帝苑餅店

营业中

休息中

新年個陣朋友仔比左幾塊帝苑餅店既蝴蝶酥我試，一試之下，嘩！好食喎！之後自己忍唔住買返盒！雜錦蝴蝶酥$198原味 - 正！香脆又唔算甜！芝麻 - 加左芝麻，成塊野充滿芝麻味！又有啲咬口！朱古力 - 算係濃朱古力味，同樣唔會太甜！宇治抹茶 - 好食😋作為抹茶甜品愛好者覺得呢個茶味都出！P.S. 我本身麻麻地食蝴蝶酥既人黎，但呢個食完會再想繼續食！真心值得試試！

我上一年第一次買拿破崙係覺得好好食！我今次見到個Pink Lady 蛋糕外表幾靚諗住買黎同家人慶祝生日點知一食落口，真係難食到放低哂啲叉究竟個餅師有冇自己試過個蛋糕有幾咁難食，帝苑餅店自己都要好好檢討下，做差自己個品牌

用了$398 買了個strawberry拿破崙，絕對值.一磅已經好大年，上面有16粒甜而大的strawberry同有藍莓。講返cake 本身個酥層分明香酥，脆得來食入口唔會油膩架。面個custard 好滑且甜度適中，最底一層仲有strawberry果肉，面對custard 有vanilla 香，夾埋酥皮食平均返酥皮乾身架感覺如果我自己食，會喜歡買散件，因可以多試蛋糕最好預先訂，因大熱cake walk in 好大機會賣曬。免費寫牌，仲有冰袋可以保持手custard 挺身

蝴蝶酥黎講，帝苑餅店一直都係我心目中嘅top1🏆每一塊都好酥脆可口，牛油味極之濃郁，一打開蓋以經湧出香味，肉眼看得見嘅層次感，每一塊都足滿住幸福感🥺，至少食幾塊先停到落黎。

我好中意食喱度嘅蛋糕！！！😋🤤😋🤤因為住tst，好近我屋企，行過去都係五至十分鐘，所以我差唔多個個月都會買，treat myself better~~😚遺憾地今日買左三件拿破崙外賣，準備食就見倒有條頭髮，結實左係糖霜層入面(不是表面或後期有人不小心掉下去)，係整嘅時候已經入左去，之後我嚐試抽出黎，好彩冇斷到喺入面。本人感到非常噁心🤮堂堂五星級酒店，冇QC，以為佢哋上次有人中招關閉14日大清洗會更注意衞生，點知唔係。我未來可能會繼續幫襯，希望只係一次唔好睬，出品前可有人員check下改善下，暫時應該不會再去了。

2020年12月15日 (星期二) 1:55pm 13°C 帝苑餅店設於酒店大堂，感覺高格調。其設計以重塑法式蛋糕店的獨有特色，店內典雅的法式裝修及溫和的木製天花營造寫意自在的氣氛。 提供多元化曲奇餅、西餅食品及多款酒類選擇。 燈光明亮，環境整潔乾淨，各款蛋糕賣相精緻，擺放齊整，一目了然。 店員利用膠紙固定盒子內的蛋糕，免得東倒西歪，可算貼心。 為慶祝家人生日及酒店渡假，特地選擇此餅店。 人數：2人 HK$212 不用排隊 芒果拿破崙 - 香脆的千層酥皮夾著新鮮芒果及幼滑吉士忌廉，滋味無窮。 賣相梅花間竹，層層疊疊，每層均鬆脆無比，使人極度喜愛。當中芒果新鮮，清甜美味，吃到停不了呢。果然榮登『全香港最好味的拿破崙』，確實當之無愧！【推介之選】❤❤❤ 栗子卷 - 香濃栗子蓉及新鮮忌廉遍佈海綿蛋糕，芬芳美味。頂層栗子蓉充滿栗子味道，非一般餅店的清淡可比，加上香滑的蛋白，獨特另類，使人一吃難忘。【推介之選】❤❤❤《 影 片 》：💖 https://youtu.be/FO6Cto_jzzE 📽《 環 境 》：《 門 面 》：

今日媽咪生日，請左半日假，可以係公司附近訂個蛋糕可以放工拎！揀左帝苑酒店餅店，The fine food至出名的芒果拿破崙！芒果好甜，餅層好脆，吉士醬好香好滑唔會太甜！家中個個人都讚好食！但我返屋企路途遙遠，可能在車上斜左少少，但蛋糕歪左，但唔影響味道！

講起甜品，同事推介左帝苑餅店，於是放工就買左幾件番屋企慢慢試講到經典，不得不說青蘋果芝士蛋糕，我見好多人都有買佢，雖然第一眼覺得個顏色誇張左d，但食落真係好有層次，出面係白朱古力，裡面有蘋果、Cream Cheese同酥餅碎。而拿破崙都好出色，聽講想知一間甜品店有幾高quali，就一定要試拿破崙（哈哈！好似好pro）而帝苑的拿破崙就做得好好，酥皮好完美，再加埋上乘嘅吉士醬同芒果，成件事非常夾。除左呢2個招牌甜品外，今次仲試埋cream horn 同柚子慕絲，同樣都非常出色。

預早打電話嚟訂咗帝苑享負盛名咁多年嘅芒果拿破侖嚟慶祝生日，一入到舖頭，等咗陣先有個男店員（Man Tai)幾乎係喝嘅聲氣問”電話訂定網上訂呀？””電話幾多號呀?”攞個蛋糕無啦啦都俾人喝，其實已經覺得好離譜，之後轉咗另一個女店員（Tammy Tsang)同我地check個芒果拿破侖，個態度都係好似欠咗佢咁，綁好個蛋糕，指指個cashier，又係一句喝落嚟， “呢邊攞蛋糕”，我真係反晒白眼，我輪米咩而家！仲要想想快快手送走個客，隊個蛋糕俾我話多謝晒，但其實我係未俾錢佢又唔知，要我提佢先知，你公司真係多得你地班咁倒米嘅員工唔少！跟住到個芒果拿破侖，係極度失望，我同屋企人同朋友咁多年嚟都食過唔少次，未食過咁差嘅，啲酥皮好硬好實，切都切唔開，酥皮係要鬆脆架！啲custard得個溜字，口感好實，完全唔係以前食開咁，我地全部人都一致係呢三個字‘好難食’！同埋啲芒果好似舖到好多好滿，但其實每片都切到好薄，完全食唔到芒果嘅口感同味道！帝苑嘅芒果拿破侖享負盛名咁多年，好多人都食咗好多年，但而家無論餅房嘅出品質素同員工態度都咁差，係欺騙顧客嘅金錢同感情，唔會再幫襯！

第一次食帝苑蝴蝶酥係聖誕節抽獎嘅時候抽返嚟，之後就返唔到轉頭喇！之前去拎屋企人嘅生日蛋糕，忍唔住又買多兩盒返嚟😋兩者比較之下我覺得原味好食過雜錦。原味雜錦朱古力生日蛋糕

在IFC逛街，偶遇四季菊X帝苑餅店的蝴蝶酥🥨的Pop up store，傳聞中蝴蝶酥界的LV🤩馬上和友人買了3盒試試，還享有9折（其實只要買3樣東西就可以享有這個優惠，小蛋糕也可以）😜👉 原味蝴蝶酥自己吃的話店員極力推薦原味，很鬆脆，雖然外面有層糖衣但又不會太甜，咬落去很有層次感，一定要試❤️👉 4Mix蝴蝶酥送禮的話就推薦禮盒，可以一次過試齊4種口味😆除原味外，還有：◼️芝麻味🥨芝麻的味道很重也很香，會令人口中都係芝麻味😁◼️抹茶味🥨有一股清新茶香的感覺，喜歡抹茶的朋友應該會很喜愛🤩◼️朱古力味🥨除了有蝴蝶酥鬆脆外，朱古力🍫味道超濃，還有一顆顆朱古力碎🍫在上面😜超級鐘意，下次會買單盒朱古力味🍫，也是最貴的一盒😂

上網搵左好耐都冇見過佢之前有afternoon tea set, 亦都冇人寫過食評，所以就試吓啦。首先，佢只限外賣，所以一早約咗去朋友屋企食。一打開個盒，見到所有嘢食都好精緻，連個英式鬆餅都好細件🤣🤣，心裏都會諗：＂夠唔夠食㗎?＂《鹹甜》鮮青檸檬忌廉芝士煙三文魚撻：煙三文魚唔會過鹹，撻皮鬆脆鴨肝醬無花果奶油麵包：麵包有烘過，不過唔脆火雞青蘋果酸忌廉手指三文治：三文治裏面加咗少少蘋果粒，成個口感唔同晒，好清爽西班牙火腿配哈密瓜：一啖一口，好夾《甜品》蜜瓜芝士餅：造型超可愛，外面係拖肥做嘅蜜瓜紋，綠色部份並唔係朱古力做，一咬落去入面嘅芝士好creamy，餅底好味熱情果椰子撻：酸酸甜甜，加咗少少椰絲，增加口感日本香桃奶凍：略嫌奶凍太少，上面桃味果凍太水狀草莓, 西瓜, 玫瑰餅：幾特別，中間嗰層係西瓜鮮果拿破崙：帝苑signature，略嫌唔夠鬆脆英式鬆餅 (原味、提子)：呢個做得幾好，裏面濕潤，唔會話好乾，亦有牛油香味，clotted cream同果醬係自家製，兩樣一齊搽落鬆餅真係好好味《茶包》本來以為冇茶包送，所以自己另外買咗咖啡。不過朋友有沖黎飲，我聞到陣味覺得好複雜同埋有啲奇怪🤭🤭不過

20年前第一次食美式芝士餅就係喺帝苑啦一試難忘立即鍾意咗芝士餅今次爸爸媽媽生日 特登提早幾日打電話去訂個蛋糕全家人都覺得呢個蛋糕嘅芝士味好濃厚 芝士好香好滑 就算一家6口食一磅 其實都真係食唔晒 下次我會再訂傳說中嘅拿破崙同埋蝴蝶酥食 期待

造型十分可愛優美，而且味道也很不錯一磅蛋糕大約$400港幣當然還有他最出名的蝴蝶酥蝴蝶酥有不同的口味包括抹茶朱古力及原味等等鬆脆香口，空氣咁十足當日去到很多人排隊即使沒有外來旅客，在本地也有支持者

久仰大名左帝苑嘅蛋糕好耐 特別係佢地的拿破崙蛋糕🎂同蝴蝶酥 🥨今次小編就襯着屋企人生日🥳揀左佢最出名的芒果拿破崙 當日到店拎蛋糕的時候 已經有勁多人買蛋糕 目測廚櫃有成20-30個已經預訂左的😱芒果拿破崙 所以建議提早預訂比較好 ⁣⁣⁣ ⁣⁣⁣ ⁣⁣1. 芒果拿破崙蛋糕🥭🎂 ($398/lb) ⁣⁣⁣唔好睇佢的的骰骰 拎上手都幾重好有份量🤲🏻 賣相比起其他餅店相對無咁靚 但食落個驚喜度即刻UP 🔝蛋糕裡面的酥皮好crunchy 😋切落去已經feel 到好鬆脆 裡面的吉士充滿着蛋香同雲呢拿味 同埋有好多芒果🥭粒 食落唔太甜 夾埋面頭芒果片一齊食完全唔會覺得膩 而且口感好有層次 屋企人非常鍾意❤️值得推介💯 就算雪咗一日再食酥皮都仲係脆 完全冇得輸👍🏻👍🏻👍🏻👍🏻👍🏻 ⁣⁣⁣ ⁣⁣⁣ ⁣⁣2. 原味蝴蝶酥🥨 ($168/200g) ⁣同樣都係好鬆脆 咬落好有牛油香味😍 面頭搽咗糖漿 甜甜地但一啲都唔膩 另外仲有其他口味可以提供選擇 屋企人只係用兩日時間已經清晒😂 ⁣⁣⁣⁣真係會食到停唔到口🤭