帕帕咪婭咖啡餐廳 (已結業)

見WEBSITE POST左d相, 原來未開張已經有藝人去試菜..我都唔執輸喇一入到餐廳已經聞到超香咖啡味, 唔使問十成就係報紙雜誌所講既香啡包..即刻order左2個,嘩, 好好彩, 我呢個order係呢一轉既last, 下一輪包出爐時間又要等一個鐘!!如果可以的話, 增加出爐時間就good good喇.十零分鐘度, 又大又香既包已經喺我面前, 脆卜卜, 內層仲有牛油, 好食到飛起食完熱辣辣包, 黎個大反轉, 絲綿冰..果然, 完全無加糖漿, 無水果伴碟, 職員介紹, 係因為冰本身已經夠晒味..good!另外, 服務方面, 本人覺得ok丫 個個職員都好落力sell餐廳產品, 雖然有時order慢左啲, 但佢地都耐心解釋, 非常好!! 繼續加油, 努力啦.下次黎要試下食main course了, 期待期待

尋日同朋友去咗尖沙咀食飯, 我地揀咗係厚褔街既PappaMia, 因為見新開張, 所以去試吓!果到食物水準非常好, 絕對可以去試! 不過有某幾個待應生反應慢, 態度惡劣, 尤其有一位身型瘦削年近四十的四眼田雞, 真係超級唔掂呀 係客面前講野又大聲又無禮貌, 而且態度又十分差. 真係希望這間餐廳既老闆, 快快炒咗這位四眼田雞先生, 唔係真係好影響係到食野既心情呀! 講返d好野先, 今晚我地叫咗以下食物:-魚肉烏達烏達 - 好特別, 係魚肉同豆腐既製成品, 再加上佢用獨特既醬汁做成, 幾好味.乾撈河粉+咖哩雞+沙葛釀料, - 超讚 治保河粉好滑,一d都唔滯, 咖哩好香, 沙葛釀料好特別, 真係未試過這個配搭.避風塘炒辣蟹 - 正呀! 係這個咖啡店食到這味餸真係有d意料之外, 隻蟹又新鮮又大隻, 個味道又夠"野"味, 真係好正呀! 我同朋友食到非常滿意呀!帕帕香啡包 - GOOD GOOD GOOD, 一定要試, 麵包鬆軟, 有香濃既咖啡味, 內裡仲有一層似奶和牛油之間既餡料, 正呀! 薏米酸柑 - 好特別既味道, 可以一試韓國啤酒 - 正常的啤酒芝麻綿綿冰 - 有口感, 香濃可口.

冰火, 有冰友有火 就係呢個名吸引我同女朋友入黎試.裝修唔錯, 又夠大, 睇黎我又搵到一個可以一邊食一邊hea又唔怕俾人趕既地方喇!!食一個冰送一個新鮮出爐包, 應該食邊樣先呢? 好過隱order左一個花生味既絲綿冰, 估唔到花生味好重, good.個咖啡包好香, 外面脆, 入面夾左啲醬好似牛油, 好香, 竟然勁好食, 結果, 都係俾錢叫多一個包!!又冷又熱, 咁好食, 冷親都唔怕啦

一到星期五就特別開心, 又可以約朋友食飯傾計, 又唔使擔心第二日要返早.今次選擇試新野, PappaMia, 見間餐廳名得意, Menu價錢ok, 即管入去試下. 嘩, 原來個場咁大, 職員話有成3,000幾4,000呎, 再望真d, 仲有個超大VIP房, 本來想入去食, 可惜我地得2個人, 唔夠氣派, 都係下次先 掛住睇個場, 坐低先發覺, 原來有一陣陣咖啡香味, 問職員係咩來頭, 香啡包是也!! 香啡包, 個名怪怪地, 1個仲要成$8, 好似好貴咁喎, 但係實在太香喇, 2個人都好大膽咁每人1個試下...等左5分鐘度, 終於出爐喇....真係好大個....脆卜卜, 好香咖啡味, 原來入面仲有一層類似牛油的物體.. 超級好食!! 但如果再叫實唔使食其他, 唯有下次先 點左一個炒粿條, 職員介紹, d粿條係坐飛機過黎, 又話用最靚既水整...又好似真係比起平時食既乾炒牛河有點唔同, 滑啲, 有蝦, 有海鮮, 辣辣地, 好開胃, 值得一試 每人再叫左一份甜品絲綿冰, 一份$38, 比起其他甜品舖, 算抵食..雖然無生果配料, 簡簡單單..都有味喎!! 呢間餐廳主打東南亞食品, 連飲品都唔

見佢今日第一日開張就諗住去幫襯下,睇佢D裝修都唔錯,坐落都幾舒服,今日仲有個刨冰送,仲幾好味添,雖然埋單計2個人都要百幾蚊,但佢地D出品都唔錯,我食個咩炒粿條(好似河粉咁)都幾好味好香,但係佢地D服務真係認真差,個個都好似冇受過訓練,問佢呢樣又話唔知,問佢果樣又話唔識,都唔知D經理有冇訓練過佢地,不過細果D唔識野我唔怪佢,但我最憎果條咁o既陰陽怪氣四眼田雞,佢好似唔知有客坐佢側邊咁,有個o靚妹走埋去同佢講,"個客想要個唔知乜乜飯,但廚房話暫時未有,咁應該點做?"點知果條陰陽怪氣話:"個客話要咪叫廚房求其用Dxx炒比佢囉!D客識鬼食咩!!",話我頂佢個肺,呢條友我睇佢都應該都係大職位,個個忙到不得了佢重可以坐響度大搖大擺又亞之亞左當D客係傻仔咁嘩!!大哥!!有幾枱客坐響度你都咁講野,我就好唔like嘞!下次有冇返轉頭真係諗過先嘞!!