師傅仔 (好順景大廈)

营业中

休息中

今日係紅日，四圍都人山人海，同朋友是但入左間茶餐廳。我地叫左2個是日午餐，一個椒鹽豬扒飯，一個乾炒牛河，1杯凍央1杯凍奶茶，承惠$47位。份量好多，個飯撈左少少鼓油汁，飯質地硬左d。豬扒切開一條條方便食，夠淋，咸左少少但味道ok。油到反光既牛河，牛肉都幾多，正常味道。但係佢個奶茶幾好飲。👍🏻

每逢老媽子罷工，我都會提議黎師傅仔，貪佢平靚正丫嘛😂😂最鐘意佢地嘅咕嚕肉，收汁收得幾好，又夠鑊氣，講真街坊小店環境就唔會好得去邊，主要都係食佢個份人情味😊😊

今晚想試下食平野，係附近都行左一輪，決定就試下呢間。入到茶記，夜晚通常唔係叫小菜就叫炒野。今次決定叫炒飯麵試下啦。睇下個師傅手勢掂唔掂。最後決定叫左一碟海鮮炒烏冬、海鮮炒飯。整體味道ok!完全冇失望啊！個飯夠乾身，炒烏冬好易入口！至於樓面的服務態度有耐性又有禮貌👍🏻

眾所周知鳳攸南街係一條食街，短短的街大大話話有十幾二十間食店，單是茶餐廳都有頗多選擇。😋今日去咗食師傅仔，呢間座位較寬敞坐得舒服d😉有些帶寵物或為了方便泊單車🚲的食客喜歡選擇坐露天位置。原來午餐牌可以一次👀到整個月的菜單😀每日都有7款可選擇平日$43跟配熱飮，星期六、日及價期則貴$2。🔺椒鹽豬扒飯及熱🍋茶- 蒜香及椒鹽味道好濃厚、豬扒份量也多但飯就好似少了點😅可惜有一嚿可能厚咗d，所以唔熟😥唔知是否味道濃郁的問題，食完飯飲完茶，味仍留在口內😅

係鳳悠南路咁多間餐廳選擇入面，我地揀左「師傅仔」黎食快既下午茶，因為佢門面較其他靚，座位睇落都坐得舒服，而下午茶menu都有我地想食既野。本身仲有張雞翼沙津同特餐餐牌，但我同幾位友人想食麵餐，所以冇影😗。我地三個一開始叫左沙嗲牛肉配另外一款既公仔麵，非常可惜係沙嗲牛肉⋯賣晒！因為咁，我地一於試試炒麵。干炒海鮮烏冬 $38冇乜鑊氣。海鮮有一條切開左既蟹柳、細八爪魚、細蠔。似翻叮後既烏冬，味道一般，唔會太咸。豬扒酸辣米線 $36豬扒煎得ok，酸辣味唔突出，平平無奇。豬扒炒公仔麵 $38有兩大塊豬扒，公仔麵炒得太濕，冇乜鑊氣，少少似伊麵。但味道不錯，份量算大份。牛肉炒公仔麵 $38味道同上一款似，牛肉份量多。相比下去，佢既炒公仔麵比炒烏冬好食。但如果以炒麵黎，佢既唔算好食，下次未必再叫呢個餐。

話說喺師傅仔叫外賣係第一次 之前聽屋企人話幾好食不過缺點就係外賣服務慢得離譜，今次終於見識啦 一點鐘去叫外賣就嚟兩點都未到 雖然成日派傳單 但係依啲簡單嘅服務質素都冇不如加多少少錢 請多個人俾人送個外賣 一點九打過去問佢哋話已經嚟緊 就嚟兩點都未到 啲餸咪凍哂🤷🏻‍♀️嗌佢地外賣不如自己煮公仔麵。p.s 嘢食係唔錯不過以後就唔叫佢外賣 無奈

價錢不貴，但佢個公仔面真係好難食。首先一上黎就一陣燶味，明顯係個廚師煮完上手野煮燶左，無洗個鑊直接炒個面。第二，就係個面lum到傻，軟到可以直接吞，毫無口感。第三，佢裡面d 牛肉淡而無味，好似比人白烚完再扔進個麵到炒，作為一個炒公仔面，佢都算係無誠意。食左gum多次炒公仔面，都未試過gum hea ge 公仔面。btw，點解要我打200字先可以評分呢？我已經將我ge所見所聞寫得清清楚楚，但都係要逼我打夠200字，真係有少少本末倒置。

今日約咗朋友入元朗行街，路過一間精品文具店執笠清貨，無所收獲，走咗去附近師傅仔食個午餐。茶記裝潢，內裡有卡座，戶外也有幾張枱。由落單到送餐唔洗五分鐘，好有效率！今次叫咗精選麵餐，煎蛋湯螺絲粉配醉雞中翼，盛惠$40。煎蛋係全熟荷包蛋，如可以轉太陽蛋就更好，整體來說不過不失啦。醉雞中翼好入味，雞翼正常size，冇雪味，夏天當冷盤食都唔錯！奶茶味道香濃滑溜，用黑白奶，高水準👍🏻順帶一提，建議大家11:30前落單，套餐只收$35，更抵食。

偶然都會想食下小菜😋去左工作地方附近既師傅仔叫左金銀蛋時蔬椒鹽九肚魚薯仔牛柳粒😋樣樣都好好味同好夠份量水準不錯服務都好好 落單 上菜都好快侍應亦好有禮貌👍🏻

以前同屋企人成日都食師傅仔，覺得味道ok又幾抵，但估唔到依家質素越黎越差。今日叫左個下午茶干炒牛河，算係佢既招牌菜嗱。點知成碟搵勺哂、底都反過哂，竟然只係得三舊牛肉？！真係驚訝左，三十九蚊一碟得三小舊牛肉真係太菇寒lolllll仲要好多油，食完成個嘴都油沐沐，calories爆哂錶，最底啲炒河好似油浸咁我都費事食。另外杯凍檸茶冇乜特別，三十九蚊一個餐我本身都唔expect啲咩，但啲牛肉真係少得好可憐😂以前佢都唔係咁😵總之一段時間都唔會再食佢，實在係失望左 。

最近係屋企附近有人派傳單見未食過，所以打電話去叫外賣試下點知未食已經覺得想cancel張單聽電話個老生女態度都幾悔氣下，態度又差事關剛好我叫左個菜佢話無我問佢咁可以轉咩菜？佢就好似死屍咁嘅聲講到我點完兩個小菜，話想配兩個白飯佢就話要加$6我見外賣紙寫住加$5配白飯所以我好奇一問：張外賣紙好似寫住加$5？佢就勁唔好態度咁答：咁外賣盒都要俾錢㗎？咁佢又講得無錯嘅所以我答左好呀。無問題。跟住留完聯絡方式，佢就cut左我線嘩! cut線囉。喂，其實你唔想做可以唔番工㗎雖然未食你地嘅野但聽到外賣小姐咁嘅聲氣我已經唔會再想叫你地嘅外賣講到食物方面，其實唔差。我地叫左京都豬扒+瑤柱扒菜心份量ok，味道唔錯

今日下雨天，打電話去師傅仔落order，已經預早半個小時，結果等了整整一小時零五分鐘前後（不計落order）打了兩次電話去催促，分別45分鐘及60分鐘，結果第二次之後5分鐘才送到飯到了，已經出晒倒汗水，椒鹽豬扒凍的、飯也是凍的，凍檸茶的冰已經溶掉！椒鹽只嘗到「椒」沒有「鹽」！已經不是第一次幫襯，都知外賣需時，但都不至于要一個多小時。若果對食物有「熱」誠，一定會好好對待每一個食客！今次真係🔥遮👀！話過以後唔幫襯！

朋友係電腦殺手，唔知點解可以無限重複輪迴咁樣整壞啲電腦，我就山長水遠去元朗幫佢整。當然佢每次都驚我親一定會同我食下午茶嘅今日趕時間叫外賣啦！聽聞豬扒炒出前一定係好出名嘅，雖然係有啲肥，但外賣送到你都仲好好食，豬扒足料，應該係叫炒公仔麵，因為感覺佢唔係出前一丁，都OK 麵質都夠爽的西多士就真係好一般啦！麵包蛋又唔夠香，中間又冇乜料到，我最鍾意就係食糖漿，可惜因為外賣嘅關係，只係得少少，唔夠甜就冇咗個靈魂跟住杯熱咖啡都係唔好飲，冇計我飲慣公司嘅即磨咖啡

元朗不嬲出名多嘢食，價錢又唔算貴。因為元朗有太多選擇，我哋好多餐廳都未試過。今日我哋試咗呢間食小菜嘅地方（其實佢望落似一間茶餐廳），都唔錯架，可以推介俾大家。我哋兩個人叫咗三個小菜。西檸軟雞：雞件炸得香口，西檸汁酸甜比例得宜，唔錯土魷蒸肉餅：肉餅好大份，肥肉比例唔會太多， 正 ！ 雙菇扒西蘭花：味道正常每個小菜大約60幾蚊一碟，加 5 蚊配一碗白飯，唔使加一。

專做家常小菜快餐的師傅仔， 用膳地方乾淨衛生，食物選擇不少。 選了金菇肥牛粉絲煲， 用料十足。煮得太耐而變得不再嫩滑是難以避免的，但這裡的肥牛足料之餘，更不會太鞋口。配菜如青椒，金菇都唔會太淋，都幾爽口，粉絲仲好入味。奶茶味道香濃，入口滑溜。不錯。