市川日本料理

营业中

休息中

無經常黎太古城，黎到睇到個名印象中好似係幾高質的日本餐廳，我不嬲都鍾意點最貴的刺身或壽司拚盤黎睇下舖頭的質素。刺身都壽司黎到，無話可說，$195 得八片最普通的刺身，條幼海蝦好似筷子咁，係短嗰隻，魚生都有少少放耐左的味，非常可惜竟然比呢間垃圾餐廳破壞左我既家庭日。。。我真係唔介意價錢，我寧願佢貴D但唔該質素正常點。太古城都被佢映衰晒！炒飯得幾粒雞，麵鼓湯極咸，前菜直頭唔係人食既，一世都唔想再見到呢個名！

尋日同家姐去太古城行街，順便食lunch。經過呢間日本野就入左去食。職員態度ok，見我帶住小朋友都好友善，又主動幫我地將啲水杯野飲放遠啲驚小朋友搞。環境方面都算舒適，燈光偏暗。食物價錢唔平，我地叫左兩份下午茶餐，9x蚊一份。一份係五色粒粒魚生飯，一份係帆立貝煙肉炒飯，兩份都揀左跟熱柚子茶。另外再叫左客芒果三文魚卷（$120）。魚生飯我冇食，但家姐話其中一舊魚生有骨，同埋某啲係腥腥地。。炒飯味道一般，過重胡椒味，帆立貝只有兩三粒而且質素很普通，似係廉價元貝咁。芒果三文魚卷冇影到相，一客有六舊，味道還好，芒果有少少酸，三文魚完全唔突出。總括黎講，我覺得價錢偏貴，咁既質素係完全唔值，家姐就話連超市啲魚生飯都好食過佢。

First time visit, friend booked the table for two. 我order左魚生飯定食，$135. 之前有期待，賣相都ok, 但是食落冇乜鮮味，呑拿魚腩和海膽都冇乜味，很血水吾夠乾身，都吾知食乜甘。朋友的鱈魚焼好似好D，$168，但整體食物水準，呢個價錢來說，不太值。環境都算ok, 服務質素也很普通，我和朋友order 的食物上菜時間相隔太長，左等右等，不流暢。這個價錢在該區有更好的選擇。

Good Japanese food! Their sushi is so fresh. Also love to order their pork cutlet curry rice. Pork is not fatty at all and deep fried til very crispy. Must try their toffee ice cream too!!! Food price is good and staff are friendly. Food wait time is not long.

第一次去食這間所謂日本料理，睇出面個餐牌以為咁嘅價錢應該會俾到D好野食你同服務應該會唔錯，點知入去就惡夢開始！店員服務態度極差，對客人不友善，大大聲叫客人等一陣，一間外表以為係高級餐廳，內𥚃其實係一間不知所謂垃圾日本料理！價錢貴唔洗講，食物質素都係一半，完全唔值得俾錢入去食！埋單果陣時態度照舊，理X你感受，快速收哂你枱面啲嘢趕你走！唔會有下次！如果你想體驗一下！保證你永世難忘！今時今日咁嘅服務態度係唔夠！

呢間門面幾靚裝修又唔差嘅日本餐，行過想食少少野就入咗嚟啦，坐到去吧枱仲見到最入面原來仲有鐵板燒。深色裝修，再配呢個Tiffany blue 嘅主色，幾靚的，不過個Menu開始有啲殘舊。點左個火炙帶子牛油果沙律。 由於壽司吧就係我哋面前其實我哋係望住師傅切帶子嘅，咁就見佢切完返落去又拎返走，都知佢係唔記得火炙嘅步驟。第一篇帶子我食嘅時候係腥的，之後嗰啲就都鮮甜，口感軟綿。沙律嘅醬汁只係帶子上面，下面嘅蔬菜係全部冇汁，我哋要另外叫師傅再俾多啲汁。牛油果香濃軟滑， 配新鮮蔬菜都仲係可以嘅。我淨係食咗赤貝嗰件壽司， 軟中帶爽脆唔腥，壽司飯比較乾亦捏得比較扎實。另外的朋有覺得還好。

第一次食到咁貴咁難食的日料，點菜的侍應好似智障，一個大人帶兩個小朋友，點咁多嘢都唔提醒下，一上菜整個人呆住全部大大份，根本食唔曬！咁嘅服務質素，食物又好難食，d飯勁爛！呢世都唔會再來

今日踢左波就專登去搵個朋友仔食LUNCH, 去到太古城實在太多選擇啦花多眼亂之際我朋友就話去食呢一間. 咁就聽佢講去試一試餐廳既所有野都好靚呀~ 全部都係TIFFANY BLUE 色.  Set Lunch 選擇都算多, 我地一人叫左一個黎試. 首先係我朋友叫的滑蛋雞扒飯, 貪心既我當然試左幾啖啦. 個蛋做到好滑, 包住每一件的雞扒. 雞都好夠滑連同洋蔥煮到非常入味, 真係好好食呀! 珍珠米中又有一D 重味啉的湯汁, 唔會好咸做到剛剛好. 我呢個套餐真係有驚喜, 雖然一個照燒雞扒要 $158 係有點貴, 不過佢真係值回票價. 呢個飯係一個用左唔同我粒粒(紅蘿蔔粒, 櫻花蝦....) 炒既飯, 成個飯好乾身好香口好好味!! 照燒雞好野味香口~ 照燒汁唔咸雞扒又好JUICY~ 真係好PERFECT呀!!! 反而個帶子用左太多酒去煮略為有點老左DD...呢度的食物好好味呀, 真可惜既係呢度的服務態度真係好一般.

喺忙碌既working day,去左人少少既太古城中心行下街~經過市川呢間餐廳見到經理極力推銷我地入去食 見又有d人氣 就入左去歇一歇腳😌喺睇野食途中，經理都有催我地落單😹真係有點兒.........好啦最後我地叫左特上壽司拼盤🍣🍱不過不失啦! 刺身算新鮮既 由於我地2個人食，所以叫左細果個拼盤 希望可以試多d野食😆我最有好感既係中間果個劍魚腩(white tuna) 佢疑似拖羅既魚(唔肯定係咪) 真係入口即溶😋好正好特別呀但口感💓👍🏻其餘既壽司味道不俗既 都好鮮甜 好新鮮🦐同埋份量都標準既👍🏻鵝肝多士🍣外脆內軟，好香好正🤤再配番個多士可以話將鵝肝昇華到另一個層次😹佢d油脂被多士吸左 好香脆😋最後羊架喇！👏🏻我本身都唔怕食羊既穌味既😌但我朋友就好怕穌味😹但佢話呢個可以接受 我覺得佢本身無話好多香料去醃到佢無羊味,反而係側邊既青色醬食到佢可以調下味之餘減去左羊味既👍🏻酸酸甜甜咁 似果jam既味💓👍🏻總括而言,佢食物既quality幾好👍🏻價錢同附近餐廳都差唔遠既 想試日本野既吃貨們不妨試試😋👏🏻

市川日本料理已在太古城中心多年，但一直都沒有光顧過。今天工作忙得透不過氣，早餐後便是晚餐😅希望好好的吃一頓。怎料看似高水準的餐廳，食物質素如快餐般😭侍應送上這燒肉丼，我們大感驚訝😦好奇地問是否燒肉丼😅侍應大大聲的說：「日文的燒肉就是這樣子。」😳真的嗎？這不是xx家的牛肉飯？🤔燒肉丼$138銀雪魚西京燒定食$178第一次光顧的印象實在不太好喔😅食品質素及服務態度真的令我們失望。或許這兒有其他很好的美食我們未發現吧！

安格斯牛柳粒鍋飯 $150好少食中檔以上日本菜 有日經過呢間門口無端端就訂左枱 不過到食果陣都係慳家食法之二人食平過一人前鐵板套餐飽肚啲主菜淨係叫左呢個飯 個飯好有驚喜 無錯 我係特別讚個飯 度度都有鍋飯叫 唔通個個都係真鍋飯咩 安格斯牛柳粒質素我覺得比一般稍好 但個飯真係好惹味 明明混汁量唔算太多 但係好有鍋味 唔知係咪同伴菜黃椒青椒洋蔥有關呢 定係因為一早撈勻左隻溫泉蛋 當日我係愈食愈開胃 而牛肉粒黎講都唔會過韌 當然唔好期望佢有和牛咁既口感 當有啲肉落下肚又有啲咬口咁整個飯價錢唔係叫好平 不過比起其他鐵板燒水產之類經已係幾經濟 質素都唔曳 推介作豪食前"浪"下肚之選廣島蠔山葵燒 $80本來考慮緊叫鵝肝多士 不過無記錯餐牌無睇錯隔離枱應該要成舊水先得一塊 雖然遠睇鵝肝唔細塊 不過都轉左軚叫左呢份燒double蠔開心share呢份燒蠔都算ok既 特別之處係佢用wasabi配合疑似芝士整 幾有新意 食落juicy味濃 岩哂怕蠔腥之人 因為本人對食蠔其實麻麻 所以唔知隻蠔算咩質素 size就唔大唔細 蠔縠下面有兩舊雲狀物體 一試原來係鹽黎 幾有趣既present 紅色果條懷疑係紅椒黎 擺

太古城除左food count多d野食之外，商場好似唔多選擇，見到呢間食日本野，就試下啦以為好貴，但dinner set都係$150-200左右，晌商場裡面的日本料理，算係合理範圍啦銀鱈魚餐銀鱈魚真係點整好咁滑咁好味，我無close up影，但呢塊銀鱈魚都幾大舊同厚身，食晒食碗飯都未食完舊魚，加埋蛋黃醬真係好好味西冷扒餐其實都幾大份，已經切到一片片好方便食蝦天婦羅$88一上枱好開心，因為賣相幾靚，又好大份，有成三隻蝦，茄子，南瓜，青椒剛炸起真係好好食美中不足係呢間無bb椅，帶唔到bb黎一齊食，咁唯有同老公兩個人偷偷地黎食啦

第一次試哩間，因為暫時唔食得魚生，就試佢哋嘅熟食。叫咗安格斯牛柳，好好味，肉好tender，調味啱啱好！老公叫咗燒雞同燒三文魚（唔記得係燒定煎），雞同魚嘅肉質都炮製得啱啱好，個炒飯就一般。不過服務就有待改善，長期唔加茶...

炸豬扒粗鞋乾柴日本食炸豬係好講究，有任食椰菜沙律，自己磨的芝士醬，呢間全無仲收得唔平$125中午set lunch. 有麵鼓湯，加了嫩豆腐粒同海帶，都好飲架。個豬扒3片賣相好醜，大小不一之條仲好細塊。肉質都幾鞋都乾，炸到好難咬，表面d炸粉麵包糠都係不平，手勢唔夠好之故啦！其實唔平架，可唔可以比返d 同誠意呢。食材又用d唔靚架料，真係一食就食得出啦。無奈呢區食物選擇小，租金貴當然賣貴d搶錢和返皮啦，但咁馬虎絕對唔會返轉頭

V v poor service. We went for lunch at 12:15pm and the server said we had to return the table at 1:15pm. I thought that reasonable and accepted. However, when we was in the middle of our lunch, those servers came to clear our table more than reasonable frequent (two to three times within 10 mins). When we were just two third finish of our lunch, those servers already set the table next to us as a table for four. Obviously that was an act forcing us to leave before the agreed time. The time they