要佢起一副得戚的樣子同埋食淨好多野，實在過份!!

Actually the food is not bad but too salty for the meat type