影片
以上资料只供参考，请与餐厅确认详情
招牌菜
未食過就要試吓啦.因為做到2011年7月30日.舊址是在總統戲院則的後巷，環境非常差，生活也很吃力豬紅很入味,值得一試.這裡有很多四海出品的製品,有所保證呢.豬腸味道不錯,有口感.牛腩也炆得很稔這是一間與別不同的車仔麵店.這裡最出名應是大什麵想起當年和朋友一齊係sogo後巷食.始終開業40多年已不倒的食店並不多.份量適中，味道不太濃
继续阅读
一直都想試呢間老字號, 直至今日下午茶時刻去試, 店舖十分簡潔, 我order 咗大什麵, 要幼麵內有豬紅, 紅腸, 魚旦, 魚片 , 手打牛丸, 蘿蔔(我走咗豬皮同粉腸) 另加牛腩 * 大什麵上台, 麵身好幼滑同爽, 湯內加上牛腩汁, 正 !* 手打牛丸, 食落去好有質感,好食到可以外賣回家 !* 豬紅, 估唔到有芳香鹵水味, 口感方面都十分爽 !* 蘿蔔, 入口霖及清甜 , 不老 ! 最後結賬 : $42 (因加咗牛腩)下次一定再去食 ^^
继续阅读
因為想食車仔麵所以試左呢間, 點知累左個朋友!!叫左杯凍咖啡但黎錯左熱咖啡, 同佢講完竟然直接加番冰落去就算!連糖水都唔落....講番車仔麵, 餸的選擇唔多, 湯底無味不得止....朋友食食下發現有條蟲係碗麵入面!!!!!條蟲足足有成5CM長!! 搞到我食左半碗都唔敢再食喇....服務態度又差! 一定唔會再去!!!!
继续阅读
又一個遺留已久的食評, 師傅已經唔記得點解會黎左呢區, 更加唔記得之前食左啲咩, 但就好記得當時食得唔飽, 加上有好多時間淨, 所以決定搵個地方坐底食野! 咁啱行過見到呢間食店, 見個名熟口熟面, 叫巷仔但食店又唔喺巷仔咁得意, 點都要入去食下啦! 入到去食店, 食客唔算多, 求其搵個位就坐底! 坐底後, 慢慢先諗番呢間食店以前原來真係喺條橫街嘅巷仔, 不過搬左鋪, 所以店名就照舊! 於是亦攞起張柯打紙, 諗左一陣就決定要碗三餸麵, 食物就揀左豬腸, 豬紅和粗牛丸, 配上幼麵! 點知一陣個伙計同師傅講 “豬腸賣晒”! 當下真係晴天霹靂, 師傅最愛嘅豬腸竟然冇得食, 真係想止蝕離場! 可惜最終都做唔出, 唯有另選蟹粉包心丸! 先試湯底, 湯底味道勁咸, 絕不吸引, 飲左兩啖湯師傅已經心知中伏, 咁應該點算好呢 師傅已經好想鬆人, 但礎於唔想浪費食物, 唯有免為其難食埋佢啦; 於是即刻放舊豬紅入口, 發覺豬紅唔滑, 煮得有少少過火, 老老地所以亦韌韌地, 對於鍾意有咬口嘅人可能會欣賞, 但對於師傅黎講就絕對合格, 豬紅要滑身先至夠正, 感覺就如豆腐一樣, 滑先至正!粗牛丸就幾鬆身, 有少少牛香味道, 而牛丸裡亦夾雜少少芹菜粒, 鍾意芹菜就會覺得香, 唔鍾意一定話臭, 所以呢個位唔特別評論; 蟹粉包心丸就差得緊要, 雖然餡料嘅蟹粉都幾多亦幾香, 係幾吸引下, 可惜粒丸就勁腍, 絕冇爽口彈牙嘅感覺, 放入口中有如受罪; 麵身一般, 絕冇特別, 反而碗內亦有幾條菜, 西洋菜鮮甜嫩綠, 看來係全碗最好! 總括黎講車仔麵質素唔合格, 由湯底至餸冇一樣吸引, 境就係乾淨, 價錢就唔太平, 三餸麵公價廿十六蚊, 咁嘅水準絕對唔抵食! 要知車仔麵係師傅嘅至愛, 但是次絕對不是味兒, 少少優點都搵唔到, 計師傅話呢間食店應該改名, 巷得濟車仔麵似乎貼切啲, 縱是比了喊臉仍令師傅難以釋懷, 四個字形容 – “不值一試”; 所以肯定冇下次!
继续阅读
6月5日, 晏晝餐brunch食得太飽, 夜晚唸住求求其食少少野算~ 於是去咗呢度食個油菜車仔麵~~~::: 紅腸豬大腸魚餃米 ::: $32一個好清淡嘅米線, 正好幫助消化一下晏晝嘅tea. 清湯底冇乜味, 連帶餸料都唔太多味. 豬大腸白晒晒但係都叫有少少滷水味, 但係紅腸魚餃就幾淡… 好嘅係隨米都有蘿蔔同菜送. 但係$32唔係好抵…::: 淨菜 ::: $13是日油菜係通菜, 同時奉送你一個芽菜底~ 菜唔老唔嫩, 淋上些少腩汁, 味道都叫正正常常啦~ 但芽菜無摘過, 仲要食食下有d裝菜嘅發泡膠粒! 當下即刻嬲咗! 求其唔緊要, 但唔好咁唔衛生丫嘛!!::: 凍檸茶 ::: $10凍檸茶唔夠凍, 用熱茶整壞處係要靠冰去整凍佢, 但係就會令杯野淡咗同d冰好快融晒, 最後只得一杯開水溫嘅檸茶…本來由巷仔做到入舖係值得開心嘅事, 但如果入咗舖但衛生水平反而仲係咁差就真係唔要得囉!
继续阅读