常滿百家菜

营业中

休息中

真心係抵食一班朋友放工黎到荃灣大鴻輝中心，食火煱加點心任食放题，每人大約$200，已可食到好飽。重要係有個寬敞坐得舒服嘅地方可比大家慢慢食，慢慢飲，傾吓偈，放鬆暢懷任飲任食。火煱湯底有多款選擇，另外餐紙上有多款火煱:肥牛，豚肉，手打墨魚丸，手打鯪魚球，脆肉鯇魚，海蝦…可點，還有火煱食材自助區，那裏有大量蔬菜，肉丸，腐竹等，各種火煱配菜。除了火煱食材外，還有多款熟食，令人驚喜的，居然連豬脚薑都有。飲品款式亦好多，有樽裝汽水，連樽裝维他奶都有😆啤酒也是任飲。火鍋任食，點心任食，汽水啤酒任飲，雪糕任食，大約$200有個聚腳點，食吓傾吓，食到捧住個肚走，真係開懷滿足。

前幾日約咗朋友去酒樓打邊爐，好多時酒樓茶市賣點心，到晚上就轉做火鍋，但呢間好特別地又有火鍋又有點心任食！以為點心任食質素就差？no no no 我哋叫咗幾款點心，有大唔蝦餃、燒賣王、小籠包特等，款款都好大粒好好食！尤其蝦餃和燒賣裏面大大粒原蝦，而且燒賣仲要有兩粒蝦又彈牙！火鍋方面湯底選擇豐富，我哋要咗芫茜皮蛋，滿滿芫茜味！肥牛和滑牛都係必食之選，仲有手打墨魚丸都係好好食🤤熱食有炸物，連豬腳薑都有，好特別！飲品有汽水、茶，但好特別有維他奶😆要飲番兩支先得

「常滿百家菜」係一間位於荃灣嘅廣東菜館，非常適合食火鍋同埋食粵菜。佢哋嘅蝦餃、小籠包、燒賣同菜苗餃特別好食，而且全部係新鮮嘅材料製成嚟。如果你想試吓唔同口味嘅火鍋，「常滿百家菜」一定係一個好選擇。佢哋有好多唔同嘅湯底，包括清湯、麻辣湯、酸菜湯等等。而且佢哋嘅火鍋料亦都好新鮮，包括肉類、海鮮同蔬菜。如果你唔想食火鍋，「常滿百家菜」嘅粵菜亦都值得一試。佢哋嘅菜式有好多款，包括煲仔飯、炒飯、炒麵、煮海鮮等等。無論你鍾唔鍾意辣味，佢哋都有啱你嘅菜式。除咗食物好味之外，「常滿百家菜」嘅服務亦都好好。佢哋嘅服務員好友善，會耐心同你解釋菜式同湯底。而且佢哋嘅環境都好舒適，氣氛唔會太嘈吵，好適合一家大小嘅聚會。

唔知大家有冇試過打邊爐同埋點心Crossover呢。今次嚟到荃灣呢一間試吓呢一種放題，平時我都好鍾意食點心，點心任食真係超值啦。佢晚市放題都係做緊$188超級抵，平時就咁打邊爐都已經唔止呢個價錢啦，雖然款式唔算話好多，但係每一樣都算係幾好味。今次就食左椰子燉雞湯火鍋湯底,佢入面仲有成個雞腿添，真係真材實料啊，一開始飲咗一啖湯，都真係好甜。佢哋嘅牛肉都係有質素嘅手切肥牛，好香牛肉味。點心方面我就幾鍾意食燒賣，食得出係好新鮮，入面嘅鮮蝦都係好彈牙。成班朋友一齊喺度聚會一晚真係好一個唔錯嘅選擇。

我最鍾意一班人打邊爐，可以傾下計，又可以想食咩就食咩，唔怕唔啱胃口，見天氣涼返啲，，呢間喺荃灣嘅常滿百家菜，晚市點心再加火鍋放題都係$188，咁抵食，即刻約班朋友仔去啦😂😂😂我地叫左個💕椰子燉雞湯鍋底，椰子味好香，味道鮮甜，湯入面仲有隻雞脾，好豐富🙆🏻‍♀️💕肥牛牛味好出，滑牛好軟腍，味道唔錯，💕一級牛雙併係牛𦟌拼牛脷，好爽口，💕手打墨魚丸夠晒彈牙💕豚肉片💕烏冬係稻庭烏冬，好彈牙，加埋椰子燉雞湯晒湯底好入味，好好食🙆🏻‍♀️自助區有火鍋配料，仲有飲品，都係任食任飲，有我最愛食嘅牛栢葉、水魷、丸類，菜等等，新鮮菜，款式都好多😍牛栢葉好大塊，食得好過癮😂最特別之處係有點心可以叫，我哋叫咗鮮蝦燒賣皇，薑蔥牛栢葉，牛栢葉好入味，雜菌蒸滑雞，滑雞肉質嫩滑，熱辣辣好惹味🙆🏻‍♀️🙆🏻‍♀️

我都好鍾意食中式嘢，特別係勁鍾意食點心，冇諗過竟然有個地方係可以打邊爐同埋食點心一齊進行🤩💕而且個價錢好鬼抵，晚市點心+火鍋放題其實都係收$188🤩我哋就叫咗個椰子燉雞湯火鍋湯底, 唔好以為佢收到咁平啲咩料都冇，其實入面都有唔少椰子同埋有雞㗎🤣👍打邊爐之前飲咗幾啖湯，都覺得佢好清甜🔥👐火鍋配料，我哋都叫咗唔少嘢：🔻肥牛🔻手打墨魚丸🔻豚肉片🔻讚岐烏冬🔻唔同類型嘅蔬菜點心方面：🔻燒賣王🔻薑蔥牛柏葉🔻雜菌蒸滑唔好睇小佢呢度喺茶樓度食，但係其實佢食物質素都好好㗎，就好似肥牛都好冧，好重牛味✨手打墨魚丸都好彈牙，豚肉片都唔錯。點心方面我就一定最鍾意食佢嘅燒賣王，大大粒燒賣，超級滿足💓一次過滿足曬兩個願望🥰😘又可以打邊爐又可以食點心😊

同佢講個雞煲啲雞熟過龍，佢同你講唔好開咁大火 我即刻夾哂啲雞出黎唔食。 完全唔會理你感受😓😓😔😔😔😔😔😔😔😔😔😔😔😒😒😒😒😒😒😒😒

點解樣樣都咁大粒嘅👀！仲要咁好食添😋😋😋我們今日去了荃灣大鴻輝的常滿百家菜吃點心下午茶，我們點了蝦餃、燒賣、鳳爪、芋頭糕、叉燒包和小籠包，一共六碟。有驚喜！有驚喜！一龍四粒的蝦餃、燒賣，粒粒都大大粒，顏色又靚，咬落去啖啖都是蝦，正啊！👍🏻我本來就很喜歡吃蝦餃、燒賣和鳳爪，這裏的特別好吃！ 就連我平時不太喜歡吃的芋頭糕，這裏都確實好吃🤤。常滿百家菜還有午市$148任食點心+火鍋，和晚市188任食點心+火鍋！

環境污糟又邋遢有嘢咬，食物又唔好食，叫啲食物送來又唔齊，虾每人一隻再叫都無，人手不夠無人理會兼無禮貌，長者要有實體咭才可減$20，10個人每人要$216，千祈唔好幫襯。

早幾日天氣突然間涼返少少，即刻約埋朋友去打邊爐😍好耐未去過呢類酒樓打邊爐，估唔到價錢幾抵食，晚市點心+火鍋放題都係$188😳·我地叫左個椰子燉雞湯鍋底，聞落超香椰子味，仲有隻雞脾係入面，打邊爐前先飲啖湯，味道幾鮮甜🤤·火鍋配料：肥牛質素唔錯，滑牛都好軟腍，幾好食一級牛雙併係牛𦟌拼牛脷，再大塊少少就正脆肉鯇好新鮮，啖啖肉，唔算太多骨手打墨魚丸肉質爽口彈牙豚肉片都幾好食，唔會切得太薄稻庭烏冬：估唔到呢度會有😍😍烏冬好彈牙，索晒湯底，好入味·另外自助區仲有其他火鍋配料都係任食，有丸類、牛栢葉、水魷、菜等等，菜都夠新鮮，食落好爽脆😆·點心：鮮蝦燒賣皇，係傳統酒樓嘅燒賣，好耐無飲茶，食返一盅兩件就好開心😚熱辣辣好好食薑蔥牛栢葉：牛栢葉好入味，唔會好韌雜菌蒸滑雞：滑雞大大件，肉質嫩滑·飲品方面都有好多選擇，連玻璃樽維他奶都有😍😍太耐無飲，一定要飲返幾枝😆

人生第一次食點心火鍋放題，起初只係得屋企人在某日因為唔知食咩好，就上左黎呢度食野，價錢完全係抗通脹，屋企人食完後都係好評不絕，之後我再同其他屋企人再去多次呢度食飯，只能用簡單既形容……..CP值極高……平日晚市都係188+10%，仲要有埋打邊爐同埋「無時間限制」，寫幾多數量都係比足，由頭轉到尾轉都係比足，除左讚之外….真係無咩唔好既地方，點心又多選擇、又好味，火鍋配料有分自取、單點同有加錢買既都有….而自取既火鍋配料….眼見會有廚房師父時不時睇下要唔要補充番材料，非常有心，餐廳既樓面員工都非常好客，雖然眼見員工唔多，但好勤力既幫大家收番用完既碟同蒸籠，十分敬佩，真希望會再有下次既光臨。

3人同行長輩價$128成人價$148仲坐足5小時打邊爐+點心+任飲呢個價錢絕對親民價，點心製作質素💯🥟蝦餃、燒賣、牛肉球、小籠包、蒜蓉蒸翠玉瓜、薑蔥牛柏葉（點心一啲都唔輸蝕比其他酒樓）大大件，即叫即蒸熱辣辣♨️揀咗個可以揀鴛鴦鍋鹹菜豬肚/芫荽皮蛋🥓🦐🦑🐬🐟優質火鍋材料花枝片、虾，手工丸，靚肥牛，鮮魚片等…多羅羅🌽🥬🥒🥦🥔配料多達三幾樣丸類、🍄菌類、蔬菜🥬、響鈴⋯⋯🥤任飲除咗康師傅飲品之外，仲有維他奶

今日去到荃灣嘅常門百家菜，呢度有唔同嘅鍋底，包括香辣雞煲、香辣魚鍋、鮮茄薯仔排骨鍋，我就試咗香茜皮蛋鍋和火鍋點心餐，真係感覺好滿足啊！火鍋湯底好鮮味，味道好濃郁，而且配料非常豐富。除咗呢啲主要配料，仲有啲菌菇、豆腐同埋豆皮等等，令味道更加豐富。皮蛋的味道很有特色，而且搭配上香茜更是一流，配料都好豐富。火鍋點心套餐有好多不同的點心，包括薑蔥牛柏葉、蒜香蒸排骨、椰香蒸饅頭和常滿蝦餃王。最正係薑蔥牛柏葉，口感好，而且牛肉很嫩，口感勁好。蒜香蒸排骨也很好吃，排骨非常入味，而且肉質非常嫩滑。椰香蒸饅頭和常滿蝦餃王味道都唔錯，饅頭鬆軟好彈牙，蝦餃王味道鮮美，蝦肉香滑。總括而言，我對常門百家菜嘅食物印象非常好。佢哋嘅食材新鮮，味道出色，加上一流嘅服務，真係一個非常好嘅餐廳。如果你未試過，記得要去一試啊！常滿百家菜 (荃灣)荃灣眾安街55號大鴻輝(荃灣)中心12樓

這茶樓要自己找位，早市大中小點計小點，但小點已$24.X，另有孖寶和盅飯。碗碟換了戰鬥公雞碗，最抵點心係細拼盤，有蝦餃，粉果，叉燒包和千層姜汁糕，較粗但大大件。鳳爪排骨飯份量細左。孖寶銀針粉搭兩條牛肉和蝦腸粉。人客多了但人手仍只有兩個侍應

奉觀各位不要被廣告吸引，垃圾到一個點。環境惡劣，入到門口等位已有陣臭味。服務超差，態度惡劣。食物已點到上枱大概1小時(不是任點任食)，全場很多食客投訴食物等得太久，反被服務員鬧。