巷仔車仔麵 (已結業)

未食過就要試吓啦.因為做到2011年7月30日.舊址是在總統戲院則的後巷，環境非常差，生活也很吃力豬紅很入味,值得一試.這裡有很多四海出品的製品,有所保證呢.豬腸味道不錯,有口感.牛腩也炆得很稔這是一間與別不同的車仔麵店.這裡最出名應是大什麵想起當年和朋友一齊係sogo後巷食.始終開業40多年已不倒的食店並不多.份量適中，味道不太濃

一直都想試呢間老字號, 直至今日下午茶時刻去試, 店舖十分簡潔, 我order 咗大什麵, 要幼麵內有豬紅, 紅腸, 魚旦, 魚片 , 手打牛丸, 蘿蔔(我走咗豬皮同粉腸) 另加牛腩 * 大什麵上台, 麵身好幼滑同爽, 湯內加上牛腩汁, 正 !* 手打牛丸, 食落去好有質感,好食到可以外賣回家 !* 豬紅, 估唔到有芳香鹵水味, 口感方面都十分爽 !* 蘿蔔, 入口霖及清甜 , 不老 ! 最後結賬 : $42 (因加咗牛腩)下次一定再去食 ^^

因為想食車仔麵所以試左呢間, 點知累左個朋友!!叫左杯凍咖啡但黎錯左熱咖啡, 同佢講完竟然直接加番冰落去就算!連糖水都唔落....講番車仔麵, 餸的選擇唔多, 湯底無味不得止....朋友食食下發現有條蟲係碗麵入面!!!!!條蟲足足有成5CM長!! 搞到我食左半碗都唔敢再食喇....服務態度又差! 一定唔會再去!!!!

又一個遺留已久的食評, 師傅已經唔記得點解會黎左呢區, 更加唔記得之前食左啲咩, 但就好記得當時食得唔飽, 加上有好多時間淨, 所以決定搵個地方坐底食野! 咁啱行過見到呢間食店, 見個名熟口熟面, 叫巷仔但食店又唔喺巷仔咁得意, 點都要入去食下啦! 入到去食店, 食客唔算多, 求其搵個位就坐底! 坐底後, 慢慢先諗番呢間食店以前原來真係喺條橫街嘅巷仔, 不過搬左鋪, 所以店名就照舊! 於是亦攞起張柯打紙, 諗左一陣就決定要碗三餸麵, 食物就揀左豬腸, 豬紅和粗牛丸, 配上幼麵! 點知一陣個伙計同師傅講 “豬腸賣晒”! 當下真係晴天霹靂, 師傅最愛嘅豬腸竟然冇得食, 真係想止蝕離場! 可惜最終都做唔出, 唯有另選蟹粉包心丸! 先試湯底, 湯底味道勁咸, 絕不吸引, 飲左兩啖湯師傅已經心知中伏, 咁應該點算好呢 師傅已經好想鬆人, 但礎於唔想浪費食物, 唯有免為其難食埋佢啦; 於是即刻放舊豬紅入口, 發覺豬紅唔滑, 煮得有少少過火, 老老地所以亦韌韌地, 對於鍾意有咬口嘅人可能會欣賞, 但對於師傅黎講就絕對合格, 豬紅要滑身先至夠正, 感覺就如豆腐一樣, 滑先至正!粗牛丸就幾鬆身, 有少少

6月5日, 晏晝餐brunch食得太飽, 夜晚唸住求求其食少少野算~ 於是去咗呢度食個油菜車仔麵~~~::: 紅腸豬大腸魚餃米 ::: $32一個好清淡嘅米線, 正好幫助消化一下晏晝嘅tea. 清湯底冇乜味, 連帶餸料都唔太多味. 豬大腸白晒晒但係都叫有少少滷水味, 但係紅腸魚餃就幾淡… 好嘅係隨米都有蘿蔔同菜送. 但係$32唔係好抵…::: 淨菜 ::: $13是日油菜係通菜, 同時奉送你一個芽菜底~ 菜唔老唔嫩, 淋上些少腩汁, 味道都叫正正常常啦~ 但芽菜無摘過, 仲要食食下有d裝菜嘅發泡膠粒! 當下即刻嬲咗! 求其唔緊要, 但唔好咁唔衛生丫嘛!!::: 凍檸茶 ::: $10凍檸茶唔夠凍, 用熱茶整壞處係要靠冰去整凍佢, 但係就會令杯野淡咗同d冰好快融晒, 最後只得一杯開水溫嘅檸茶…本來由巷仔做到入舖係值得開心嘅事, 但如果入咗舖但衛生水平反而仲係咁差就真係唔要得囉!

今日唔係好肚餓, 所以冇幫襯佢個招牌大雜麵, 只係食咗個3 餸粗麵蘿蔔: 一貫地出色, 甜... 唯獨是有一舊有根, 不過影響不大貢丸: 冇咩特別, 普通貨色, 唔知點評蟹子丸: 超市貨, 食第一啖已經後悔, 相信會有其他嘢會比佢出色不過佢個湯底我覺得唔錯, 真係好飲, 有可能係師傅嘅威力, 唔理咁多, 好飲就得!!價錢雖然冇乜點加, 但係size 細咗, 生活迫人...

話說是晚路過銅鑼灣駱克道，落大雨兼無帶雨傘，剛巧見到一間外貌平凡的麵店叫「巷仔車仔麵」，店子小小，沒有華麗的裝修，舖外貼滿豬皮，魚旦，蘿蔔，蟹籽包心丸等麵款的相片。老實說，毫不吸引。龍少爺只是隨便入內避雨，兼順道食碗麵。這裡最出名應是大什麵 ($29) ，那就來一碗好了。材料包羅萬有，每樣傳統車仔麵材料也有一點：豬紅，切絲豬皮，牛丸，紅腸，粉腸，蘿蔔，魚蛋，西洋菜等，賣相一般但味道頗有驚喜！粉腸夠爽兼有鮮味；蘿蔔清甜又沒有渣。湯底清清而夠味，沒什麼味精，吃完不會覺得好口乾。一於加碼，另外點了一碗剩餸：牛筋腩，咖喱尤魚，雞翼及水餃。全部自家製，味道均不俗。店主是一位約六十歲的伯伯，很瘦，滿頭白髮，負責樓面；太太則在廚房內默默地煮麵。由於未停雨，龍少爺便與店主閒聊起來。原來此麵店已有40多年的歷史，舊址是在總統戲院則的後巷，環境非常差，生活也很吃力。經過多年努力，終於在昨年搬進現在的新店，環境比當年好得多了。這新店可說是他們用多年的血汗及努力換來的！店主的故事令我想起 Eason「苦瓜」的幾句歌詞：真想不到當初我們也討厭吃苦瓜當睇清世間所有定理又何用再怕開始時捱一些苦 栽種絕處的花幸得艱辛

五月十八日 (生期三)上次和同事路過這家車仔麵,名字有點熟悉原來它搬了家今晚做完gym後,就到了這裡吃晚餐店子人不多,也許時間已經不早了點了兩個車仔麵水餃品質一般,應該是超市買到的那種細牛丸似乎是推介的就一試,味道可以,但肉質比較實豬紅很入味,值得一試這裡有很多四海出品的製品,有所保證呢豬腸味道不錯,有口感牛腩也炆得很稔凍檸茶檸茶放了雪櫃耐了?有點雪味

同事中，有一位很喜歡車仔麵的，在搬到灣仔的初期，經常問我那兒有車仔麵吃。雖然我不是車仔麵達人，但久而久之，也開始留意附近那裡有車仔麵，這間巷仔，就是在這樣的情況下發現的。這一天途經這裡，先來試吃，好吃的話，再介紹給同事吧。跟很多車仔麵店一樣，這裡也有大雜麵，本來我也想試下，但留意到其中一樣配料是粉腸，就放棄了。其實不是很多車仔麵店有粉腸吃，如果大家喜歡吃粉腸，可以來一試，再告訴我味道如何吧。巷仔大雜麵的配料有牛丸、粉腸、豬紅、豬皮、魚旦、魚片、紅腸、蘿蔔，列出來供大家參考一下吧。下單是填紙的，我點了牛根腩、芝士包心丸、蟹粉包心丸油麵。麵配少量是日時菜，所以可以考慮不另點菜類。下單時沒留意牆上介紹，芝士包心丸、蟹粉包心丸，兩者原來都是四海出品，是有點後悔了，也不特別介紹了。牛根腩以柱侯製法，牛味入味還可以，但稍微油了點，炆的也不腍，牛根腩肥肉根位頗多，可算是名副其實的牛根腩合體。車仔麵要取勝，個人覺得還是自家準備的配料如雞翼、牛根腩、豬大腸要出色，不然我自己買魚蛋牛丸回家煮麵好過了。這一間車仔麵，看來不用介紹給同事了。

$28。牛筋腩、蟹黃包心丸、芝士包心丸米粉：湯味適中，唔咸唔淡，幾鐘意個湯底，米粉煮得剛好份量ok牛筋腩都炆得幾淋蟹黃包心丸和芝士包心丸的內餡幾好味，略嫌未夠爆！

22-8-2010是日 lunch 想食 light 一點又「平價」一點, 捉了朋友陪我嚟到呢間唔再喺巷仔的車仔麵店. 大家都對招牌「雜麵」的配料無興趣, 最好一人劃了一碗自選 3 餸麵, 再加碗淨菜 share 食.劃了豬腸 + 蘿白 + 蟹黃包心丸配油麵... 湯底賣相混濁, 呷了幾啖覺得帶點甜, 不過又甜得好「鬼祟」, 跟住口渴, MSG 度都幾嚴重 油麵煮得偏腍, 唔喜歡 蘿白無渣亦甜, 不過又好似同湯底一樣甜得有少少假 豬腸幾軟熟, 帶點「臊」味, 而且肥膏奇多, 唯有自行咬開 lur 掉;「蟹黃包心丸」又名打邊爐「蟹籽包心丸」或「蟹籽包」,「蟹黃」當然無啦, 幾蚊你想點? 朋友食芝士腸 + 肥牛 + 芝士包心丸配幼麵... 試了少少肥牛, 都幾嚡又幾臊 又試了一箸「幼麵」, 似公仔麵 (呢間嗰 d: http://www.openrice.com/restaurant/commentdetail.htm?commentid=1978331) 多 d , 仲以為係廣式蛋麵 tim...「淨菜」係通菜 + 芽菜, 後者得嗰幾條 , 前者就幾爽嫩清甜, 撇除湯

說起此巷記,當年還在景隆街的時候,因為公司在附近,不時來賣外賣,回到公司吃.現今搬到去駱克道上,事實上已不在是"巷仔".新店的環境,比當年好得多,須知道舊店真係在後巷隔離.做完GYM胃口奇佳,來個包羅萬有的大雜麵,這個大雜麵包羅萬有,每一樣傳統車仔麵材料也有一點,有豬紅,豬皮,粉腸,蘿蔔,魚蛋,連牛丸,紅腸,通菜也有,麵底方面便來個油麵,個人吃車仔麵,特別偏好吃油麵.在大雜會之中,特別喜歡粉腸,粉得來夠爽,兼有鮮味.蘿蔔鮮甜帶爽又沒有渣,其他材料如牛丸較粗糙,不是很有彈力的那種潮式牛丸,近似去打邊爐的軟淋貨色.湯底比大多地方來得清,喝下去是豬骨的味道,有時候吃車仔麵,面對著深不見底,令人有所懷疑的曖昧味道,但又一口氣喝清光,真係連我都不明白.如果同其他兩間銅鑼灣名牌車仔麵夾硬去比,"榮記"的鹵水翼尖,同蘿蔔是很高水準,登龍街的"新記",以香濃惹味的辣汁取勝,而巷仔車仔麵,湯底則比前兩者好,總之各擅勝場,各有不同的捧場客.

這是一間與別不同的車仔麵店，如果你想吃一碗吃完之後不會口乾又好味的車仔麵就要來這間試試，它的舊址是總統戲院則巷仔的一間小店子，頭一次是同事帶我去試的，店子小小，新店感覺比較光猛衛生，這店子的麵最特別之處是清清的湯，沒什麼味精，吃完不會覺得好口乾。這裡最出名應是大什麵，但今天我點了的是豬皮、辣魚蛋、牛筋腩+油麵，每碗都有西洋菜送，份量適中，味道不太濃，沒有其他的車仔麵店吃一碗要喝3杯水才能止喝的感覺。

巷仔搬咗入舖, 食個大什油麵.想起當年和朋友一齊係sogo後巷食.我好細個食到大.都有40多年.在嚴寒係到吃了一碗米粉清甜的湯頭加上處理恰當的豬粉腸.吃後全身都暖.這檔車仔麵就成為我們相識後光顧得最久的一家食肆.當年前麵檔搬到總統戲院附近宜家係到都幾好喎.環境好過以前好多.始終開業40多年已不倒的食店並不多.我每次來一定要一碗粉腸米.這裡的特色是豬骨煲的湯底.吃了這麼多年甚少吃到苦的，亦從未嚐過異味.每碗粉／麵均配銀芽和蔬菜.極力推介辣椒油，我覺得夠辣夠香.大什材料也幾多有蘿蔔.豬皮、豬粉腸、紅腸、魚片、牛丸、豬紅、菜.蘿蔔甜美沒渣粉腸夠粉夠腍.粗牛丸超級好味啦我都唔明有人寫到咁差(上面個亞O)又話豬皮一條條細絲重要係燶o既.我食到金黄色.您隻眼有事睇眼科啦.又話粉腸一細粒一細粒咁.... 好似食"shau" 咁.唔係一細粒唔通拳頭咁大咩

見巷仔搬咗入舖, 又想食少少o野, 咪幫襯吓囉, 點知跌錢.... 一個大什油麵, 諗住貪佢會好似以前咁大堆頭, 點知份量縮晒水, 啲料一粒粒咁, 豬皮一條條細絲重要係燶o既, 粉腸一細粒一細粒咁.... 好似食"shau" 咁..... 個湯底油到爆, 衰過食豬油..... 價錢又貴過巷仔年代. 試過今次, 知道可一不可再, 各位三思........