巴辣仔冒菜火鍋 (新祥街)

营业中

休息中

接女友收工，又遇着傾盆大雨，所以去上水火車站接她，諗咗好耐食乜好我突然記得有位朋友喺fb 提過黎呢間巴辣仔，係食咗兩次。我估差極有限，所以決定試吓。喺新祥街好易搵到巴辣仔，時間大約七點，客唔太多，安排了座位，送上餐牌，眼花瞭亂，最後叫咗－個大腸鯇魚煲。辣度無得揀，但不太辣，滾起夾餸，個煲好足料，大腸超入味鯇魚片好好味，大大片肉，但本少爺少ler 骨，所以要慢慢食。嘩！食咗—個小時，煲裡Ｄ餸夾極都有，咁有良心之小店實在買少見少，值得高度表揚。隨煲附送—碟靚生菜，另外，叫了竹笙、淮山。天地壹號趁煲超正。好味到要連湯飲。呢間會有下次，下次再試其他。

如果你食雞煲+打邊爐食厭咗, 我推介大家去上水"巴辣仔"試下佢地個烤魚,最好你仲意食辣啦~ 因為佢個辣烤魚真係好惹味~ 唔食辣可以食酸菜煮魚,今次我地揀咗沙巴躉, 條魚有成個盤咁長, ORDER一份魚之後你可以ORDER其他配料, 好似打邊爐咁, 通常我叫叫窩筍,豬大腸哩D襟煮又索味既配料,如果你食得辣, 不方叫阿姐幫你加多D麻辣, 真係辣得好過癮,講返條魚, 佢會先將條魚炸到半熟, 外皮有少少酥咗~ 之後再加海量莞茜再係個麻辣湯度著~ 要去食記得帶多兩包紙巾抺汗啦~ 令外提一提佢下午個D冒菜米線都好扺食~ 羊肉片好正

#向阳从厦门吃到全世界##香港美食##巴辣仔冒菜#上水新祥街14號週末就是要出街尋吃的呀，上水一遇上週末就會有非常多的人，石湖墟也算是個老街市，走街竄巷有許多餐廳，日料，茶餐廳，粉面店居多。來港這麼久，還未曾吃到真的辣的食物，看到冒菜眼睛都放光了。落座後自己在菜單上勾選，可以自選也有套餐。〈鮮菇冒菜〉有鮮冬菇、金菇、雞腿菇、秀珍菇、萵筍條、雲耳、芽菜、包心菜、豆腐皮、芫荽、蘿蔔乾。很素但也很有味，雞腿菇和秀珍菇最佳，配料里的豆腐皮也很入味，醃制的蘿蔔乾提升了口感。〈丸子冒菜〉有牛丸、貢丸、芝心丸、墨魚丸、脆皮腸、芽菜、包心菜、豆腐皮、金菇、芫荽、蘿蔔乾。真真是丸子大雜燴，牛丸和貢丸最佳，但都是丸子本身的味道，薯粉正正好，還留有嚼勁。〈牛肉冒菜〉有肥牛、牛丸、牛百葉、芽菜、包心菜、豆腐皮、金菇、芫荽、蘿蔔乾。冒菜里有肉肉才是正道啊！肥牛味濃香甜有嚼勁，帶著冒菜湯汁的鮮味。米線也浸足了辣味與骨湯。主食有米線、薯粉可選，加錢便能換出前一丁和烏冬。辣度有清湯、BB辣、微辣、中辣、特辣，我們仨都選了BB辣，能吃辣的自然覺得沒有在辣，但有味江浙滬的覺得很辣哈哈哈。算是來港以來最能想起以前街邊食店的

食物水準尚可，員工態度認真麻麻，因為桌面真係太細，我哋想要求換大枱，同個呀姐講完，佢就好重語氣講，今日假期，係咁㗎啦，我明白要做生意，我同老公已早到五點半食飯，盡量避開多人時間。一個烤魚爐已經放了三份二位置，仲要放兩人餐具，根本無法放碗食飯，為何食得如此辛苦呢！

枱面上的點餐紙是自己填完給侍應，叫了個bb辣，但其實算不上辣，只是有點嘴角邊熱的感覺。薯粉夠Q彈,配菜仲有d豆腐皮，菜脯，芽菜等。然後叫左黑豚肉（好大片），魚皮餃仲有粉絲。個碗仲好有中國特色，來食嘅人聽到普通話也不少。店鋪不大，但好容易搵到。算叫做有特色，唔同出面一般嘅米線鋪頭。另外一碗係朋友叫的，微辣，可接受。

今個假期好攰，瞓醒揾野食都淨係留嗨上水。囡囡話今日想食薯粉，我哋就去左舊墟巴辣仔。微辣芝心丸，萵筍，蟹柳薯粉可惜今日嘅薯粉煮過龍，擺落口幾乎唔使噍，完全冇晒口感😓BB辣肥牛，芝士腸，炸魚蛋薯粉，滿心歡喜去食，失望而回。

今次入到舊街食呢個巴辣仔，之前已經食過個雞煲，佢嘅辣比出面嘅辣會辣多少少，BB辣等於出面嘅小辣，不過咁鍾意食辣嘅我梗係叫中辣啦！今次食咗佢三百幾蚊嘅呢個沙巴龍躉魚煲，原本想叫個平啲嘅魚，但係因為去得比較夜所以已經賣晒啦，咁唯有食三百幾蚊呢個啦。我哋兩個女仔食佢除咗個條魚之外，仲會有得揀幾種小菜，嗰陣時唔知道原來有咁多，我哋仲叫咗啲薯粉生菜等等嘅嘢。最後當然係食唔晒啦。但係條魚真係好好食！骨就唔多，一夾都夾都好多肉，而且側邊好多酸菜金菇等等嘅配菜本身個湯自己有嘅，所以其實除非好多人去食，如果唔係都可以唔使再另外叫野。不過佢啲嘢上菜嘅時候都幾乾淨企理，比想像中好好多。最鍾意嘅係比你自己撈嘅醬，佢嗰隻辣椒嘅味好出，唔係普通嘅辣椒油，未上菜之前肚餓得滯我仲一直點去啲豉油㗳下個味添！

年初四入到上水，上openrice睇下有咩好食，見哩間好評多諗住試下，點知中伏！今日一家人同埋親朋戚友一齊去，諗住book定位實無死，點知book左位都仲要等成個鐘，根本就無留位，仲要話已經留左位係我地遲到，都算，入去之前有個男職員介紹食魚煲話好抵食，但一個鯇魚煲成300幾蚊，又普通又貴入到去位又窄，樓上超焗至於食物方面，都係d普通火鍋料，叫d肥牛豬頸肉，9個人都係得幾片，又唔係特別新鮮，食其他餐廳好過總結: 一肚氣！比得起哩個價錢不如食其他好過

上水呢一條街，已經變左食街。剩係食粉面都有最少4間。第一次食過巴辣仔之後，鐘意食辣既我久唔久心郁郁都想再食。一入鋪頭，就會聞到一股好似去左內地餐廳食辣野既味道，佢主打食特色冒菜，冒既意思好似係你會食到冒汗。我食過幾次都係食下午茶，$30包兩款餸+一款齋菜。有米線或者薯粉揀。米線煮得好琳，我自己鐘意食米線多ｄ，因為佢煮得夠琳，但個湯就唔係好熱。個米線或薯粉底包有一小撮菜甫、仲有鞋帶腐皮韮菜等，$30係幾抵食。有份小、中、特辣。我食中辣，我個friend就食特辣。個湯底唔係死辣個d，又唔會辣到食唔到，但真係會食到冒汗。好正！我食過豬潤、牛柏葉、豬大腸、木耳、蒿荀，呢ｄ料都好新鮮；但我有食過潮州魚旦，就唔好食，好似雪左好耐一ｄ都唔好食。如果你係住係上水，唔想一味食三哥譚仔或者成記，又鐘意食辣既你，試下巴辣仔，可能會成為你既新寵！

琴晚爆醉走左返大陸按摩，星期六放假無節目，自己瞓到晏晝醒，起身返香港食個早餐先。終於發掘多一間美味辣辣薯粉喇！除左串燒妹重慶酸辣粉外，依家仲有巴辣仔既巴蜀式辣薯粉呢。地方算寬敞乾淨，下午食客不太多，但 keep 住有。服務殷勤周到，滿意。宿醉未醒，飲罐回魂可樂先得。四點食早餐，今晚八點約左曾小姐食晚飯，唔可以食太多野啊。窩筍墨魚仔肥牛松葉蟹柳紅薯粉中辣，耐心等候左十分鐘有得食喇，似乎時間長左少少，溫度不太高，接近燙口，都合格。賣相整齊美觀，執靚仔先出貨，good！唔會學譚仔成堆垃圾烚熟大兜亂，其求煮熟倒落碗，食啦！您估屋企煮即食麵咩？腐皮好鬼得意，皮帶咁樣，嚥韌豆味強勁。肥牛味濃香甜有嚼勁、韮菜多汁鮮爽，滿意，味道仲非常夾添，捲住一齊食另有一番風味。生窩筍條味道清淡，水份充沛，咬落勁爽脆，卜卜聲，第一次生食。松葉蟹柳有點酸味，係咪儲存得唔好？墨魚仔爽得黎怪怪的，無嚥韌感覺，好采都有墨魚味。薯粉煮耐左，腍左少少，滑溜但唔夠彈牙嚥韌。好食過對面間滇川雲南米線百倍，湯底香辣有層次，豐富多變既香料味道，中辣令人回味，下次挑戰大辣。侍應肥妹妹同嬸嬸都服務溫暖舒服，埋單只係 $40 蚊連可樂，勁平

又出奇地好味喎個湯底同米線（純粹個人喜好鍾意食彈牙米線），仲有嗰一小撮菜甫，連埋辣椒粒食真係冇得輸；個湯鹹鹹辣辣咁，中辣好似小辣，唔係辣到噴火，係流鼻水啫但d菇就⋯有菇味囉，但好似生既一樣，唔知係咪獨特煮法..btw盛惠33，有電視睇，仲有免費熱茶同熱情阿姐添可以試下夜市

朋友話帶我地幾個去上水試一間新開業的特色冒菜火鍋，一向追求好野食又貪新鮮既我，當然是十分期待，一來到門口抬頭看見招牌寫住冒菜火鍋，已經好想知究竟好唔好食~同有咩好食先......我係門口睇睇會見到舖面都有介紹冒菜的由來，店員服務態度很好又殷勤，又推介一些招牌菜給我地揀，最後點左出名的巴辣鮮雞鍋(小辣)同埋火鍋配料，食鍋前仲叫左兩個招牌小食(木耳、鳳爪)，邊傾計邊食住等，值得一讚是店員效率真是好高，不用等太久，熱辣辣的惹味雞煲就送到，店員仲細心給了我們一樽清熱又解辣的特飲，雞鍋食落很鮮味、份量又足，加埋賣相好吸引，我係第一個忍唔住夾先，第一啖食落去，感覺少少辣，就算我咁怕食辣的朋友都會越食越想食，食完雞鍋加d清湯落埋火鍋配料，又有另一番風味，火鍋配料吸收哂原有雞鍋的精髓，令到響鈴、豬大腸都完全入味，食到很飽，這餐真的食得很滿足，而且黎這間店又近火車站，咁方便，我地幾個都已經約好下次再來食過，下次試食香辣蟹蝦煲，十分期待下次的見面。

聽講上水開左間賣冒菜的 冒菜我係深圳食過 幾好食 好像係四川名小食 內似香港的車仔麵 不過它的湯底係四川麻辣口味 香辣 我們叫左碗二人套餐 幾大碗喔 因為我細佬唔食得辣 所以叫左上湯 好味 湯底幾香濃 我們連湯都飲埋 尤其係面頭仲有D蘿蔔乾 好香口 又脆 幾特別 新開張仲送埋野飲 呵呵 幾好喔 老細好熱情 同我們講原來返四川搵師傅學返來架 幾正宗 下次再去試下他們夜市 正宗招牌四川火鍋