常悅素食

营业中

休息中

清淡好食 健康舒適 色香味俱全 價格公道棒棒棒棒棒 真係好好味 點解要必須80個字 綠豆涼糕配淡奶小驚喜 主菜日式野菜配烏冬 五顏六色 多種蔬菜 營養豐富 怕睡唔好，飲嘅菊花茶 一共唔超過150蚊

今天是農曆六月初一，食頓素午餐來湊個熱鬧。常悅素食間中都有幫襯，現在換了廚子有另一番味道，好食與否見仁見智，南瓜湯都有南瓜味素翅頗多，素肉鬆反卷感覺不錯好食。白汁焗長通粉，口感好糊，味道還好。😋

母親節係其中一個一定要早D訂位既節日，咁岩今年又係佛誕，同屋企人不約而同選擇食素，Openrice芸芸餐廳中揀中左呢間，地理位置方便大家。餐廳原來有lift上去，一行人好蠢咁行左樓梯由餐廳後門進入，餐牌選擇唔少，最後６個人叫左５碟。個人最喜歡猴頭菇扮咕嚕肉個碟，酸酸甜甜幾開胃，口感同肉幾可亂真，不過士多啤梨就差dd啦，太酸。屋企人比較欣賞芋頭魚，原因係比起之前食過既冇咁油膩，我都覺得呢幾碟都唔會話好油淋淋。而家雖然開左好多素食餐廳，但係好多時主要都係炸野，但係食素本身其中一個原因就係為左健康ｄ，所以呢間野都唔錯。

同食素嘅朋友食飯只需選擇邊間素食就得！今次揀咗量角呢間，由樓面姐姐介紹食咩，首先係芥菜懶肉煲，個假懶肉係做得似嘅，芥菜煮得啱啱好，可以一試。另外我每間都會試嘅係咕嚕肉，頭兩啖真係覺得有肉feel，都值得一試。跟住佢介介紹咗黑椒素牛，呢個個口感就麻麻，仲好多油，個人嚟講唔太喜歡。仲有個芋頭魚，係脆嘅，質素同其他素菜店嚟講都差不多。最後有送綠豆沙糖水，都係唔錯嘅。舊式素菜總括嚟講，都算係不過不失嘅選擇。

家人聚餐唔係酒樓就係中餐廳～依間嘅出品好有賣相～全素嘅食材但係菜式令人好有食慾～叫咗13樣嘢慢慢試日式魚生魔芋整出嚟嘅～素雞絲海蜇就係粉絲同用麵筋整嘅雞絲～上面有芝麻粒～京式燻鵝有D似鮮竹卷不過冇汁另外叫多份素雞絲海蜇～蜜汁叉燒同一般齋舖一樣蜜汁煮麵筋～上海烤麩鹹嘅齋上面有木耳五柳仙班炸芋頭魚即叫即整好香口乳豬拼福卷六件饅頭卷～俾你包住素鵝再配海鮮汁食紅燒竹笙素翅好多粉絲～同埋香濃嘅香菇味配紅醋一流糖醋小排骨甜甜嘅素肉丸仲有清炒荷蘭豆蜜椒鐵板牛仔粒～大粒杏鮑菇、翠玉瓜、紅椒、麵筋、洋蔥、西蘭花～配以濃稠嘅黑椒汁福建蛋燴飯有荷蘭豆、粟米、杏鮑菇粒、麵筋粒、胡蘿蔔粒～可能其他餸偏鹹所以覺得呢個飯唔夠味

因為冇咩朋友係素食者，所以好少機會可以走到純素素食嘅中餐館食野，多得屋企人嘅就遷，今年做冬提前去左#常悅素食 食晚餐😍。按圖順序分別係：糖醋小排骨⭐️竹笙百合菜苗雪耳花菇煲椰子湯⭐️意大利黑松露醬脆脆卷⭐️魚香茄子伊麵最欣賞係個湯🥰，清清地好有椰子味，飲左好幾碗😆，湯係每日限定，叫之前要問清楚今日係咩款。小菜有好多款式，打開張menu 有勁多都想叫，味道都算好食嘅，不過我叫個幾款都偏向少少油同鹹。但試過幾間中式素餐館，都係同一個問題。如果可以整得再健康少少就好了🥺。聽聞依間嘅法式牛油果好出名，不過個日岩岩好賣曬，與佢無緣，希望下次試到啦😝。價錢三個人加埋菜芥同加一先岩岩好$500，依環境同食物黎講，都算幾抵食。

1.是日老火湯：粉葛湯粥足料好味👍🏻👍🏻👍🏻2.素雞絲海蜇：好食 爽口👍🏻👍🏻👍🏻👍🏻3.龍芽扒鮑翅：好味 份量非常多👍🏻👍🏻👍🏻👍🏻👍🏻👍🏻4.泰式明爐魚：個酸酸辣辣湯非常正👍🏻👍🏻👍🏻👍🏻👍🏻👍🏻好好食熱辣辣👍🏻👍🏻👍🏻👍🏻👍🏻成碗湯俾晒我地 好夠味👍🏻👍🏻👍🏻👍🏻👍🏻👍🏻5.椒鹽香酥骨： 好食👍🏻👍🏻似素麥樂雞6.桂花湯圓：桂花湯清甜好香，四粒芝麻湯圓好食👍🏻👍🏻👍🏻👍🏻👍🏻👍🏻坐得舒服 staff 非常Nice

出名食肉獸加牛魔王，餐餐無肉歡嘅我，今日竟然會來個素食晚餐，無他嘅，因為今日約咗位堅啪啪嘅素食者，舊同事飯敍當然要食齋啦，同事住在旺角，我又要去現時點睇玩具，所以就選擇咗此店食晚餐，因得兩個人食飯，我又吾想班門弄斧，夫子面前賣文章，但又要失男仕風度，就穩穩陣陣點咗個二人套餐，因見D菜色都幾吸引，又有乳豬，鲍片，鰻魚，魚翅羹呢類齋口吾齋心食品，單尾仲有福建炒飯及紅荳沙，足夠二人享用，至於味道方面有素食高人在場，我就不敢妄下評語，總之我就覺得好食，佢就話OK，加上此店嘅環境及侍應對客報務，亦令人滿意，所以决定帶靚媽及多一位食素高手，來此店再食一餐，試多佢幾樣菜色。

今日食評有✍🏻 常悅素食@旺角試食指數⭐⭐⭐⭐⭐店舖衛生⭐⭐⭐⭐侍應態度⭐️⭐⭐⭐((每項5⭐️為滿分)) ·應該係生產前最後一個event 🤰🏻出席完 @coach 活動後同屋企人去食齋6299係常悅熟客仔😗否則晚市都幾full㗎建議大家打電話去訂座📲·我哋點咗啲平時屋企難烹調的素食1️⃣泰式明爐魚⭐⭐⭐⭐/5泰式嘢（睇片👀)2️⃣香檸素雞卷⭐⭐⭐⭐/5唔係香脆的素雞卷不過同甜酸的香檸汁十分配搭3️⃣粉絲雜菜煲⭐⭐⭐/5呢個就普通啲不過絕對係健康之選4️⃣香芋焗飯⭐⭐⭐⭐⭐/5芋泥正到爆冇一般白汁咁膩必試👍🏻5️⃣日式野菜鍋配烏冬⭐⭐⭐/5賣相幾靚配料都新鮮同靚料甜品係送㗎🤤🌽香芋粟米西米露⭐⭐⭐⭐/5甜度適中香芋煲到半溶狀態🤤好好味😋·四人承惠567·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

原本打算午餐來食飯，因事擔誤趕不了，就打電話過來外賣自取得。「今日午餐有冇咕嚕肉？」「有」「午餐咕嚕肉多少錢？」「$55」「麻煩我想落單，自取。」「好等等」客服員把我電話遞過去隔離嘅男同事。「一個咕嚕肉外賣自取。」就係咁，我就中左伏去到取餐時，發現沒有飯，又收我$70？已經係$88 八折。我問店員，今日不是有午餐咕嚕肉？為什麼沒有飯？「係咪要加飯？」「加飯係咪要錢？」「$13 八折。」「我頭先打個電話嚟咕嚕肉係$55？」店員拎個外賣list 我，上面冇咕嚕素球。「我頭先打嚟話有喎。」店員仲問我打了邊個電話，有冇打錯。望淸楚，唸清楚，外賣list 與堂食list 不同...我終於明白了。電話服務員答我堂食有，而另一個落單的不知就裏落了散叫。不過要我$13 加個白飯覺得唔掂，心裏想著，午餐沒有白飯只有餸，其實店員可否講多句，問多句：「堂食同外賣餐單是不同的。」「小姐，你只叫餸，要唔要白飯？」當然，我可以問多句「是不是$55？」我假設了店員是細心，而我忘了我要重複講一次清楚我要的東西——是午餐咕嚕肉結果今餐沒有白飯，工作起來少了力量。只係想帶出，同理心的重要，當你午餐想吃飽時，原來事與願違，

今次訂左枱黎，唔洗等即刻可以入座啦，餐廳安排左一個角落位比我地常悅嘅餐牌都係傳統嘅素菜菜式，要收茶錢，我地揀左鐵觀音，不過茶飲落麻麻地，茶唔夠香有二人餐選擇，不過想試餐牌上其他野，最後都係散嗌餸菜款好多，今日兩個人食，最後嗌左呢幾味餸鮮菠蘿咕嚕素球 素咕嚕肉炒新鮮🍍粒同爽甜彩椒，送飯一流，🍅就略嫌有少少過熟蜜椒鐵板牛仔粒 $80+上菜噴曬煙咋咋聲，椒汁香口，素牛仔粒配上各種蔬菜唔會寡四川麻婆豆腐 $73+份量多，調味唔過咸，不過太多汁大致上味道OK，不過食完有口乾同埋我地打開左個茶壺半個鐘都無人黎加水除左上菜落單同埋收碟之外，其他時間侍應都唔會埋黎

同女同事ES,男同事RL終於約到舊男同事FCP噚(29-4-2021 Thur)晚食飯,FCP揀咗呢間,咁我book定位先.我哋早到,但都仍俾我哋入座.睇咗menu,大家都決定要$528.00嘅4人餐,有:1. 紅燒雞絲素翅呢個味道正常,素翅好彈牙.味道: 4分4. 菠蘿咕嚕肉外面仍有啲脆.味道: 3.5分5. 鐵板黑椒素扒好彩呢個唔太辣,素扒有口感.味道: 3分2. 京式燻鵝拼上海烤麩京式燻鵝煙燻味有啲過濃.味道: 2分上海烤麩味道唔算太濃,ok.味道: 3分3. 薑茸蒸鮮竹甫鮮竹豆味啱啱好,唔錯.味道: 5分 6.揚州炒飯素蝦粒爽口,飯粒分明,鹹淡適中.味道: 3分 8.另叫嘅欒樨餅其實一客3件,侍應話叫4個,咁就4個啦.呢個係微暖口感煙韌,內裡重有啲餡,成個係微甜舒服,唔錯.味道: 5分7. 自家製甜品係芋頭西米露呢個好熱,口感正常,比欒樨餅甜啲啲.味道: 3.5分埋單$686.00,唔知前菜,茶錢同欒樨餅幾錢.而上次食評係2016年6月28日刊登嘅呢篇:https://www.openrice.com/zh/hongkong/review/%E4%B8%AD%E8%A5%BF%

好像沒太多關於 #常悅素食 的點心宣傳，所以一直都很懷疑他們是否有素茶可飲。答案是有的 🙌🏻 而且中等價位，環境、用具光鮮潔淨，員工又有禮貌，來飲個下午茶的確不錯。🥟 上湯素餛飩 - $25 碗🥣 艇仔粥 - $19 碗🌽 金粟蓮藕餅 (蛋素?! ) 🥕 蒸香菇蘿蔔糕🥟 有機紫米餃☘️ 荷葉珍珠鷄點心價值分區 - HK$20 / 24 另收加一服務費推薦指數（5分為滿）：🐼🐼🐼🐼整體挺不錯，味道中等，有些點心比較特別。最推是餛飩，內含香菜、木耳、豆乾、香菇等，粒粒飽滿又足料，$25值了；最有保留是紫米餃，看上去特別其實內餡跟一般芹菜粉粿無異，而且用粉勾了芡，那種透透明明像鼻涕一般的口感，熊貓自問不行... 如果蛋奶素食者，點個粟米蓮藕餅來吃也是不錯的選擇唷！🌟 以上價格適用於星期六日及公眾假期，僅限堂食。⭐ 另有炒粉麵飯、小食、小菜等可供選擇📍 常悅素食 🇭🇰地址：旺角登打士街32-34A號歐美廣場2樓 

令自己懷疑人生，我放入口嘅真係唔係肉？！無論味道，賣相都係同非素食不分上下，食素羊腩煲配菜醬料同正中羊腩煲一樣。外賣仲有半價，攞到返屋企都仲熱辣辣。初階素食者不錯選擇

講到食素點心，半山既尚齋一定係首選。但尚齋既位置比較遠，如果想方便，油尖旺都有幾個選擇，包括旺角既觀自在素食、佐敦既三德素食館同埋油麻地既常悅素食。今次貪方便黎到油麻地既常悅，作為一間相對傳統既素店，素肉菜式都偏多，偶爾當comfort food食下都ok。蓮藕餅以素肉作為個base，加入粟米同蓮藕粒煎香，基本上同一般蓮藕餅冇乜分別。幾款點心之中我最鐘意依個菜苗餃，首先佢係冇任何素肉，比較健康，而且隻餃仲要超大隻，差唔多成個包咁大，好有驚喜。成日聽日講話平時啲點心連蒸包都會落豬油，喺素店就可以放心食喇。個包都幾鬆軟，不過餡就少左啲，要食多兩啖先咬到啲餡，寡左少少。小籠包入面都有啲湯，皮唔算薄又唔算厚咁，可以一試。除左點心，都叫左啲餸同小食試下。紅燒豆腐應該係一早整好，到有人order撈返個汁炒兩炒就拎出黎，不過就似乎炒得唔夠熱，略帶微溫。百花釀秋葵出乎意料之外咁好食！啲素肉釀左落開半既秋葵，炸完之後再用豉椒炒，都幾惹味，用黎餸飯既話都好合適。羊肉串係見到隔離枱食，自己又想試下。啲素羊肉炸得幾香口，加埋啲菇同蔬菜都幾大堆頭。味道方面就唔算好重沙嗲味，似係個普通既芡汁多啲。整體黎講唔算好出